Ribilisan 19
19
1Adika usnit kat, kisang yakat muih mahni parasni aput yuyulwakat dakanayang dai:
“¡Dawan ayangni nuhni yamna karang!
Laihwi yaknin lani, alasna yaksihnidawak parasni
kidika balna laih Papang dini balna,
2kat witing laih barangni
dawak rahm lani karuk la yamwi;
bahang la munah kalduwas atnin laninuhni kidika pāt yakat āna
witing la munah kalduwas kidika lanikarak sau yakat kaldaukalna;
kidika yakat biriwi kalyamna
Papang dini yamyang balna dadauna kidika.”#Dt 32:43; 2 Re 9:7.
3Usnit kat watwi yuyulna dai:
“¡Dawan ayangni nuhni yamna karang!
Kidika wayauni kilwa kidika laihwatwas karang ki.”#Is 34:10.
4Dawak muihbararak balna 24 dawak di sangninaka duduwa balna kidika laih sau yakat bukwi Papang yakat ayangni tanit nuhni yayamna dai, trun yakat yalahna sakdai kidika. Dawak aput yuyulwa dai: “¡Kaput karang! ¡Dawan ayangni nuhni yamna karang!” 5Trun kaupak yulni as aput yulwa dai:
“¡Mapapangki yakat ayangnitanit nuhni yamtanauh
manna bitik, walabis dawakmuihbararak kauna,
manna bitik witing dini yamtamanakidika
dawak rispik kalyamtamana kidika!”#Sal 115:13.
Sīp marid kalahna kasnin alasnina balna
6Muih mahni dinitna kapat, kitang parasni#Ez 1:24. yulwa kapat dawak alwana parasni ruhmwa kapat bik dakanayang dai. Aput yulwa dai:
“¡Dawan ayangni nuhni yamna karang!
Kat Dawan laih king kana kidika yulni,
Mapapangki parasni bitik duwa kidika.#Sal 93:1; 97:1; 99:1.
7Alasna malahwangh,
alasna dudi alasna yaksihni kalyamdanang,
kat mani kidika kiwi kana bahang
sīp marid kalahna kasnin alasnina kidika.
Maridni yal#Ef 5:23-32. kidika laihridi kalahna ki:
8prakni kanin kaldana ki
linin asnina yamni, maisihni disdawak bik yaringni kat,#Rib 7:14.
kat kidika linin asnina kidika laih
di balna yamwa kidika barangni ki
Papang tawanni muihni balna kidika.”
9Insal kidika yaklau aput yayulna: “Ultah: ‘Alasna ki sīp marid kalahna#Mt 22:2-3. kasnin alasnina akat diyulwakat aina muihni balna kidika.’ ” Dawak baisa minit lakwi aput yulna: “Adika yulni balna kuduh Papang yulni rahm balna kidika.”
10Insal kalni balna yakat limbabahnayang dai, ayangni tanit nuhni yamna atnik, kaunah witing yaklau aput yayulna dai: “Kidika yamwinih, bahang yang laih Papang dini yamyang yang, man dawak wanaihma balna bik Jisas yulni balna yakat barangni usnit uitamana kapat. Papang yakat ayangni tanit nuhni yamtanauh.”
Bahang Jisas yulni balna kidika kuduh prapit balna yuyulwa kidika.
Aras pihni kilyang muihni kidika
11Kisang kidika apahna sakkat talnayang dai;#Ez 1:1. dawak aras pihni as kalahna, dawak kilna sakkidika ayangni laih Barangni dawak Rahm dai, kat barangni karuk king kāwadai#Sal 96:13; Is 11:4. dawak bik war yamwadai bahang. 12Minikpa balna kidika laih kuhpau#Dn 10:6. kapat yaringni dadahlwadai, tunani yakat kraun mahni duwadai dawak ayangni as ulna duwadai kidika laih witing manah amanglawadai. 13Prakni kidika laih ā pauni kahwi yamna kat kana likdai, dawak ayangni laih aput dai: Papang yulni kidika.#Jn 1:1,14. 14Kisang kaupak kalbauyang balna kidika laih, linin asnina prakni yamni, pihni dawak maisihni dis kat kawi aras pipihni kau kilwi uhuiwadai. 15Tininapas kaupak isparah baini as kalahwadai, kidika karak nisan balna yakat didakna atnin. Ayan tulninah karak king kana karang.#Sal 2:9. La yamna karang sihm muih as wain tiriswi kalni karak atakwa kapat, dawak wain kidika kalawakat dina karang Papang parasni bitik duwa kulnin daukalna kaupak wah kaiwa kidika.#Is 63:3; Lm 1:15; Jl 3:13; Rib 14:20. 16Kalmukwa dini yakat dawak barahnimak yakat bik adika yulni ulna duwadai: “King balna Kingnina dawak dawan balna Daninawan.”#Dt 10:17; Rib 17:14.
17Dawak insal as ma yakat yaklauna sakkat talnayang dai, di lawani balna bitik yakat parasni sarahwi aput diyulna dai: “¡Aiwa kaluduhtanauh masan Papang kasnin dini nuhni yakat, 18king balna, kalbauyang balna taninatuna balna dawak muih ahal kulninna dadasni, aras, aras kilyang balna, dawak di muihni satni bitik kasna atnamna yulni: pri dawak warau muihni balna, walabis dawak muihbararak balna muihnina bik!”#Ez 39:17-20.
19Di dutni wayakani dawak sau kingni balna kalbauyang duduwa kidika bik talnayang dai, kidika balna laih kalududuhna dai aras kau kilna sakkidika dawak kalbauyang muihni balna duwa kidika niningna yakat bik kalbauna atnin yulni. 20Di dutni wayakani kidika laih lalaihna dai, prapit dauh as witing muhnit yakat sain taldas balna yamna dai kidika karak. Kidika sainni balna munah, prapit dauh kidika laih alas diyulna dai di dutni wayakani sainni duduna dai kidika dawak wayani yakat ayangni tanit nuhni yayamwadai kidika balna yakat bik.#Rib 13:1-18. Bahang di dutni wayakani dawak prapit dauh kidika bik sangka ruhmana dai kuhpau lakunni sulhpa daihni kidika yakat. 21Dawak ūk balna kidika laih bitik dadauna dai aras kau kilna sakkidika tinpas kaupak isparah kalahwadai kidika karak, dawak di lawani balna yaklau kakasna dai witingna muihnina kidika.
Currently Selected:
Ribilisan 19: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Ribilisan 19
19
1Adika usnit kat, kisang yakat muih mahni parasni aput yuyulwakat dakanayang dai:
“¡Dawan ayangni nuhni yamna karang!
Laihwi yaknin lani, alasna yaksihnidawak parasni
kidika balna laih Papang dini balna,
2kat witing laih barangni
dawak rahm lani karuk la yamwi;
bahang la munah kalduwas atnin laninuhni kidika pāt yakat āna
witing la munah kalduwas kidika lanikarak sau yakat kaldaukalna;
kidika yakat biriwi kalyamna
Papang dini yamyang balna dadauna kidika.”#Dt 32:43; 2 Re 9:7.
3Usnit kat watwi yuyulna dai:
“¡Dawan ayangni nuhni yamna karang!
Kidika wayauni kilwa kidika laihwatwas karang ki.”#Is 34:10.
4Dawak muihbararak balna 24 dawak di sangninaka duduwa balna kidika laih sau yakat bukwi Papang yakat ayangni tanit nuhni yayamna dai, trun yakat yalahna sakdai kidika. Dawak aput yuyulwa dai: “¡Kaput karang! ¡Dawan ayangni nuhni yamna karang!” 5Trun kaupak yulni as aput yulwa dai:
“¡Mapapangki yakat ayangnitanit nuhni yamtanauh
manna bitik, walabis dawakmuihbararak kauna,
manna bitik witing dini yamtamanakidika
dawak rispik kalyamtamana kidika!”#Sal 115:13.
Sīp marid kalahna kasnin alasnina balna
6Muih mahni dinitna kapat, kitang parasni#Ez 1:24. yulwa kapat dawak alwana parasni ruhmwa kapat bik dakanayang dai. Aput yulwa dai:
“¡Dawan ayangni nuhni yamna karang!
Kat Dawan laih king kana kidika yulni,
Mapapangki parasni bitik duwa kidika.#Sal 93:1; 97:1; 99:1.
7Alasna malahwangh,
alasna dudi alasna yaksihni kalyamdanang,
kat mani kidika kiwi kana bahang
sīp marid kalahna kasnin alasnina kidika.
Maridni yal#Ef 5:23-32. kidika laihridi kalahna ki:
8prakni kanin kaldana ki
linin asnina yamni, maisihni disdawak bik yaringni kat,#Rib 7:14.
kat kidika linin asnina kidika laih
di balna yamwa kidika barangni ki
Papang tawanni muihni balna kidika.”
9Insal kidika yaklau aput yayulna: “Ultah: ‘Alasna ki sīp marid kalahna#Mt 22:2-3. kasnin alasnina akat diyulwakat aina muihni balna kidika.’ ” Dawak baisa minit lakwi aput yulna: “Adika yulni balna kuduh Papang yulni rahm balna kidika.”
10Insal kalni balna yakat limbabahnayang dai, ayangni tanit nuhni yamna atnik, kaunah witing yaklau aput yayulna dai: “Kidika yamwinih, bahang yang laih Papang dini yamyang yang, man dawak wanaihma balna bik Jisas yulni balna yakat barangni usnit uitamana kapat. Papang yakat ayangni tanit nuhni yamtanauh.”
Bahang Jisas yulni balna kidika kuduh prapit balna yuyulwa kidika.
Aras pihni kilyang muihni kidika
11Kisang kidika apahna sakkat talnayang dai;#Ez 1:1. dawak aras pihni as kalahna, dawak kilna sakkidika ayangni laih Barangni dawak Rahm dai, kat barangni karuk king kāwadai#Sal 96:13; Is 11:4. dawak bik war yamwadai bahang. 12Minikpa balna kidika laih kuhpau#Dn 10:6. kapat yaringni dadahlwadai, tunani yakat kraun mahni duwadai dawak ayangni as ulna duwadai kidika laih witing manah amanglawadai. 13Prakni kidika laih ā pauni kahwi yamna kat kana likdai, dawak ayangni laih aput dai: Papang yulni kidika.#Jn 1:1,14. 14Kisang kaupak kalbauyang balna kidika laih, linin asnina prakni yamni, pihni dawak maisihni dis kat kawi aras pipihni kau kilwi uhuiwadai. 15Tininapas kaupak isparah baini as kalahwadai, kidika karak nisan balna yakat didakna atnin. Ayan tulninah karak king kana karang.#Sal 2:9. La yamna karang sihm muih as wain tiriswi kalni karak atakwa kapat, dawak wain kidika kalawakat dina karang Papang parasni bitik duwa kulnin daukalna kaupak wah kaiwa kidika.#Is 63:3; Lm 1:15; Jl 3:13; Rib 14:20. 16Kalmukwa dini yakat dawak barahnimak yakat bik adika yulni ulna duwadai: “King balna Kingnina dawak dawan balna Daninawan.”#Dt 10:17; Rib 17:14.
17Dawak insal as ma yakat yaklauna sakkat talnayang dai, di lawani balna bitik yakat parasni sarahwi aput diyulna dai: “¡Aiwa kaluduhtanauh masan Papang kasnin dini nuhni yakat, 18king balna, kalbauyang balna taninatuna balna dawak muih ahal kulninna dadasni, aras, aras kilyang balna, dawak di muihni satni bitik kasna atnamna yulni: pri dawak warau muihni balna, walabis dawak muihbararak balna muihnina bik!”#Ez 39:17-20.
19Di dutni wayakani dawak sau kingni balna kalbauyang duduwa kidika bik talnayang dai, kidika balna laih kalududuhna dai aras kau kilna sakkidika dawak kalbauyang muihni balna duwa kidika niningna yakat bik kalbauna atnin yulni. 20Di dutni wayakani kidika laih lalaihna dai, prapit dauh as witing muhnit yakat sain taldas balna yamna dai kidika karak. Kidika sainni balna munah, prapit dauh kidika laih alas diyulna dai di dutni wayakani sainni duduna dai kidika dawak wayani yakat ayangni tanit nuhni yayamwadai kidika balna yakat bik.#Rib 13:1-18. Bahang di dutni wayakani dawak prapit dauh kidika bik sangka ruhmana dai kuhpau lakunni sulhpa daihni kidika yakat. 21Dawak ūk balna kidika laih bitik dadauna dai aras kau kilna sakkidika tinpas kaupak isparah kalahwadai kidika karak, dawak di lawani balna yaklau kakasna dai witingna muihnina kidika.
Biblia Sumo
Texto © Sociedad Bíblica de Nicaragua 1998