Ribilisan 13
13
Di dudutni wayakani bu kidika
1Kuma kaupak di dutni wayakani#Dn 7:3. as kilwakat talnayang dai kidika laih tunani tiaskaubu dawak tamni balna salap duwadai. Tamni balna kat kat kidika kraun as as duduwadai, dawak tunani balna yakat ayangni duwadai Papang niningyakat dutni yulna yulni balna.#Rib 17:3,7-12. 2Adika di dutni wayakani talnayang kidika, sihm nawah bulni kapat dai; dawak kalni balna kidika laih sihm kauhmak wanilang nawahni kalni kapat dai, dawak tinpas kidika laih sihm layan tinpas kapat dai.#Dn 7:4-6. Waula kidika yaklau parasni dawak tronni bik kalana, dawak lani parasni bik mahni kalana dai. 3Di dutni wayakani tunan balna as kidika laih di kaldakna kapat duwadai; kaunah kaldakna kidika laih yamlana dai, dawak sau muihni balna kidika laih amanglawas dawi di dutni wayakani yakat usnit uhuina dai. 4Waula yakat ayangni tanit nuhni yayamna dai kat di dutni wayakani yakat lani parasni kalana dai kidika yulni, dawak di dutni wayakani yakat bik aput yulwinah ayangni tanit nuhni yayamna dai: “¿Wais sakyah adika di dutni wayakani apat, dawak wais sipkarangyah witing niningyakat kalbauna atnin?”
5Di dutni wayakani yakat di dudutni bik yulnin kaldana dai Papang niningyakat, dawak witing lani parasni bik duwa atnin waiku 42 pasyakat. 6Dawak kaput yamna dai; Papang niningyakat yulbauna dai,#Dn 7:8,25; 11:36. dawak witing pāni holi kidika yakat dawak kisang kau bangkidika niningna yakat bik dutni yulna dai. 7Papang tawanni muihni balna niningna yakat bik war yamnin kaldana dai, angkat mani minitna bayakwarang kat;#Dn 7:21. dawak lani parasni kalana dai muih satni balna, tawan, tuni sat sat yulyang balna dawak nisan balna bitik kidika minitna yakat. 8Kidika dini dutni wayakani yakat sau muihni balna bitik ayangni tanit nuhni yayamna karang witingna ayangnina laih ulwas ki, sau yamna mani kaupak, Sīp sakripais kalyamna kidika sangka#Sal 69:28; Rib 3:5. wauhnitaya yakat.
9Wais tapani sulihni duwakat, dakawang:
10“Silak yakat uinin muihni balnakidika laih,
silak yakat duwi uina karang;#13.10 Silak yakat duwi uina karang: tingkau ulna balna buas kidika laih aput yuyulwi: Silak yakat duwi uiwa balna kidika.,#Jr 15:2; 43:11.
dawak isparah baini karak dauninmuihni balna kidika laih,#13.10 Isparah baini karak daunin muihni balna kidika: tingkau ulna balna buas kidika laih aput yuyulwi: dawak isparah baini karak ihīwa balna yakat.
isparah baini karak ihina karang.”
Akat talwarang ki parasni kidika dawak Papang tawanni muihni balna rahm kulnin lani duduwa kidika bik.
11Usnit kat di dutni wayakani ūk talnayang dai, sau paskaupak kilwadai. Tamni bu duwadai sihm sīp tamni balna kapat, kaunah sihm waula kapat yulwadai. 12Dawak di dutni wayakani tatuna lani parasni balna dai kidika bitik duwadai, witing muhni yakat, kaldakna daunin kaupak yamni kalyamna dai kidika. 13Di taldas sainni nunuhni balna bik yamwadai. Kisang kaupak bik yamwakat sau yakat kuhpau bukwadai, muih balna muhnina yakat. 14Dawak di dutni wayakani tatuna muhni yakat sain balna yamwa munah, sau muihni balna yakat alas diyulna dai#Mt 24:24; 2 Ts 2:9-10. dawak diyulna dai uiwi di dutni wayakani isparah baini karak kaldakna kat dauwas sangka kidika wayani as yamna atninna. 15Dawak di dutni wayakani bu yakat parasni kalana dai di dutni wayakani tatuna dai kidika wayani yakat sangnika kalana atnin, kaput karak kidika wayani kidika yulbauna atnin dawak angdika muihni balna witing yakat ayangni tanit nuhni yayamwas karang kidika bik īna atnin. 16Baisa kidika minityakat, muih balna bitik yakat, walabis dawak muihbarak, di duyang dawak minikunni, pri muihni balna dawak warau balna, tingnina tingpal niningyakat dawak muhnina yakat bik sain ana dai. 17Dawak muih as bik di bakannin sipawas dai dawak bik wauhwi bakannin sipawas dai, sainni kidika kidik awaskat di dutni wayakani ayangni kidika diskat, kidik awaskat numniba kidika ayangni diskat.
18Akat talwarang ki sins lani kidika; angdika muihni amanglawakat, kulwi talwang di dutni wayakani numniba kidika, kidika laih muih numniba. Kidika numniba kuduh 666#13.18 666: tingkau ulna balna buas kidika laih aput yuyulwi: 616. kidika.
Currently Selected:
Ribilisan 13: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Ribilisan 13
13
Di dudutni wayakani bu kidika
1Kuma kaupak di dutni wayakani#Dn 7:3. as kilwakat talnayang dai kidika laih tunani tiaskaubu dawak tamni balna salap duwadai. Tamni balna kat kat kidika kraun as as duduwadai, dawak tunani balna yakat ayangni duwadai Papang niningyakat dutni yulna yulni balna.#Rib 17:3,7-12. 2Adika di dutni wayakani talnayang kidika, sihm nawah bulni kapat dai; dawak kalni balna kidika laih sihm kauhmak wanilang nawahni kalni kapat dai, dawak tinpas kidika laih sihm layan tinpas kapat dai.#Dn 7:4-6. Waula kidika yaklau parasni dawak tronni bik kalana, dawak lani parasni bik mahni kalana dai. 3Di dutni wayakani tunan balna as kidika laih di kaldakna kapat duwadai; kaunah kaldakna kidika laih yamlana dai, dawak sau muihni balna kidika laih amanglawas dawi di dutni wayakani yakat usnit uhuina dai. 4Waula yakat ayangni tanit nuhni yayamna dai kat di dutni wayakani yakat lani parasni kalana dai kidika yulni, dawak di dutni wayakani yakat bik aput yulwinah ayangni tanit nuhni yayamna dai: “¿Wais sakyah adika di dutni wayakani apat, dawak wais sipkarangyah witing niningyakat kalbauna atnin?”
5Di dutni wayakani yakat di dudutni bik yulnin kaldana dai Papang niningyakat, dawak witing lani parasni bik duwa atnin waiku 42 pasyakat. 6Dawak kaput yamna dai; Papang niningyakat yulbauna dai,#Dn 7:8,25; 11:36. dawak witing pāni holi kidika yakat dawak kisang kau bangkidika niningna yakat bik dutni yulna dai. 7Papang tawanni muihni balna niningna yakat bik war yamnin kaldana dai, angkat mani minitna bayakwarang kat;#Dn 7:21. dawak lani parasni kalana dai muih satni balna, tawan, tuni sat sat yulyang balna dawak nisan balna bitik kidika minitna yakat. 8Kidika dini dutni wayakani yakat sau muihni balna bitik ayangni tanit nuhni yayamna karang witingna ayangnina laih ulwas ki, sau yamna mani kaupak, Sīp sakripais kalyamna kidika sangka#Sal 69:28; Rib 3:5. wauhnitaya yakat.
9Wais tapani sulihni duwakat, dakawang:
10“Silak yakat uinin muihni balnakidika laih,
silak yakat duwi uina karang;#13.10 Silak yakat duwi uina karang: tingkau ulna balna buas kidika laih aput yuyulwi: Silak yakat duwi uiwa balna kidika.,#Jr 15:2; 43:11.
dawak isparah baini karak dauninmuihni balna kidika laih,#13.10 Isparah baini karak daunin muihni balna kidika: tingkau ulna balna buas kidika laih aput yuyulwi: dawak isparah baini karak ihīwa balna yakat.
isparah baini karak ihina karang.”
Akat talwarang ki parasni kidika dawak Papang tawanni muihni balna rahm kulnin lani duduwa kidika bik.
11Usnit kat di dutni wayakani ūk talnayang dai, sau paskaupak kilwadai. Tamni bu duwadai sihm sīp tamni balna kapat, kaunah sihm waula kapat yulwadai. 12Dawak di dutni wayakani tatuna lani parasni balna dai kidika bitik duwadai, witing muhni yakat, kaldakna daunin kaupak yamni kalyamna dai kidika. 13Di taldas sainni nunuhni balna bik yamwadai. Kisang kaupak bik yamwakat sau yakat kuhpau bukwadai, muih balna muhnina yakat. 14Dawak di dutni wayakani tatuna muhni yakat sain balna yamwa munah, sau muihni balna yakat alas diyulna dai#Mt 24:24; 2 Ts 2:9-10. dawak diyulna dai uiwi di dutni wayakani isparah baini karak kaldakna kat dauwas sangka kidika wayani as yamna atninna. 15Dawak di dutni wayakani bu yakat parasni kalana dai di dutni wayakani tatuna dai kidika wayani yakat sangnika kalana atnin, kaput karak kidika wayani kidika yulbauna atnin dawak angdika muihni balna witing yakat ayangni tanit nuhni yayamwas karang kidika bik īna atnin. 16Baisa kidika minityakat, muih balna bitik yakat, walabis dawak muihbarak, di duyang dawak minikunni, pri muihni balna dawak warau balna, tingnina tingpal niningyakat dawak muhnina yakat bik sain ana dai. 17Dawak muih as bik di bakannin sipawas dai dawak bik wauhwi bakannin sipawas dai, sainni kidika kidik awaskat di dutni wayakani ayangni kidika diskat, kidik awaskat numniba kidika ayangni diskat.
18Akat talwarang ki sins lani kidika; angdika muihni amanglawakat, kulwi talwang di dutni wayakani numniba kidika, kidika laih muih numniba. Kidika numniba kuduh 666#13.18 666: tingkau ulna balna buas kidika laih aput yuyulwi: 616. kidika.
Biblia Sumo
Texto © Sociedad Bíblica de Nicaragua 1998