Salmos 78
78
Papang warkni balna yamna kidika laih witing tawanni ilpni
Asaf yulni damni.
1Yang tawanki, yang sumaltayang balna kidika dakah;
¡yang mayultayang balna kidika yamni tapayuta dakah!
2Waradika laih kulwi talna sinsni lani karak yulmabauki;
di malnikau balnadai kidika yaktik yulna awaki
sara mani balnadai kidika kaupak.#Mt 13:35.
3Dakanamayang kidika dawak amanglana mayang kidika laih
mapapangki balna maiyuyulna,
4mayang mawalakibis balna yakat dimaldas karang.
Sulani balna matakit yakat kaiwarang kidika balna karak,
Dawan yakat ayangni nuhni yamdarang
witing parasni nuhni kidika dawak di taldas balna yamwa kidika yulni baudarang.
5Papang yaklauwi la as yamwi kalana dai Jacob yakat;
Israel witing amput lapaknin kidika lani kalana dai,
dawak yangna muihkinabararak balna yakat dipakna dai
sulanina balna kalahwi kaiwarang yakat sumalna atnin,
6kaput laih sulanina balna kalahwi kaiwarang kidika amanglana atnin yulni,
witingna walaninabis batanhdadawarang balna kidika,
dawak kidika balna walaninabis tilah kaiwarang kidika balna yakat sumalna atnin;#Dt 6:7.
7kaput laih Papang yakat kulninna āwi duna atnin
dawak dinitna kahnin-awas witing di yamna balnadai kidika;
kaput laih witing lani kat dakawi yamna atnin
8dawak witingna muihnina bararak balnadai kapat atnin-awas,
kulninna dutni dawak tapdadas
witingna piritnina dawak isningna kidika parasni-awas;
¡sulani balna barangni-awas Papang yakat!
9Efraín muihni balna kidika,
witingna kalbaunin dini sibang dawak las duwabangdai kidika,
kalbaunin mani kaiwak wiryaklawi dangsasana;
10Papang kau pramis yayamna dai kidika kat yayamwas dadana
sumalna balnadai kidika bik dakawas dadana.
11Dinitnakahna, witing di yamna balnadai kidika bik,
dawak di taldas dini yamwi niningnakānadai kidik bik.
12Witingna papangnina balna yakat
Papang yaklauwi di taldas dini kidika yamwi niningna kanadai
Egipto sauni kau, Zoán pāni yakat;#Ex 7:8-12:32.
13kuma kidika bu sahyaknadai,
dawak kidika yakut diawak dakyaklalanadai,
was kidika laihwatnadai, sihm daklana kapat.#Ex 14:21-22.
14Madah yakat laih mukus kau diawak taninatuna kiunadai;
dawak pukta yakat laih kuhpau kau diawak taninatuna kiunadai.#Ex 13:21-22.
15Kauhmak wanilang yakat kipala kidika bu sahyaknadai,
dawak was mahni palni laih diawak didinadai.
16¡Papang yaklauwi kalawak kipala kaupak was burhwi kalahna
dawak was parasni murnadai!#Ex 17:1-7; Nm 20:2-13.
17Kaunah witingna ban Papang niningyakat dutni yayamna dai;
dawak kauhmak wanilang yakat Papang niningkauh yaklalaunadai.
18Witingna trainitatalnadai,
di kasnin balna kidika manas dunin kukulna.
19Witing nining yakat yulwi yuyulna:
“¿Papang kidika sipkat patyang kauhmak wanilang pasyakat tibil kau dilakna atnin?
20Rahmki witing kipala kidika papustirhna;
dawak kidika kaupak was burhwi kalahwi was parasni murna,
dawak sau yakat bang-ilna;
kaunah, ¿sipyah di kasnin bik yūna atnin?
¿Witing tawanni yakat dimuihni bik kalanin sipyah?”
21Dawan adika yulni dakawi, kulnin daukalna;
¡kulnin daukalna kidika kuhpau as kapat
dalhna Jacob niningyakat!
22Papang yakat rahm kukulwas dadana bahang
ilp diawa kidika bik kukulwasdai.
23Kaput kaunah Papang yaklauwi mukus balna yakat paknadai
dawak makau kisang dūrni bik apahna dai;
24¡witing tawanni minit yakat kalawak mana kidika was kapat launadai,
makau kisang planiwar,#Jn 6:31. witingna kasna atnin yulni!
25¡Muih ahal balna kidika insal balna planinawar busna kakasna!
¡Papang yaklauwi mahni diawak kakasna!
26Ma kilwa kaupak wingni dawak wadah kaupak wingni kidika
makau kisang yakat wauhna dai;
¡Papang parasnikau duaina dai!
27Yamwakat dimuihni kidika waslauwa kapatdai witing tawanni minit yakat;
¡waslauwa kapatdai di lawāni balna kidika, sihm kuma kauhnimak kapat!
28Papang yaklauwi yamwak ū lababanni pasyakat buknadai,
witingna bangkidika yaihnit yakat.
29Witingna minitna bayak kakasnadai,
kaput Papang yaklauwi dukih diawa yakat dianadai.
30Kaunah witingna di kaskih diawa kidika diswas bandai,
kaput bahang witingna tininapas yakat di kakaswa kidika bunghdai,
31kaput bahang Papang kulnin daukalna kidika witingna minitnayakat buknadai
dawak muih ahal tanit pararasni kidika īna.
¡Yamwak dadauna israel ahalni yayamni balna kidika!#Ex 16:2-15; Nm 11:4-23,31-35.
32kaput kalahna dai karang bik, witingna watwi dutni yayamna;
dawak Papang, di tatalwas balna yamwa kidika yakat kukulwasdai.
33Kaput bahang Papang yaklauwi sangnika kidika dakna
yak-urupda as kapat
yamadangni bilnilauwa pasmunah.
34Papang yaklauwi di yamwak dadauwadai, kaput dawak laih kalwawalwadai;
witing yakat nawatwi aiwi kalwawalwadai yak-urupdas;
35Kaput dawak laih witingna isningna katwadai
bahang dilaihwi yakwi nanitna dakwadai.
36Kaunah witing tinpas dawak tūni kau
kalyulwadai alas nunuhni dawak yayamni as,
37Kaunah witingna alas yuyulwas#Ap.w 8:21. awasdai
witingna praninamis yakat bik barangni-awasdai.
38Kaunah Papang laih minikun talnin kidika duwadai,
dutnina kidika dawak diswadai, kaput laih īwasdai;
watmanas witing kulnin daukalna kidika yaihnit yakat lawadai
dawakat kulnin daukalna kidika yakat kalmurwasdai.
39Papang yaklauwi isningnapakna, witingna kidika laih muih dauhki;
witingna kidika laih wing bayakwi kiwa kapatki, dawak bik watwi nawatwi kaiwas kidika.
40¡Watyapak Papang yulni dakawas dadanayah
dawak Papang yakat dalani kalalanadaih kauhmak wanilang yakat!
41Kaunah watwi trainitatalnadai;
¡Israel Papangni kidika kulnin bukwadai!
42Kidika mani balnadai kidik isningna katwasdai
Papang witing parasni kau dilaihwi yaknadai kidika waihninala tingni kaupak;
43Egipto kau, Zoán pāni yakat,
di nuhni bik yamna dawak taldas dini bik;
44was kidik ā yamna dai kidika,
Egipto muihni balna sip didiwasdai kidika.#Ex 7:17-21.
45Witingna minitna yakat kalating#Ex 8:20-24. sihna dawak pikpik#Ex 8:1-6. balna bik
kidika balna yaklauwi di bitik kakasna dawak bik daukakalna;
46di minik balna kidika sisin balna yakat dianadai
witingna wark yayamna balnadai kidika.#Ex 10:12-15.
47Di minik balna dawak buiwi awakidika
yaklauwi aninina damni yanimak dawak wainnina yanimak balna bik daukalna.
48Tuninaruh balna dawak sīpnina balna bik dadauna,
di minik balna uhwa kidika dawak alwana bik yaklauwi īna.#Ex 9:22-25.
49Papang yaklauwi sihna witing kulnin daukalna parasni kidika:
kulnin daukalna, dutni yakat sihnin, dawak kulnin kaidinin bik,
di dis kalahwa kidika isningpakna atnin.
50¡Witing kulnin daukalna kidika uluhna!
Sangninaka ban diawasdana,
nawatkauh laih daunin yakat dituk-āna;
51¡diyamwak dadauna Egipto yakat
Egipto muihni balna walaninabis tatuna kidika kalawak bitik dadauna!#Ex 12:29.
52Israel kidika di tinglau kapat yakwi duwi kiuna;#Ex 13:17-22; Sal 77:20; Is 63:11-14.
witing tawanni kidika duwi kiuna kauhmak wanilang munah.
53Ta yamni yakat duwi kiuna
witingna yamaduduwas atnin yulni,
kaunah witingna waihninala balna laih kuma yaklauwi āmuknadai.#Ex 14:26-28.
54Papang yaklauwi witing tawanni kidika witing sauni holi yakat duainadai,#Ex 15:17; Jos 3:14-17.
¡asangpas as witing yaklauwi dakyakwi duna dai kidika yakat!
55Israel balna miniknapa kaupak yakmuknadai Papang karak kaltatalwas balna kidika;#Jos 11:16-23.
dawak sau kidika dakwi dianadai sulani balna bitik kau,
dawak witing yaklauwi diawak ūnina labanni yakat yalalahnadai.
56Kaunah witingna yaklauwi Papang makau sakkidika yakat traini tatalnadai
witing niningkauh yaklauwi#Jue 2:11-15.
witing lani balna kat yamwas dawi;
57dawak witingna laih sihm papangni balnadai kapat ki;
rumhwi dadana dawak bik barangni-awasdai;
¡kawaini sihm las kapat kakalnadai!
58Papang kau kaltatalwas muihni balna sakripais bubuswa pāni kidika yaklauwi kalyayamwak kulnin daukalnadai;
dawan dauh yakat minitna yuyulwa kidika yulni, minitna annadai.
59Papang, kidika talwi kulnin daukalna,
dawak israel kidika bitik laih rumhwidana,
60dawak Silo kau pāni holi dai kidika rumhwidana,
muih ahal pasyakat witing ūni duwadai kidika.#Jos 18:1; Jr 7:12-14; 26:6.
61Dawakat waihnila balna kidika lalaihnadai
witingna alasnina yaksihni dawak parasnina sainnidai kidikabik.#1 Sam 4:4-22.
62Witing tawanni niningyakat kasak kulnin daukalnadai
bahang waihla balna isninaparah yakat dianadai.
63Wawahninama balna kidika dibuswak dadaunadai;
¡sirau al duwada kidika yakat unbaunin disdai!
64Sumalyang balna kidika isparah kau dadaunadai,
dawak tingninamak balna kidika bik kakaidasdai.
65Kaunah, Dawan sahmuhnadai, kamatuskauna yaklauwa kapat,
kalbauyang muihni wain wanisak kaupak kalbauwilawa kapat,
66dawak waihnila balna yakat minitna bayakwi diyamwak kikirana dai;
¡asalnina manah ditaihnadai ban kaput atnin!
67José ūni yakat bik rumhwi danadai,
dawak Efraín sulani balna bik duwas danadai;
68kaput kauna Judá sulani balna kidika duna dai
dawak witing asangni dalani talwa Sayan kidika bik.
69Holi pāni as yamna dai maluihni sihm makau kisang kapat,
dawak pāni yamni kalana dai sihm sau āwi danakapat.
70Witing dini yamyang Devid kidika yakwi duna,
sīp maintalyang muihnidai kidika;
71tinglau balna dangnitna yakat lik-awadai kidika kaupak yaknadai,
witing tawanni kidika maintalna atnin yulni.#1 Sam 16:11-12; 2 Sam 7:8; 1 Cr 17:7.
72Dawak kaput laih Devid kidika Papang tawanni maintalnadai;
maintalwi tatuna kawi duwi kiunadai,
witing tingni sirihni dawak kulnin yamni alas yulwas lani karak.
Currently Selected:
Salmos 78: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Salmos 78
78
Papang warkni balna yamna kidika laih witing tawanni ilpni
Asaf yulni damni.
1Yang tawanki, yang sumaltayang balna kidika dakah;
¡yang mayultayang balna kidika yamni tapayuta dakah!
2Waradika laih kulwi talna sinsni lani karak yulmabauki;
di malnikau balnadai kidika yaktik yulna awaki
sara mani balnadai kidika kaupak.#Mt 13:35.
3Dakanamayang kidika dawak amanglana mayang kidika laih
mapapangki balna maiyuyulna,
4mayang mawalakibis balna yakat dimaldas karang.
Sulani balna matakit yakat kaiwarang kidika balna karak,
Dawan yakat ayangni nuhni yamdarang
witing parasni nuhni kidika dawak di taldas balna yamwa kidika yulni baudarang.
5Papang yaklauwi la as yamwi kalana dai Jacob yakat;
Israel witing amput lapaknin kidika lani kalana dai,
dawak yangna muihkinabararak balna yakat dipakna dai
sulanina balna kalahwi kaiwarang yakat sumalna atnin,
6kaput laih sulanina balna kalahwi kaiwarang kidika amanglana atnin yulni,
witingna walaninabis batanhdadawarang balna kidika,
dawak kidika balna walaninabis tilah kaiwarang kidika balna yakat sumalna atnin;#Dt 6:7.
7kaput laih Papang yakat kulninna āwi duna atnin
dawak dinitna kahnin-awas witing di yamna balnadai kidika;
kaput laih witing lani kat dakawi yamna atnin
8dawak witingna muihnina bararak balnadai kapat atnin-awas,
kulninna dutni dawak tapdadas
witingna piritnina dawak isningna kidika parasni-awas;
¡sulani balna barangni-awas Papang yakat!
9Efraín muihni balna kidika,
witingna kalbaunin dini sibang dawak las duwabangdai kidika,
kalbaunin mani kaiwak wiryaklawi dangsasana;
10Papang kau pramis yayamna dai kidika kat yayamwas dadana
sumalna balnadai kidika bik dakawas dadana.
11Dinitnakahna, witing di yamna balnadai kidika bik,
dawak di taldas dini yamwi niningnakānadai kidik bik.
12Witingna papangnina balna yakat
Papang yaklauwi di taldas dini kidika yamwi niningna kanadai
Egipto sauni kau, Zoán pāni yakat;#Ex 7:8-12:32.
13kuma kidika bu sahyaknadai,
dawak kidika yakut diawak dakyaklalanadai,
was kidika laihwatnadai, sihm daklana kapat.#Ex 14:21-22.
14Madah yakat laih mukus kau diawak taninatuna kiunadai;
dawak pukta yakat laih kuhpau kau diawak taninatuna kiunadai.#Ex 13:21-22.
15Kauhmak wanilang yakat kipala kidika bu sahyaknadai,
dawak was mahni palni laih diawak didinadai.
16¡Papang yaklauwi kalawak kipala kaupak was burhwi kalahna
dawak was parasni murnadai!#Ex 17:1-7; Nm 20:2-13.
17Kaunah witingna ban Papang niningyakat dutni yayamna dai;
dawak kauhmak wanilang yakat Papang niningkauh yaklalaunadai.
18Witingna trainitatalnadai,
di kasnin balna kidika manas dunin kukulna.
19Witing nining yakat yulwi yuyulna:
“¿Papang kidika sipkat patyang kauhmak wanilang pasyakat tibil kau dilakna atnin?
20Rahmki witing kipala kidika papustirhna;
dawak kidika kaupak was burhwi kalahwi was parasni murna,
dawak sau yakat bang-ilna;
kaunah, ¿sipyah di kasnin bik yūna atnin?
¿Witing tawanni yakat dimuihni bik kalanin sipyah?”
21Dawan adika yulni dakawi, kulnin daukalna;
¡kulnin daukalna kidika kuhpau as kapat
dalhna Jacob niningyakat!
22Papang yakat rahm kukulwas dadana bahang
ilp diawa kidika bik kukulwasdai.
23Kaput kaunah Papang yaklauwi mukus balna yakat paknadai
dawak makau kisang dūrni bik apahna dai;
24¡witing tawanni minit yakat kalawak mana kidika was kapat launadai,
makau kisang planiwar,#Jn 6:31. witingna kasna atnin yulni!
25¡Muih ahal balna kidika insal balna planinawar busna kakasna!
¡Papang yaklauwi mahni diawak kakasna!
26Ma kilwa kaupak wingni dawak wadah kaupak wingni kidika
makau kisang yakat wauhna dai;
¡Papang parasnikau duaina dai!
27Yamwakat dimuihni kidika waslauwa kapatdai witing tawanni minit yakat;
¡waslauwa kapatdai di lawāni balna kidika, sihm kuma kauhnimak kapat!
28Papang yaklauwi yamwak ū lababanni pasyakat buknadai,
witingna bangkidika yaihnit yakat.
29Witingna minitna bayak kakasnadai,
kaput Papang yaklauwi dukih diawa yakat dianadai.
30Kaunah witingna di kaskih diawa kidika diswas bandai,
kaput bahang witingna tininapas yakat di kakaswa kidika bunghdai,
31kaput bahang Papang kulnin daukalna kidika witingna minitnayakat buknadai
dawak muih ahal tanit pararasni kidika īna.
¡Yamwak dadauna israel ahalni yayamni balna kidika!#Ex 16:2-15; Nm 11:4-23,31-35.
32kaput kalahna dai karang bik, witingna watwi dutni yayamna;
dawak Papang, di tatalwas balna yamwa kidika yakat kukulwasdai.
33Kaput bahang Papang yaklauwi sangnika kidika dakna
yak-urupda as kapat
yamadangni bilnilauwa pasmunah.
34Papang yaklauwi di yamwak dadauwadai, kaput dawak laih kalwawalwadai;
witing yakat nawatwi aiwi kalwawalwadai yak-urupdas;
35Kaput dawak laih witingna isningna katwadai
bahang dilaihwi yakwi nanitna dakwadai.
36Kaunah witing tinpas dawak tūni kau
kalyulwadai alas nunuhni dawak yayamni as,
37Kaunah witingna alas yuyulwas#Ap.w 8:21. awasdai
witingna praninamis yakat bik barangni-awasdai.
38Kaunah Papang laih minikun talnin kidika duwadai,
dutnina kidika dawak diswadai, kaput laih īwasdai;
watmanas witing kulnin daukalna kidika yaihnit yakat lawadai
dawakat kulnin daukalna kidika yakat kalmurwasdai.
39Papang yaklauwi isningnapakna, witingna kidika laih muih dauhki;
witingna kidika laih wing bayakwi kiwa kapatki, dawak bik watwi nawatwi kaiwas kidika.
40¡Watyapak Papang yulni dakawas dadanayah
dawak Papang yakat dalani kalalanadaih kauhmak wanilang yakat!
41Kaunah watwi trainitatalnadai;
¡Israel Papangni kidika kulnin bukwadai!
42Kidika mani balnadai kidik isningna katwasdai
Papang witing parasni kau dilaihwi yaknadai kidika waihninala tingni kaupak;
43Egipto kau, Zoán pāni yakat,
di nuhni bik yamna dawak taldas dini bik;
44was kidik ā yamna dai kidika,
Egipto muihni balna sip didiwasdai kidika.#Ex 7:17-21.
45Witingna minitna yakat kalating#Ex 8:20-24. sihna dawak pikpik#Ex 8:1-6. balna bik
kidika balna yaklauwi di bitik kakasna dawak bik daukakalna;
46di minik balna kidika sisin balna yakat dianadai
witingna wark yayamna balnadai kidika.#Ex 10:12-15.
47Di minik balna dawak buiwi awakidika
yaklauwi aninina damni yanimak dawak wainnina yanimak balna bik daukalna.
48Tuninaruh balna dawak sīpnina balna bik dadauna,
di minik balna uhwa kidika dawak alwana bik yaklauwi īna.#Ex 9:22-25.
49Papang yaklauwi sihna witing kulnin daukalna parasni kidika:
kulnin daukalna, dutni yakat sihnin, dawak kulnin kaidinin bik,
di dis kalahwa kidika isningpakna atnin.
50¡Witing kulnin daukalna kidika uluhna!
Sangninaka ban diawasdana,
nawatkauh laih daunin yakat dituk-āna;
51¡diyamwak dadauna Egipto yakat
Egipto muihni balna walaninabis tatuna kidika kalawak bitik dadauna!#Ex 12:29.
52Israel kidika di tinglau kapat yakwi duwi kiuna;#Ex 13:17-22; Sal 77:20; Is 63:11-14.
witing tawanni kidika duwi kiuna kauhmak wanilang munah.
53Ta yamni yakat duwi kiuna
witingna yamaduduwas atnin yulni,
kaunah witingna waihninala balna laih kuma yaklauwi āmuknadai.#Ex 14:26-28.
54Papang yaklauwi witing tawanni kidika witing sauni holi yakat duainadai,#Ex 15:17; Jos 3:14-17.
¡asangpas as witing yaklauwi dakyakwi duna dai kidika yakat!
55Israel balna miniknapa kaupak yakmuknadai Papang karak kaltatalwas balna kidika;#Jos 11:16-23.
dawak sau kidika dakwi dianadai sulani balna bitik kau,
dawak witing yaklauwi diawak ūnina labanni yakat yalalahnadai.
56Kaunah witingna yaklauwi Papang makau sakkidika yakat traini tatalnadai
witing niningkauh yaklauwi#Jue 2:11-15.
witing lani balna kat yamwas dawi;
57dawak witingna laih sihm papangni balnadai kapat ki;
rumhwi dadana dawak bik barangni-awasdai;
¡kawaini sihm las kapat kakalnadai!
58Papang kau kaltatalwas muihni balna sakripais bubuswa pāni kidika yaklauwi kalyayamwak kulnin daukalnadai;
dawan dauh yakat minitna yuyulwa kidika yulni, minitna annadai.
59Papang, kidika talwi kulnin daukalna,
dawak israel kidika bitik laih rumhwidana,
60dawak Silo kau pāni holi dai kidika rumhwidana,
muih ahal pasyakat witing ūni duwadai kidika.#Jos 18:1; Jr 7:12-14; 26:6.
61Dawakat waihnila balna kidika lalaihnadai
witingna alasnina yaksihni dawak parasnina sainnidai kidikabik.#1 Sam 4:4-22.
62Witing tawanni niningyakat kasak kulnin daukalnadai
bahang waihla balna isninaparah yakat dianadai.
63Wawahninama balna kidika dibuswak dadaunadai;
¡sirau al duwada kidika yakat unbaunin disdai!
64Sumalyang balna kidika isparah kau dadaunadai,
dawak tingninamak balna kidika bik kakaidasdai.
65Kaunah, Dawan sahmuhnadai, kamatuskauna yaklauwa kapat,
kalbauyang muihni wain wanisak kaupak kalbauwilawa kapat,
66dawak waihnila balna yakat minitna bayakwi diyamwak kikirana dai;
¡asalnina manah ditaihnadai ban kaput atnin!
67José ūni yakat bik rumhwi danadai,
dawak Efraín sulani balna bik duwas danadai;
68kaput kauna Judá sulani balna kidika duna dai
dawak witing asangni dalani talwa Sayan kidika bik.
69Holi pāni as yamna dai maluihni sihm makau kisang kapat,
dawak pāni yamni kalana dai sihm sau āwi danakapat.
70Witing dini yamyang Devid kidika yakwi duna,
sīp maintalyang muihnidai kidika;
71tinglau balna dangnitna yakat lik-awadai kidika kaupak yaknadai,
witing tawanni kidika maintalna atnin yulni.#1 Sam 16:11-12; 2 Sam 7:8; 1 Cr 17:7.
72Dawak kaput laih Devid kidika Papang tawanni maintalnadai;
maintalwi tatuna kawi duwi kiunadai,
witing tingni sirihni dawak kulnin yamni alas yulwas lani karak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998