Salmos 68
68
Israel yaklauwi minit bayakna
Coro sumalniyang kaupak. Devid salnimo dawak unbauna balna.
1Papang yaklauwi kalbauwakat,
waihnila balna kidika kalsuhwi;
witing yakat dutni kalkukulwa muihni balna kidika muhni tani yakat kikiri;#Nm 10:35.
2wayau kapat wingyakat pini dislalawi,
dawak balas kuhpayakat arwa kapat kakalwi;
¡Papang muhni tani yakat muih dudutni balna kidika bubukna!
3Kaunah muih yayamni balna kidika laih alasna duduwi;
Papang muhni tani yakat alasna manah dibahngna,
¡alasna duwi susutwi!
4Manna Papang yakat unbautanauh,
witing ayangni kau unbautanauh;
ayangni nuhni yamtanauh, mukuskau kilwi kiwa#68.4 Mukuskau kilwi kiwa: kaput ulna kidika yamni kapat ki. Hibru kau laih yulwi kauhmak wanilang balna yakat kilwi kiwa. muihni yakat.
¡Alasna awanauh, Dawan yakat!
¡Witing kaiwa yakat alasna awanauh!
5Papang witing ūni holi yakat yalahwa kidika,
kidika laih warau balna papangnina
dawak tingmak balna nanitna dakyang;
6Papang yaklauwi pānina diawi, muih alas balna yakat
silak muihni balna kidika laihwi yakwi dawak diawak di manas duduwi;
kaunah muih kulninna dutni balna kidika laih sau dutni yakat ban karang.
7Papang, man tawanma tanituna yakat alahwanaman kat
kauhmak wanilang munah lapakta,
8sau kidika yuknadai,
dawak makau kisang kidika kaupak waslauna dai,
Sinaí kidika yuknadai Papang muhnitani yakat,#Ex 19:18.
Israel Papangni muhnitani yakat.#Jue 5:4-5.
9Papang man lawa yamtang, was mahni launa
man sauma buhlana kidika watwi parasni duna atnin yulni.
10Man tawanma laih kidika yakat kiwi pāni duna dai
dawak man, Papang, minikun talnin lani dutaman kidika kau
muih minikunni yakat kalanaman dai dukih kalawa balna kidika.
11Dawan yulni kidika sihna dai
dawak yayal manas laih kidika yulni sumamalna dai:
12“¡King balna kidika kikiri,
witing kalbauyang muihni balna duwa kidika yakarak kalpakwi!”
Unina balna yakat, yayal balna yaklauwi sahyayakwadai
waihla balna kaupak di dakyayakna dai kidika,
13kaunah manna laih maldanamana dai.
¡Buhtuku lawani lalah manah!
¡Butuni balna kidika gol manah!
14Parasni nuhni duwa kidika yaklauwi yamwak king balna kidika kikirana
Salmón asangni tuna yakat was dadasna uhwadai.
15¡Basán asangni balna kidika ampus maluihniyah,
dawak asangni tuna kidika ampus maluihniyah!
16Manna kidika, asang malaihni mana kaunah,
¿ais yamta tumta talamanah mamaknapa kau
kidika asangnituna yakat Papang yalahkuh atnadai kidika?
¡Dawan laih yakat ninihng ban kaput yalahna karang!
17Papang, witing kalbaunin karni balna duwa kidika laih milian, milian duwi;
dawak Sinaí kaupak kainadai, kidika karni balna minit yakat kilwi, witing ūni yakat.
18Papang, muih kidika laihta mayakau duilyawanamandai;
dawak muih ahal#Ef 4:8. paskaupak minit kidika lauwi mamanadai,
dawak muih dudutni balna bitik man yakat bubuknadai,#68.18 Muih dudutni balna bitik man yakat bubuknadai: kaput ulna kidika yamni kapat ki. Hibru kau laih yulwi muih dudutni balna kat bik yakat yalahna atnin. Dawan.
19¡Dawan, mayang Mapapangki kidika laih ayangni nuhni yamna karang,
mayang Mapapangki mailaihwi yakyang kidika,
ma balna bitik yakat maturuknik kidika witing turukwi!
20Mayang Mapapangki laih, Papang as laihwi yakyang
bahang sipki mailaihwi yakna atnin daunin kaupak.
21Papang yaklauwi witing waihnila balna tunanina kidika papus sahna karang,
ban dutni yayamwa balna tunanina kidika.
22Dawan yulna:
“Mayamting kat Basán kaupak nawatta yawama
mayamting kat kuma tuhni kaupak nawatta yawama,
23kaput laih man kalma suhna atnam,
waihmala balna ānina kau
dawak sumalu balna didina karang.”
24Papang, yang Papangki, king,
man pama holi yakat talna ki muih balna kidika kaluduhwi lapapakwak
man ayangma nuhni kidika alasnina yayamwi.
25Unbauyang balna kidika tatuna uiwi
paswi yakisdinin dini duwa balna kidika laih dangnit yakat uiwi,
dawak papus yakat laih sirarau balna kidika uiwi,
kilinghnin dini kidika kilinghwinah uiwi.
26¡Ayangni nuhni yamtanauh manna bitik Dawan yakat!
¡Israel kaluduhna kidika bitik ayangni nuhni yamtanauh!
27Taninatuna yakat Benjamín kiwi, usnitnakauh kidika,
Judá tunan muihni balna mahni karak,
Zabulón dawak Neftalí kaupak.
28Papangki, man parasma kidika nikingkatah;
¡watta yamtah, yangna yulkina yamnaman kidika!
29Jerusalén kau, man ūma maluih kidika kaupak,
kidika yakat king balna di uiwi mamawa kidika,
30Egipto yakat biltah, juncos daniwan wayani yakat,
kidika turuh anyang kaluduhna balna yakat
witingna manah di balna kidika dunin yulni tawan balna yakat tataihwi;
¡kalatang kalruhwang, kidika muihni balna kalbaunin manah kukulwa kidika!
31Egipto kaupak muih#68.31 Muih: grik kau laih kaput ulna. Hibru kau laih yulwi bras kau di dunin dini yamna balna dai kidika. aiwarang:
Etiopía kidika tingni dulauwarang Papang yakat.
32¡Papang yakat unbautanauh, sau muihni balna,
unbaunin balna unbautanauh Dawan yakat,
33makau kisang yakat likkidika,
makau kisang ban kaput atnin yakat!
Dakanauh, witing dinit ampat yulwapa,
witing dinit parasni nuhni duwa kidika.
34Amanglatanauh, Papang parasni nuhni kidika:
witing kingni lani kidika israel minit yakat ki;
dawak witing parasni kidika laih makau kisang yakat kilwi kaki.
35Di taldas tanit yamni as ki Papang laih witing pāni holi yakat;
dawak Israel Papangni kidika yaklauwi parasni kalawi witing tawanni yakat.
¡Papang ayangni nuhni yamna karang!
Currently Selected:
Salmos 68: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Salmos 68
68
Israel yaklauwi minit bayakna
Coro sumalniyang kaupak. Devid salnimo dawak unbauna balna.
1Papang yaklauwi kalbauwakat,
waihnila balna kidika kalsuhwi;
witing yakat dutni kalkukulwa muihni balna kidika muhni tani yakat kikiri;#Nm 10:35.
2wayau kapat wingyakat pini dislalawi,
dawak balas kuhpayakat arwa kapat kakalwi;
¡Papang muhni tani yakat muih dudutni balna kidika bubukna!
3Kaunah muih yayamni balna kidika laih alasna duduwi;
Papang muhni tani yakat alasna manah dibahngna,
¡alasna duwi susutwi!
4Manna Papang yakat unbautanauh,
witing ayangni kau unbautanauh;
ayangni nuhni yamtanauh, mukuskau kilwi kiwa#68.4 Mukuskau kilwi kiwa: kaput ulna kidika yamni kapat ki. Hibru kau laih yulwi kauhmak wanilang balna yakat kilwi kiwa. muihni yakat.
¡Alasna awanauh, Dawan yakat!
¡Witing kaiwa yakat alasna awanauh!
5Papang witing ūni holi yakat yalahwa kidika,
kidika laih warau balna papangnina
dawak tingmak balna nanitna dakyang;
6Papang yaklauwi pānina diawi, muih alas balna yakat
silak muihni balna kidika laihwi yakwi dawak diawak di manas duduwi;
kaunah muih kulninna dutni balna kidika laih sau dutni yakat ban karang.
7Papang, man tawanma tanituna yakat alahwanaman kat
kauhmak wanilang munah lapakta,
8sau kidika yuknadai,
dawak makau kisang kidika kaupak waslauna dai,
Sinaí kidika yuknadai Papang muhnitani yakat,#Ex 19:18.
Israel Papangni muhnitani yakat.#Jue 5:4-5.
9Papang man lawa yamtang, was mahni launa
man sauma buhlana kidika watwi parasni duna atnin yulni.
10Man tawanma laih kidika yakat kiwi pāni duna dai
dawak man, Papang, minikun talnin lani dutaman kidika kau
muih minikunni yakat kalanaman dai dukih kalawa balna kidika.
11Dawan yulni kidika sihna dai
dawak yayal manas laih kidika yulni sumamalna dai:
12“¡King balna kidika kikiri,
witing kalbauyang muihni balna duwa kidika yakarak kalpakwi!”
Unina balna yakat, yayal balna yaklauwi sahyayakwadai
waihla balna kaupak di dakyayakna dai kidika,
13kaunah manna laih maldanamana dai.
¡Buhtuku lawani lalah manah!
¡Butuni balna kidika gol manah!
14Parasni nuhni duwa kidika yaklauwi yamwak king balna kidika kikirana
Salmón asangni tuna yakat was dadasna uhwadai.
15¡Basán asangni balna kidika ampus maluihniyah,
dawak asangni tuna kidika ampus maluihniyah!
16Manna kidika, asang malaihni mana kaunah,
¿ais yamta tumta talamanah mamaknapa kau
kidika asangnituna yakat Papang yalahkuh atnadai kidika?
¡Dawan laih yakat ninihng ban kaput yalahna karang!
17Papang, witing kalbaunin karni balna duwa kidika laih milian, milian duwi;
dawak Sinaí kaupak kainadai, kidika karni balna minit yakat kilwi, witing ūni yakat.
18Papang, muih kidika laihta mayakau duilyawanamandai;
dawak muih ahal#Ef 4:8. paskaupak minit kidika lauwi mamanadai,
dawak muih dudutni balna bitik man yakat bubuknadai,#68.18 Muih dudutni balna bitik man yakat bubuknadai: kaput ulna kidika yamni kapat ki. Hibru kau laih yulwi muih dudutni balna kat bik yakat yalahna atnin. Dawan.
19¡Dawan, mayang Mapapangki kidika laih ayangni nuhni yamna karang,
mayang Mapapangki mailaihwi yakyang kidika,
ma balna bitik yakat maturuknik kidika witing turukwi!
20Mayang Mapapangki laih, Papang as laihwi yakyang
bahang sipki mailaihwi yakna atnin daunin kaupak.
21Papang yaklauwi witing waihnila balna tunanina kidika papus sahna karang,
ban dutni yayamwa balna tunanina kidika.
22Dawan yulna:
“Mayamting kat Basán kaupak nawatta yawama
mayamting kat kuma tuhni kaupak nawatta yawama,
23kaput laih man kalma suhna atnam,
waihmala balna ānina kau
dawak sumalu balna didina karang.”
24Papang, yang Papangki, king,
man pama holi yakat talna ki muih balna kidika kaluduhwi lapapakwak
man ayangma nuhni kidika alasnina yayamwi.
25Unbauyang balna kidika tatuna uiwi
paswi yakisdinin dini duwa balna kidika laih dangnit yakat uiwi,
dawak papus yakat laih sirarau balna kidika uiwi,
kilinghnin dini kidika kilinghwinah uiwi.
26¡Ayangni nuhni yamtanauh manna bitik Dawan yakat!
¡Israel kaluduhna kidika bitik ayangni nuhni yamtanauh!
27Taninatuna yakat Benjamín kiwi, usnitnakauh kidika,
Judá tunan muihni balna mahni karak,
Zabulón dawak Neftalí kaupak.
28Papangki, man parasma kidika nikingkatah;
¡watta yamtah, yangna yulkina yamnaman kidika!
29Jerusalén kau, man ūma maluih kidika kaupak,
kidika yakat king balna di uiwi mamawa kidika,
30Egipto yakat biltah, juncos daniwan wayani yakat,
kidika turuh anyang kaluduhna balna yakat
witingna manah di balna kidika dunin yulni tawan balna yakat tataihwi;
¡kalatang kalruhwang, kidika muihni balna kalbaunin manah kukulwa kidika!
31Egipto kaupak muih#68.31 Muih: grik kau laih kaput ulna. Hibru kau laih yulwi bras kau di dunin dini yamna balna dai kidika. aiwarang:
Etiopía kidika tingni dulauwarang Papang yakat.
32¡Papang yakat unbautanauh, sau muihni balna,
unbaunin balna unbautanauh Dawan yakat,
33makau kisang yakat likkidika,
makau kisang ban kaput atnin yakat!
Dakanauh, witing dinit ampat yulwapa,
witing dinit parasni nuhni duwa kidika.
34Amanglatanauh, Papang parasni nuhni kidika:
witing kingni lani kidika israel minit yakat ki;
dawak witing parasni kidika laih makau kisang yakat kilwi kaki.
35Di taldas tanit yamni as ki Papang laih witing pāni holi yakat;
dawak Israel Papangni kidika yaklauwi parasni kalawi witing tawanni yakat.
¡Papang ayangni nuhni yamna karang!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998