Salmos 62
62
Papang, yakat manahki yakmaldinin pāni kidika
Coro sumalniyang kaupak, Jedutún kaupak. Devid salnimo.
1Papang yakat manah kulnik aslah lani kidika yaktayang;
yalaihwi yakninkidika witing kaupak kaiwi.
2Witing manah yalaihwi yakwi, dawak nakitdakwi.
Yang buktas awaki, kat witing kidika laih yang maldinik bahang.#Sal 46.
3¿Mampat kat manna nikingkauh lawamana kidika datanamayah,
dawak sau yakat yalahnin kultaman kidika,
sihm ū as daklana kat apahwi bukwa kapat
kidika awaskat daklana as apahwi buknin manah kapat sau yakat?
4Yalakpamnin kidika manah kukulwi;
witing alasnina tanit nuhni kidika laih alas yulni.
Witingna tininapas kau ayangki nuhni yayamwi,
kaunah kulninna kau dutni yayuyulwi.
5Papang yakat manah kulnik aslah lani yaktayang;
kat yang tahanik kidika laih witing kaupak kaiwi.
6Witing manah yalaihwi yakwi, dawak nakitdakwi.
Yang buktas awaki, kat witing kidika laih yang maldinik pāni.
7Papang witing yakat ki yalaihwi yaknin kidika, dawak reskipik bik;
witing yakat ki nakitdaknin, dawak maldinik pāni.
8¡Yang tawanki, witing yakat kulnamna āta dutanauh!
¡Mamatna yultinah yulkalbautanauh, witing yakat kulnamna ātaduta!
¡Papang yakat ki mamaldinik pāni!
9Muih al yakat laih dukih mayawa kidika dauh manah ki,
muih minikunni dawak di duyang bik sihm kapat ki;
albupak libitwi paun āwarangkat,
tikini bik diskarang ki.
10Kulnin daukalnin lani yakat laih manna rahm kukulwinih;
¡dimalnin kidika damanawan kapat duduwinih!
Manna di mahni duyang alahwanama kat,
lalah yakat kulnamna kidika āwi duduwinih.
11-12Yang wat dakanayang
Papang yulna kidika:
parasni dawak dalani lani kidika laih witing dini,
dawak witing yaklauwi muih balna yakat minitna diawi
witingna yayamna praisni kat.#Job 34:11; Pro 24:12; Jr 17:10; Ez 18:30; 33:20; Mt 16:27; Rom 2:6; Rib 2:23.
Currently Selected:
Salmos 62: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Salmos 62
62
Papang, yakat manahki yakmaldinin pāni kidika
Coro sumalniyang kaupak, Jedutún kaupak. Devid salnimo.
1Papang yakat manah kulnik aslah lani kidika yaktayang;
yalaihwi yakninkidika witing kaupak kaiwi.
2Witing manah yalaihwi yakwi, dawak nakitdakwi.
Yang buktas awaki, kat witing kidika laih yang maldinik bahang.#Sal 46.
3¿Mampat kat manna nikingkauh lawamana kidika datanamayah,
dawak sau yakat yalahnin kultaman kidika,
sihm ū as daklana kat apahwi bukwa kapat
kidika awaskat daklana as apahwi buknin manah kapat sau yakat?
4Yalakpamnin kidika manah kukulwi;
witing alasnina tanit nuhni kidika laih alas yulni.
Witingna tininapas kau ayangki nuhni yayamwi,
kaunah kulninna kau dutni yayuyulwi.
5Papang yakat manah kulnik aslah lani yaktayang;
kat yang tahanik kidika laih witing kaupak kaiwi.
6Witing manah yalaihwi yakwi, dawak nakitdakwi.
Yang buktas awaki, kat witing kidika laih yang maldinik pāni.
7Papang witing yakat ki yalaihwi yaknin kidika, dawak reskipik bik;
witing yakat ki nakitdaknin, dawak maldinik pāni.
8¡Yang tawanki, witing yakat kulnamna āta dutanauh!
¡Mamatna yultinah yulkalbautanauh, witing yakat kulnamna ātaduta!
¡Papang yakat ki mamaldinik pāni!
9Muih al yakat laih dukih mayawa kidika dauh manah ki,
muih minikunni dawak di duyang bik sihm kapat ki;
albupak libitwi paun āwarangkat,
tikini bik diskarang ki.
10Kulnin daukalnin lani yakat laih manna rahm kukulwinih;
¡dimalnin kidika damanawan kapat duduwinih!
Manna di mahni duyang alahwanama kat,
lalah yakat kulnamna kidika āwi duduwinih.
11-12Yang wat dakanayang
Papang yulna kidika:
parasni dawak dalani lani kidika laih witing dini,
dawak witing yaklauwi muih balna yakat minitna diawi
witingna yayamna praisni kat.#Job 34:11; Pro 24:12; Jr 17:10; Ez 18:30; 33:20; Mt 16:27; Rom 2:6; Rib 2:23.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998