Mark 5
5
Gerasa kaupak spirit dutni duwa kidika
(Mt 8:28-34; Lk 8:26-39)
1Lakun nakas yakat dakyaklalana, Gerasa sauni yakat. 2Jisas kuring kaupak yaklakna mani kat, muih al spirit dutni duyang muihni as witing yaihnit yakat kaina. Adika alni laih sau ū balna walsah kaupak kalahna dai, 3kat witing laih kidika balna pasyakat yalahwadai bahang. Muih as bik sip sitwasdai, sīn kau karang bik. 4Wat mahni laihwi kalni balna dawak tingni balna yakat bik sīn kau sisitnadai karang bik, iswi bikisni dakyamwadai, sip muih as bik taihwasdai. 5Witing laih madah dawak pukta balna kidika asang balna yakat dawak sau ū balna yakat sarahwi witing alas kipala kau kalbahrwi lik-awadai. 6Kaunah Jisas yakat nai kaupak talna mani kat, niningyakat kiri kiuna, dawak Jisas muhnit yakat limbabahwi 7parasni sarahwi kalyulna:
—¡Jisas, yang karak kawinih, Papang makau sakkidika walanibis! ¡Papang ayangni usnitkau kalmadinit buktayang dalani yawinih!
8Kaput yulwadai kat Jisas yaklau kalyulna dai:
—¡Spirit dutni, man kidika alni yakat datah!
9Jisas yaklau kalyulwi dakana:
—¿Man ayangma amputyah?
Witing yaklau nangnitlana:
—Yang ayangki laih Legión, kaput ki, kat mahni yangna bahang.
10Dawak uba palni Jisas yakat kalni dinit bukwadai kidika sauni kaupak spirit dudutni balna kidika yakmuknin awas yulni. 11Dawak kidika kaupak ulah asang yaihnit yakat, kusih mahni di kaswabangdai, 12spirit dudutni balna kidika kalni dinit bubukna:
—Kusih balna bangyakat yanasihtang kat yawik awanakuh.
13Jisas yaklau didamukwak uina dawak spirit dudutni balna kidika laih muih al kidika kaupak kalahwi kusih balna yakat uiwi kakana dai. Kidika kusih balna 2,000 dai kidika, kalahwi kikiri lakun yakat ui'kawi was diwi dadauna dai.
14Kusih maintalyang muihni balna kidika laih kalahwi kikirana, dawak tawan yakat dawak di dahnin pāni balna yakat bik uiwi muih balna yakat yuyulna ais kalahna dai kidika. Tawan muihni balna laih di kalahna kidika uiwi tatalna dai. 15Dawak muih balna kidika Jisas sakdai yakat uiwi kakana mani kat, spirit dutni kallaihna muihni dai kidika prakni āwi, lā kat yalahna sakkat tatalna dai. Muih balna kidika laih muihsakdadauna dai, 16dawak spirit dutni kallaihna muihni yakat dawak kusih balna yakat di kalahwakat tatalna muihni balna kidika laih, muih ūk balna bik yakat diyuyulna dai. 17Bahang Jisas kalni dinit bubukna dai, kidika pāni balna kaupak kalahwi kiuna atnin.
18Jisas watwi kuring yakat nawatwi kiu'kana mani kat, spirit dutni kallaihna muihni dai kidika yaklau kalni dini bukna dai witing karak kiuna atnin. 19Kaunah Jisas laih yulwas danadai, kaunah kalyulna:
—Man wanaihma balna karak ūma yakat nawatta yawah, dawak Dawan yaklau ais mayamna kidika bitik diyultah dawak ampus man yakat mamakun matalna kidika bik.
20Muih al kidika laih kiwi Decápolis tawanni balna yakat yulna dai Jisas yaklau witing yakat ais yamna dai kidika; dawak witingna bitik laih yamni dakakana dai.
Jairo walanibis yal.Jisas prakni yakat yal as laihna
(Mt 9:18-26; Lk 8:40-56)
21Jisas lakun nakas kaupak kuring kau nawatwi dakkaina mani kat, muih mahni kalududuhna, dawak witing laih lakun kungyakat watnadai. 22Kidika yakat Papang yulni sumamalwa ūni tanituna as kiuna, ayangni laih Jairo, Jisas yakat kaltalwi kalni yakat bukna 23dawak kalni dinit bukwi, aput kalyulna:
—Yang walakibis yal kidika dauwa tuski; aiwa witing minityakat tingma kidika dulautang kalyamwak sangka kawang.
24Jisas laih witing karak uina, dawak muih mahni usnit uiwi uina dai yaihnit balna yakat kaltaihwinah. 25Muih balna mahni pasyakat yal as sakdai witing laih kurih 12 duwadai sikninis kidika kallaihna kaupak, witing laih āni kiradai. 26Daktar balna mahni tingnina yakat ma mahni palni dalani wauhna dai, dawak di balna duwadai kidika bitik dismukna dai, di as bik yamni kalahwas bik. Nawatkauh baisa dutni kiwadai. 27Witing Jisas yulni yuyulwak dakana mani kat, adika yalni laih muih balna walsah yakat Jisas dangnit munah kaiwi prakni naini yakat laihna dai. 28Kat witing laih aput kulwadai: “Yang Jisas prakni naini kidika manah bik sukki kat, yayamwarangki.” 29Kidika minitni yakat āni kira dai kidika laihwatna, dawak witing muihninuh yakat kaldakana dai sikninis kaupak kalyamna kidika. 30Jisas witing kaupak parasni kalahna kidika amanglawi, muih balna yakat wiryaklawi ditalwi, yulwi dakana:
—¿Wais yasuknayah prakki naini yakat?
31Disainipil balna yaklau kalyuyulna:
—Man talaman muih balna matataihwa kidika, kaunah yulta dakaman ‘¿Wais yasuknayah?’
32Kaunah Jisas laih yaihnit balna yakat ban talna dai, amanglana atnin wais yaklau kalsuknadaipa. 33Bahang yal kidika amanglana witing yakat ais kalahna kidika, bahang kiwi Jisas muhni yakat limbabahwi yul rahm kidika kalyulna. 34Jisas yaklau kalyulna:
—Yang walakibis yal, man rahm kulnin lani dutaman kidika bahang sikmanis kaupak yamni alahwanaman. Kulnam alasna dawak sikmanis kaupak uman yamni mayamna yawah.
35Jisas baisa yulbauwasakkat, Papang yulni sumamalwa ūni tanituna balna kaupak buas uiwi muih yalbin papangni yakat kalyuyulna:
—Walamabis yal laih dauna. ¿Ais yulni baisa sumalyang yakat usninyah?
36Kaunah Jisas, witingna yulnina dakawas,#5.36 Witingna yulnina dakawas: tingkau ulna balna buas kidika laih aput yuyulwi: dakana usnit kat. Papang yulni sumamalwa ūni tanituna yakat kalyulna:
—Yamaduwinih; dauhmanah rahm kultah.
37Dawak muih as bik minikdanin yulwasdai, kaunah Pita, Jims dawak Jan kidika balna manah minikdadana dai. 38Papang yulni sumamalwa ūni tanituna kidika ūni yakat kiwi kawak muih balna kakaidi sararahwa kidika talna kat, 39ū pasyakat kawi diyulna:
—¿Ais yulni manna kaput parasni sarahta aidamanah? Muih yal bin kidika laih dauwaski, kaunah kamatuski.
40Muih balna kidika laih Jisas niningkakarana, kaunah muih balna bitik ahni yakat yakmukna, dawak papangni, nanangni dawak witing karak kalpakna bangdai kidika muihni balna kauna muih yal bin tusdai kidika yakat kakiuna dai. 41Tingni yakat laihwi kalyulna:
—Talita, cum#5.41 Arameo kau laih, Jisas mani balna yakat yulni as yuyulwadai kidika. (kidika tanka laih: “Siraubin, man kau mayultayang, lawah.”)
42Kidika minitni yakat siraubin kurih 12 duwadai kidika yaklauwi lapakna. Dawak muih balna kidika laih yamni palni tatalna dai. 43Kaunah Jisas yaklau bilwi kalyulna muih as kau bik yulnin awas, dawak usnit kat yalbin kidika yakat di bayahnin diyulna dai.
Currently Selected:
Mark 5: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Mark 5
5
Gerasa kaupak spirit dutni duwa kidika
(Mt 8:28-34; Lk 8:26-39)
1Lakun nakas yakat dakyaklalana, Gerasa sauni yakat. 2Jisas kuring kaupak yaklakna mani kat, muih al spirit dutni duyang muihni as witing yaihnit yakat kaina. Adika alni laih sau ū balna walsah kaupak kalahna dai, 3kat witing laih kidika balna pasyakat yalahwadai bahang. Muih as bik sip sitwasdai, sīn kau karang bik. 4Wat mahni laihwi kalni balna dawak tingni balna yakat bik sīn kau sisitnadai karang bik, iswi bikisni dakyamwadai, sip muih as bik taihwasdai. 5Witing laih madah dawak pukta balna kidika asang balna yakat dawak sau ū balna yakat sarahwi witing alas kipala kau kalbahrwi lik-awadai. 6Kaunah Jisas yakat nai kaupak talna mani kat, niningyakat kiri kiuna, dawak Jisas muhnit yakat limbabahwi 7parasni sarahwi kalyulna:
—¡Jisas, yang karak kawinih, Papang makau sakkidika walanibis! ¡Papang ayangni usnitkau kalmadinit buktayang dalani yawinih!
8Kaput yulwadai kat Jisas yaklau kalyulna dai:
—¡Spirit dutni, man kidika alni yakat datah!
9Jisas yaklau kalyulwi dakana:
—¿Man ayangma amputyah?
Witing yaklau nangnitlana:
—Yang ayangki laih Legión, kaput ki, kat mahni yangna bahang.
10Dawak uba palni Jisas yakat kalni dinit bukwadai kidika sauni kaupak spirit dudutni balna kidika yakmuknin awas yulni. 11Dawak kidika kaupak ulah asang yaihnit yakat, kusih mahni di kaswabangdai, 12spirit dudutni balna kidika kalni dinit bubukna:
—Kusih balna bangyakat yanasihtang kat yawik awanakuh.
13Jisas yaklau didamukwak uina dawak spirit dudutni balna kidika laih muih al kidika kaupak kalahwi kusih balna yakat uiwi kakana dai. Kidika kusih balna 2,000 dai kidika, kalahwi kikiri lakun yakat ui'kawi was diwi dadauna dai.
14Kusih maintalyang muihni balna kidika laih kalahwi kikirana, dawak tawan yakat dawak di dahnin pāni balna yakat bik uiwi muih balna yakat yuyulna ais kalahna dai kidika. Tawan muihni balna laih di kalahna kidika uiwi tatalna dai. 15Dawak muih balna kidika Jisas sakdai yakat uiwi kakana mani kat, spirit dutni kallaihna muihni dai kidika prakni āwi, lā kat yalahna sakkat tatalna dai. Muih balna kidika laih muihsakdadauna dai, 16dawak spirit dutni kallaihna muihni yakat dawak kusih balna yakat di kalahwakat tatalna muihni balna kidika laih, muih ūk balna bik yakat diyuyulna dai. 17Bahang Jisas kalni dinit bubukna dai, kidika pāni balna kaupak kalahwi kiuna atnin.
18Jisas watwi kuring yakat nawatwi kiu'kana mani kat, spirit dutni kallaihna muihni dai kidika yaklau kalni dini bukna dai witing karak kiuna atnin. 19Kaunah Jisas laih yulwas danadai, kaunah kalyulna:
—Man wanaihma balna karak ūma yakat nawatta yawah, dawak Dawan yaklau ais mayamna kidika bitik diyultah dawak ampus man yakat mamakun matalna kidika bik.
20Muih al kidika laih kiwi Decápolis tawanni balna yakat yulna dai Jisas yaklau witing yakat ais yamna dai kidika; dawak witingna bitik laih yamni dakakana dai.
Jairo walanibis yal.Jisas prakni yakat yal as laihna
(Mt 9:18-26; Lk 8:40-56)
21Jisas lakun nakas kaupak kuring kau nawatwi dakkaina mani kat, muih mahni kalududuhna, dawak witing laih lakun kungyakat watnadai. 22Kidika yakat Papang yulni sumamalwa ūni tanituna as kiuna, ayangni laih Jairo, Jisas yakat kaltalwi kalni yakat bukna 23dawak kalni dinit bukwi, aput kalyulna:
—Yang walakibis yal kidika dauwa tuski; aiwa witing minityakat tingma kidika dulautang kalyamwak sangka kawang.
24Jisas laih witing karak uina, dawak muih mahni usnit uiwi uina dai yaihnit balna yakat kaltaihwinah. 25Muih balna mahni pasyakat yal as sakdai witing laih kurih 12 duwadai sikninis kidika kallaihna kaupak, witing laih āni kiradai. 26Daktar balna mahni tingnina yakat ma mahni palni dalani wauhna dai, dawak di balna duwadai kidika bitik dismukna dai, di as bik yamni kalahwas bik. Nawatkauh baisa dutni kiwadai. 27Witing Jisas yulni yuyulwak dakana mani kat, adika yalni laih muih balna walsah yakat Jisas dangnit munah kaiwi prakni naini yakat laihna dai. 28Kat witing laih aput kulwadai: “Yang Jisas prakni naini kidika manah bik sukki kat, yayamwarangki.” 29Kidika minitni yakat āni kira dai kidika laihwatna, dawak witing muihninuh yakat kaldakana dai sikninis kaupak kalyamna kidika. 30Jisas witing kaupak parasni kalahna kidika amanglawi, muih balna yakat wiryaklawi ditalwi, yulwi dakana:
—¿Wais yasuknayah prakki naini yakat?
31Disainipil balna yaklau kalyuyulna:
—Man talaman muih balna matataihwa kidika, kaunah yulta dakaman ‘¿Wais yasuknayah?’
32Kaunah Jisas laih yaihnit balna yakat ban talna dai, amanglana atnin wais yaklau kalsuknadaipa. 33Bahang yal kidika amanglana witing yakat ais kalahna kidika, bahang kiwi Jisas muhni yakat limbabahwi yul rahm kidika kalyulna. 34Jisas yaklau kalyulna:
—Yang walakibis yal, man rahm kulnin lani dutaman kidika bahang sikmanis kaupak yamni alahwanaman. Kulnam alasna dawak sikmanis kaupak uman yamni mayamna yawah.
35Jisas baisa yulbauwasakkat, Papang yulni sumamalwa ūni tanituna balna kaupak buas uiwi muih yalbin papangni yakat kalyuyulna:
—Walamabis yal laih dauna. ¿Ais yulni baisa sumalyang yakat usninyah?
36Kaunah Jisas, witingna yulnina dakawas,#5.36 Witingna yulnina dakawas: tingkau ulna balna buas kidika laih aput yuyulwi: dakana usnit kat. Papang yulni sumamalwa ūni tanituna yakat kalyulna:
—Yamaduwinih; dauhmanah rahm kultah.
37Dawak muih as bik minikdanin yulwasdai, kaunah Pita, Jims dawak Jan kidika balna manah minikdadana dai. 38Papang yulni sumamalwa ūni tanituna kidika ūni yakat kiwi kawak muih balna kakaidi sararahwa kidika talna kat, 39ū pasyakat kawi diyulna:
—¿Ais yulni manna kaput parasni sarahta aidamanah? Muih yal bin kidika laih dauwaski, kaunah kamatuski.
40Muih balna kidika laih Jisas niningkakarana, kaunah muih balna bitik ahni yakat yakmukna, dawak papangni, nanangni dawak witing karak kalpakna bangdai kidika muihni balna kauna muih yal bin tusdai kidika yakat kakiuna dai. 41Tingni yakat laihwi kalyulna:
—Talita, cum#5.41 Arameo kau laih, Jisas mani balna yakat yulni as yuyulwadai kidika. (kidika tanka laih: “Siraubin, man kau mayultayang, lawah.”)
42Kidika minitni yakat siraubin kurih 12 duwadai kidika yaklauwi lapakna. Dawak muih balna kidika laih yamni palni tatalna dai. 43Kaunah Jisas yaklau bilwi kalyulna muih as kau bik yulnin awas, dawak usnit kat yalbin kidika yakat di bayahnin diyulna dai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998