Matyu 24
24
Jisas yaklau sumalwi makat yulnin ūnidaukalwarang yulni kidika
(Mk 13:1-2; Lk 21:5-6)
1Jisas laih makat yulnin ūni kidika kaupak kalahwi kiwalik kat, disainipil balna kidika yaklau makat yulnin ūni balna kidika yakat niningkakana dai. 2Jisas yaklau diyulna:
—¿Manna adika dini balna bitik talamanah? Bahang barangni manayultayang adika pani akat kipala as bik laih kipala uk minit yakat watwas karang ki. Bitik laih daukalna karang ki.
Mani saran laihwas tanitkauhsain balna kalahwarang kidika
(Mk 13:3-23; Lk 21:7-24; 17:22-24)
3Usnit kat Olib asangni yakat uina dai. Jisas laih yalahna dai, dawak disainipil balna kidika laih yaihnit yakat uiwi kalyulwi dakakana:
—Yangna dukih yanawi yanayulna atnam mampat mani kat adika dini kalahwarang pa. ¿Ais sainni kalahwarangyah man watta nawatta aiwama kidika mani dawak sau saran kidika yakat bik?
4Jisas yaklau nangnitnalana:
—Manna amung talanuh muih as bik alas manayulninna awas ki. 5Kat muih mahni palni yang ayangki kau aiwarang ki. Aput yuyulwarang: ‘Yang kuduh Mesías kidika’, dawak muih mahni palni yakat alas diyuyulwarang ki. 6Manna war yulni kidika pa uk uk yakat dakanama; kaunah manna muihsakdadauwinih, kat kaput kalahnin bahang; kaput kaunah, baisa sau saran laih awas karang ki. 7Kat nesan as kidika nesan uk niningyakat kalbauwarang ki dawak sau as kidika sau uk niningyakat war kalbauwarang ki; dawak yuh wauhnin dawi sau isihnin lani kidika pa balna bitik yakat kalahwarang ki. 8Kaunah kidika balna bitik kidika laih dalani wauhnin tatuna balna kidika karang ki.
9“Bahang manna laih witingna tingnina yakat mana ahawarang ki dutni manayamna atninna yulni; dawak manaihīwarang ki, dawak muih balna bitik bik yang yulki dutni manayayamwarang ki.#Mt 10:22. 10Kidika mani yakat muih balna mahni kidika rahm kulnin lani duduwa kidika kaupak dadawarang ki, dawak bik biri biri dutni kalkukulwarang dawak biri biri bik malni kau pāt yakat kalahawarang ki. 11Prapit dauh balna mahni kalahwi muih balna mahni yakat alas diyuyulwarang ki. 12Dutni lani kidika mahni palni kalahna karang ki, dawak muih balna mahni kauh kidika laih dalani lani kidika dis karang ki muih uk balna yakat. 13Kaunah angdika muihni kat witni kat kiwarang kidika laih, laihwi yaknin lani kidika duwarang ki.#Mt 10:22. 14Dawak adika king kanin sauni yulni yamni adika laih muih balna bitik yakat diyuyulna karang ki, nesan balna bitik kau amanglana atninna yulni; bahang kaput laihtakat sau saran kidika kaiwarang ki.
15“Prapit Daniel yaklau ulna dai holi pani yakat dutni yamadangni kidika yulni.#Dn 9:27; 11:31; 12:11. Holi pani yakat manna talnama mani kat —angdika muihni yulwi talwa kat amanglawang—, 16bahang Judea yakat bangkidika muihni balna laih, asangpas yakat kikirang; 17dawak angdika muihni kat witing ūni tuna yakat sakkidika laih, sau yakat yaklakwi di as bik dunin awas ki; 18dawak angdika muihni kat di dahnin pani yakat sakkidika laih, nawatwi kaiwi asnina balna dulaunin awas ki.#Lc 17:31. 19¡Muih yayal muih kararuk balna dawak muihbinina batatahn duduwa balna kidika laih miniknakun karang ki! 20Manna Papang yakat yultanauh wasma dawak yakurupdinin mani#24.20 Yakurupdinin mani: kidika laih satadi. yakat yawanamna awas yulni; 21kat kidika mani yakat dalani wauhnin nuhni as sakkarang ki sau yamna mani kaupak#Dn 12:1; Rib 7:14. wat as bik dis kapat dawak witnikauh bik diskarang ki. 22Dawak Papang yaklau kidika mani parahni yamwas karang laih, muih as bik laihwi yaknin lani kidika duwas karang ki; kaunah witing yaklau walwi yakna muihni balna yakat dalani ditalwa kidika yulni laih parahni yamwarang ki.
23“Bahang manna yakat muih as yaklau manayulwarang kat: ‘Talnauh, akat sakki Mesías kidika’, kidik awas bik ‘Talnauh, kidika yakat sakki’, manatarang kat, rahm kalkulnamna awas ki. 24Kat mesías dauh balna dawak prapit dauh balna bik mahni palni aiwarang ki; dawak taldas dini balna nunuhni kidika yayamwarang ki, muih balna yakat alas diyulna atnin yulni, dawak Papang yaklau walwi yakna muihni balna kidika yakat bik alas diyulna atnin yayamwarang ki. 25Yang laih manna yakat uman muhnilau kau manayulnayang. 26Kidika bahang, aput manayuyulwarang kat: ‘Talnauh, kauhmak wanilang yakat sakki’, yawanamna awas ki; kidik awas bik aput manayuyulwarang kat: ‘Talnauh, akat yakmaldana sakki’, rahm kalkulnamna awas ki. 27Muih Walanibis al nawatwi kaiwarang yakat laih, sihm alwana lapwa kat ma kilwa kaupak ma kawa kat yaringni dahlwa kapat karang ki.#Lc 17:23-24. 28Angdika pani yakat muih dauna kidika laih, kidika yakat upam balna kidika kalududuhwarang ki.#Lc 17:37.
Muih Walanibis al nawatwi kaiwarang kidika
(Mk 13:24-37; Lk 21:25-33; 17:26-30, 34-36)
29“Dalani wauhnin kidika sirihni bayakwi kiwarang mani kat, ma kidika laih puksani lakwarang ki,#Is 13:10; Jl 2:10,31; 3:15; Rib 6:12. waiku kidika laih yaringni dis dawarang ki,#Is 13:10; Ez 32:7; Jl 2:10; 3:15. yala balna kidika laih kisang kaupak bubukwarang ki#Is 34:4; Rib 6:13. dawak kisang parasni balna kidika bik isisihna karang ki.#Jl 2:10. 30Bahang kaput laih muih Walanibis al sainni kidika kisang yakat taldarang, dawak sau tawanni balna bitik laih yamadangni talwi kakaidana karang ki, dawak kaput laih muih Walanibis al kidika makau kisang mukus kaupak#Dn 7:13; Rib 1:7. parasni nuhni karuk dawak ayangni yaksihni karuk bik kaiwa kidika tatalna karang ki. 31Dawak witing innisal balna kidika laih trompit nuhni as karak sihwarang ki, sau sutni arungka yakat muih walwi yakna balna kidika uduhna atninna, kisang sutni as kaupak sutni uk kat.
32“Bahang ani damni panan yulni kidika amanglatanauh: Tingni rahni balna kidika batata kalwi basnina laihwa mani kat, manna amanglatamana ma daihnin kurihni uliswa kidika. 33Sihm kaput bik, adika dini balna bitik manna talnama mani kat, amanglatanuh muih Walanibis al kidika laih dur kung yakat sakkidika. 34Barangni manayultayang adika dini balna bitik kalahwarang ki adika mani muihni balna kidika dadauwas tanitkauh. 35Kisang dawak sau kidika laih dis dawarang ki, kaunah yang yulki balna kidika laih amput yulnayang kat kaput kalahwarang ki.
36“Kidika mani dawak awarni kidika niningkauh laih, muih as bik nuawas ki, kisang innisal balna dawak witing Walanibis al kidika kat bik nuawas ki.
37“Noé mani balna yakat di kalahna kidika,#Gn 6:5-8. sihm kaput kalahwarang ki muih Walanibis al kidika nawatwi kaiwarang mani kat. 38Kidika mani balna was nuhni awas tanitkauh, dawak Noé kuring pasyakat kana mani kat kidika, muih balna kidika laih di kaswi, diwi dawak bik kalduwi ahawa dai. 39Kaunah witingna nu awas kat was kidika laih kaiwi witingna bitik yakat disuhlamukna dai.#Gn 7:6-24. Sihm kaput kalahwarang ki muih Walanibis al kidika nawatwi kaiwarang mani kat. 40Kidika mani yakat, di dahnin pani yakat muih ahal bu rau kat, as kidika laih duwi kiuna karang ki dawak uk kidika laih dawi kiuna karang ki. 41Muih yayal bu kiwatak tikwarau kat, as kidika laih duwi kiuna karang ki dawak uk kidika laih dawi kiuna karang ki.
42“Manna sahmuhni bang-awanauh, kat manna nuawasmana mampat mani kidika manna Damanawan kidika kaiwarangpa. 43Kaunah manna adika nu awanauh, ū dawan as kidika pukta ais awarni yakat di malyang kiwarang kidika nu katlaih, sahmuhni sakkarang ki dawak bik dawakat muih as bik ūni yakat kawi di malwas karang ki. 44Kidika bahang, manna bik ridi bang-awanauh; kat muih Walanibis al kidika laih nu awasmana kat kaiwarang ki.#Lc 12:39-40.
Dini yamyang barangni dawakdini yamyang barangni awas kidika
(Lk 12:41-48)
45“¿Di yamyang angdika kidika barangni di balna kidika laihwi yamwih, witing daniwan ūni yakat di balna kidika witing tingni yat awi dawa kidika, awarni kat di bayahna atnin yulni? 46Yamni palni ki angdika muihni kat yamnin dini balna dai kidika yamwa sak kat daniwan kiwi kaltalwa kidika. 47Barangni manayultayang daniwan dini balna kidika laih witing tingni yakat awi dawarang ki. 48Kaunah kidika di yamyang kidika muih dutni karang laih, daniwan kidika laih kainin baisa ki ti kulwarang laih 49di yamyang uk balna yakat dutni diyamwarang ki, dawak wasak muihni balna karak bik kalpakwi di kaswi diwi uiwarang ki, 50kainin mani dawak awarni nu awas yakat daniwan kidika laih kaiwi 51dawak wah kalawarang,#24.51 Wah kalawarang: Y.Y. papus bu dakwarang. dawak sins dis muihni balna kapat yakat diwirlawarang ki. Bahang kaput laih kaidinin dawak kulnin abahlnin kidika kaina karang.
Currently Selected:
Matyu 24: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Matyu 24
24
Jisas yaklau sumalwi makat yulnin ūnidaukalwarang yulni kidika
(Mk 13:1-2; Lk 21:5-6)
1Jisas laih makat yulnin ūni kidika kaupak kalahwi kiwalik kat, disainipil balna kidika yaklau makat yulnin ūni balna kidika yakat niningkakana dai. 2Jisas yaklau diyulna:
—¿Manna adika dini balna bitik talamanah? Bahang barangni manayultayang adika pani akat kipala as bik laih kipala uk minit yakat watwas karang ki. Bitik laih daukalna karang ki.
Mani saran laihwas tanitkauhsain balna kalahwarang kidika
(Mk 13:3-23; Lk 21:7-24; 17:22-24)
3Usnit kat Olib asangni yakat uina dai. Jisas laih yalahna dai, dawak disainipil balna kidika laih yaihnit yakat uiwi kalyulwi dakakana:
—Yangna dukih yanawi yanayulna atnam mampat mani kat adika dini kalahwarang pa. ¿Ais sainni kalahwarangyah man watta nawatta aiwama kidika mani dawak sau saran kidika yakat bik?
4Jisas yaklau nangnitnalana:
—Manna amung talanuh muih as bik alas manayulninna awas ki. 5Kat muih mahni palni yang ayangki kau aiwarang ki. Aput yuyulwarang: ‘Yang kuduh Mesías kidika’, dawak muih mahni palni yakat alas diyuyulwarang ki. 6Manna war yulni kidika pa uk uk yakat dakanama; kaunah manna muihsakdadauwinih, kat kaput kalahnin bahang; kaput kaunah, baisa sau saran laih awas karang ki. 7Kat nesan as kidika nesan uk niningyakat kalbauwarang ki dawak sau as kidika sau uk niningyakat war kalbauwarang ki; dawak yuh wauhnin dawi sau isihnin lani kidika pa balna bitik yakat kalahwarang ki. 8Kaunah kidika balna bitik kidika laih dalani wauhnin tatuna balna kidika karang ki.
9“Bahang manna laih witingna tingnina yakat mana ahawarang ki dutni manayamna atninna yulni; dawak manaihīwarang ki, dawak muih balna bitik bik yang yulki dutni manayayamwarang ki.#Mt 10:22. 10Kidika mani yakat muih balna mahni kidika rahm kulnin lani duduwa kidika kaupak dadawarang ki, dawak bik biri biri dutni kalkukulwarang dawak biri biri bik malni kau pāt yakat kalahawarang ki. 11Prapit dauh balna mahni kalahwi muih balna mahni yakat alas diyuyulwarang ki. 12Dutni lani kidika mahni palni kalahna karang ki, dawak muih balna mahni kauh kidika laih dalani lani kidika dis karang ki muih uk balna yakat. 13Kaunah angdika muihni kat witni kat kiwarang kidika laih, laihwi yaknin lani kidika duwarang ki.#Mt 10:22. 14Dawak adika king kanin sauni yulni yamni adika laih muih balna bitik yakat diyuyulna karang ki, nesan balna bitik kau amanglana atninna yulni; bahang kaput laihtakat sau saran kidika kaiwarang ki.
15“Prapit Daniel yaklau ulna dai holi pani yakat dutni yamadangni kidika yulni.#Dn 9:27; 11:31; 12:11. Holi pani yakat manna talnama mani kat —angdika muihni yulwi talwa kat amanglawang—, 16bahang Judea yakat bangkidika muihni balna laih, asangpas yakat kikirang; 17dawak angdika muihni kat witing ūni tuna yakat sakkidika laih, sau yakat yaklakwi di as bik dunin awas ki; 18dawak angdika muihni kat di dahnin pani yakat sakkidika laih, nawatwi kaiwi asnina balna dulaunin awas ki.#Lc 17:31. 19¡Muih yayal muih kararuk balna dawak muihbinina batatahn duduwa balna kidika laih miniknakun karang ki! 20Manna Papang yakat yultanauh wasma dawak yakurupdinin mani#24.20 Yakurupdinin mani: kidika laih satadi. yakat yawanamna awas yulni; 21kat kidika mani yakat dalani wauhnin nuhni as sakkarang ki sau yamna mani kaupak#Dn 12:1; Rib 7:14. wat as bik dis kapat dawak witnikauh bik diskarang ki. 22Dawak Papang yaklau kidika mani parahni yamwas karang laih, muih as bik laihwi yaknin lani kidika duwas karang ki; kaunah witing yaklau walwi yakna muihni balna yakat dalani ditalwa kidika yulni laih parahni yamwarang ki.
23“Bahang manna yakat muih as yaklau manayulwarang kat: ‘Talnauh, akat sakki Mesías kidika’, kidik awas bik ‘Talnauh, kidika yakat sakki’, manatarang kat, rahm kalkulnamna awas ki. 24Kat mesías dauh balna dawak prapit dauh balna bik mahni palni aiwarang ki; dawak taldas dini balna nunuhni kidika yayamwarang ki, muih balna yakat alas diyulna atnin yulni, dawak Papang yaklau walwi yakna muihni balna kidika yakat bik alas diyulna atnin yayamwarang ki. 25Yang laih manna yakat uman muhnilau kau manayulnayang. 26Kidika bahang, aput manayuyulwarang kat: ‘Talnauh, kauhmak wanilang yakat sakki’, yawanamna awas ki; kidik awas bik aput manayuyulwarang kat: ‘Talnauh, akat yakmaldana sakki’, rahm kalkulnamna awas ki. 27Muih Walanibis al nawatwi kaiwarang yakat laih, sihm alwana lapwa kat ma kilwa kaupak ma kawa kat yaringni dahlwa kapat karang ki.#Lc 17:23-24. 28Angdika pani yakat muih dauna kidika laih, kidika yakat upam balna kidika kalududuhwarang ki.#Lc 17:37.
Muih Walanibis al nawatwi kaiwarang kidika
(Mk 13:24-37; Lk 21:25-33; 17:26-30, 34-36)
29“Dalani wauhnin kidika sirihni bayakwi kiwarang mani kat, ma kidika laih puksani lakwarang ki,#Is 13:10; Jl 2:10,31; 3:15; Rib 6:12. waiku kidika laih yaringni dis dawarang ki,#Is 13:10; Ez 32:7; Jl 2:10; 3:15. yala balna kidika laih kisang kaupak bubukwarang ki#Is 34:4; Rib 6:13. dawak kisang parasni balna kidika bik isisihna karang ki.#Jl 2:10. 30Bahang kaput laih muih Walanibis al sainni kidika kisang yakat taldarang, dawak sau tawanni balna bitik laih yamadangni talwi kakaidana karang ki, dawak kaput laih muih Walanibis al kidika makau kisang mukus kaupak#Dn 7:13; Rib 1:7. parasni nuhni karuk dawak ayangni yaksihni karuk bik kaiwa kidika tatalna karang ki. 31Dawak witing innisal balna kidika laih trompit nuhni as karak sihwarang ki, sau sutni arungka yakat muih walwi yakna balna kidika uduhna atninna, kisang sutni as kaupak sutni uk kat.
32“Bahang ani damni panan yulni kidika amanglatanauh: Tingni rahni balna kidika batata kalwi basnina laihwa mani kat, manna amanglatamana ma daihnin kurihni uliswa kidika. 33Sihm kaput bik, adika dini balna bitik manna talnama mani kat, amanglatanuh muih Walanibis al kidika laih dur kung yakat sakkidika. 34Barangni manayultayang adika dini balna bitik kalahwarang ki adika mani muihni balna kidika dadauwas tanitkauh. 35Kisang dawak sau kidika laih dis dawarang ki, kaunah yang yulki balna kidika laih amput yulnayang kat kaput kalahwarang ki.
36“Kidika mani dawak awarni kidika niningkauh laih, muih as bik nuawas ki, kisang innisal balna dawak witing Walanibis al kidika kat bik nuawas ki.
37“Noé mani balna yakat di kalahna kidika,#Gn 6:5-8. sihm kaput kalahwarang ki muih Walanibis al kidika nawatwi kaiwarang mani kat. 38Kidika mani balna was nuhni awas tanitkauh, dawak Noé kuring pasyakat kana mani kat kidika, muih balna kidika laih di kaswi, diwi dawak bik kalduwi ahawa dai. 39Kaunah witingna nu awas kat was kidika laih kaiwi witingna bitik yakat disuhlamukna dai.#Gn 7:6-24. Sihm kaput kalahwarang ki muih Walanibis al kidika nawatwi kaiwarang mani kat. 40Kidika mani yakat, di dahnin pani yakat muih ahal bu rau kat, as kidika laih duwi kiuna karang ki dawak uk kidika laih dawi kiuna karang ki. 41Muih yayal bu kiwatak tikwarau kat, as kidika laih duwi kiuna karang ki dawak uk kidika laih dawi kiuna karang ki.
42“Manna sahmuhni bang-awanauh, kat manna nuawasmana mampat mani kidika manna Damanawan kidika kaiwarangpa. 43Kaunah manna adika nu awanauh, ū dawan as kidika pukta ais awarni yakat di malyang kiwarang kidika nu katlaih, sahmuhni sakkarang ki dawak bik dawakat muih as bik ūni yakat kawi di malwas karang ki. 44Kidika bahang, manna bik ridi bang-awanauh; kat muih Walanibis al kidika laih nu awasmana kat kaiwarang ki.#Lc 12:39-40.
Dini yamyang barangni dawakdini yamyang barangni awas kidika
(Lk 12:41-48)
45“¿Di yamyang angdika kidika barangni di balna kidika laihwi yamwih, witing daniwan ūni yakat di balna kidika witing tingni yat awi dawa kidika, awarni kat di bayahna atnin yulni? 46Yamni palni ki angdika muihni kat yamnin dini balna dai kidika yamwa sak kat daniwan kiwi kaltalwa kidika. 47Barangni manayultayang daniwan dini balna kidika laih witing tingni yakat awi dawarang ki. 48Kaunah kidika di yamyang kidika muih dutni karang laih, daniwan kidika laih kainin baisa ki ti kulwarang laih 49di yamyang uk balna yakat dutni diyamwarang ki, dawak wasak muihni balna karak bik kalpakwi di kaswi diwi uiwarang ki, 50kainin mani dawak awarni nu awas yakat daniwan kidika laih kaiwi 51dawak wah kalawarang,#24.51 Wah kalawarang: Y.Y. papus bu dakwarang. dawak sins dis muihni balna kapat yakat diwirlawarang ki. Bahang kaput laih kaidinin dawak kulnin abahlnin kidika kaina karang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998