Matyu 21
21
Jisas laih Jerusalén yakat kakiwi
(Mk 11:1-11; Lk 19:28-40; Jn 12:12-19)
1Jerusalén ulis dawak Olib asangni Betfagé yakat ui'kakana mani kat, Jisas yaklau disainipil balna kidika kaupak muih bu yakwi sihwi, 2aput diyulna dai:
—Betfagé muhnit kau tawan bin as pakkidika yakat yawanauh. Kidika pāni yakat biriku yal as dawa biriku bin as karak sitna kat sakkarang ki. Uluhta duai'yatanauh. 3Dawak muih as manayulwi dakawarang kat, Dawan yaklau yulwi bahang usnit kat watwi mawarangki kaltinama.
4Adika kaput kalahna dai prapit ais yulwi ulna dai kidika yakat kalahna atnin yulni:
5“Sayan tawanni nuhni yakat kalyultanauh:
‘Talah, man Kingma kidika laih man yakat kaiwi,
minikunni, biriku as kau kilwi,
biriku bin as, aras di trukyang walanibis as kau.’ ”#Zac 9:9.
6Disaipil balna kidika laih uiwi Jisas yamnin diyulna dai kidika yayamna dai. 7Biriku walanibis kidika karak laihwi duwi uina dai, dawak kidika balna dangnina yakat kalmumukwa dini balna kidika ihilwa kat Jisas kilna dai. 8Muih mahni palni bangdai. Muih balna buas kidika laih kalmumukwa dini kidika sau yakat ririwa dai dawak ūk balna kidika laih pan ting bahwi lalakwa dai. 9Dawak muih mahni palni tatuna yakat dawak dangnit yakat bik uiwa kidika laih, aput yulwi sararahwa dai:
—¡King Devid Walanibis al kidika alasnina yaksihni#21.9 Alasnina yaksihni: Y.y. hosana, kidika laih hib. yulni kau, tanka laih ¡laihta yaktah! yamna karang! ¡Dawan ayangni duwi kaiwa kidika laih ayangni nuhni yamna ki!#Sal 118:25-26. ¡Maluihni yakat laih alasnina yaksihni yamna karang!
10Jisas witing Jerusalén yakat kiwi kana mani kat, tawan nuhni muihni balna kidika bitik laih di pini manah yamwi aput yulwi dakakawa dai:
—¿Adika muihni wais yah?
11Dawak muih balna kidika laih nangnitlalawadai:
—Adika laih Galilea sauni Nazaret kaupak prapit Jisas kidika ki.
Jisas yaklau makat yulnin ūni kidikamaisihni dis yamwi
(Mk 11:15-19; Lk 19:45-48; Jn 2:13-22)
12Jisas makat yulnin ūni yakat kawi muih di bakanyang balna bangdai kidika bitik kangwi yakmukna dai. Muih balna yakat lalah sinsni diayawa dawak buhtuku ilwi bakakanwa tinibil balna bangdai kidika abuklamukwi; 13aput diyulna:
—Ulna yakat aput yulwi: ‘Yang ūki kidika laih makat yulnin ūni karang’,#Is 56:7. kaunah manna laih di malyang balna pānina sulihni yamtamana.#Jr 7:11.
14Makat yulnin ūni yakat muih miniknapa di tatalwas dawak muihnina dikukuslana balna kidika bik Jisas yaihnit yakat uiwa kat sikninanis kaupak yamni diyamna dai. 15Kaunah sumalyang balna taninatuna dawak lā sumalyang balna kidika Jisas yaklau taldas dini balna kidika yamwa kat tatalna manikat dawak bik walabis balna kidika laih makat yulnin ūni yakat aput yulwi sararahwa kat dakakana mani kat: “¡King Devid Walanibis al kidika laih ayangni yaksihni yamna karang!”, kulninna daukalwi 16Jisas yakat aput kalyuyulna:
—¿Kidika muihni balna ais yuyulwa kidika dakamahn?
Jisas yaklau nangnitnalana:
—Agha, dakayang. Kaunah ¿manna baisa yulta talas manah ulna yakat adika yulni yulwa kidika? Aput yulwi:
‘Walabis balna unbabauwa kidika karak,
muih binina ta susuwa kauna unbabauwa kidika karak bik,
man ayangma nuhni yamnin kidika yaknaman.’#Sal 8:2.
17Bahang didamukwi tawan nuhni kaupak kalahwi Betania yakat kiwi payahna dai.
Jisas yaklau ani damni pananminik laihwas kidika yakat la kaltuhwi
(Mk 11:12-14, 20-26)
18Jisas witing mapiris niningkauh tawan nuhni yakat nawatwi kiwa kat yuh kallaihna dai. 19Ani damni panan as ta yaihnit yakat sakkat talwi yaihnit yakat kiuna, kaunah kidika panan laih basni manah duwa dai. Bahang ani damni panan yakat kalyulna:
—¡Watta minik yaknam awas ki!
Dawak kidika minitni yakat ani damni panan kidika laih kusulana dai. 20Disaipil balna laih di kalahna kidika talwi muihsakdauwi Jisas yakat kalyulwi dakakana:
—¿Amput dawakat ani damni panan kidika laih sirihni palni kusulanayah?
21Jisas yaklau nangnitnalana:
—Barangni manayultayang manna rahm kulnin lani duta rahm kultanama kat, ani damni panan akat kalyamnayang kaput laih yamtas awanamaki, kaunah baisa kidika minit yakat adika asangni akat kalyultanama kat: ‘Kidika kaupak lawa kuma yakat ayawah’, kaltinama kat, kaput kalwarang ki.#Mt 17:20; 1 Kor 13:2. 22Dawak manna mamatna yulta, rahm kulnin lani kidika karak yultanama kat, dutanama ki.
Jisas parasni kidika
(Mk 11:27-33; Lk 20:1-8)
23Kidika usnit kat, Jisas laih makat yulnin ūni yakat kana dai. Kidika yakat sumalwa sakkat, sumalyang balna taninatuna dawak Ju muihnibararak balna karak Jisas yaihnit yakat uiwi kalyulwi dakakana:
—¿Wais parasni kau duta adika dini yamtamahn? ¿Adika parasni wais yaklau manayah?
24-25Jisas yaklau nangnitnalana:
—Yang bik manna yakat yulwi dakana as manayultik dakaki ki: ¿Jan kidika wais yaklau sihnayah muih wassina atnin, Papang yaklau kidik awas kat muih balna yaklau? Manna lawa nangkitlatanama kat, yang lawik manayulki ki wais parasni kau dutik adika dini yamtyangpa.
Witingna manah biri biri yulwi dakakana: “Papang yaklau sihna atdarang kat, witing yaklau maiyulwarang: ‘Bahang, ¿ampadawakat rahm kalkultasmanadaih?’ 26Dawak sip muih balna sisihna atdaski, kat muih balna bitik laih Jan kidika prapit as kalkukulwa dai, bahang kidika yulni laih mayang muih balna yakat yamaninadudi.” 27Bahang kaput laih witingna Jisas yakat nangnitlalana:
—Mayang nu awasmayang.
Bahang Jisas yaklau nangnitnalana:
—Bahang yang bik sip manna yakat manayultasyang ais parasni kau dutik adika dini yamtayangpa.
Muih as walanibis ahal bu yulninamalni yulni
28Jisas yaklau diyulwi dakana:
—¿Ais kultamanah manna adika yulni? Muih al as witing walanibis ahal bu duwa dai, dawak kidika kaupak as yakat kalyulna: ‘Walakibis al, man warmani yawa wainki yamak yakat wark alahwah.’ 29Walanibis al kidika yaklau nangnitlana: ‘¡Yawana atnik dukih yawas ki!’ Kaunah usnit kat kulnin wirlawi kiuna dai. 30Usnit kat papangni kidika laih walanibis uk yakat sihm kidika yulni kalyulna. Kidika laih nangnitlana: ‘Agah, dakiwan, yawaki ki.’ Kaunah kiwas dana dai. 31¿Bu kidika kaupak angdika kauh papangni dukih kalawa dai kidika kaput yamnayah?
Witingna yaklau nangnitlalana:
—Tatuna kidika.
Dawak Jisas yaklau diyulna:
—Barangni manayultayang Roma dini tunan minit dadakwa balna kidika dawak ahal karak kalpakyang yayalni balna kidika kauh tatuna kakawarang ki Papang king kawa sauni yakat. 32Kat Jan yaklau kaiwi sumalna amput yalahna atnamna kidika, kaunah manna laih rahm kalkultas danamana dai; wirlawa kat, kidika tunan minit dakyang balna dawak ahal karak kalpakyang balna kidika kauh laih rahm kaldakakana dai.#Lc 3:12; 7:29-30. Kaunah manna laih, adika dini balna bitik talnamana dai karang bik, kulnamna wirlata rahm kalkultas danamana dai.
Muih dudutni di malyang balna yulninamalni yulni
(Mk 12:1-12; Lk 20:9-19)
33“Malni yulni uk dakanauh: Yamak dawan as yanimak yakat wain yamak as dahwi daklanadai;#Is 5:1-2. wain yamnin pani as yamna dawak mayakat kilwi maintalnin pani as yamna. Usnit kat sauni kidika di malyang balna yakat wayaki bakanpamwi pa uk kau kiuna. 34Minik kalahna mani kat, dini yamyang balna buas yakwi sihna di malyang balna yakat yuyulwa kat witing dunin dai kidika kalana atninna. 35Kaunah di malyang balna kidika laih yamak dawan dini yamyang balna kidika niningna yakat tingnina dulalana: buas yakat laih dalani diayana, ūk balna yakat laih ihīna dawak ūk balna yakat laih kipala kau babahrna dai. 36Yamak dawan kidika laih watwi baisa dini yamyang balna sihna dai muhnilau dai kidika karak dawakat; kaunah di malyang balna kidika yaklau bitik kau yakat sihm kaput diyayamna dai.
37“Witni kat witing walanibis al palni kidika sihna, aput kulwinah: ‘Rahm palni yang walakibis kidika laih rispik kalyayamwarang ki.’ 38Kaunah walanibis al kidika yakat tatalna mani kat, di malyang balna kidika laih biri biri yulwi dakakana: ‘Adika ki di pahni duwarang muihni kidika; bahang mayang īdi witing dini balna kidika dudanang.’ 39Kaput laih laihwi wain yamak kaupak yakwi īpapamna dai.
40“Dawak waralaih, wain yamak dawan kidika kaiwi, ¿kidika di malyang balna yakat ais diyamwarang kultamanah?”
41Nangnitlalana:
—Kidika muih dudutni balna yakat laih miniknakun talwas īmukwarang ki, dawak wain yamak kidika laih di malyang uk balna yakat wayaki dibakanwarang ki di minik kalahwa kat ampus kalaninna kidika mani kat kalalawarang kidika balna yakat.
42Bahang Jisas yaklau kidika balna yakat diyulna:
—¿Manna wat as bik Ulna wauhnitaya kidika yulta talasmanah? Yuyulwi:
‘Ū yamyang balna witingna kipala as yakwi dapapamna kidika laih
kidika kinipala laih tunan nuhni kalna ki.
Adika laih Dawan yaklau yamna,
dawak mayang laih muihsakdauna bangmayang.’#Sal 118:22-23.
43Kidika bahang manna yakat manayultayang Papang king kawa sauni kidika laih tingmana kaupak manadakyakwarang ki, dawak ampus minik yaknin kidika kaput yakwa tawanni yakat kalawarang ki. 44[Kipala kidika niningkauh laih, kidika minit yakat wais bukwarang laih muihni dakwi dis dawarang ki; dawak kipala kidika muih as minit yakat bukwarang laih, muihni kidika lungni manah yamwarang ki.]#21.44 Sainni [ ] walsah kau āwa kidika laih tingkau ulna yakat diski.
45Sumalyang balna taninatuna dawak parisi muihni balna kauna witingna Jisas yaklau malni yulni yulwa kidika dakakana kat, witingna amanglalana dai witingna yakat diyulwa kidika. 46Bahang īpamna atnin kukulna, kaunah yamaduduwa dai, kat muih balna kidika laih kukulwa dai Jisas laih prapit as ki.
Currently Selected:
Matyu 21: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Matyu 21
21
Jisas laih Jerusalén yakat kakiwi
(Mk 11:1-11; Lk 19:28-40; Jn 12:12-19)
1Jerusalén ulis dawak Olib asangni Betfagé yakat ui'kakana mani kat, Jisas yaklau disainipil balna kidika kaupak muih bu yakwi sihwi, 2aput diyulna dai:
—Betfagé muhnit kau tawan bin as pakkidika yakat yawanauh. Kidika pāni yakat biriku yal as dawa biriku bin as karak sitna kat sakkarang ki. Uluhta duai'yatanauh. 3Dawak muih as manayulwi dakawarang kat, Dawan yaklau yulwi bahang usnit kat watwi mawarangki kaltinama.
4Adika kaput kalahna dai prapit ais yulwi ulna dai kidika yakat kalahna atnin yulni:
5“Sayan tawanni nuhni yakat kalyultanauh:
‘Talah, man Kingma kidika laih man yakat kaiwi,
minikunni, biriku as kau kilwi,
biriku bin as, aras di trukyang walanibis as kau.’ ”#Zac 9:9.
6Disaipil balna kidika laih uiwi Jisas yamnin diyulna dai kidika yayamna dai. 7Biriku walanibis kidika karak laihwi duwi uina dai, dawak kidika balna dangnina yakat kalmumukwa dini balna kidika ihilwa kat Jisas kilna dai. 8Muih mahni palni bangdai. Muih balna buas kidika laih kalmumukwa dini kidika sau yakat ririwa dai dawak ūk balna kidika laih pan ting bahwi lalakwa dai. 9Dawak muih mahni palni tatuna yakat dawak dangnit yakat bik uiwa kidika laih, aput yulwi sararahwa dai:
—¡King Devid Walanibis al kidika alasnina yaksihni#21.9 Alasnina yaksihni: Y.y. hosana, kidika laih hib. yulni kau, tanka laih ¡laihta yaktah! yamna karang! ¡Dawan ayangni duwi kaiwa kidika laih ayangni nuhni yamna ki!#Sal 118:25-26. ¡Maluihni yakat laih alasnina yaksihni yamna karang!
10Jisas witing Jerusalén yakat kiwi kana mani kat, tawan nuhni muihni balna kidika bitik laih di pini manah yamwi aput yulwi dakakawa dai:
—¿Adika muihni wais yah?
11Dawak muih balna kidika laih nangnitlalawadai:
—Adika laih Galilea sauni Nazaret kaupak prapit Jisas kidika ki.
Jisas yaklau makat yulnin ūni kidikamaisihni dis yamwi
(Mk 11:15-19; Lk 19:45-48; Jn 2:13-22)
12Jisas makat yulnin ūni yakat kawi muih di bakanyang balna bangdai kidika bitik kangwi yakmukna dai. Muih balna yakat lalah sinsni diayawa dawak buhtuku ilwi bakakanwa tinibil balna bangdai kidika abuklamukwi; 13aput diyulna:
—Ulna yakat aput yulwi: ‘Yang ūki kidika laih makat yulnin ūni karang’,#Is 56:7. kaunah manna laih di malyang balna pānina sulihni yamtamana.#Jr 7:11.
14Makat yulnin ūni yakat muih miniknapa di tatalwas dawak muihnina dikukuslana balna kidika bik Jisas yaihnit yakat uiwa kat sikninanis kaupak yamni diyamna dai. 15Kaunah sumalyang balna taninatuna dawak lā sumalyang balna kidika Jisas yaklau taldas dini balna kidika yamwa kat tatalna manikat dawak bik walabis balna kidika laih makat yulnin ūni yakat aput yulwi sararahwa kat dakakana mani kat: “¡King Devid Walanibis al kidika laih ayangni yaksihni yamna karang!”, kulninna daukalwi 16Jisas yakat aput kalyuyulna:
—¿Kidika muihni balna ais yuyulwa kidika dakamahn?
Jisas yaklau nangnitnalana:
—Agha, dakayang. Kaunah ¿manna baisa yulta talas manah ulna yakat adika yulni yulwa kidika? Aput yulwi:
‘Walabis balna unbabauwa kidika karak,
muih binina ta susuwa kauna unbabauwa kidika karak bik,
man ayangma nuhni yamnin kidika yaknaman.’#Sal 8:2.
17Bahang didamukwi tawan nuhni kaupak kalahwi Betania yakat kiwi payahna dai.
Jisas yaklau ani damni pananminik laihwas kidika yakat la kaltuhwi
(Mk 11:12-14, 20-26)
18Jisas witing mapiris niningkauh tawan nuhni yakat nawatwi kiwa kat yuh kallaihna dai. 19Ani damni panan as ta yaihnit yakat sakkat talwi yaihnit yakat kiuna, kaunah kidika panan laih basni manah duwa dai. Bahang ani damni panan yakat kalyulna:
—¡Watta minik yaknam awas ki!
Dawak kidika minitni yakat ani damni panan kidika laih kusulana dai. 20Disaipil balna laih di kalahna kidika talwi muihsakdauwi Jisas yakat kalyulwi dakakana:
—¿Amput dawakat ani damni panan kidika laih sirihni palni kusulanayah?
21Jisas yaklau nangnitnalana:
—Barangni manayultayang manna rahm kulnin lani duta rahm kultanama kat, ani damni panan akat kalyamnayang kaput laih yamtas awanamaki, kaunah baisa kidika minit yakat adika asangni akat kalyultanama kat: ‘Kidika kaupak lawa kuma yakat ayawah’, kaltinama kat, kaput kalwarang ki.#Mt 17:20; 1 Kor 13:2. 22Dawak manna mamatna yulta, rahm kulnin lani kidika karak yultanama kat, dutanama ki.
Jisas parasni kidika
(Mk 11:27-33; Lk 20:1-8)
23Kidika usnit kat, Jisas laih makat yulnin ūni yakat kana dai. Kidika yakat sumalwa sakkat, sumalyang balna taninatuna dawak Ju muihnibararak balna karak Jisas yaihnit yakat uiwi kalyulwi dakakana:
—¿Wais parasni kau duta adika dini yamtamahn? ¿Adika parasni wais yaklau manayah?
24-25Jisas yaklau nangnitnalana:
—Yang bik manna yakat yulwi dakana as manayultik dakaki ki: ¿Jan kidika wais yaklau sihnayah muih wassina atnin, Papang yaklau kidik awas kat muih balna yaklau? Manna lawa nangkitlatanama kat, yang lawik manayulki ki wais parasni kau dutik adika dini yamtyangpa.
Witingna manah biri biri yulwi dakakana: “Papang yaklau sihna atdarang kat, witing yaklau maiyulwarang: ‘Bahang, ¿ampadawakat rahm kalkultasmanadaih?’ 26Dawak sip muih balna sisihna atdaski, kat muih balna bitik laih Jan kidika prapit as kalkukulwa dai, bahang kidika yulni laih mayang muih balna yakat yamaninadudi.” 27Bahang kaput laih witingna Jisas yakat nangnitlalana:
—Mayang nu awasmayang.
Bahang Jisas yaklau nangnitnalana:
—Bahang yang bik sip manna yakat manayultasyang ais parasni kau dutik adika dini yamtayangpa.
Muih as walanibis ahal bu yulninamalni yulni
28Jisas yaklau diyulwi dakana:
—¿Ais kultamanah manna adika yulni? Muih al as witing walanibis ahal bu duwa dai, dawak kidika kaupak as yakat kalyulna: ‘Walakibis al, man warmani yawa wainki yamak yakat wark alahwah.’ 29Walanibis al kidika yaklau nangnitlana: ‘¡Yawana atnik dukih yawas ki!’ Kaunah usnit kat kulnin wirlawi kiuna dai. 30Usnit kat papangni kidika laih walanibis uk yakat sihm kidika yulni kalyulna. Kidika laih nangnitlana: ‘Agah, dakiwan, yawaki ki.’ Kaunah kiwas dana dai. 31¿Bu kidika kaupak angdika kauh papangni dukih kalawa dai kidika kaput yamnayah?
Witingna yaklau nangnitlalana:
—Tatuna kidika.
Dawak Jisas yaklau diyulna:
—Barangni manayultayang Roma dini tunan minit dadakwa balna kidika dawak ahal karak kalpakyang yayalni balna kidika kauh tatuna kakawarang ki Papang king kawa sauni yakat. 32Kat Jan yaklau kaiwi sumalna amput yalahna atnamna kidika, kaunah manna laih rahm kalkultas danamana dai; wirlawa kat, kidika tunan minit dakyang balna dawak ahal karak kalpakyang balna kidika kauh laih rahm kaldakakana dai.#Lc 3:12; 7:29-30. Kaunah manna laih, adika dini balna bitik talnamana dai karang bik, kulnamna wirlata rahm kalkultas danamana dai.
Muih dudutni di malyang balna yulninamalni yulni
(Mk 12:1-12; Lk 20:9-19)
33“Malni yulni uk dakanauh: Yamak dawan as yanimak yakat wain yamak as dahwi daklanadai;#Is 5:1-2. wain yamnin pani as yamna dawak mayakat kilwi maintalnin pani as yamna. Usnit kat sauni kidika di malyang balna yakat wayaki bakanpamwi pa uk kau kiuna. 34Minik kalahna mani kat, dini yamyang balna buas yakwi sihna di malyang balna yakat yuyulwa kat witing dunin dai kidika kalana atninna. 35Kaunah di malyang balna kidika laih yamak dawan dini yamyang balna kidika niningna yakat tingnina dulalana: buas yakat laih dalani diayana, ūk balna yakat laih ihīna dawak ūk balna yakat laih kipala kau babahrna dai. 36Yamak dawan kidika laih watwi baisa dini yamyang balna sihna dai muhnilau dai kidika karak dawakat; kaunah di malyang balna kidika yaklau bitik kau yakat sihm kaput diyayamna dai.
37“Witni kat witing walanibis al palni kidika sihna, aput kulwinah: ‘Rahm palni yang walakibis kidika laih rispik kalyayamwarang ki.’ 38Kaunah walanibis al kidika yakat tatalna mani kat, di malyang balna kidika laih biri biri yulwi dakakana: ‘Adika ki di pahni duwarang muihni kidika; bahang mayang īdi witing dini balna kidika dudanang.’ 39Kaput laih laihwi wain yamak kaupak yakwi īpapamna dai.
40“Dawak waralaih, wain yamak dawan kidika kaiwi, ¿kidika di malyang balna yakat ais diyamwarang kultamanah?”
41Nangnitlalana:
—Kidika muih dudutni balna yakat laih miniknakun talwas īmukwarang ki, dawak wain yamak kidika laih di malyang uk balna yakat wayaki dibakanwarang ki di minik kalahwa kat ampus kalaninna kidika mani kat kalalawarang kidika balna yakat.
42Bahang Jisas yaklau kidika balna yakat diyulna:
—¿Manna wat as bik Ulna wauhnitaya kidika yulta talasmanah? Yuyulwi:
‘Ū yamyang balna witingna kipala as yakwi dapapamna kidika laih
kidika kinipala laih tunan nuhni kalna ki.
Adika laih Dawan yaklau yamna,
dawak mayang laih muihsakdauna bangmayang.’#Sal 118:22-23.
43Kidika bahang manna yakat manayultayang Papang king kawa sauni kidika laih tingmana kaupak manadakyakwarang ki, dawak ampus minik yaknin kidika kaput yakwa tawanni yakat kalawarang ki. 44[Kipala kidika niningkauh laih, kidika minit yakat wais bukwarang laih muihni dakwi dis dawarang ki; dawak kipala kidika muih as minit yakat bukwarang laih, muihni kidika lungni manah yamwarang ki.]#21.44 Sainni [ ] walsah kau āwa kidika laih tingkau ulna yakat diski.
45Sumalyang balna taninatuna dawak parisi muihni balna kauna witingna Jisas yaklau malni yulni yulwa kidika dakakana kat, witingna amanglalana dai witingna yakat diyulwa kidika. 46Bahang īpamna atnin kukulna, kaunah yamaduduwa dai, kat muih balna kidika laih kukulwa dai Jisas laih prapit as ki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998