Luk 5
5
Waspa dini balna laihwitaldas dini yamna kidika
(Mt 4:18-22; Mk 1:16-20)
1Wat as kat Jisas witing Genesaret lakunni kungyakat sakkauna, muih mahni kaltataihwa kidika dakana dai Papang yulni dakana atnin yulni. 2Jisas witing was kung kauhmak yakat kuring bu dulkat talna dai. Panimanah duldai kat waspa dini pamyang balna kidika laih waspa dini lalaihwa dini kidika suhna yaklalakna dai kidika yulni. 3Jisas laih Saiman kuringni dai kidika yakat kanadai, dawak Saiman yakat kalyulna dai was kung kaupak apis naikau kalduwi kalahwi kiuna atnin. Usnit kat kuring yakat yalahwi kidika kaupak muih balna yakat disumalna dai.#Mt 13:1-2; Mk 3:9-10; 4:1. 4Yulbauwi dana mani kat, Saiman yakat aput kalyulna:
—Kuring adika was tuhni yakat duyawah, dawak kidika yakat waspa dini laihtamana dini balna kidika ruhmtanauh.
5Saiman yaklau nangnitlana:
—Sumalyang, yangna pukta naini bitik yakat wark alahwanayangna kaunah di as bik yaktasyangna;#Jn 21:3. kaunah man lawa yamnin yultaman bahang, waspa dini laihnin dini balna kidika ruhmki ki.
6Witingna kaput yayamna mani kat, waspa dini mahni#Jn 21:6. lalaihwakat waspa dini laihnin dini balna kidika dakyamna dai. 7Bahang witingna kaltalyang yayamni kuring ūk kau bangdai kidika yakat sain diyayamna dai, uiwi ilp diana atninna yulni. Witingna laih uina, dawak kuring bupak waspa dini puwi babanghna dai, kaunah kuring balna kidika laih bulninna manah dai. 8Kidika tatalna mani kat, Saiman Pita laih Jisas muhni yakat limbabahwi aput kalyulna:
—¡Dawan yang kaupak naikau alahwah, kat yang laih dutni yamyang muihni as yang!#Job 7:19-20; Sal 39:13.
9Saiman dawak muih ūk balna bitik laih muihsakdadauna dai waspa dini mahni kaput lalaihna kidika yulni. 10Kidika yakat Sibidi walanibis balna Jims dawak Jan bik raudai, witingna laih Saiman karak kaltalyang yayamni dai. Kaunah Jisas yaklau Saiman yakat aput kalyulna:
—Man yamaduwinih, waradika kaupak man laih muih laihyang awamaki.
11Bahang kuring balna kidika sau buhni yakat mur'ilwi, dinina balna bitik damukwi Jisas usnit uhuina dai.
Jisas yaklau pilau duyang muihni as kauyamni kalyamna kidika
(Mt 8:1-4; Mk 1:40-45)
12Ma as kat Jisas witing tawan as kau sakkat, pilau duyang muihni as kiwi kanadai; witing Jisas yakat talna mani kat, sau yakat abukwi aput yulwi kalnidinit bukna dai:
—Dawan, man dukih mawakat, sipman yang sikkinis kaupak maisihnidis yayamnam.
13Jisas tingni kau sukna aput yulwinah:
—Yang dukih yawi. ¡Maisihnidis alahwanaman!
Kidika minitni yakat siknis muihni kidika pilau dis kalnadai, 14dawak Jisas yaklau kalyulna:
—Muih as kau bik kalyulnam awaski; sumalyang muihni yakat manah yawama, dawak maisihnidis alahwanam yulni minitdis kalanin dini Moses yaklau yamnin yulna kidika duyawama,#Lv 14:1-32. kaput karak muih balna kidika bitik amanglana atninna man laih sikmanis kaupak maisihnidis alahwanaman kidika.
15Kaput bik, Jisas ayangni kidika laih ma balna bitik yakat makau yaklauwadai, dawak muih balna mahni kalududuhwadai witing sumalwa kidika dakana atnin dawak sikninanis kaupak bik yamni diyamna atnin yulni. 16Kaunah Jisas laih pa balna muih dis yakat kiwadai minityulna atnin.
Jisas yaklau muih sininwah buhlana as kauyamni kalyamna kidika
(Mt 9:1-8; Mk 2:1-12)
17Ma as kat Jisas witing sumalwasakkat, kidika pāni yakat fariseo muihni balna buas dawak la sumalniyang balna bik buas yalalahna dai Galilea, Judea dawak Jerusalén yaihnitkau tawanbinina kidika kaupak aiwi. Dawak Papang parasni kidika laih Jisas yaklau muih balna sikninanis kaupak diyamwa yakat niningnakawadai. 18Bahang muih balna buas uiwi kakanadai witingna laih payahnin pāni as kau muih sininwah buhlana as duwi uinadai. Ū pasyakat āwi Jisas muhni yakat laknin kukulna dai, 19kaunah witingna angkut kaninnapa amanglalawasdai, kat muih mahni bangdai kidika yulni; kaput bahang ū tuna yakat kilwi sulihni as yamwi kidika yakut muih sininwah buhlana kidika payahnin pāni kau āwi lalakna dai, muih balna muhnina yakat dawak Jisas muhni yakat bik. 20Rahm kulnin lani duduwa kidika Jisas talna mani kat, siknis muihni yakat aput kalyulna:
—Yang karak yamni kaltalyang, man dutma balna kidika dawak disna ki.
21Bahang lā sumalniyang balna dawak fariseo balna kidika laih aput kukulna: “¿Waisyah adika muihni, Papang niningyakat yul dudutni yulwa kidika? Papang manah sipki muih dutni dawak disnin.”
22Kaunah Jisas laih witingna ais kukulwa kidika amanglana dai, dawak diyulwi dakana:
—¿Ais yulni manna kaput kultamanah? 23¿Angdika kauh yamniyah yulnin: ‘Man dutma balna kidika laih dawak disna’, kidik awaskat aput kauh: ‘Lawah dawak yawah’? 24Bahang namangnakaki ki muih Walanibis al kidika sau akat parasni duwa kidika muih dutni dawak disnin.
Bahang muih sininwah buhlana yakat kalyulna:
—Man yakat mayultayang, lawah, dawak payahnam pāni duta ūma kau yawah.
25Kidika minitni yakat, muih sininwah buhlana kidika laih payahnin pāni duwi ūni kau kiunadai Papang yakat ayangni nuhni yamwīnah. 26Muih balna bitik yamni tatalna dai dawak Papang yakat ayangni nuhni yayamna dai, dawak yamadangni dakawi aput yuyulna:
—Warmani mayang di taldas dini talnamayang.
Jisas yaklau Leví yakat kiuninkalyulna kidika
(Mt 9:9-13; Mk 2:13-17)
27Kidika usnit kat, Jisas kalahwi Roma dini tunan minit dadakwa muihni balna kaupak as yakat kaltalna dai. Kidika ayangni laih Leví dai, witing laih tunan minit dadakwa pāni yakat yalahna sakdai. Jisas yaklau kalyulna:
—Uskit uitah.
28Bahang Leví laih yaklauwi dini balna bitik damukwi Jisas usnit uinadai.
29Kidika bayakna usnit kat, Leví laih witing ūni yakat kasnin alasnina nuhni as yamna dai Jisas risnipik kau; dawak Roma dini tunan minit dadakwa muihni balna dawak muih ūk balna bik Jisas karak aslah tibil yakat yalahna bangdai. 30Kaunah fariseo balna dawak lā sumalniyang balna kalududuhna balna kidika yaklauwi Jisas disainipil balna yakat niningnakauh aput yuyulna dai:
—¿Ais yulni manna tunan minit dakyang muihni balna dawak dutni yamyang muihni balna karak kalpakta di kasta dawak bik ditamanah?#Lc 15:1-2.
31Jisas yaklau nangnitnalana:
—Muih muihnina yayamni balna kidika laih daktar dukih diawaski, kaunah siknis muihni balna kidika laihtakat. 32Yang laih muih yayamni balna yakat diyulna aiwasyang, kaunah dutni muihni balna yakat diyulna aiwanayang, Papang yakat wiryaklana atninna.
Yuh wauhnin yulni kidika
(Mt 9:14-17; Mk 2:18-22)
33Jisas yakat aput kalyuyulna:
—Jan usnit uiyang balna dawak fariseo muihni balna laih uba palni yuh wawauhwi dawak bik minitni yuyulwi, kaunah man disaimapil balna laih ban kaput di kakaswi dawak bik didiwi.
34Jisas yaklau nangnitnalana:
—¿Ais manna sipmanakatpah marid kasnin alasnina yakat muih yulwakat uina balna yakat dipaktanang kat yuh wauhna atninna, marid al kidika laih witingna karak sakkat? 35Kaunah marid al kidika duwi uinin mani kiwi kawarangki; kidika mani kiwi kawarang kat, bahang kidika yakat laihtakat yuh wawauhwarang ki.
36Adika malni yulni bik diyulna dai:
—Muih as bik asna wisam kidika dakwi asna utuhni yakat pislakwaski. Kaput yamwarangkat, asna wisam kidika laih daukalpamwarang ki; baisa kidika minityakat, asna wisam dakna kidika laih asna utuhni kidika karak yamni awas karangki. 37Wain wasni wisam kidika bik di utak bina umani balna yakat utuhwaski, kat wain wasni wisam kidika yaklau yamwakat di utak balna kidika bisyamwi, bahang wain kidika dawak di utak balna kidika bik dauh didiswi. 38Kidika bahang wain wasni wisam kidika laih di utak bina balna wisasam yakat utuhnin ki. 39Dawak muih as bik wain umani kidika diwi usnit kat wisam kidika dukih kalawaski, kat aput yulwi: ‘Umani kidika kauh auhni ki.’
Currently Selected:
Luk 5: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Luk 5
5
Waspa dini balna laihwitaldas dini yamna kidika
(Mt 4:18-22; Mk 1:16-20)
1Wat as kat Jisas witing Genesaret lakunni kungyakat sakkauna, muih mahni kaltataihwa kidika dakana dai Papang yulni dakana atnin yulni. 2Jisas witing was kung kauhmak yakat kuring bu dulkat talna dai. Panimanah duldai kat waspa dini pamyang balna kidika laih waspa dini lalaihwa dini kidika suhna yaklalakna dai kidika yulni. 3Jisas laih Saiman kuringni dai kidika yakat kanadai, dawak Saiman yakat kalyulna dai was kung kaupak apis naikau kalduwi kalahwi kiuna atnin. Usnit kat kuring yakat yalahwi kidika kaupak muih balna yakat disumalna dai.#Mt 13:1-2; Mk 3:9-10; 4:1. 4Yulbauwi dana mani kat, Saiman yakat aput kalyulna:
—Kuring adika was tuhni yakat duyawah, dawak kidika yakat waspa dini laihtamana dini balna kidika ruhmtanauh.
5Saiman yaklau nangnitlana:
—Sumalyang, yangna pukta naini bitik yakat wark alahwanayangna kaunah di as bik yaktasyangna;#Jn 21:3. kaunah man lawa yamnin yultaman bahang, waspa dini laihnin dini balna kidika ruhmki ki.
6Witingna kaput yayamna mani kat, waspa dini mahni#Jn 21:6. lalaihwakat waspa dini laihnin dini balna kidika dakyamna dai. 7Bahang witingna kaltalyang yayamni kuring ūk kau bangdai kidika yakat sain diyayamna dai, uiwi ilp diana atninna yulni. Witingna laih uina, dawak kuring bupak waspa dini puwi babanghna dai, kaunah kuring balna kidika laih bulninna manah dai. 8Kidika tatalna mani kat, Saiman Pita laih Jisas muhni yakat limbabahwi aput kalyulna:
—¡Dawan yang kaupak naikau alahwah, kat yang laih dutni yamyang muihni as yang!#Job 7:19-20; Sal 39:13.
9Saiman dawak muih ūk balna bitik laih muihsakdadauna dai waspa dini mahni kaput lalaihna kidika yulni. 10Kidika yakat Sibidi walanibis balna Jims dawak Jan bik raudai, witingna laih Saiman karak kaltalyang yayamni dai. Kaunah Jisas yaklau Saiman yakat aput kalyulna:
—Man yamaduwinih, waradika kaupak man laih muih laihyang awamaki.
11Bahang kuring balna kidika sau buhni yakat mur'ilwi, dinina balna bitik damukwi Jisas usnit uhuina dai.
Jisas yaklau pilau duyang muihni as kauyamni kalyamna kidika
(Mt 8:1-4; Mk 1:40-45)
12Ma as kat Jisas witing tawan as kau sakkat, pilau duyang muihni as kiwi kanadai; witing Jisas yakat talna mani kat, sau yakat abukwi aput yulwi kalnidinit bukna dai:
—Dawan, man dukih mawakat, sipman yang sikkinis kaupak maisihnidis yayamnam.
13Jisas tingni kau sukna aput yulwinah:
—Yang dukih yawi. ¡Maisihnidis alahwanaman!
Kidika minitni yakat siknis muihni kidika pilau dis kalnadai, 14dawak Jisas yaklau kalyulna:
—Muih as kau bik kalyulnam awaski; sumalyang muihni yakat manah yawama, dawak maisihnidis alahwanam yulni minitdis kalanin dini Moses yaklau yamnin yulna kidika duyawama,#Lv 14:1-32. kaput karak muih balna kidika bitik amanglana atninna man laih sikmanis kaupak maisihnidis alahwanaman kidika.
15Kaput bik, Jisas ayangni kidika laih ma balna bitik yakat makau yaklauwadai, dawak muih balna mahni kalududuhwadai witing sumalwa kidika dakana atnin dawak sikninanis kaupak bik yamni diyamna atnin yulni. 16Kaunah Jisas laih pa balna muih dis yakat kiwadai minityulna atnin.
Jisas yaklau muih sininwah buhlana as kauyamni kalyamna kidika
(Mt 9:1-8; Mk 2:1-12)
17Ma as kat Jisas witing sumalwasakkat, kidika pāni yakat fariseo muihni balna buas dawak la sumalniyang balna bik buas yalalahna dai Galilea, Judea dawak Jerusalén yaihnitkau tawanbinina kidika kaupak aiwi. Dawak Papang parasni kidika laih Jisas yaklau muih balna sikninanis kaupak diyamwa yakat niningnakawadai. 18Bahang muih balna buas uiwi kakanadai witingna laih payahnin pāni as kau muih sininwah buhlana as duwi uinadai. Ū pasyakat āwi Jisas muhni yakat laknin kukulna dai, 19kaunah witingna angkut kaninnapa amanglalawasdai, kat muih mahni bangdai kidika yulni; kaput bahang ū tuna yakat kilwi sulihni as yamwi kidika yakut muih sininwah buhlana kidika payahnin pāni kau āwi lalakna dai, muih balna muhnina yakat dawak Jisas muhni yakat bik. 20Rahm kulnin lani duduwa kidika Jisas talna mani kat, siknis muihni yakat aput kalyulna:
—Yang karak yamni kaltalyang, man dutma balna kidika dawak disna ki.
21Bahang lā sumalniyang balna dawak fariseo balna kidika laih aput kukulna: “¿Waisyah adika muihni, Papang niningyakat yul dudutni yulwa kidika? Papang manah sipki muih dutni dawak disnin.”
22Kaunah Jisas laih witingna ais kukulwa kidika amanglana dai, dawak diyulwi dakana:
—¿Ais yulni manna kaput kultamanah? 23¿Angdika kauh yamniyah yulnin: ‘Man dutma balna kidika laih dawak disna’, kidik awaskat aput kauh: ‘Lawah dawak yawah’? 24Bahang namangnakaki ki muih Walanibis al kidika sau akat parasni duwa kidika muih dutni dawak disnin.
Bahang muih sininwah buhlana yakat kalyulna:
—Man yakat mayultayang, lawah, dawak payahnam pāni duta ūma kau yawah.
25Kidika minitni yakat, muih sininwah buhlana kidika laih payahnin pāni duwi ūni kau kiunadai Papang yakat ayangni nuhni yamwīnah. 26Muih balna bitik yamni tatalna dai dawak Papang yakat ayangni nuhni yayamna dai, dawak yamadangni dakawi aput yuyulna:
—Warmani mayang di taldas dini talnamayang.
Jisas yaklau Leví yakat kiuninkalyulna kidika
(Mt 9:9-13; Mk 2:13-17)
27Kidika usnit kat, Jisas kalahwi Roma dini tunan minit dadakwa muihni balna kaupak as yakat kaltalna dai. Kidika ayangni laih Leví dai, witing laih tunan minit dadakwa pāni yakat yalahna sakdai. Jisas yaklau kalyulna:
—Uskit uitah.
28Bahang Leví laih yaklauwi dini balna bitik damukwi Jisas usnit uinadai.
29Kidika bayakna usnit kat, Leví laih witing ūni yakat kasnin alasnina nuhni as yamna dai Jisas risnipik kau; dawak Roma dini tunan minit dadakwa muihni balna dawak muih ūk balna bik Jisas karak aslah tibil yakat yalahna bangdai. 30Kaunah fariseo balna dawak lā sumalniyang balna kalududuhna balna kidika yaklauwi Jisas disainipil balna yakat niningnakauh aput yuyulna dai:
—¿Ais yulni manna tunan minit dakyang muihni balna dawak dutni yamyang muihni balna karak kalpakta di kasta dawak bik ditamanah?#Lc 15:1-2.
31Jisas yaklau nangnitnalana:
—Muih muihnina yayamni balna kidika laih daktar dukih diawaski, kaunah siknis muihni balna kidika laihtakat. 32Yang laih muih yayamni balna yakat diyulna aiwasyang, kaunah dutni muihni balna yakat diyulna aiwanayang, Papang yakat wiryaklana atninna.
Yuh wauhnin yulni kidika
(Mt 9:14-17; Mk 2:18-22)
33Jisas yakat aput kalyuyulna:
—Jan usnit uiyang balna dawak fariseo muihni balna laih uba palni yuh wawauhwi dawak bik minitni yuyulwi, kaunah man disaimapil balna laih ban kaput di kakaswi dawak bik didiwi.
34Jisas yaklau nangnitnalana:
—¿Ais manna sipmanakatpah marid kasnin alasnina yakat muih yulwakat uina balna yakat dipaktanang kat yuh wauhna atninna, marid al kidika laih witingna karak sakkat? 35Kaunah marid al kidika duwi uinin mani kiwi kawarangki; kidika mani kiwi kawarang kat, bahang kidika yakat laihtakat yuh wawauhwarang ki.
36Adika malni yulni bik diyulna dai:
—Muih as bik asna wisam kidika dakwi asna utuhni yakat pislakwaski. Kaput yamwarangkat, asna wisam kidika laih daukalpamwarang ki; baisa kidika minityakat, asna wisam dakna kidika laih asna utuhni kidika karak yamni awas karangki. 37Wain wasni wisam kidika bik di utak bina umani balna yakat utuhwaski, kat wain wasni wisam kidika yaklau yamwakat di utak balna kidika bisyamwi, bahang wain kidika dawak di utak balna kidika bik dauh didiswi. 38Kidika bahang wain wasni wisam kidika laih di utak bina balna wisasam yakat utuhnin ki. 39Dawak muih as bik wain umani kidika diwi usnit kat wisam kidika dukih kalawaski, kat aput yulwi: ‘Umani kidika kauh auhni ki.’
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998