Job 24
24
1¿Ais yamwi, Parasni nuhni bitik duwa kidika, witing di balna yamwarang kidika mani āwasyah,
witing kaltalyang yamni balna kidika talna atnin yulni?
2Muih dudutni balna kidika, sau kulwi lain āna kidika yakwi pa ūk lalawi,
dawak sīp balna bik mamalwi, witingna tingninalau kidika mahna atnin yulni,#Dt 19:14; 27:17; Pro 22:28; 23:10.
3warau balna dawak tingmak balna
tingninalau balna kidika dakyayakwi.
4Muih miniknakunni balna kidika, witingna tininapas kaupak kapahr'lalawi,
dawak muih kulninna minikun kidika balna laih yakmaldinin ki.
5Muih miniknakunni balna kidika laih,
sihm kauhmak wanilang biriniku kapat witingna kalahwi wark wawalwi kasninna yaknin yulni,
dawak kauhmak wanilang kaupak witingna walaninabis kasninna kidika yayakwi.
6Muih yaninamak yakat uiwi plawar minik wawalwi,
kidika awaskat muih dudutni balna wainnina yamak yakat uiwi wawalwi, walwi bayayakna minit yakat.
7Pukta kidika witingna kalmuknin dis ban kaput payayahwi,
sanni kidika nanitna daknin dis ban kaput.
8Asang kaupak waslauwa kidika disuihwi,
dawak kipala yakat pa wawalwi kana atnin.
9Tingmak balna walaninabis batanh dawak witingna yaklauwi dakyayakwi,
dawak muih miniknakunni balna yakat gol dini balna kidika diyuyulwi diana atnin.
10Muih miniknakunni balna kidika laih wahdis ki,
dawak plawar minik trurukwi yuh dadauwa pasyakat.
11Kipala kau tikwi disala yayakwa dini kidika wawauhwi;
dawak wain atatakwi wasni yakna atnin yulni,
kauna witingna laih dikih diawak dadauwi.
12Tawan nuhni kaupak naikau ki,
dauwi disuhlakwak kaidi sararahwa kidika,
kauna Papang laih witing minitna yuyulwa kidika dakawas ki.
13Muih buas laih yaringni kidika dutni tatalwi,
dawak witingna tanina bitik yakat kidika kaupak isyaklalawi.#Jn 3:20.
14Muih iyang kidika, puktakau yaklauwi muih minikunni yakat ina atnin yulni,
dawak puklakwa kat mahka dimalyang kalwi.
15Dawak yal bakatyang kidika tahawi puklakwak,
dawak muhni putwi, bahang witing kulwi:
“Kaput laih muih as bik kaltatalwas ki.”
16Dimalyang kidika pukta yakat muih ūnina kawi.
Witingna kidika bitik laih madah yakat kawi ūnina puputwi;
bahang witingna laih yaringni waihnila balna.
17Madah yaringni kidika witingna niningna yakat puksani ki;
pukta yamadangni kidika kauh dukih diawi.
Zofar#24.17 Zofar: S.d. 18-25 kat kidika kulna ki Zofar yulbauna, kauna Hibru kau ulna kidika yakat laih witing ayangni kalahwas ki.
18Muih dutni kidika laih was yaklauwi murwi duwi kiwi.
Sauni balna kidika laih la tuhna ki,
dawak muih as bik kidika wainni yamak yakat wark kalahwas ki.
19Ma daihwa kat was dadasna kidika arwi;
dawak sau ū yakat laih muih dutni kidika diswi.
20Nanangni palni bik witing yakat kalkulwas dawak dinitkahwarang;
babil balna kakasna karang,
dawak muih as bik isningkatwas karang witing yakat.
Muih dutni kidika pan as dakwa kapat karang.
21Yayal walaninabis dis balna kidika dawakat tingmak balna niningna yakat
ban witingna dudutni dai;#24.21 Dudutni dai: kaput ulna kidika yamni kapat ki. Hibru kau laih yulwi maintalwadai. watas bik ilp diayawas dai.
22Kauna Papang parasni nuhni bitik duwa kidika kau, parasni duduwa balna yakat tuklakna karang;
witing di balna kidika yamwak, muih as bik sangninaka kidika rahm duwas ki.
23Papang yaklauwi didawak isningnalak yalalahwi,
kauna lapapakwa balna bitik kidika talwi.
24Muih dutni kidika wayakilah yaklauwi,
kauna tihndawak diswi.
Sihm dibasta dakwak kusulawa kapat#24.24 Dibasta dakwak kusulawa kapat: grik kau laih kaput ulna. Hibru kau laih yulwi bitik kapat. kusulawi,
sihm plawar minik lamwa kapat.
25Dawak adika kaput awaskat, ¿wais sipyah yulna atnin,
dawak lāih yakwi yulna atnin kaput-awas kidika?
Currently Selected:
Job 24: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Job 24
24
1¿Ais yamwi, Parasni nuhni bitik duwa kidika, witing di balna yamwarang kidika mani āwasyah,
witing kaltalyang yamni balna kidika talna atnin yulni?
2Muih dudutni balna kidika, sau kulwi lain āna kidika yakwi pa ūk lalawi,
dawak sīp balna bik mamalwi, witingna tingninalau kidika mahna atnin yulni,#Dt 19:14; 27:17; Pro 22:28; 23:10.
3warau balna dawak tingmak balna
tingninalau balna kidika dakyayakwi.
4Muih miniknakunni balna kidika, witingna tininapas kaupak kapahr'lalawi,
dawak muih kulninna minikun kidika balna laih yakmaldinin ki.
5Muih miniknakunni balna kidika laih,
sihm kauhmak wanilang biriniku kapat witingna kalahwi wark wawalwi kasninna yaknin yulni,
dawak kauhmak wanilang kaupak witingna walaninabis kasninna kidika yayakwi.
6Muih yaninamak yakat uiwi plawar minik wawalwi,
kidika awaskat muih dudutni balna wainnina yamak yakat uiwi wawalwi, walwi bayayakna minit yakat.
7Pukta kidika witingna kalmuknin dis ban kaput payayahwi,
sanni kidika nanitna daknin dis ban kaput.
8Asang kaupak waslauwa kidika disuihwi,
dawak kipala yakat pa wawalwi kana atnin.
9Tingmak balna walaninabis batanh dawak witingna yaklauwi dakyayakwi,
dawak muih miniknakunni balna yakat gol dini balna kidika diyuyulwi diana atnin.
10Muih miniknakunni balna kidika laih wahdis ki,
dawak plawar minik trurukwi yuh dadauwa pasyakat.
11Kipala kau tikwi disala yayakwa dini kidika wawauhwi;
dawak wain atatakwi wasni yakna atnin yulni,
kauna witingna laih dikih diawak dadauwi.
12Tawan nuhni kaupak naikau ki,
dauwi disuhlakwak kaidi sararahwa kidika,
kauna Papang laih witing minitna yuyulwa kidika dakawas ki.
13Muih buas laih yaringni kidika dutni tatalwi,
dawak witingna tanina bitik yakat kidika kaupak isyaklalawi.#Jn 3:20.
14Muih iyang kidika, puktakau yaklauwi muih minikunni yakat ina atnin yulni,
dawak puklakwa kat mahka dimalyang kalwi.
15Dawak yal bakatyang kidika tahawi puklakwak,
dawak muhni putwi, bahang witing kulwi:
“Kaput laih muih as bik kaltatalwas ki.”
16Dimalyang kidika pukta yakat muih ūnina kawi.
Witingna kidika bitik laih madah yakat kawi ūnina puputwi;
bahang witingna laih yaringni waihnila balna.
17Madah yaringni kidika witingna niningna yakat puksani ki;
pukta yamadangni kidika kauh dukih diawi.
Zofar#24.17 Zofar: S.d. 18-25 kat kidika kulna ki Zofar yulbauna, kauna Hibru kau ulna kidika yakat laih witing ayangni kalahwas ki.
18Muih dutni kidika laih was yaklauwi murwi duwi kiwi.
Sauni balna kidika laih la tuhna ki,
dawak muih as bik kidika wainni yamak yakat wark kalahwas ki.
19Ma daihwa kat was dadasna kidika arwi;
dawak sau ū yakat laih muih dutni kidika diswi.
20Nanangni palni bik witing yakat kalkulwas dawak dinitkahwarang;
babil balna kakasna karang,
dawak muih as bik isningkatwas karang witing yakat.
Muih dutni kidika pan as dakwa kapat karang.
21Yayal walaninabis dis balna kidika dawakat tingmak balna niningna yakat
ban witingna dudutni dai;#24.21 Dudutni dai: kaput ulna kidika yamni kapat ki. Hibru kau laih yulwi maintalwadai. watas bik ilp diayawas dai.
22Kauna Papang parasni nuhni bitik duwa kidika kau, parasni duduwa balna yakat tuklakna karang;
witing di balna kidika yamwak, muih as bik sangninaka kidika rahm duwas ki.
23Papang yaklauwi didawak isningnalak yalalahwi,
kauna lapapakwa balna bitik kidika talwi.
24Muih dutni kidika wayakilah yaklauwi,
kauna tihndawak diswi.
Sihm dibasta dakwak kusulawa kapat#24.24 Dibasta dakwak kusulawa kapat: grik kau laih kaput ulna. Hibru kau laih yulwi bitik kapat. kusulawi,
sihm plawar minik lamwa kapat.
25Dawak adika kaput awaskat, ¿wais sipyah yulna atnin,
dawak lāih yakwi yulna atnin kaput-awas kidika?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998