Job 22
22
Yulbabauna kidika sahyakna bās
(S.n. 22—27)
Elifaz
1-2¿Man kultaman, muih al kidika sins nuhni duwakarang kat,
Papang yakat ilp kalawarangyah?
3¿Parasni nuhni bitik duwa kidika niningyakat ais ilpni as kalataman,
man barangni di as bik dutni yamtasman kidika yulni?#Job 35:6-8.
4Witing barangni mayamwi, dawakat la yakat maduwi kiwa kat,
man kidika barangni, dawak dini bik yamtaman tanka laih awaski,
5kauna, man dutma balna kidika mahni ki,
dawak dutni yamnaman kidika laih saran diski.
6Man dukih mawaski, kauna wanaihma yakat dini dakyaktaman dai,
asnina dakyakta wahdis kaldataman dai.
7Wais dikih kalawa muihni yakat, was kalatasman dai;
dawak wais yuh kalawa muihni yakat di kasnin kalatasman dai.
8¡Kat man kidika parasma nuhni dutaman dai dawak rispik bik mamawa bahang,
sau adika bitik man dima kapat kaldakaman dai!
9Tingmak balna kidika datangkat tingnina manah uiwa dai,
dawak warau balna yakat dutni diyamtaman dai.
10Kidika bahang, waradika laih yamadahngni kidika ma-awaihdakna,
bahang sirihni malaihwi muihsak daunin kidika.
11Bitik puksani manah ki, di as bik sip-awaski talnam,
was murwi kaiwa kidika mabahngilwi.
12Papang laih makau kisang mayakau sakki;
yala balna tanit maluihni balna kidika witing kalni dinit yakat ki.
13-14¿Amput yulnam sipyah, Papang laih amanglawaski,
mukus manas kidika yaklauwi nanitdakwak sip lā kat yamwas ki?
¿Amput yulnam sipyah Papang laih di talwas ki,
kat makau kisang yakat witing lapakwi kiwi kaiwi uiwa bahang?#Sal 73:11; Is 29:15.
15¿Ta puksani munah yawinin kultaman,
muih dudutni balna uina munah?
16Witingna sirihni dadauna,
sihm was parasni murwi duwi bayakkiwa kapat.
17Papang yakat kalyuyulwadai: “¡Yanadatang kat kulnikna aslah awanakuh!
¿Parasni nuhni bitik duwa kidika ais as yamnin sipyah, mayang mayulki?”
18(Kaput kauna, witing yaklauwi ūnina yakat di yamni manah puwi buhng danadai.
¡Kulnik kidika naikau dai muih dudutni balna kulninna karak!)
19Barangni muihni balna kidika, adika talwi alasna kalalahwi;
dawak dutni yamwas muihni balna kidika laih kakari
20muih dudutni balna ritsnina kidika
kuhpau kau buswi.
21Watta Papang karak kulnam aslah alahwa,
dawak watta yamni kalma.
22Datangkat witing yaklauwi masumalwang,
dawak yulni balna kidika kulnam yakat āta dutah.
23Sau yakat bukta,#22.23 Sau yakat bukta: sarakau ulna kidika kaput ki. Hibru kau laih yulwi watwi madulauwi mayamna karang. parasni nuhni bitik duwa yakat yawama kat,
dawak dutni kidika ūma kaupak naikau yakma,
24dawak gol tanit yamni minit nuhni kidika talma,
sihm sau yahamni kapat, was binina paskau kipala balna kapat,
25kaput laih Parasni nuhni bitik duwa kidika
man golma karang dawak man lalahma mahni kidika witing karang.
26Witing kidika man alasmana karang,
kulnam bitik witing yakat talma.
27Witing yakat di kalyulma kat, madakawarang,
dawak man pramis yamtaman kidika kat yamma.
28Di yamma bitik kidika yamni manah karang,
yaringni kidika man tama yakat yaringwarang.
29Kat Papang laih muih witingna manah kapat kaldakakawa balna#22.29 Kat Papang...kaldakakawa balna: kaput ulna kidika yamni ki. Hibru kau laih amangladas ki. kidika sau yakat lakwi,
dawak sau yakat bubukwa balna kidika laihwi yakwi.
30Witing malaihwi yakwarang, man kidika dutni yamtasman#22.30 Dutni yamtasman: sarakau ulna kidika kaput ki. Hibru kau laih amangladas ki. kat,
dutni yamtas maisihni dis man kat.
Currently Selected:
Job 22: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Job 22
22
Yulbabauna kidika sahyakna bās
(S.n. 22—27)
Elifaz
1-2¿Man kultaman, muih al kidika sins nuhni duwakarang kat,
Papang yakat ilp kalawarangyah?
3¿Parasni nuhni bitik duwa kidika niningyakat ais ilpni as kalataman,
man barangni di as bik dutni yamtasman kidika yulni?#Job 35:6-8.
4Witing barangni mayamwi, dawakat la yakat maduwi kiwa kat,
man kidika barangni, dawak dini bik yamtaman tanka laih awaski,
5kauna, man dutma balna kidika mahni ki,
dawak dutni yamnaman kidika laih saran diski.
6Man dukih mawaski, kauna wanaihma yakat dini dakyaktaman dai,
asnina dakyakta wahdis kaldataman dai.
7Wais dikih kalawa muihni yakat, was kalatasman dai;
dawak wais yuh kalawa muihni yakat di kasnin kalatasman dai.
8¡Kat man kidika parasma nuhni dutaman dai dawak rispik bik mamawa bahang,
sau adika bitik man dima kapat kaldakaman dai!
9Tingmak balna kidika datangkat tingnina manah uiwa dai,
dawak warau balna yakat dutni diyamtaman dai.
10Kidika bahang, waradika laih yamadahngni kidika ma-awaihdakna,
bahang sirihni malaihwi muihsak daunin kidika.
11Bitik puksani manah ki, di as bik sip-awaski talnam,
was murwi kaiwa kidika mabahngilwi.
12Papang laih makau kisang mayakau sakki;
yala balna tanit maluihni balna kidika witing kalni dinit yakat ki.
13-14¿Amput yulnam sipyah, Papang laih amanglawaski,
mukus manas kidika yaklauwi nanitdakwak sip lā kat yamwas ki?
¿Amput yulnam sipyah Papang laih di talwas ki,
kat makau kisang yakat witing lapakwi kiwi kaiwi uiwa bahang?#Sal 73:11; Is 29:15.
15¿Ta puksani munah yawinin kultaman,
muih dudutni balna uina munah?
16Witingna sirihni dadauna,
sihm was parasni murwi duwi bayakkiwa kapat.
17Papang yakat kalyuyulwadai: “¡Yanadatang kat kulnikna aslah awanakuh!
¿Parasni nuhni bitik duwa kidika ais as yamnin sipyah, mayang mayulki?”
18(Kaput kauna, witing yaklauwi ūnina yakat di yamni manah puwi buhng danadai.
¡Kulnik kidika naikau dai muih dudutni balna kulninna karak!)
19Barangni muihni balna kidika, adika talwi alasna kalalahwi;
dawak dutni yamwas muihni balna kidika laih kakari
20muih dudutni balna ritsnina kidika
kuhpau kau buswi.
21Watta Papang karak kulnam aslah alahwa,
dawak watta yamni kalma.
22Datangkat witing yaklauwi masumalwang,
dawak yulni balna kidika kulnam yakat āta dutah.
23Sau yakat bukta,#22.23 Sau yakat bukta: sarakau ulna kidika kaput ki. Hibru kau laih yulwi watwi madulauwi mayamna karang. parasni nuhni bitik duwa yakat yawama kat,
dawak dutni kidika ūma kaupak naikau yakma,
24dawak gol tanit yamni minit nuhni kidika talma,
sihm sau yahamni kapat, was binina paskau kipala balna kapat,
25kaput laih Parasni nuhni bitik duwa kidika
man golma karang dawak man lalahma mahni kidika witing karang.
26Witing kidika man alasmana karang,
kulnam bitik witing yakat talma.
27Witing yakat di kalyulma kat, madakawarang,
dawak man pramis yamtaman kidika kat yamma.
28Di yamma bitik kidika yamni manah karang,
yaringni kidika man tama yakat yaringwarang.
29Kat Papang laih muih witingna manah kapat kaldakakawa balna#22.29 Kat Papang...kaldakakawa balna: kaput ulna kidika yamni ki. Hibru kau laih amangladas ki. kidika sau yakat lakwi,
dawak sau yakat bubukwa balna kidika laihwi yakwi.
30Witing malaihwi yakwarang, man kidika dutni yamtasman#22.30 Dutni yamtasman: sarakau ulna kidika kaput ki. Hibru kau laih amangladas ki. kat,
dutni yamtas maisihni dis man kat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998