Jims 3
3
Muih tuni
1Wirah balna, manna pasmangna yakat maestro manas atnin awaski, amanglanamna ki, sumaltayangna adika yangna laih lakina parasni yamwarangki. 2Muih bitik mistik yamdi; kaunah muih as kat mistik as yamwaskat yulwa kaput yamwa kat, kidika alni laih barangni ki, witing sipki muihni nuhni kidika bitik barangni yakat duwi kiunin. 3Aras tinpas yakat laihwatnin dini kidika anaman kat, yultaman yakat dakawi yamnin yulni, muihni nuhni kidika bitik angkat duwi kiunin kidika dudi mawi. 4Kuma kuring balna kidika bik talnauh: nunuhni ki, dawak wing kallaihwa kidika bik parasni laihwi, dawak wauhyang balna kidika wauhnin dini dibin yakat laihwi, angkat duwi kiunin kulwa yakat duwi kiwi. 5Matuki bik sihm kaput ki;#Pro 18:21. mamuihki nuhni kidika pasyakat dibin witki, kaunah di nuhni yamnin sipki. ¡Asangpas nuhni sakkidika kuhpau dibin kau sipki busnin! 6Matuki kidika laih kuhpau as ki. Sau dini dutni kidika mamuihki yakat āna, bahang muih bitik yakat dutni kidika dilaihwi. Sihm kuhnipau kidika karak dahlwi, dawak kaput bik muih sangnika naini kidika bitik laih dahlwi buswi.#Pro 16:27. 7Muih kidika sipki asangpas dini anyang balna bitik minit bayaknin, uhu balna, bil, kuma paskau di anyang balna bitik minit bayakna; 8kaunah muih as bik sip laih muih tuni kidika minit bayakwas ki. Kidika laih di dutni as sip minit bayayakwas ki, dawak puisin dutni daunin dini manah buhngki. 9Tu karak, Dawan Mapapangki ayangni nuhni yamni, dawak sihm kidika kau Papang witing wayani kau yamna balna yakat dutni diyuldi.#Gn 1:26. 10Sihm muih tinpas munah yamni kalyulwi dawak dutni bik kalyulwi. Wirah balna adika laih kaput atnin awaski. 11Wastuna as kaupak sip was damni dawak was tapahlni kalahwas ki. 12Kaput bik sip ani damni kidika wain minik yakwas ki, dawak wain kidika bik ani damni minik yakwas ki, wirah balna, kuma wasni buhrwi kalahwa kidika kaupak sip was damni kalahwas ki.
Rahm sins tuhni kidika
13Manna pasmangna yakat sins tuhni duwa muihni likkat, kulnin yamni balna warkni kidika lāih yakwang, sins tuhni duwa kidika yaklauwi limahni kalyamwa kidika. 14Kaunah datanangkat tumnin kidika ismangna tapahlwarang kat, dawak di balna kidika kalsarata yamtanama kat, ais yulni manna manah kapat kaldakanin kidika diskarang, kat di rahm kidika yamtasmana bahang. 15Kat kidika sinsni tuhni kidika Papang kaupak kaiwaski, kaunah adika sauni sinsni, muih kulnin dawak sihm muih alasni yulyang kidika yamwi. 16Angkat tumnin dawak kalsaranin sakkidika di dutni satni bitik bangki; 17kaunah sins tuhni Papang kaupak kaiwa kidika laih, sangnika kidika maisihni dis duwi; kidika minit yakat limahni ki, dawak minikun talnin kidika duwi. Dawak dalani lani bik duwi, muih bitik kau kapapatki, alas yuyulwaski, di yamni manah yayamwi.#Pro 1-9; Jm 1:5. 18Kulnin aslah lani wawalwa kidika laih, kulnin aslah kidika dadahwi, dawak lā kat atnin kidika minik bahnin yulni.
Currently Selected:
Jims 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Jims 3
3
Muih tuni
1Wirah balna, manna pasmangna yakat maestro manas atnin awaski, amanglanamna ki, sumaltayangna adika yangna laih lakina parasni yamwarangki. 2Muih bitik mistik yamdi; kaunah muih as kat mistik as yamwaskat yulwa kaput yamwa kat, kidika alni laih barangni ki, witing sipki muihni nuhni kidika bitik barangni yakat duwi kiunin. 3Aras tinpas yakat laihwatnin dini kidika anaman kat, yultaman yakat dakawi yamnin yulni, muihni nuhni kidika bitik angkat duwi kiunin kidika dudi mawi. 4Kuma kuring balna kidika bik talnauh: nunuhni ki, dawak wing kallaihwa kidika bik parasni laihwi, dawak wauhyang balna kidika wauhnin dini dibin yakat laihwi, angkat duwi kiunin kulwa yakat duwi kiwi. 5Matuki bik sihm kaput ki;#Pro 18:21. mamuihki nuhni kidika pasyakat dibin witki, kaunah di nuhni yamnin sipki. ¡Asangpas nuhni sakkidika kuhpau dibin kau sipki busnin! 6Matuki kidika laih kuhpau as ki. Sau dini dutni kidika mamuihki yakat āna, bahang muih bitik yakat dutni kidika dilaihwi. Sihm kuhnipau kidika karak dahlwi, dawak kaput bik muih sangnika naini kidika bitik laih dahlwi buswi.#Pro 16:27. 7Muih kidika sipki asangpas dini anyang balna bitik minit bayaknin, uhu balna, bil, kuma paskau di anyang balna bitik minit bayakna; 8kaunah muih as bik sip laih muih tuni kidika minit bayakwas ki. Kidika laih di dutni as sip minit bayayakwas ki, dawak puisin dutni daunin dini manah buhngki. 9Tu karak, Dawan Mapapangki ayangni nuhni yamni, dawak sihm kidika kau Papang witing wayani kau yamna balna yakat dutni diyuldi.#Gn 1:26. 10Sihm muih tinpas munah yamni kalyulwi dawak dutni bik kalyulwi. Wirah balna adika laih kaput atnin awaski. 11Wastuna as kaupak sip was damni dawak was tapahlni kalahwas ki. 12Kaput bik sip ani damni kidika wain minik yakwas ki, dawak wain kidika bik ani damni minik yakwas ki, wirah balna, kuma wasni buhrwi kalahwa kidika kaupak sip was damni kalahwas ki.
Rahm sins tuhni kidika
13Manna pasmangna yakat sins tuhni duwa muihni likkat, kulnin yamni balna warkni kidika lāih yakwang, sins tuhni duwa kidika yaklauwi limahni kalyamwa kidika. 14Kaunah datanangkat tumnin kidika ismangna tapahlwarang kat, dawak di balna kidika kalsarata yamtanama kat, ais yulni manna manah kapat kaldakanin kidika diskarang, kat di rahm kidika yamtasmana bahang. 15Kat kidika sinsni tuhni kidika Papang kaupak kaiwaski, kaunah adika sauni sinsni, muih kulnin dawak sihm muih alasni yulyang kidika yamwi. 16Angkat tumnin dawak kalsaranin sakkidika di dutni satni bitik bangki; 17kaunah sins tuhni Papang kaupak kaiwa kidika laih, sangnika kidika maisihni dis duwi; kidika minit yakat limahni ki, dawak minikun talnin kidika duwi. Dawak dalani lani bik duwi, muih bitik kau kapapatki, alas yuyulwaski, di yamni manah yayamwi.#Pro 1-9; Jm 1:5. 18Kulnin aslah lani wawalwa kidika laih, kulnin aslah kidika dadahwi, dawak lā kat atnin kidika minik bahnin yulni.
Biblia Sumo
Texto © Sociedad Bíblica de Nicaragua 1998