Esdras 1
1
Ciro lani
(2 Cr 36:22-23)
1Persia kingni Ciro, witing king kana kurihni tatuna yakat, dawak Dawan yulni Jeremías yaklau yulna kaput yamna atnin yulni,#2 Cr 36:21; Jr 25:11; 29:10. Dawan yaklau Ciro yakat pakna witing king kawa sauni bitik yakat yul kau dawak wauhtaya kau bik ulwi isningna pakna atnin adika lani: 2“Persia kingni, Ciro yaklau adika yulwi: Dawan, makau kisang balna kidika Papangnina yaklau yang tingki yakat ana sau akat king kawa sauni balna bitik kau, dawak Judá sauni Jerusalén yakat makat yulnin ūni as yamtik kalana atnik yayulna.#Is 44:28; 45:1-4. 3Kaput bahang, manna kaupak angdika muihni Dawan tawanni yakat kat, Papang yaklau ilp kalawakat Judá sauni Jerusalén yakat kiwi Dawan Israel Papangni ūni kidika laihwi dulauwi yamwang, Papang as Israel tawanni yakat yalahwa kidika. 4Dawak sangka balna kidika kaupak angdika muihni yalahwa pāni kidika kaupak dapamwi kaiwi kawarang kat, yaihnit kau yalalahwa muihni balna kidika yaklau ilp kalalawarang lalah, gol, di minit nuhni kulna balna, dawak turuh kau bik, Jerusalén kau. Papang ūni yakat minitdis kalanin dini kalalawa kidika minityakat.”
Israel muihni balna laih watwi Jerusalén yakat nawatwi uiwi
5Judá dawi Benjamín walaninabis balna taninatuna balna kidika, dawak sumalyang balna dawi libait muihni balna kauna, yuldarang kat Papang yaklau kulninna dulauna dai kidika balna, witingna ridi kalalahna dai Jerusalén yakat uiwi Dawan ūni kidika laihwi dulauwi yamna atnin. 6Yaihnit kau yalalahwa muihni balna kidika yaklau lalah, gol, di minit nuhni kulna balna kidika, turuh dawak di minit nunuhni balna kauna kalalana dai, baisa kidika minityakat silp kulnin lani minitdis kalanin dini satni balna bitik bik kalalana dai. 7King Ciro niningkauh laih, Dawan ūni paskau dunin dini balna kidika kalana dai, Nebokatnesar yaklau Jerusalén kaupak yakwi witing daniwan dauh balna ūnina yakat duwi kiuna dai kidika.#2 Re 24:13; 25:13-16; 2 Cr 36:10,18. 8Ciro laih lalah laihyang muihni Mitrídates munah yakwi kulwi talwi dawi Judá kabamintni kayang Sesbasar tingni yakat ana dai. 9Di balna kulwi talna kidika laih adika dai: gol sunitak nunuhni 30, lalah sunitak nunuhni tausin as, kuhbil manah 29, 10gol sunitak balna 30, lalah sunitak balna yamni yayamwas kidika 410, dawak di ūk ūk balna yakat tausin as. 11Gol dawi lalah kau di yamna balna kidika bitik kat 5,400 dai. Adika dini balna bitik kidika Sesbasar witing Babilonia yakat muih laihwi duwi uina balna dai kidika karak aiwi Jerusalén yakat nawatwi duwi kiuna dai.
Currently Selected:
Esdras 1: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Esdras 1
1
Ciro lani
(2 Cr 36:22-23)
1Persia kingni Ciro, witing king kana kurihni tatuna yakat, dawak Dawan yulni Jeremías yaklau yulna kaput yamna atnin yulni,#2 Cr 36:21; Jr 25:11; 29:10. Dawan yaklau Ciro yakat pakna witing king kawa sauni bitik yakat yul kau dawak wauhtaya kau bik ulwi isningna pakna atnin adika lani: 2“Persia kingni, Ciro yaklau adika yulwi: Dawan, makau kisang balna kidika Papangnina yaklau yang tingki yakat ana sau akat king kawa sauni balna bitik kau, dawak Judá sauni Jerusalén yakat makat yulnin ūni as yamtik kalana atnik yayulna.#Is 44:28; 45:1-4. 3Kaput bahang, manna kaupak angdika muihni Dawan tawanni yakat kat, Papang yaklau ilp kalawakat Judá sauni Jerusalén yakat kiwi Dawan Israel Papangni ūni kidika laihwi dulauwi yamwang, Papang as Israel tawanni yakat yalahwa kidika. 4Dawak sangka balna kidika kaupak angdika muihni yalahwa pāni kidika kaupak dapamwi kaiwi kawarang kat, yaihnit kau yalalahwa muihni balna kidika yaklau ilp kalalawarang lalah, gol, di minit nuhni kulna balna, dawak turuh kau bik, Jerusalén kau. Papang ūni yakat minitdis kalanin dini kalalawa kidika minityakat.”
Israel muihni balna laih watwi Jerusalén yakat nawatwi uiwi
5Judá dawi Benjamín walaninabis balna taninatuna balna kidika, dawak sumalyang balna dawi libait muihni balna kauna, yuldarang kat Papang yaklau kulninna dulauna dai kidika balna, witingna ridi kalalahna dai Jerusalén yakat uiwi Dawan ūni kidika laihwi dulauwi yamna atnin. 6Yaihnit kau yalalahwa muihni balna kidika yaklau lalah, gol, di minit nuhni kulna balna kidika, turuh dawak di minit nunuhni balna kauna kalalana dai, baisa kidika minityakat silp kulnin lani minitdis kalanin dini satni balna bitik bik kalalana dai. 7King Ciro niningkauh laih, Dawan ūni paskau dunin dini balna kidika kalana dai, Nebokatnesar yaklau Jerusalén kaupak yakwi witing daniwan dauh balna ūnina yakat duwi kiuna dai kidika.#2 Re 24:13; 25:13-16; 2 Cr 36:10,18. 8Ciro laih lalah laihyang muihni Mitrídates munah yakwi kulwi talwi dawi Judá kabamintni kayang Sesbasar tingni yakat ana dai. 9Di balna kulwi talna kidika laih adika dai: gol sunitak nunuhni 30, lalah sunitak nunuhni tausin as, kuhbil manah 29, 10gol sunitak balna 30, lalah sunitak balna yamni yayamwas kidika 410, dawak di ūk ūk balna yakat tausin as. 11Gol dawi lalah kau di yamna balna kidika bitik kat 5,400 dai. Adika dini balna bitik kidika Sesbasar witing Babilonia yakat muih laihwi duwi uina balna dai kidika karak aiwi Jerusalén yakat nawatwi duwi kiuna dai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998