Ezequiel 42
42
Makat yulnin ūni yaihnit yakat ū nunuhni balna yayamna kidika
1Usnit kat muih al kidika ahni watak yakat yayakna, tingpal niningyakat, dawak yayamwak tingpal niningkauh ū paskau daklana balna yakat āwanayang dai, makat yulnin ūni dangnitkau watak daklana dawak ū nuhni kidika muhnityakat. 2Adika ū paskau daklana naini niningkauh kidika laih metro 50 duwadai tingpal niningkauh kidika, dawak pirihta niningkauh laih metro 25 duwadai. 3Pirini nakas kidika laih watak pasyakat kulna dai; pirihta niningkauh metro salap duwadai kidika yakat, dawak pirini uk kidika laih ahni kau kipala watakni yamna yakat kulwi talna dai. Dadakni bas duwadai, makau balna bangkidika laih pastawa niningkauh baisa kakanadai sau kau kidika karak dawakat. 4Ū pas daklana balna kidika muhnityakat ahni as pakdai kidika pirihta niningkauh laih metro arungka duwadai dawak naini niningkauh laih metro 50 duwadai,#42.4 Naini niningkauh laih metro 50 duwadai: sara kau ulna yakat kaput ki. Hibru kau, metro papusbah ta as. ū pasyakauh kiwadai kidika. Ū paskau daklana balna kidika laih tingpal niningyakauh bangdai. 5Ū pas makau daklana balna kidika laih pararahni dai papuskau ū pas balna daklana kidika dawak sau kau ū pas balna daklana kidika karak dawakat, kat makau dakni balna kidika laih pastawa yakauh baisa kakanadai dinitkau kidika karak dawakat. 6Adika ū paskau daklana balna kidika laih dakni bās kau bangdai, kaunah rahni balna laih disdai watak kiwikawa kau daklana balna kapat, kaunah ū pas makau daklana balna kidika laih dakni papuskau dawak sau kau balna kidika karak baisa pastawa yakauh kakanadai.
7-8Watak kaupak ahni niningkauh daklana balna kidika laih, panuhni niningkauh metro 25 duwadai. Ū pas kau daklana balna muhnitkau daklana kidika naini niningkauh metro 25 duwadai, watak kiwikawa kaupak ahni niningkauh yakat. Bitik kat#42.7-8 Bitik kat: grik kau kaput ulna. Hibru kau, holi pāni muhnit yakat. ahni panuhni kidika metro 50 duwadai. 9Ū paskau daklana balna sau kauh kidika watak kiwikawa kaupak ahni niningkauh munah kawi kiwadai, yuldarangkat, ma kilwa niningkauh, 10watak kiwikawa kaupak ahni niningkauh daklana kiwi kawa yakat.
Wadah niningkauh#42.10 Wadah niningkauh: grik kau kaput ulna. Hibru kau, ma kilwa niningyakat. watak daklana dawak ma kawa niningkauh makat yulnin ūni muhnitkau yakat bik, ū pas daklana balna kidika bangdai 11sihm kapapat dawak bik ampapus kat kapaput, kiwikawa pāni balna dawak kalahwa pāni balna bik, sihm tingpal niningkauh ū paskau daklana balna muhnitkau ahni panuhni as pakkapat. 12Wadah niningkauh ū paskau daklana balna kat kiwi kana atnin kidika yakat dūr as sakdai daklana muhnitkau ahni panuhni as pakdai kidika kaupak, ma kilwa niningkaupak kakiwayakat.
13Muih al kidika yaklau yayulna: “Tingpal niningkauh dawak niningkauh ū paskau daklana balna kidika, watak daklana muhnitkau bangkidika, kidika balna laih ū pasyakat daklana pāni holi balna ki. Sumalyang balna Dawan yaihnit yakat uiwa kidika laih, kidika pāni yakat minitdis kalanin dini holi balna kidika kakaswi. Kidika pāni yakat bik minitdis kalanin dini holi balna kidika lalakwi, minitdis kalanin dini di minik satni balna dawak minitdis kalanin dini dutni yulni kauna, kat kidika laih holi pāni as bahang. 14Sumalyang balna kidika makat yulnin ūni yakat kakana mani kat, watak kiwikawa kaupak ahni niningkauh yakat kalahninna sip awaski, kidika pāni yakat praknina balna kawi wark yayamwa kidika yakwi dadawas kat, kat kidika laih holi pāni bahang. Tawan muihni balna bangkidika yakat kalahninna kat, prak uk kat kaninna ki.”
Makat yulnin ūni sauni kulwi tatalna kidika
15Muih al kidika makat yulnin ūni sauni pastawa niningkauh kidika kulwi talna mani kat, ahni yakat yaduwi kiunadai ma kilwa dūrni munah dawak makat yulnin ūni sauni ahni niningkauh kidika kulwi talna dai. 16Lakwi kulwa panani kidika duwi ma kilwa niningkauh kidika kulwi talna dai: metro 250.#42.16 Lakwi kulwa panani kidika duwi...metros 250: kaput wirlana kidika yamni kapat ki. Hibru kau laih amangladaski. 17Usnit kat tingpal niningkauh kidika kulwi talna, dawak kidika bik sihm metro 250; 18usnit kat wadah niningkauh kidika kulwi talna: metro 250; 19dawak witni kat ma kawa niningkauh kidika kulwi talna, sihm metro 250. 20Pirini balna arungkapak kulwi talna dai. Makat yulnin ūni sauni kidika yaihnit yakat daklana as duwadai, kidika laih pirini balna kidika metro 250 duwadai, Papang dini yakna karak naikau dai kidika.#42.20 Prapit yakat niningkana kidika amana kapat kau, makatyulnin ūni nuhni ampus kidika laih Salomón kulna kaput niningkana, kaunah hibru kau laih sip lāih awaski, bahang dadasni ki amanglanin. Ulna Umani dawak Wisam kidika karak satuk ki.
Currently Selected:
Ezequiel 42: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Ezequiel 42
42
Makat yulnin ūni yaihnit yakat ū nunuhni balna yayamna kidika
1Usnit kat muih al kidika ahni watak yakat yayakna, tingpal niningyakat, dawak yayamwak tingpal niningkauh ū paskau daklana balna yakat āwanayang dai, makat yulnin ūni dangnitkau watak daklana dawak ū nuhni kidika muhnityakat. 2Adika ū paskau daklana naini niningkauh kidika laih metro 50 duwadai tingpal niningkauh kidika, dawak pirihta niningkauh laih metro 25 duwadai. 3Pirini nakas kidika laih watak pasyakat kulna dai; pirihta niningkauh metro salap duwadai kidika yakat, dawak pirini uk kidika laih ahni kau kipala watakni yamna yakat kulwi talna dai. Dadakni bas duwadai, makau balna bangkidika laih pastawa niningkauh baisa kakanadai sau kau kidika karak dawakat. 4Ū pas daklana balna kidika muhnityakat ahni as pakdai kidika pirihta niningkauh laih metro arungka duwadai dawak naini niningkauh laih metro 50 duwadai,#42.4 Naini niningkauh laih metro 50 duwadai: sara kau ulna yakat kaput ki. Hibru kau, metro papusbah ta as. ū pasyakauh kiwadai kidika. Ū paskau daklana balna kidika laih tingpal niningyakauh bangdai. 5Ū pas makau daklana balna kidika laih pararahni dai papuskau ū pas balna daklana kidika dawak sau kau ū pas balna daklana kidika karak dawakat, kat makau dakni balna kidika laih pastawa yakauh baisa kakanadai dinitkau kidika karak dawakat. 6Adika ū paskau daklana balna kidika laih dakni bās kau bangdai, kaunah rahni balna laih disdai watak kiwikawa kau daklana balna kapat, kaunah ū pas makau daklana balna kidika laih dakni papuskau dawak sau kau balna kidika karak baisa pastawa yakauh kakanadai.
7-8Watak kaupak ahni niningkauh daklana balna kidika laih, panuhni niningkauh metro 25 duwadai. Ū pas kau daklana balna muhnitkau daklana kidika naini niningkauh metro 25 duwadai, watak kiwikawa kaupak ahni niningkauh yakat. Bitik kat#42.7-8 Bitik kat: grik kau kaput ulna. Hibru kau, holi pāni muhnit yakat. ahni panuhni kidika metro 50 duwadai. 9Ū paskau daklana balna sau kauh kidika watak kiwikawa kaupak ahni niningkauh munah kawi kiwadai, yuldarangkat, ma kilwa niningkauh, 10watak kiwikawa kaupak ahni niningkauh daklana kiwi kawa yakat.
Wadah niningkauh#42.10 Wadah niningkauh: grik kau kaput ulna. Hibru kau, ma kilwa niningyakat. watak daklana dawak ma kawa niningkauh makat yulnin ūni muhnitkau yakat bik, ū pas daklana balna kidika bangdai 11sihm kapapat dawak bik ampapus kat kapaput, kiwikawa pāni balna dawak kalahwa pāni balna bik, sihm tingpal niningkauh ū paskau daklana balna muhnitkau ahni panuhni as pakkapat. 12Wadah niningkauh ū paskau daklana balna kat kiwi kana atnin kidika yakat dūr as sakdai daklana muhnitkau ahni panuhni as pakdai kidika kaupak, ma kilwa niningkaupak kakiwayakat.
13Muih al kidika yaklau yayulna: “Tingpal niningkauh dawak niningkauh ū paskau daklana balna kidika, watak daklana muhnitkau bangkidika, kidika balna laih ū pasyakat daklana pāni holi balna ki. Sumalyang balna Dawan yaihnit yakat uiwa kidika laih, kidika pāni yakat minitdis kalanin dini holi balna kidika kakaswi. Kidika pāni yakat bik minitdis kalanin dini holi balna kidika lalakwi, minitdis kalanin dini di minik satni balna dawak minitdis kalanin dini dutni yulni kauna, kat kidika laih holi pāni as bahang. 14Sumalyang balna kidika makat yulnin ūni yakat kakana mani kat, watak kiwikawa kaupak ahni niningkauh yakat kalahninna sip awaski, kidika pāni yakat praknina balna kawi wark yayamwa kidika yakwi dadawas kat, kat kidika laih holi pāni bahang. Tawan muihni balna bangkidika yakat kalahninna kat, prak uk kat kaninna ki.”
Makat yulnin ūni sauni kulwi tatalna kidika
15Muih al kidika makat yulnin ūni sauni pastawa niningkauh kidika kulwi talna mani kat, ahni yakat yaduwi kiunadai ma kilwa dūrni munah dawak makat yulnin ūni sauni ahni niningkauh kidika kulwi talna dai. 16Lakwi kulwa panani kidika duwi ma kilwa niningkauh kidika kulwi talna dai: metro 250.#42.16 Lakwi kulwa panani kidika duwi...metros 250: kaput wirlana kidika yamni kapat ki. Hibru kau laih amangladaski. 17Usnit kat tingpal niningkauh kidika kulwi talna, dawak kidika bik sihm metro 250; 18usnit kat wadah niningkauh kidika kulwi talna: metro 250; 19dawak witni kat ma kawa niningkauh kidika kulwi talna, sihm metro 250. 20Pirini balna arungkapak kulwi talna dai. Makat yulnin ūni sauni kidika yaihnit yakat daklana as duwadai, kidika laih pirini balna kidika metro 250 duwadai, Papang dini yakna karak naikau dai kidika.#42.20 Prapit yakat niningkana kidika amana kapat kau, makatyulnin ūni nuhni ampus kidika laih Salomón kulna kaput niningkana, kaunah hibru kau laih sip lāih awaski, bahang dadasni ki amanglanin. Ulna Umani dawak Wisam kidika karak satuk ki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998