Ester 7
7
Amán laih daunin yakat wirlalana
1King dawi Amán karak kasnin alasnina yakat uina, 2adika mani ma bu akat king yaklauwi Ester yakat kalyulna, kasnin alasnina pasyak bangkidika yakat:
—¡Yayultah dukih mawa kidika, yang maki, king āwayang adika papuswayah yayulmabik!
3Dawak Ester yaklauwi nangnitlana:
—King man kidika yang akat ismang āwakat, dawak bik yamni kapat talaman kat, yang man kingman yakat mayultayang yaīwinih dawak yang tawanki yakat bik īwinih; 4yang tawanki dawak yang bik yanabakanmumukna, bitik yanaīwidis yamnin yulni. Yangna adika warau kapat yanabakakanna kat laih, yang di as bik yultas awaki, kat waihla kidika uba dutni nuhni yamwas atnindai, man king awaman sauni pas akat.
5Kaput laih Asuero yulwi dakana:
—¿Waisyah, dawak angkat sakyah kidika muihni witing kaput yamkuhti kulna muihni kidika?
6Ester yaklauwi kalyulna:
—¡Waihla kidika laih Amán muih dutni kidika!
Kidika Amán dakawi muihsakdauna king dawak king yalni muhni yakat. 7Asuero yaklauna kulnin daukalwi, dawak kasnin alasnina pani kaupak dapamwi kalahkiuna, ūni watak kau dipulu dahna yakat. Amán witing amanglana dai, king yaklauwi daunin yakat wirlawarang kidika, bahang watna dai Ester kalni dinit yakat bukwi yulna atnin, kalinin-awas yulni 8-9King watak kaupak nawatwi kawi kiwakat alasna kasnin yakat, bahang talna Amán limbabahna sakdai yalahnin yaihnit yakat, Ester yakat taihki, dawak parasni yulna:
—¿Yang muhki yakat dawak yang silp ūkipas akat king yalni yakat bik dutni kalyamnin kultamahn?
King adika yulni yulwi lakwa minitni yakat, kalbauyang muihni balna king maintalwa muihni balna kidika uiwi kawi Amán muhni yakat mumukna.#7.8-9 Muhni yakat mumukna: pa as as balna kidika witingna yayamwi angdik muihni wah kau sitwi inin yakat wiryaklana kidika muhni asna kau mumukwi. Dawak kidika balna as ayangni Harbona, witing yaklauwi yulna:
—Amán ūni yakat, sitwi inin pani as yamna sakki, maluihni metro 22 duwi, muih sihwak yayamna Mardoqueo sitwi ina atnin, kidika alni king man yakat di balna kalahwa kidika yamni mayulna dai kidika.
—¡Bahang yakat duyawa sitta muriltanauh! —king yaklauwi pakna.
10Kaput laih Amán kidika sitwi murihilna, Mardoqueo yakat sitwi murilninti yamna dai yakat. Kidika kau king kulnin lungna.
Currently Selected:
Ester 7: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Ester 7
7
Amán laih daunin yakat wirlalana
1King dawi Amán karak kasnin alasnina yakat uina, 2adika mani ma bu akat king yaklauwi Ester yakat kalyulna, kasnin alasnina pasyak bangkidika yakat:
—¡Yayultah dukih mawa kidika, yang maki, king āwayang adika papuswayah yayulmabik!
3Dawak Ester yaklauwi nangnitlana:
—King man kidika yang akat ismang āwakat, dawak bik yamni kapat talaman kat, yang man kingman yakat mayultayang yaīwinih dawak yang tawanki yakat bik īwinih; 4yang tawanki dawak yang bik yanabakanmumukna, bitik yanaīwidis yamnin yulni. Yangna adika warau kapat yanabakakanna kat laih, yang di as bik yultas awaki, kat waihla kidika uba dutni nuhni yamwas atnindai, man king awaman sauni pas akat.
5Kaput laih Asuero yulwi dakana:
—¿Waisyah, dawak angkat sakyah kidika muihni witing kaput yamkuhti kulna muihni kidika?
6Ester yaklauwi kalyulna:
—¡Waihla kidika laih Amán muih dutni kidika!
Kidika Amán dakawi muihsakdauna king dawak king yalni muhni yakat. 7Asuero yaklauna kulnin daukalwi, dawak kasnin alasnina pani kaupak dapamwi kalahkiuna, ūni watak kau dipulu dahna yakat. Amán witing amanglana dai, king yaklauwi daunin yakat wirlawarang kidika, bahang watna dai Ester kalni dinit yakat bukwi yulna atnin, kalinin-awas yulni 8-9King watak kaupak nawatwi kawi kiwakat alasna kasnin yakat, bahang talna Amán limbabahna sakdai yalahnin yaihnit yakat, Ester yakat taihki, dawak parasni yulna:
—¿Yang muhki yakat dawak yang silp ūkipas akat king yalni yakat bik dutni kalyamnin kultamahn?
King adika yulni yulwi lakwa minitni yakat, kalbauyang muihni balna king maintalwa muihni balna kidika uiwi kawi Amán muhni yakat mumukna.#7.8-9 Muhni yakat mumukna: pa as as balna kidika witingna yayamwi angdik muihni wah kau sitwi inin yakat wiryaklana kidika muhni asna kau mumukwi. Dawak kidika balna as ayangni Harbona, witing yaklauwi yulna:
—Amán ūni yakat, sitwi inin pani as yamna sakki, maluihni metro 22 duwi, muih sihwak yayamna Mardoqueo sitwi ina atnin, kidika alni king man yakat di balna kalahwa kidika yamni mayulna dai kidika.
—¡Bahang yakat duyawa sitta muriltanauh! —king yaklauwi pakna.
10Kaput laih Amán kidika sitwi murihilna, Mardoqueo yakat sitwi murilninti yamna dai yakat. Kidika kau king kulnin lungna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998