Colosas 3
3
1Kaput bahang, manna bik Krais karak manadulauna dauna kaupak,#Rom 6:4-11; Col 2:12. manna makau kisang dini balna kidika waltanauh, kat Krais laih Papang tingnipal yakat yalahna sakki.#Sal 110:1; Hib 1:3. 2Makau kisang dini kidika kultanauh, sau dini laih awaski. 3Manna daunamana dai, kaunah Papang yaklauwi sangka atnin pāni kidika manana Krais karak, 4Krais kidika laih manna sangmanaka.#Gal 2:20; Fil 1:21. Witing kaiwi kalahwak manna bik aiwa alahwanama witing karak alasnina yaksihni yakat.
Sangnika umani dawak sangnika wisam
5Manna yakat sau dini sakkidika kalatanang dauwang: muih as bik lā dis kaupak yal karak kidika awaskat al karak payahnin awaski, di maisihni kidika yamnin awaski, di dutni dukih manawa kidika yamnin awaski, datanangkat lalah dukih manawa kidika manadukiunin awaski (kidika laih dawan dauh as ki). 6Adika dini balna kaupak Papang wahni yamadangni kidika kaiwi, yulni dakakawas balna kidika;#Ef 2:3. 7dawak manna sangmanaka bayakna yakat yamtamana dai kidika balna. 8Kauna waralaih kidika balna bitik datanauh: Isning daukalnin, dutni balna, muih usnin, yul dutni balna yulnin kidika bik datanauh. 9Biri biri alas kalyuyulwinih, kat muhnilau amputmana dai kidika bitik ruhmta danamana#Ef 4:22. bahang dawak di balna yamtamana dai kidika bik, 10dawak waralaih muih wisam alahwanamana:#Ef 4:24. muih wisam, Papang wayani, di yamyang,#Gn 1:26; Ef 2:10. kapat kalwi kiwa kidika, kaput laih bitik palni amangnilana atnin. 11Di awas ki, Grik atnin, kidika awaskat ju atnin kidika, Papang sainni dunin kidika awaskat dis atnin kidika, pa ūk muihni atnin, sins nuhni duwas atnin, muih dini yamyang, pri muihni, kaunah Krais laih di bitik palni ki, dawak di bitik yakat ki.
12Papang manna yakat dalani manatalwi, manna kidika tawan holi muihni atnamna. Minikun talnin, kulnin yamni atnin, limahni atnin dawak kulnin laihwatyang atnin kidika balna bitik laih prakmana kapat āwanauh.#Ef 4:2. 13Biri biri kulnamna laihwattanauh, dawak biri biri dutmana kidika datanang diswang. Papang yaklauwi dutmana dawak disna kapat, manna bik kaput yamtanauh.#Ef 4:32. 14Di bitik minityakat dalani lani kidika prakmana dutanauh, kidika laih aslah atnin wahni palni ki. 15Dawak Krais kulnin aslah lani kidika manna kulnamna yakat dutanauh, kat kidika yamnin yulni Papang yaklauwi manayulna yawana atnamna dawak muihni aslah atnin yulni. Dawak tingki bik kalatanauh.
16Krais yulni balna kidika manna yakat ban atnin, auhni bitik karak. Dawak biri biri kulnamna dulautanauh, sins lani tuhni kidika karak. Ismangna bitik karak Papang yakat salmo, unbauna balna dawak spirit unnibauna balna bik unbautanauh. 17Di bitik yamma dawak yultanama kidika, Dawan Jisas ayangni kau yamtanauh, Papang kau tingni kalatanauh, witing munah.#Ef 5:19-20.
Kristian warkni balna kidika
18Marid yal balna, almana balna yakat buktanauh,#Ef 5:22; 1 Pi 3:1. adika laih manna yamnamna ki Dawan yakat kulyang muihni kapat. 19Marid al balna, yalmana yakat dalani talnauh#Ef 5:25; 1 Pi 3:7. dutni kalyayamwinih.
20Walabis balna, papangmana yulni dakanauh, kat adika laih Dawak yamni talwa bahang.#Ef 6:1. 21Papang balna, walanibis balna kulninna daukakalwinih,#Ef 6:4. kaput kulninna buknin awas yulni.
22Muih dini yamyang balna, sau akat damanawan yulni daka yamtanauh, witingna manatatalwa manah awaski wark yamnin kidika, witingna karak yamni atnamna yulni, kaunah ismangna yamni karak, Dawan yakat yamanidutamana kidika yulni. 23Manna di bitik yamtanama kidika, yamkih yamtanauh, Dawan dini yamtamana kapat yamtanauh, kaunah muih dini yamtamana kapat laih awaski. 24Kat uman amanglatamana, mamatna dutanama kidika, Dawan yaklauwi manana karak dimana kidika. Kat manna laih Krais dini yamtamana, witing palni kuduh Damanawan kidika. 25Kauna dutni yamwa kidika laih, dutni yamna kidika minit duwarang,#Ef 6:5-8. kat Papang laih muih lani kidika bitik palni yamwa bahang.#Dt 10:17; Ef 6:9.
Currently Selected:
Colosas 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Colosas 3
3
1Kaput bahang, manna bik Krais karak manadulauna dauna kaupak,#Rom 6:4-11; Col 2:12. manna makau kisang dini balna kidika waltanauh, kat Krais laih Papang tingnipal yakat yalahna sakki.#Sal 110:1; Hib 1:3. 2Makau kisang dini kidika kultanauh, sau dini laih awaski. 3Manna daunamana dai, kaunah Papang yaklauwi sangka atnin pāni kidika manana Krais karak, 4Krais kidika laih manna sangmanaka.#Gal 2:20; Fil 1:21. Witing kaiwi kalahwak manna bik aiwa alahwanama witing karak alasnina yaksihni yakat.
Sangnika umani dawak sangnika wisam
5Manna yakat sau dini sakkidika kalatanang dauwang: muih as bik lā dis kaupak yal karak kidika awaskat al karak payahnin awaski, di maisihni kidika yamnin awaski, di dutni dukih manawa kidika yamnin awaski, datanangkat lalah dukih manawa kidika manadukiunin awaski (kidika laih dawan dauh as ki). 6Adika dini balna kaupak Papang wahni yamadangni kidika kaiwi, yulni dakakawas balna kidika;#Ef 2:3. 7dawak manna sangmanaka bayakna yakat yamtamana dai kidika balna. 8Kauna waralaih kidika balna bitik datanauh: Isning daukalnin, dutni balna, muih usnin, yul dutni balna yulnin kidika bik datanauh. 9Biri biri alas kalyuyulwinih, kat muhnilau amputmana dai kidika bitik ruhmta danamana#Ef 4:22. bahang dawak di balna yamtamana dai kidika bik, 10dawak waralaih muih wisam alahwanamana:#Ef 4:24. muih wisam, Papang wayani, di yamyang,#Gn 1:26; Ef 2:10. kapat kalwi kiwa kidika, kaput laih bitik palni amangnilana atnin. 11Di awas ki, Grik atnin, kidika awaskat ju atnin kidika, Papang sainni dunin kidika awaskat dis atnin kidika, pa ūk muihni atnin, sins nuhni duwas atnin, muih dini yamyang, pri muihni, kaunah Krais laih di bitik palni ki, dawak di bitik yakat ki.
12Papang manna yakat dalani manatalwi, manna kidika tawan holi muihni atnamna. Minikun talnin, kulnin yamni atnin, limahni atnin dawak kulnin laihwatyang atnin kidika balna bitik laih prakmana kapat āwanauh.#Ef 4:2. 13Biri biri kulnamna laihwattanauh, dawak biri biri dutmana kidika datanang diswang. Papang yaklauwi dutmana dawak disna kapat, manna bik kaput yamtanauh.#Ef 4:32. 14Di bitik minityakat dalani lani kidika prakmana dutanauh, kidika laih aslah atnin wahni palni ki. 15Dawak Krais kulnin aslah lani kidika manna kulnamna yakat dutanauh, kat kidika yamnin yulni Papang yaklauwi manayulna yawana atnamna dawak muihni aslah atnin yulni. Dawak tingki bik kalatanauh.
16Krais yulni balna kidika manna yakat ban atnin, auhni bitik karak. Dawak biri biri kulnamna dulautanauh, sins lani tuhni kidika karak. Ismangna bitik karak Papang yakat salmo, unbauna balna dawak spirit unnibauna balna bik unbautanauh. 17Di bitik yamma dawak yultanama kidika, Dawan Jisas ayangni kau yamtanauh, Papang kau tingni kalatanauh, witing munah.#Ef 5:19-20.
Kristian warkni balna kidika
18Marid yal balna, almana balna yakat buktanauh,#Ef 5:22; 1 Pi 3:1. adika laih manna yamnamna ki Dawan yakat kulyang muihni kapat. 19Marid al balna, yalmana yakat dalani talnauh#Ef 5:25; 1 Pi 3:7. dutni kalyayamwinih.
20Walabis balna, papangmana yulni dakanauh, kat adika laih Dawak yamni talwa bahang.#Ef 6:1. 21Papang balna, walanibis balna kulninna daukakalwinih,#Ef 6:4. kaput kulninna buknin awas yulni.
22Muih dini yamyang balna, sau akat damanawan yulni daka yamtanauh, witingna manatatalwa manah awaski wark yamnin kidika, witingna karak yamni atnamna yulni, kaunah ismangna yamni karak, Dawan yakat yamanidutamana kidika yulni. 23Manna di bitik yamtanama kidika, yamkih yamtanauh, Dawan dini yamtamana kapat yamtanauh, kaunah muih dini yamtamana kapat laih awaski. 24Kat uman amanglatamana, mamatna dutanama kidika, Dawan yaklauwi manana karak dimana kidika. Kat manna laih Krais dini yamtamana, witing palni kuduh Damanawan kidika. 25Kauna dutni yamwa kidika laih, dutni yamna kidika minit duwarang,#Ef 6:5-8. kat Papang laih muih lani kidika bitik palni yamwa bahang.#Dt 10:17; Ef 6:9.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998