Apastil Balna Warknina 4
4
Pita dawak Jan karakwihta balna muhnina yakat
1Baisa Pita dawak Jan karak muih balna yak yuldibauwa raukat, sumalyang balna kidika uiwi kakana makatyulnin ūni tanituna kidika karak, dawak Saduceos balna bik. 2Witingna isningna daukakalna, kat Pita dawak Jan karak muih balna yakat sumamalwa bahang, dauna kaupak watwi yaklaunin kidika laih Jisas yakat lāih kalahna bahang. 3Lalaihna kaunah uman maulah dana bahang silak ahana dai payahwak kat lanina yamnin. 4Kauna muih mahni witingna yuyulwak dakakana kidika kasak kukulna. Kasak kukulna balna kidika ahal manah kukulna kat tausin singka dai.
5Ma payahlana dawak witingna kalududuhna Jerusalén yakat Ju balna taninatuna balna, muihbararak dawak lā sumalniyang bik. 6Yakat Anás bik sakdai, witing laih sumalyang nuhni dai, Caifás, Jan, Alejandro, kaput laih sumalyang nunuhni balna wanaihnina balna bitik. 7Witingna dipapakna, Pita dawak Jan karak duwi uinin, dawak bangkidika papus yakat dulauwi dawi diyulwi dakakana:
—¿Wais parasni kau, dawak wais ayangni kau adika dini balna yamta manah?
8Pita laih Spirit Holi kalbuhng bahang, nangnitnalana:
—Tawan tunani muihni balna dawak muih bararak balna: 9manna yanadakamana siknis muihni as muihni kau yamni kalyamna kidika yulni amanglanin, amput dawak yamni kalahna kidika. 10Yamni ki, yangna manna yak lāih yaktayangna, kaput laih Israel muihni balna bitik amanglanin, adik alni akat sak-adika, muih bitik muhnina yakat, Jisas Krais Nazaret kaupak ayangni kau witing sikninis kidika yamni kalahna, manna lawa pan prihni yakat pāta īnamana dai kidika, Papang yaklauwi dulauna dauna kaupak. 11Adika Jisas kuduh kinipala as manna ū yamyang balna ruhmpamnamana dai kidika, kaunah waralaih kipala tatuna kalna.#Sal 118:22. 12Muih ūk diski laihwi yaknin duwa kidika,#Jn 14:6. kat sau bitik yakat Papang yaklauwi muih ūk mayawaski, kidika munah laihwi yaknin kidika dunin.
13Lā muihni balna kidika tatalna, amput kulnin dadasni duwa kidika, Pita dawak Jan karak, dawak bik witingna skul kakawasdai, bahang witingna di wisam as kapat tatalna, dawak bik amanglalana witingna kidika laih Jisas disainipil balna dai kidika. 14Baisa minit yakat, siknis muihni yamni kalahna dai kidika witingna karak sakdai, kidika bahang niningna yakat di as bik yulnin disdai. 15Kaput laih albupak kalududuhna bangkidika kaupak yayakna ahni yakat, dawak witingna manah watwi dawi biri biri yulwi dakakana. 16Aput yuyulwadai:
—¿Ais yamdarangyah adika ahalni balna karak? Jerusalén yakat muih balna kidika bitik tatalna, adika muih dulauna kidika sakahwa dai kidika kaupak, bahang sip dauhki yuldaski. 17Kauna witni kat adika yulni baisa muih balna yulnin awas yulni, bilnina laudarang, kaput laih warmani kaupak baisa Jisas ayangni kidika muih balna yulnin awas karang.
18Diyuyulwak uina, dawak dipapakna, kidika ayangni, muih balna yakat sumalnin awaski, Jisas ayangni kidika yulnin bik awaski. 19Kaunah Pita dawi Jan karak yuyulna:
—Manna kulta talnauh, aitani barangniyah Papang muhni yakat, manna yulmana dakanin, witing yulnin dakanin pāni yakat. 20Yangna sip datas awanaki talnayangna dawak dakanayangna kidika yulnikna.
21Lā muihni balna kidika yaklauwi bilnina lalauna, kaunah pri damumukna. Amput witingna yakat wah dianin kidika yayakwas dai bahang, kat muih balna bitik Papang ayangni nuhni yayamna, di kalahwak tatalna kidika yulni. 22Muih sakahwa kat kalyayamna kidika laih witing kurih 40 duwadai.
Kulyang balna yuyulna, kulnin parasnidawak kasak kulnin bik dunin
23Pita dawak Jan witingna kidika pri diyayakna usnit kat, uiwi kalpapakna wanaihnina balna karak, dawak diyuyulna, sumalyang balna taninatuna dawak muihbararak balna bik ais diyuyulna kidika. 24Witingna adika yulni dakana usnit yakat, bitik kaluduhwi minitnayuyulna Papang yakat aput yulwi: “Dawan, man kuduh makau kisang kidika yamnaman, sau bik, kuma bik, dawak di balna bitik kidika pasyakat bangkidika,#Ex 20:11; Neh 9:6; Sal 146:6. 25yulnaman dai Spiritma Holi munah, dawak dima yamyang Devid tinipas munah bik:
‘¿Amput dawak muih balna kidika pini kiri yaklalauwih?
¿Amput dawak sins as dis bik, wark yamnin balna kidika ridi kalalahwih?
26King balna dawak kabamint muihni balna sau akat kidika
namangkauh yaklalauwi, dawak kalpakwi Dawan niningyakat ki.
man Mesías walta yaknaman kidika niningyakat bik ki.’#Sal 2:1-2.
27“Di as rahm kaput kalahna Herod#Lc 23:7-11. dawak Poncio Pilato#Mt 27:1-2; Mk 15:1; Lc 23:1; Jn 18:28-29. karak aslah kalahna kidika adika tawanni nuhni akat, pa ūk muihni balna, dawak Israel muihni balna karak kalpakna man dima yamyang#Is 52:13; Fil 2:7. Jisas niningyakat yaklalauna, man lawa witing kidika Mesías yaknaman dai kidika. 28Kidika laih witingna yayamna, man yulma yakat yulna dai kaput kalahnin dini balna kidika. 29Waralaih, Dawan, talah nikingnakauh balna kidika, man dima yamyang balna kidika sumamalwang yamaduwaski, 30dawak bik man parasma kau siknis balna kidika yamni kalalahwang, sain balna yayamwang, dawak muih dulaunin bik siknis kaupak, man dima yamyang Jisas ayangni holi kau.”
31Witingna minitna yulwi dahn dadawak, kidika pāni witingna bangkidika yakat sau isihna; dawak witingna bik Spirit Holi dibuhngdana dai, dawak lāih palni Papang yulni kidika sumamalna dai.
Di bitik witingna kapapat wayahwi duduwadai
32Kulyang balna bitik, kat mahni dai bahang, kukulwa kidika, dawak muihnina ampat kaldakakawa kidika bitik laih kapapat dai. Muih as bik yulwas dai adika dini laih yang diki, nawatkauh laih di balna kidika laih muih bitik dinina.#Ap.w 2:44-45. 33Apostel balna kidika witnis parasni yuyulwadai, Dawan Jisas dauna kaupak yaklauna kidika, dawak Papang yaklauwi blisin manas diawadai. 34Kaput bahang witingna pasyakat muih as di dis kidika disdai, kat wais sau, kidika awaskat ū duduwa kidika wauhwi bakakanwadai, dawak lalahni balna kidika 35apostel balna tingnina yakat ahawadai, kaput wais di dis kidika balna yakat sahyakwi papat yuna atnin. 36Libai as ayangni José, witing laih kalangsah as ayangni Chipre kaupak dai, bahang kidika alni ayangni as papakna dai apostel balna yaklauwi, Bernabé (tanka laih: “Walaniayang walanibis”). 37Adika alni sau as duwa dai, dawak bakanwi dawi lalahni kidika apostel balna tingnina yakat āna dai.
Currently Selected:
Apastil Balna Warknina 4: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 4
4
Pita dawak Jan karakwihta balna muhnina yakat
1Baisa Pita dawak Jan karak muih balna yak yuldibauwa raukat, sumalyang balna kidika uiwi kakana makatyulnin ūni tanituna kidika karak, dawak Saduceos balna bik. 2Witingna isningna daukakalna, kat Pita dawak Jan karak muih balna yakat sumamalwa bahang, dauna kaupak watwi yaklaunin kidika laih Jisas yakat lāih kalahna bahang. 3Lalaihna kaunah uman maulah dana bahang silak ahana dai payahwak kat lanina yamnin. 4Kauna muih mahni witingna yuyulwak dakakana kidika kasak kukulna. Kasak kukulna balna kidika ahal manah kukulna kat tausin singka dai.
5Ma payahlana dawak witingna kalududuhna Jerusalén yakat Ju balna taninatuna balna, muihbararak dawak lā sumalniyang bik. 6Yakat Anás bik sakdai, witing laih sumalyang nuhni dai, Caifás, Jan, Alejandro, kaput laih sumalyang nunuhni balna wanaihnina balna bitik. 7Witingna dipapakna, Pita dawak Jan karak duwi uinin, dawak bangkidika papus yakat dulauwi dawi diyulwi dakakana:
—¿Wais parasni kau, dawak wais ayangni kau adika dini balna yamta manah?
8Pita laih Spirit Holi kalbuhng bahang, nangnitnalana:
—Tawan tunani muihni balna dawak muih bararak balna: 9manna yanadakamana siknis muihni as muihni kau yamni kalyamna kidika yulni amanglanin, amput dawak yamni kalahna kidika. 10Yamni ki, yangna manna yak lāih yaktayangna, kaput laih Israel muihni balna bitik amanglanin, adik alni akat sak-adika, muih bitik muhnina yakat, Jisas Krais Nazaret kaupak ayangni kau witing sikninis kidika yamni kalahna, manna lawa pan prihni yakat pāta īnamana dai kidika, Papang yaklauwi dulauna dauna kaupak. 11Adika Jisas kuduh kinipala as manna ū yamyang balna ruhmpamnamana dai kidika, kaunah waralaih kipala tatuna kalna.#Sal 118:22. 12Muih ūk diski laihwi yaknin duwa kidika,#Jn 14:6. kat sau bitik yakat Papang yaklauwi muih ūk mayawaski, kidika munah laihwi yaknin kidika dunin.
13Lā muihni balna kidika tatalna, amput kulnin dadasni duwa kidika, Pita dawak Jan karak, dawak bik witingna skul kakawasdai, bahang witingna di wisam as kapat tatalna, dawak bik amanglalana witingna kidika laih Jisas disainipil balna dai kidika. 14Baisa minit yakat, siknis muihni yamni kalahna dai kidika witingna karak sakdai, kidika bahang niningna yakat di as bik yulnin disdai. 15Kaput laih albupak kalududuhna bangkidika kaupak yayakna ahni yakat, dawak witingna manah watwi dawi biri biri yulwi dakakana. 16Aput yuyulwadai:
—¿Ais yamdarangyah adika ahalni balna karak? Jerusalén yakat muih balna kidika bitik tatalna, adika muih dulauna kidika sakahwa dai kidika kaupak, bahang sip dauhki yuldaski. 17Kauna witni kat adika yulni baisa muih balna yulnin awas yulni, bilnina laudarang, kaput laih warmani kaupak baisa Jisas ayangni kidika muih balna yulnin awas karang.
18Diyuyulwak uina, dawak dipapakna, kidika ayangni, muih balna yakat sumalnin awaski, Jisas ayangni kidika yulnin bik awaski. 19Kaunah Pita dawi Jan karak yuyulna:
—Manna kulta talnauh, aitani barangniyah Papang muhni yakat, manna yulmana dakanin, witing yulnin dakanin pāni yakat. 20Yangna sip datas awanaki talnayangna dawak dakanayangna kidika yulnikna.
21Lā muihni balna kidika yaklauwi bilnina lalauna, kaunah pri damumukna. Amput witingna yakat wah dianin kidika yayakwas dai bahang, kat muih balna bitik Papang ayangni nuhni yayamna, di kalahwak tatalna kidika yulni. 22Muih sakahwa kat kalyayamna kidika laih witing kurih 40 duwadai.
Kulyang balna yuyulna, kulnin parasnidawak kasak kulnin bik dunin
23Pita dawak Jan witingna kidika pri diyayakna usnit kat, uiwi kalpapakna wanaihnina balna karak, dawak diyuyulna, sumalyang balna taninatuna dawak muihbararak balna bik ais diyuyulna kidika. 24Witingna adika yulni dakana usnit yakat, bitik kaluduhwi minitnayuyulna Papang yakat aput yulwi: “Dawan, man kuduh makau kisang kidika yamnaman, sau bik, kuma bik, dawak di balna bitik kidika pasyakat bangkidika,#Ex 20:11; Neh 9:6; Sal 146:6. 25yulnaman dai Spiritma Holi munah, dawak dima yamyang Devid tinipas munah bik:
‘¿Amput dawak muih balna kidika pini kiri yaklalauwih?
¿Amput dawak sins as dis bik, wark yamnin balna kidika ridi kalalahwih?
26King balna dawak kabamint muihni balna sau akat kidika
namangkauh yaklalauwi, dawak kalpakwi Dawan niningyakat ki.
man Mesías walta yaknaman kidika niningyakat bik ki.’#Sal 2:1-2.
27“Di as rahm kaput kalahna Herod#Lc 23:7-11. dawak Poncio Pilato#Mt 27:1-2; Mk 15:1; Lc 23:1; Jn 18:28-29. karak aslah kalahna kidika adika tawanni nuhni akat, pa ūk muihni balna, dawak Israel muihni balna karak kalpakna man dima yamyang#Is 52:13; Fil 2:7. Jisas niningyakat yaklalauna, man lawa witing kidika Mesías yaknaman dai kidika. 28Kidika laih witingna yayamna, man yulma yakat yulna dai kaput kalahnin dini balna kidika. 29Waralaih, Dawan, talah nikingnakauh balna kidika, man dima yamyang balna kidika sumamalwang yamaduwaski, 30dawak bik man parasma kau siknis balna kidika yamni kalalahwang, sain balna yayamwang, dawak muih dulaunin bik siknis kaupak, man dima yamyang Jisas ayangni holi kau.”
31Witingna minitna yulwi dahn dadawak, kidika pāni witingna bangkidika yakat sau isihna; dawak witingna bik Spirit Holi dibuhngdana dai, dawak lāih palni Papang yulni kidika sumamalna dai.
Di bitik witingna kapapat wayahwi duduwadai
32Kulyang balna bitik, kat mahni dai bahang, kukulwa kidika, dawak muihnina ampat kaldakakawa kidika bitik laih kapapat dai. Muih as bik yulwas dai adika dini laih yang diki, nawatkauh laih di balna kidika laih muih bitik dinina.#Ap.w 2:44-45. 33Apostel balna kidika witnis parasni yuyulwadai, Dawan Jisas dauna kaupak yaklauna kidika, dawak Papang yaklauwi blisin manas diawadai. 34Kaput bahang witingna pasyakat muih as di dis kidika disdai, kat wais sau, kidika awaskat ū duduwa kidika wauhwi bakakanwadai, dawak lalahni balna kidika 35apostel balna tingnina yakat ahawadai, kaput wais di dis kidika balna yakat sahyakwi papat yuna atnin. 36Libai as ayangni José, witing laih kalangsah as ayangni Chipre kaupak dai, bahang kidika alni ayangni as papakna dai apostel balna yaklauwi, Bernabé (tanka laih: “Walaniayang walanibis”). 37Adika alni sau as duwa dai, dawak bakanwi dawi lalahni kidika apostel balna tingnina yakat āna dai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998