3 Jan 1
1
Parasnin
1Yang muihbarak yang lawik yang karak kaltalyang yamni Gayo#Ap.w 19:29; Rom 16:23; 1 Kor 1:14. yakat adika wauhnitaya ultayang, rahm witing yakat dalani kaltalayang kidika.
2Wirah dalani, Papang yakat kalyultayang, Spirit yakat yamni yawaman kidika, man yakat di bitik yamni karang, dawak man muihma kidika bik. 3Yang kasak alasna dunayang, wirah balna aiwi yayuyulwak dakanayang, man laih barangni man rahm dini kidika yakat.#2 Jn 4. 4Yang laih alasna ūk tanit nuhni disyang, kaunah walakibis balna kidika di rahm yakat yalalahwa kidika manah laihtakat.
5Wirah dalani, barangni man, wirah balna ūk yakat dinina yamtaman kidika, tanit kidika laih pa ūk kaupak uiwa kidika balna yakat. 6Muih balna kalududuhna muhnina yakat yuyulna, man ampus dalani ditalaman kidika. Plisma ilp diatah witingna angkat uiwa kidika yakat, Papang dukih kalawa kidika kaput. 7Kat witingna uiwa kidika laih Jisaskrais dini yamna#1.7 Jisaskrais dini yamna: Y.y. ayangni kau. uiwi, bahang witingna muih balna baisa Papang yakat kukulwas balna ilpnina kidika dukih diawaski. 8Kidika bahang mayang witingna yakat ilp dianin ki, yul rahm kidika sumamalwa yulni.
Diótrefes dutni yamwa balna kidikadawak Demetrio yamni yamwa balna kidika
9Yang lawik wauhtaya as ulnayang dai kalududuhna muihni balna yakat, kaunah Diótrefes laih maikulwaski, kat witing laih mamikit yakat atnin kulwa bahang. 10Kidika bahang, yang yawaki kat, sumalki ki, witing laih mayang ma-alaski yulwi. Dawak kamanah bik isninglakwaski, wirah balna uiwa kidika yamni diyamwaski, dawak yamni diyamnin kukulwa muihni balna kidika laih didāwakat yayamwaski, dawak kaluduhna paskaupak yakmukwi.
11Wirah, dutni yamwa kidika talwi yamwinih, kaunah di yamni balna kidika laih. Di yamni yamwa muihni kidika laih Papang kaupak ki, kaunah di dutni yamwa kidika laih baisa Papang talwaski.#1 Jn 2:29; 3:6,9-10.
12Bitik, sihm di rahm kidika bik, Demetrio yulni yamni yuyulwi. Mayang bik witing ilpni yuldi, dawak man amanglataman di rahm yultayangna kidika.
Yulni witni balna
13Yang di yulnik manas dutayang dai, kaunah wauhtaya kau ulnik laih dukih yāwaski, 14kat sirihni matalnik tahatayang, dawak man karak yulbaunin.#2 Jn 12.
15Kulnin aslah lani dutah. Kaltalyang yamni mana kidika parasnin masisihwi. Plisma, bitik kau yultang pararaswang.
Currently Selected:
3 Jan 1: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998