2 Crónicas 17
17
Josafat king kana
1Asa pāni yakat walanbis al Josafat king kuna, bahang witing laih Israel yakat parasni dai.#17.1 Witing laih Israel yakat parasni dai: satuk wirlana atnin bik sipki: Israel niningkauh baisa parasni kalna. 2Judá kau ū pararasni balna bitik yakat kalbauyang muihni balna āna dai, dawak Judá sauni bitik yakat kalbauyang muihni tanit yayamni kidika āna dai, kaput bik laih Efraín tawanni nunuhni balna witing papangni Asa yaklauwi kalbauwi dakyakwi duna dai kidika balna bik.
3Dawan laih Josafat karakdai, kat tatuna kaupak, witing muihnibarak, Devid yamna kapat yamna dai bahang. Baal satni balna kidika laih di as bik ilp disdai, 4kaunah witing papangni, Papangni dai kidika laihtakat, witing lani balna yakat yamna, Israel muihni balna yayamwa kidika usnitna uiwasdai. 5Kidika bahang, Dawan yaklauwi witing king kawa kidika tingni yakat baisa parasni yamna dai. Judá muihni balna bitik laih di prisant uiwi kalalawa dai, bahang witing di manas palni duna dawak risnipik bik nuhni duna dai. 6Witing manah kapat kaldakawi Dawan tani yamna yakat usnit uiwi kiuna, dawak baisa wat as Judá kaupak dawan dauh balna ūnina kidika yakmukna dai, dawak Asera wayani balna bik.
7Witing king kana kurih bās laihwak, witing kingkawa kau wark yayamwa muihni balna Ben-hail, Abdías, Zacarías, Natanael dawak Micaías kidika balna laih Judá tawanni nunuhni balna yakat sumalnin, 8adika balna karak bik sihna, libait balna Semaías, Netanías, Zebadías, Asael, Semiramot, Jonatán, Adonías, Tobías dawak Tobadonías. Sumalyang balna bik miniknadadana dai, Elisama dawa Joram karak. 9Disihwak uina kidika laih Dawan lāni balna kidika sumalna atnin Judá muihni balna yakat. Kaput laih witingna Judá tawanni nunuhni balna bitik yakat awawaihna tawan balna yakat disumalwi.
10Kaput laih Judá yaihnit balna kau sau ūk balna kidika Dawan yakat yamaduduna, bahang Josafat niningyakat kalbauwas dadana. 11Nawatkauh laih, filisteo muihni balna as prisant duaiwi kalalawadai, lalah, kidika laih tunan minitlaunin kapat, dawak árabe muihni balna laih uiwi diayana dai sīp ahalmuk tausin tiaskaubu minit kau 700, dawak kuts bik sihm mahni kaput kalalana dai.
12Kaput laih Josafat kidika tanit parasni palni kalna. Judá yakat ū pararasni dawak tawan nunuhni bik yamna dai, di puna atnin yulni, 13dawi Judá tawanni nunuhni balna yakat witing dini balna manas duna dai. Kaput bik laih Jerusalén yakat kalbauyang muihni balna kulninna dadasni kidika manas duna dai, 14ayangnina balna ulna kidika sulani kat kat, kidika balna laih adika dai:
Judá kaupak, kalbauyang balna uduhna balna tanituna balna kidika taninatuna kidika laih Adnas, bahang witing duwasak kidika laih kalbauyang muihni balna tausin manah 300. 15Witing yaihnit yakat sakdai tunan muihni Johanán kidika, kalbauyang muihni balna tausin manah 280 duwasakdai, 16dawak witing yaihnit yakat Zicri walanbis al Amasías sakdai, witing silp kulninna lani Dawan warkni yamnin yulni kiwi kana dai, bahang kalbauyang balna kulnin dadasni kidika tausin manah 200 duwasakdai.
17Benjamín sulani kaupak laih sakdai Eliada, witing laih kalbauyang alni as kulnin dadasni dai, bahang witing tingni yakat duwasakdai kalbauyang muihni balna tausin manah 200, kidika balna laih sibang dawak tanitna daknin kidika duwabangdai, 18dawak witing yaihnit yakat Jozabad sakdai, kalbauyang muihni balna tausin manah 180 duwasakdai, kidika balna laih kalkau lapakwi uiwi kalbabauwadai.
19Adika balna laih king dini yamyang balna dai, Judá tawanni nunuhni pararasni balna bitik kau sihna balna kidika laih pasyakat bahawi kulwas dai.
Currently Selected:
2 Crónicas 17: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
2 Crónicas 17
17
Josafat king kana
1Asa pāni yakat walanbis al Josafat king kuna, bahang witing laih Israel yakat parasni dai.#17.1 Witing laih Israel yakat parasni dai: satuk wirlana atnin bik sipki: Israel niningkauh baisa parasni kalna. 2Judá kau ū pararasni balna bitik yakat kalbauyang muihni balna āna dai, dawak Judá sauni bitik yakat kalbauyang muihni tanit yayamni kidika āna dai, kaput bik laih Efraín tawanni nunuhni balna witing papangni Asa yaklauwi kalbauwi dakyakwi duna dai kidika balna bik.
3Dawan laih Josafat karakdai, kat tatuna kaupak, witing muihnibarak, Devid yamna kapat yamna dai bahang. Baal satni balna kidika laih di as bik ilp disdai, 4kaunah witing papangni, Papangni dai kidika laihtakat, witing lani balna yakat yamna, Israel muihni balna yayamwa kidika usnitna uiwasdai. 5Kidika bahang, Dawan yaklauwi witing king kawa kidika tingni yakat baisa parasni yamna dai. Judá muihni balna bitik laih di prisant uiwi kalalawa dai, bahang witing di manas palni duna dawak risnipik bik nuhni duna dai. 6Witing manah kapat kaldakawi Dawan tani yamna yakat usnit uiwi kiuna, dawak baisa wat as Judá kaupak dawan dauh balna ūnina kidika yakmukna dai, dawak Asera wayani balna bik.
7Witing king kana kurih bās laihwak, witing kingkawa kau wark yayamwa muihni balna Ben-hail, Abdías, Zacarías, Natanael dawak Micaías kidika balna laih Judá tawanni nunuhni balna yakat sumalnin, 8adika balna karak bik sihna, libait balna Semaías, Netanías, Zebadías, Asael, Semiramot, Jonatán, Adonías, Tobías dawak Tobadonías. Sumalyang balna bik miniknadadana dai, Elisama dawa Joram karak. 9Disihwak uina kidika laih Dawan lāni balna kidika sumalna atnin Judá muihni balna yakat. Kaput laih witingna Judá tawanni nunuhni balna bitik yakat awawaihna tawan balna yakat disumalwi.
10Kaput laih Judá yaihnit balna kau sau ūk balna kidika Dawan yakat yamaduduna, bahang Josafat niningyakat kalbauwas dadana. 11Nawatkauh laih, filisteo muihni balna as prisant duaiwi kalalawadai, lalah, kidika laih tunan minitlaunin kapat, dawak árabe muihni balna laih uiwi diayana dai sīp ahalmuk tausin tiaskaubu minit kau 700, dawak kuts bik sihm mahni kaput kalalana dai.
12Kaput laih Josafat kidika tanit parasni palni kalna. Judá yakat ū pararasni dawak tawan nunuhni bik yamna dai, di puna atnin yulni, 13dawi Judá tawanni nunuhni balna yakat witing dini balna manas duna dai. Kaput bik laih Jerusalén yakat kalbauyang muihni balna kulninna dadasni kidika manas duna dai, 14ayangnina balna ulna kidika sulani kat kat, kidika balna laih adika dai:
Judá kaupak, kalbauyang balna uduhna balna tanituna balna kidika taninatuna kidika laih Adnas, bahang witing duwasak kidika laih kalbauyang muihni balna tausin manah 300. 15Witing yaihnit yakat sakdai tunan muihni Johanán kidika, kalbauyang muihni balna tausin manah 280 duwasakdai, 16dawak witing yaihnit yakat Zicri walanbis al Amasías sakdai, witing silp kulninna lani Dawan warkni yamnin yulni kiwi kana dai, bahang kalbauyang balna kulnin dadasni kidika tausin manah 200 duwasakdai.
17Benjamín sulani kaupak laih sakdai Eliada, witing laih kalbauyang alni as kulnin dadasni dai, bahang witing tingni yakat duwasakdai kalbauyang muihni balna tausin manah 200, kidika balna laih sibang dawak tanitna daknin kidika duwabangdai, 18dawak witing yaihnit yakat Jozabad sakdai, kalbauyang muihni balna tausin manah 180 duwasakdai, kidika balna laih kalkau lapakwi uiwi kalbabauwadai.
19Adika balna laih king dini yamyang balna dai, Judá tawanni nunuhni pararasni balna bitik kau sihna balna kidika laih pasyakat bahawi kulwas dai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998