1 Reyes 7
7
Salomón ū balna ūk pakna kidika
1Salomón, witing alas yamna king ūni kidika, kurih 13 laihna kat yamwi dana. 2Kaput bik laih king ūni as ayangni “Líbano asangnipas” kidika bik witing yamna, bahang kidika laih naini metro 45 duwadai, dawak pirihta laih metro 22 minitkau papusbah, maluihni laih metro 13 minit kau papusbah, dawak rahni balna kidika laih suhun kat āna dai, parna arungka āwi lana dai, bahang kidika minit yakat binni balna kidika lakna dai. 3Kidika binni balna laih 45 dai, bahang uduhna bās, bās āwi lana dai, bahang uduhna as kidika 15 dai, bahang kidika balna laih sahni balna kidika minit yakat ilna dai. Dawak kidika binni balna minit yakat suhun panan kau wayani yamni yamna as ilna dai. 4Windar balna kidika parna bangdai, bās bās, sihm lainni kat, muhnina lau lau. 5Dūr balna, dawak windar balna#7.5 Windar balna: grik kau ulna kidika laih kaput yulwi. Hibru kau laih rahni balna. bitik laih rababutni dai, dawak muhnina lalau dai, parna bās. 6Kaput bik laih ahni panuhni as yamna dai, naini laih metro 22 minit kau papusbah, dawak panuhni laih metro 13 minit kau papusbah. Dawak kidika muhnit yakat ahni panuhni ūk yamna dai, rahni balna āna dawak bik ūnibasta bik ilna dai. 7Kidika minit yakat yamna dai, muih lanina yamni pāni bik, kidika yakat la yamnin, makaupak saukat kidika suhun tatni kau manah āna dai.
8Salomón witing king ūni yakat yalahwadai kidika, kidika ūni dangnit yakat watak pakdai, dawak bik sihm kaput as bik yamna dai ahni panuhni as ūnipas yakat. King ūni as pakwi kalana dai kidika Fero walanibis yakat, witing yalni duna dai kidika yakat,#1 Re 3:1. ahni panuhni as sihm kapat duwadai. 9Kidika ūni yamna bitik kidika rahni ukna balna kaupak tunanpas kat, dawak ahni niningkaupak watak nuhni kidika kat yamna balna kidika laih kipala minit nunuhni pahrna balna, dawak pitni kat sa kau dakna dai, dawak ahni niningkauh kaputbik laih pasniningkauh bik kaput yamna dai. 10Rahni balna āna kidika kipala minit nuhni dai, dawak bik nunuhni kat āna dai, as as kidika metro arungka minit kau papusbah, ūk balna kidika laih metro bās minitkau centímetro 70. 11Ma niningkauh kidika bik kipala minit nunuhni dai, pitni kat pahrna dai, dawak suhun panan bik dai. 12Dawak watak nuhni kidika yakat kipala parna bās bangdai, dawak suhun panan rahni balna kidika parna as dai, kaput bik sihm dai watak pastawa kau kidika dawak kaput bik laih Dawan kau makatyulnin ūni dūrni kiwi kawa kau watak pakkidika yakat bik.
Salomón yaklauwi Hiram yakat wark kalana
(2 Cr 2:13-14; 3:15-17)
13King Salomón yaklauwi sihwak Tiro kaupak duwi uina Hiram kidika, 14kidika laih yal tingmak as walanibis dai, dawak Neftalí sulani kaupak dai, dawak papangni kidika laih Tiro kaupak dai, bras kau di satni balna yamwi lan palni dai. Hiram kidika laih kidika laih sinsni sirihni palni dai, dawak bras kau di ais balna yamnin kidika yamni amanglawadai, kaput bahang witing king muhni yakat kiuna, dawak wark balna bitik laih yamna. 15Ū rahni bu bras kau arwi yamna, nanaini laih metro tiaskaubās duwadai, dawak pirihta karauni kidika laih metro singka minitkau papusbah. 16Dawak kaput bik laih bras kau yamna dai, rahni tuna kau ilwa dini kidika. Kidika rahni tuna kau ilwa dini balna laih metro bu dawak minit yakat centímetro 25 duwa dai. 17Dawak baisa minit yakat ayan panani kau lakwi par dawi birna kidika bu yamna;#7.17 Baisa minit yakat bu yamna: grik kau ulna kidika laih kaput yulwi. Adika yulni laih hibru wauhnitaya yakat kalahwas ki. dawak libitwi sitna sihm sīn kapat, kidika laih ū rahni balna sutni tuna kau ilwa kidika dini balna dai: ayan panan lakwi par dawi birna as kidika,#7.17 Ayan panan lakwi par dawi birna as kidika: grik kau ulna kidika laih kaput yulwi. Hibru kau laih tiaskaubu. ū rahni tunan kau ilna dini kidika dini as as libitna dai. 18Ayan panan lakwi par dawi birna yaihnit awaih yakat granado minik kidika parna bu awaihwilana dai, kidika laih ū rahni tunan kau di lakna balna kidika minit yakat muklakna atnin yulni. Ū rahni tunan kau di lakna kidika balna bupak laih kaput yamna dai. 19Ū kiwi kawa kau watak pakkidika rahni balna tuna kau di ilna kidika laih naini metro bu duwadai dawak bik yamna kidika sihm sulumtah puluni kapat yamna dai. 20Ū rahni tuna kau yamwi ilna balna awaih kidika, pīsni tanit panuhni dawak bik sihm pulangna kapat kidika, ayan panan kau lakwi par dawi birna kidika yaihnit yakat granado minik andat bu parna bangdai lain bu. 21Hiram yaklauwi adika rahni balna kidika āna dai, makatyulnin ūni kiwi kawa kau watak yakat. Rahni tingpal niningkauh kidika pāni kat āna kat, ayangni pakna dai, Jaquín,#7.21 Kidika tanka laih aput kapat ki “Witing (Papang) yaklau āwarang.” dawak rahni wadah niningkauh kidika laih ayangni pakna Boaz.#7.21 Kidika tanka laih aput kapat ki “Witing (Papang) yakat parasni sakki.” 22Rahni balna kidika sutni makauh kidika laih sulumtah puluni kapat yamna dai. Kaput laih yamwi dana dai rahni balna kidika.
Makatyulnin ūni paskau tibil satni balna yamna dai kidika
(2 Cr 4:1—5:1)
23Kidika usnit kat Hiram witing bras kau yamna dai was laihnin dini nuhni as. Tuyulni dai, dawak kungnimak as kaupak kungnimak nakas kat kidika metro arungka minitkau papusbah duwadai panuhni. Maluihni laih metro bu minit kau centímetro 25 duwadai, dawak banimak kidika laih nuhni metro 13 minit kau papusbah duwadai. 24Was laihnin dini yamna kidika kungnimak dinit yakat di alahnin kapat bik yamna dai, dawak kidika yakat di minik kapat alahna dai, bahang kidika alahna kidik centímetro 45 praisni naikau naikau alahna dai, kaput laih was laihnin dini kidika karak aslah yamna dai. 25Bahang kidika dini laih bras kau turuh wayani 12 yamna kidika minit yakat ilna dai, kidika tuniruh bās kidika laih tingpal yakat talwaraudai, dawak ūk bās kidika laih wadah niningkauh talwaraudai, kaput bik laih ūk bās kidika laih ma kilwa niningyakauh talwaraudai, dawak ūk bās kidika laih ma kawa niningyakauh talwaraudai. Kalnina kidika laih pasniningyakauh dai, dawak was laihnin dini laih kidika balna minit yakat ilna sakdai. 26Was laihnin dini yamna kidika tubakni centímetro tiaskaubās duwadai. Dawak kungni kidika laih sulumtah puluni kalni kapat yamna dai, dawak kidika dini laih was litro tausin 44 laihwādai.
27Kaput bik laih ū rahni bras kau yamna dai salap, nanaini laih metro as minit kau centímetro 80 duwadai, panuhni kidika bik sihm duwadai, centímetro 35 maluihni. 28Rahni balna kidika aput yamna dai: rahni balna walsah yakat linin asnina duwadai, dawak asnina kidika kungni balna pan āwilana dai, 29kidika asnina minit yakat layan wayani, turuh almuk wayani dawak di lawani duwa balna kidika wayanina bik yamna dai. Turuh wayani dawak layan wayani balna yamna kidika minit yakat dawak bik dinit yakat dipulu wayani balna yaksihni yamna dai. 30Rahni balna kidika aslah bras wīlni balna arungka duwadai, wirwa dini balna kidika bik bras dai. Rahni ukna balna sipintang arungkapak, was laihnin dini kidika dinitkau yakat, di ilnin pāni binina kapat yamna dai bras kau, dawak muhni balna kidika saitni as kau, as kau, dipulu satni balna wayani yamna dai. 31Was laihnin dini tinpas kidika laih daklana paskau sakdai, minit bayak sakdai centímetro 45 praisni. Tinpas kidika laih tuyulni dai, dawak sutni taihwa kidika laih centímetro 68 duwadai maluihni. Dawak tinpas minit yakat bik ulwi yamna kidika duwadai, dawak kungni balna kidika tuyulni awasdai, kaunah rabutni dai. 32Wīlni arungka kidika laih, asna kau diwaya yamna kidika dinit yakat dai, dawak wirwa dini balna kidika laih rahni yakat āwi laihna dai. Wīlni balna kidika maluihni laih centímetro 68 duwadai, 33dawak wīlni balna kidika laih sihm kar wīlni balna kapatdai. Dini balna kidika bitik laih bras kau manah yamna dai. 34Di ilnin dini arungka, rahni sipintang arungka yakat duwadai kidika, kidika balna karak aslah libitna dai. 35Ma niningkauh kungni kidika laih tuyul awaihdai, bahang centímetro 22 minit kau papusbah duwadai maluihni, dawak rahni balna walsah kau di wayani balna yamna dai kidika asna kau, dawak kungni balna āna dai kidika rahni balna tuna kau, kidika balna bitik laih aslah dai. 36Hiram witing lawani duyang balna wayanina kidika ulwi yamna dai, layan wayani, dawak kuku satni balna wayanina bik, asnina kidika minit yakat, panuhni ampus duwa kidika praisni, dawak dipulu satni balna bik yamna dai yaihnit awaih yakat. 37Rahni salap balna kidika kaput yamna dai, bitik laih kapapat arwi yamna dai, nunuhni ampus kidika bitik.
38Kaput bik laih was laihnin dini ūk salap bik yamna dai.#Ex 30:17-21. Kidika balna laih maluihni duduwa dai, metro as minit kau centímetro 80, dawak was mahni laihwa kidika laih litro 880 laihwa dai aslah, dawak kidika dini balna kidika rahni balna yamna kidika tuna yakat ilna dai, 39rahni balna singka kidika laih makatyulnin ūni tingnipalni yakat āna dai, dawak singka ūk kidika laih wadah niningyakauh āna dai. Was laihnin dini tanit nuhni kidika laih makatyulnin ūni kidika tingpalni niningyakauh āna dai wadah dawak ma kilwa kidika walsah kau yakat.
40Baisa minit yakat Hiram witing sau suba#7.40 Suba: grik kau ulna kidika laih kaput yulwi. Hibru kau laih ting suhnin dini balna. (S.d. 45 yakat talah.) yamna, subil dawak sutak nunuhni bik yamna dai, kaput laih Dawan ūni yakat wark balna yamnin dai kidika yamwi kalana Salomón yakat, Hiram yaklauwi, 41yamna balna kidika laih rahni balna bu dai kidika, dawak ū rahni balna tuna yakat di yamwi ilna balna kidika, dawak ayan panan kau lakwi par dawi birna balna bu yamna dai kidika rahni tunan kau di ilna balna kidika minit yakat laknin dini, 42granado minik andat arungka yamna dai kidika, ayan panan lakwi par dawi birna bu kidika balna dinina, parna bu kidika laih ayan panan lakwi birna kidika as dini dai, bahang kidika laih ū rahni tuna kau tuyulni āna sakkidika minit yakat laknin dai; 43rahni balna salap dai kidika, dawak was laihnin dini salap yamwi ilna dai kidika rahni balna tuna yakat, 44dawak was laihnin dini ūk nuhni as yamna dai kidika, dawak kidika dinit yakat turuh ahalmuk 12 yamna kat minit yakat sakdai kidika was laihnin dini, 45baisa kidika minit yakat sau suba balna yamna, subil dawak sutak nunuhni balna bik yamna dai kidika.
Adika dini balna bitik Hiram yamwi kalana dai kidika king Salomón yakat, Dawan ūni kidika dini, dawak kidika balna bitik laih bras kau buhwi salaini yamna dai. 46King yaklauwi kauhmak kau buswi yamna dai, Jordán sauni pīsni yakat, Sucot dawak Saretán kidika pāni balna walsah yakat. 47Bras kau di dunin balna yamna kidika mahni palni dai bahang, Salomón witing kulwi kalbauwasdai paun āwi talnin.
48Kaput bik laih Salomón witing baisa pakwak yamna dai, Dawan ūni kau di dunin dini balna bangdai kidika yamna atnin: sakripais busnin pāni gol#Ex 30:1-3. kau yamna dai kidika, gol tinibil yamna dai kidika plawar busna maisihni dis Dawan kau kalana kidika ilna atnin,#Ex 25:23-30. 49awas ilnin pāni#Ex 25:31-40. gol tanit yamni kau yamna kat holi palni pāni muhnit kau sakdai kidika; tingnipal niningkauh yakat singka dawak, wadahni niningkauh bik singka raudai kidika, yamna kidika laih dipulu kapat yamna dai, awasni balna dawak di itiswi dulaunin dini gol kau yamna dai kidika, 50sutak balna, awas pinin dini, sutak nunuhni balna; pan yamna nunuhni balna dawak walapni busnin dini, bahang kidika balna bitik laih gol kau manah yamna dai. Holi palni pāni kidika dūrni innisis balna kidika laih gol dai, Papang ūni paskau kidika dawak, dūrni balna kidika bik sihm kaput dai.
51Salomón yaklauwi pakna dai kidika wark balna yamna atnin Dawan ūni yakat, Salomón witing duwi kiuna dai, gol dini dawak lalah kau yamna balna dai kidika bik, witing papangni Devid yaklauwi Dawan yakat kalana balna dai kidika,#2 Sam 8:11; 1 Cr 18:11. dawak Dawan ūni lalahni baksni yakat āna dai.
Currently Selected:
1 Reyes 7: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
1 Reyes 7
7
Salomón ū balna ūk pakna kidika
1Salomón, witing alas yamna king ūni kidika, kurih 13 laihna kat yamwi dana. 2Kaput bik laih king ūni as ayangni “Líbano asangnipas” kidika bik witing yamna, bahang kidika laih naini metro 45 duwadai, dawak pirihta laih metro 22 minitkau papusbah, maluihni laih metro 13 minit kau papusbah, dawak rahni balna kidika laih suhun kat āna dai, parna arungka āwi lana dai, bahang kidika minit yakat binni balna kidika lakna dai. 3Kidika binni balna laih 45 dai, bahang uduhna bās, bās āwi lana dai, bahang uduhna as kidika 15 dai, bahang kidika balna laih sahni balna kidika minit yakat ilna dai. Dawak kidika binni balna minit yakat suhun panan kau wayani yamni yamna as ilna dai. 4Windar balna kidika parna bangdai, bās bās, sihm lainni kat, muhnina lau lau. 5Dūr balna, dawak windar balna#7.5 Windar balna: grik kau ulna kidika laih kaput yulwi. Hibru kau laih rahni balna. bitik laih rababutni dai, dawak muhnina lalau dai, parna bās. 6Kaput bik laih ahni panuhni as yamna dai, naini laih metro 22 minit kau papusbah, dawak panuhni laih metro 13 minit kau papusbah. Dawak kidika muhnit yakat ahni panuhni ūk yamna dai, rahni balna āna dawak bik ūnibasta bik ilna dai. 7Kidika minit yakat yamna dai, muih lanina yamni pāni bik, kidika yakat la yamnin, makaupak saukat kidika suhun tatni kau manah āna dai.
8Salomón witing king ūni yakat yalahwadai kidika, kidika ūni dangnit yakat watak pakdai, dawak bik sihm kaput as bik yamna dai ahni panuhni as ūnipas yakat. King ūni as pakwi kalana dai kidika Fero walanibis yakat, witing yalni duna dai kidika yakat,#1 Re 3:1. ahni panuhni as sihm kapat duwadai. 9Kidika ūni yamna bitik kidika rahni ukna balna kaupak tunanpas kat, dawak ahni niningkaupak watak nuhni kidika kat yamna balna kidika laih kipala minit nunuhni pahrna balna, dawak pitni kat sa kau dakna dai, dawak ahni niningkauh kaputbik laih pasniningkauh bik kaput yamna dai. 10Rahni balna āna kidika kipala minit nuhni dai, dawak bik nunuhni kat āna dai, as as kidika metro arungka minit kau papusbah, ūk balna kidika laih metro bās minitkau centímetro 70. 11Ma niningkauh kidika bik kipala minit nunuhni dai, pitni kat pahrna dai, dawak suhun panan bik dai. 12Dawak watak nuhni kidika yakat kipala parna bās bangdai, dawak suhun panan rahni balna kidika parna as dai, kaput bik sihm dai watak pastawa kau kidika dawak kaput bik laih Dawan kau makatyulnin ūni dūrni kiwi kawa kau watak pakkidika yakat bik.
Salomón yaklauwi Hiram yakat wark kalana
(2 Cr 2:13-14; 3:15-17)
13King Salomón yaklauwi sihwak Tiro kaupak duwi uina Hiram kidika, 14kidika laih yal tingmak as walanibis dai, dawak Neftalí sulani kaupak dai, dawak papangni kidika laih Tiro kaupak dai, bras kau di satni balna yamwi lan palni dai. Hiram kidika laih kidika laih sinsni sirihni palni dai, dawak bras kau di ais balna yamnin kidika yamni amanglawadai, kaput bahang witing king muhni yakat kiuna, dawak wark balna bitik laih yamna. 15Ū rahni bu bras kau arwi yamna, nanaini laih metro tiaskaubās duwadai, dawak pirihta karauni kidika laih metro singka minitkau papusbah. 16Dawak kaput bik laih bras kau yamna dai, rahni tuna kau ilwa dini kidika. Kidika rahni tuna kau ilwa dini balna laih metro bu dawak minit yakat centímetro 25 duwa dai. 17Dawak baisa minit yakat ayan panani kau lakwi par dawi birna kidika bu yamna;#7.17 Baisa minit yakat bu yamna: grik kau ulna kidika laih kaput yulwi. Adika yulni laih hibru wauhnitaya yakat kalahwas ki. dawak libitwi sitna sihm sīn kapat, kidika laih ū rahni balna sutni tuna kau ilwa kidika dini balna dai: ayan panan lakwi par dawi birna as kidika,#7.17 Ayan panan lakwi par dawi birna as kidika: grik kau ulna kidika laih kaput yulwi. Hibru kau laih tiaskaubu. ū rahni tunan kau ilna dini kidika dini as as libitna dai. 18Ayan panan lakwi par dawi birna yaihnit awaih yakat granado minik kidika parna bu awaihwilana dai, kidika laih ū rahni tunan kau di lakna balna kidika minit yakat muklakna atnin yulni. Ū rahni tunan kau di lakna kidika balna bupak laih kaput yamna dai. 19Ū kiwi kawa kau watak pakkidika rahni balna tuna kau di ilna kidika laih naini metro bu duwadai dawak bik yamna kidika sihm sulumtah puluni kapat yamna dai. 20Ū rahni tuna kau yamwi ilna balna awaih kidika, pīsni tanit panuhni dawak bik sihm pulangna kapat kidika, ayan panan kau lakwi par dawi birna kidika yaihnit yakat granado minik andat bu parna bangdai lain bu. 21Hiram yaklauwi adika rahni balna kidika āna dai, makatyulnin ūni kiwi kawa kau watak yakat. Rahni tingpal niningkauh kidika pāni kat āna kat, ayangni pakna dai, Jaquín,#7.21 Kidika tanka laih aput kapat ki “Witing (Papang) yaklau āwarang.” dawak rahni wadah niningkauh kidika laih ayangni pakna Boaz.#7.21 Kidika tanka laih aput kapat ki “Witing (Papang) yakat parasni sakki.” 22Rahni balna kidika sutni makauh kidika laih sulumtah puluni kapat yamna dai. Kaput laih yamwi dana dai rahni balna kidika.
Makatyulnin ūni paskau tibil satni balna yamna dai kidika
(2 Cr 4:1—5:1)
23Kidika usnit kat Hiram witing bras kau yamna dai was laihnin dini nuhni as. Tuyulni dai, dawak kungnimak as kaupak kungnimak nakas kat kidika metro arungka minitkau papusbah duwadai panuhni. Maluihni laih metro bu minit kau centímetro 25 duwadai, dawak banimak kidika laih nuhni metro 13 minit kau papusbah duwadai. 24Was laihnin dini yamna kidika kungnimak dinit yakat di alahnin kapat bik yamna dai, dawak kidika yakat di minik kapat alahna dai, bahang kidika alahna kidik centímetro 45 praisni naikau naikau alahna dai, kaput laih was laihnin dini kidika karak aslah yamna dai. 25Bahang kidika dini laih bras kau turuh wayani 12 yamna kidika minit yakat ilna dai, kidika tuniruh bās kidika laih tingpal yakat talwaraudai, dawak ūk bās kidika laih wadah niningkauh talwaraudai, kaput bik laih ūk bās kidika laih ma kilwa niningyakauh talwaraudai, dawak ūk bās kidika laih ma kawa niningyakauh talwaraudai. Kalnina kidika laih pasniningyakauh dai, dawak was laihnin dini laih kidika balna minit yakat ilna sakdai. 26Was laihnin dini yamna kidika tubakni centímetro tiaskaubās duwadai. Dawak kungni kidika laih sulumtah puluni kalni kapat yamna dai, dawak kidika dini laih was litro tausin 44 laihwādai.
27Kaput bik laih ū rahni bras kau yamna dai salap, nanaini laih metro as minit kau centímetro 80 duwadai, panuhni kidika bik sihm duwadai, centímetro 35 maluihni. 28Rahni balna kidika aput yamna dai: rahni balna walsah yakat linin asnina duwadai, dawak asnina kidika kungni balna pan āwilana dai, 29kidika asnina minit yakat layan wayani, turuh almuk wayani dawak di lawani duwa balna kidika wayanina bik yamna dai. Turuh wayani dawak layan wayani balna yamna kidika minit yakat dawak bik dinit yakat dipulu wayani balna yaksihni yamna dai. 30Rahni balna kidika aslah bras wīlni balna arungka duwadai, wirwa dini balna kidika bik bras dai. Rahni ukna balna sipintang arungkapak, was laihnin dini kidika dinitkau yakat, di ilnin pāni binina kapat yamna dai bras kau, dawak muhni balna kidika saitni as kau, as kau, dipulu satni balna wayani yamna dai. 31Was laihnin dini tinpas kidika laih daklana paskau sakdai, minit bayak sakdai centímetro 45 praisni. Tinpas kidika laih tuyulni dai, dawak sutni taihwa kidika laih centímetro 68 duwadai maluihni. Dawak tinpas minit yakat bik ulwi yamna kidika duwadai, dawak kungni balna kidika tuyulni awasdai, kaunah rabutni dai. 32Wīlni arungka kidika laih, asna kau diwaya yamna kidika dinit yakat dai, dawak wirwa dini balna kidika laih rahni yakat āwi laihna dai. Wīlni balna kidika maluihni laih centímetro 68 duwadai, 33dawak wīlni balna kidika laih sihm kar wīlni balna kapatdai. Dini balna kidika bitik laih bras kau manah yamna dai. 34Di ilnin dini arungka, rahni sipintang arungka yakat duwadai kidika, kidika balna karak aslah libitna dai. 35Ma niningkauh kungni kidika laih tuyul awaihdai, bahang centímetro 22 minit kau papusbah duwadai maluihni, dawak rahni balna walsah kau di wayani balna yamna dai kidika asna kau, dawak kungni balna āna dai kidika rahni balna tuna kau, kidika balna bitik laih aslah dai. 36Hiram witing lawani duyang balna wayanina kidika ulwi yamna dai, layan wayani, dawak kuku satni balna wayanina bik, asnina kidika minit yakat, panuhni ampus duwa kidika praisni, dawak dipulu satni balna bik yamna dai yaihnit awaih yakat. 37Rahni salap balna kidika kaput yamna dai, bitik laih kapapat arwi yamna dai, nunuhni ampus kidika bitik.
38Kaput bik laih was laihnin dini ūk salap bik yamna dai.#Ex 30:17-21. Kidika balna laih maluihni duduwa dai, metro as minit kau centímetro 80, dawak was mahni laihwa kidika laih litro 880 laihwa dai aslah, dawak kidika dini balna kidika rahni balna yamna kidika tuna yakat ilna dai, 39rahni balna singka kidika laih makatyulnin ūni tingnipalni yakat āna dai, dawak singka ūk kidika laih wadah niningyakauh āna dai. Was laihnin dini tanit nuhni kidika laih makatyulnin ūni kidika tingpalni niningyakauh āna dai wadah dawak ma kilwa kidika walsah kau yakat.
40Baisa minit yakat Hiram witing sau suba#7.40 Suba: grik kau ulna kidika laih kaput yulwi. Hibru kau laih ting suhnin dini balna. (S.d. 45 yakat talah.) yamna, subil dawak sutak nunuhni bik yamna dai, kaput laih Dawan ūni yakat wark balna yamnin dai kidika yamwi kalana Salomón yakat, Hiram yaklauwi, 41yamna balna kidika laih rahni balna bu dai kidika, dawak ū rahni balna tuna yakat di yamwi ilna balna kidika, dawak ayan panan kau lakwi par dawi birna balna bu yamna dai kidika rahni tunan kau di ilna balna kidika minit yakat laknin dini, 42granado minik andat arungka yamna dai kidika, ayan panan lakwi par dawi birna bu kidika balna dinina, parna bu kidika laih ayan panan lakwi birna kidika as dini dai, bahang kidika laih ū rahni tuna kau tuyulni āna sakkidika minit yakat laknin dai; 43rahni balna salap dai kidika, dawak was laihnin dini salap yamwi ilna dai kidika rahni balna tuna yakat, 44dawak was laihnin dini ūk nuhni as yamna dai kidika, dawak kidika dinit yakat turuh ahalmuk 12 yamna kat minit yakat sakdai kidika was laihnin dini, 45baisa kidika minit yakat sau suba balna yamna, subil dawak sutak nunuhni balna bik yamna dai kidika.
Adika dini balna bitik Hiram yamwi kalana dai kidika king Salomón yakat, Dawan ūni kidika dini, dawak kidika balna bitik laih bras kau buhwi salaini yamna dai. 46King yaklauwi kauhmak kau buswi yamna dai, Jordán sauni pīsni yakat, Sucot dawak Saretán kidika pāni balna walsah yakat. 47Bras kau di dunin balna yamna kidika mahni palni dai bahang, Salomón witing kulwi kalbauwasdai paun āwi talnin.
48Kaput bik laih Salomón witing baisa pakwak yamna dai, Dawan ūni kau di dunin dini balna bangdai kidika yamna atnin: sakripais busnin pāni gol#Ex 30:1-3. kau yamna dai kidika, gol tinibil yamna dai kidika plawar busna maisihni dis Dawan kau kalana kidika ilna atnin,#Ex 25:23-30. 49awas ilnin pāni#Ex 25:31-40. gol tanit yamni kau yamna kat holi palni pāni muhnit kau sakdai kidika; tingnipal niningkauh yakat singka dawak, wadahni niningkauh bik singka raudai kidika, yamna kidika laih dipulu kapat yamna dai, awasni balna dawak di itiswi dulaunin dini gol kau yamna dai kidika, 50sutak balna, awas pinin dini, sutak nunuhni balna; pan yamna nunuhni balna dawak walapni busnin dini, bahang kidika balna bitik laih gol kau manah yamna dai. Holi palni pāni kidika dūrni innisis balna kidika laih gol dai, Papang ūni paskau kidika dawak, dūrni balna kidika bik sihm kaput dai.
51Salomón yaklauwi pakna dai kidika wark balna yamna atnin Dawan ūni yakat, Salomón witing duwi kiuna dai, gol dini dawak lalah kau yamna balna dai kidika bik, witing papangni Devid yaklauwi Dawan yakat kalana balna dai kidika,#2 Sam 8:11; 1 Cr 18:11. dawak Dawan ūni lalahni baksni yakat āna dai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998