AEMAWIRISAS 14
14
Paulusin Barnabas, e atakam akat, Ikonium ow aotawfes
1Barewen. E Paulusin Barnabas e Ikonium aememfes, ar e Antiokia aemfesas, inimas cowok aoemfesen. Ar e sembahyang cem afiwfesen. Aram atakam faknakut aotawfesen. Inimas Yahudi ow arkeam, Yahudi opok samat ow arkeam, Yesus asicimfesen. 2E Yesus atakam aopowfes Yahudi ow nat, e Yahudi opok samat ow atakam aototomerfesen. E wun Yahudi opok samat ow masirin, bifan e Yesus mamkawi ow afayomfesen. 3Inimasam ara, e atakam botaw batewosom ow, tarey bwinakut aememawirisen. Aram jak fak aememawiris, wunam Tuhan atakam aotawa ajiawirisen. Aram, “Tuhan, asan akat bom ipic ara,” inim aea ajiawiris. Tuhanam fakas e ow atetama ajiawirien. Inimas e ow junum bweas aema ajiawirisen. Owam e junum bweas apora ajiawiris, aram e ow atakam, atakamnak apora ajiawirisen. 4E kota ow arke nat, bi binip awcawor opoken. Wun ow e Yahudi ow akaten. Wun masirin, e atakam botaw batewosom ow akaten.
5E Yahudi opok samat owam, e Yahudi owam, arownucur owam, e atakam botaw batewosom ow bwemsokom, atakam atawfesen. Aram ek, e atakam botaw batewosom ow dampu bajimirokopom, atakam atawfesen. 6E atakam botaw batewosom ow nat, inim atakam jen ajifesen. Ar masirin, e Likaonia kota jamnuk juwas Derbeam, Listraam, e jamamam, omar jisosfesen. 7Erasan ar e Atakam Akat acacapiomfesen.
Ar e Atakam Akat, Listra owam, Derbe owam, aotawfes
8Barewen. E Listra ara, bwey jini ipic aemapefen. Aramat ipicam bwey jini jak aman ewomisef cowok arawen. Aram bacowojar amsom opok cowok arawen. 9Aramat ipicam e Paulus atawa aeef atakam jen ajia aeefen. Aram, “Tuhan bwey akat do batetam fakas aomomamar araman,” inim atakam asicimefen. Paulusam manmok e ipic aoromsimapomefen. Ar e ipic basicim fak aporefen. 10Ar masirin, atakam awut aotawefen. “Emtow sitemey,” inim aeefen. Aramat ipic masirin, asarimsitef, wunam acowojarefen. 11E ow arkeam e Paulus aemefas aporfesen. Aporfes masirin, e Likaonia atakam, awutut atawfesen. “Allah jamnuk, asmat bi inim ajaworemfes. Aram dabipu aneyfes.” Inim aefesen. 12E ow masirin, Barnabas wun juwas “Seus” aamemfesen. Aram Paulus e atakam botaw ipic aporfes, inimas ar aramat ipic juwas “Hermes” aamemfesen. 13Bare, agama Seus sembahyang cemam e kota sotop aemamesefen. E agama Seus kepala ipic, sapi jipic mamincopam, os ciwewam, e kota pagar jimasappu atowocenefen. Aramat ipicam, e ow arkeam, e sapi e Paulusin Barnabas mami bacatitam aefesen. Aram e os ciwew mami batetam aefesen. Eras e ipic jamnuk basicimas arawen. 14E atakam botaw batewosom ipic jamnuk juwas Barnabasin Paulus, inim atakam jen ajifesen. Inim atakam jen ajifes masirin, ar arop pakaian akakamosomfes, wunam e ajarewsifes ow arke aman, jeten aterejiwfesen. Aram atakam afakayfesen. 15“Awamcokom owa. Ucim inimas emamokom? Dar asmat ow, car cimin awamcom ara. Dar e Atakam Akat car acacapiomamenom. Er car e suw pok bak bapayemas ara. Eram car e jiwne epcom Allah mamkawias ara. Ametnak ara, aramat ipic e onam opam, e capinmiam, e jicupum bwiam, e pokin pokin takasam, akenemapomefen. 16Ametnak ara, aramat ipic e samat takas arop bokotpu bacowojar, atetamawiri. 17Aramat ipic nat, arakatas, car aporomtamawirin. Ar onam op te atewnemtamawirin. Aram pok akan anakatas bwi bwenem atetamawirin. Aram amos pok car atetamawirin. Aram jak akat car aemtamawirin.” Inim aefesen. 18Inim atakamam aotawfes nat, e ow arke, e pok a mami bacatitamken arawen.
19Barewen. Wun Antiokia Yahudi owam, wun Ikonium Yahudi owam, aenawfesen. Ar e ow arke atakam aototomerfesen. E ow masirin, ek e Paulus dampu ajimirokopomfesen. Aram aramat ipic e kota cesen ajijimomisfesen. Aramat ipic damir emcaafef inim arawen. 20E Yesus mamkawi ow nat, e Paulus fumi aamciremfesen. Aramat ipic masirin, asitef, wunam e kota aofiwefen. Ajofay masirin, ar Barnabascin kota Derbe ajisosfesen.
Ar Siria capinmi kota juwas Antiokia aofasifes
21Aram e Atakam Akat e kota ow acacapiomfesen. Aram ow arke Yesus mamkawi amememtamfesen. Bare, ar Listraam, Ikoniumam, Antiokiaam, aofasifesen. 22Ar e Yesus mamkawi ow jak fak aemapomfesen. “Yesus basicim, bakarompim arapok. Dar takas ajurusemcomom. E nat, asep ara, dar Allah Pemerintah Asan afiwemcomom.” Inim aefesen. 23Aram e Yesus basicim barewsi ow asanin asanin, ketua ow atewemfesen. Aram e ow janim Allah akac aanimfes, wunam amos pok amasefesen. Paulusin Barnabas masirin, e ow, e asicimfes Tuhan ban ton, atetamfesen.
24Barewen. Aram Pisidia capinmi akorfisfes, wunam Pamfilia capinmi ajaremfesen. 25Aram e Allah atakam e kota Perga ow aotawfes, wunam kota Atalia aojisosfesen. 26Aram erasan kapal ewnajuwfes, wunam Antiokia ajirfesen. Bap ara, e Antiokia ow, e ipic jamnuk, Allah ban ton atetamfesen. Bapam ara, ar Allah, e ipic jamnuk, asan akat batetam, janim aanimfesen. E ipic jamnuk e Allah kerjaas emeemtamkurumfes, wunam e Antiokia ajirfesen.
27Bare, aram Antiokia ajaremfesen. Antiokia ajaremfes masirin, ar e Yesus basicim barewsi ow aaramsimapomfesen. Ar Allah e arakac aemfesas afasimfesen. Allaham, e Yahudi opok samat, Yesus basicim bi binip atetamefas, inim atakam afasimfesen. 28Bare, ar e Yesus mamkawi ow piw opok ajamemapfesen.
Currently Selected:
AEMAWIRISAS 14: LAICNS
Highlight
Share
Copy
Want to have your highlights saved across all your devices? Sign up or sign in
LAI 1985
AEMAWIRISAS 14
14
Paulusin Barnabas, e atakam akat, Ikonium ow aotawfes
1Barewen. E Paulusin Barnabas e Ikonium aememfes, ar e Antiokia aemfesas, inimas cowok aoemfesen. Ar e sembahyang cem afiwfesen. Aram atakam faknakut aotawfesen. Inimas Yahudi ow arkeam, Yahudi opok samat ow arkeam, Yesus asicimfesen. 2E Yesus atakam aopowfes Yahudi ow nat, e Yahudi opok samat ow atakam aototomerfesen. E wun Yahudi opok samat ow masirin, bifan e Yesus mamkawi ow afayomfesen. 3Inimasam ara, e atakam botaw batewosom ow, tarey bwinakut aememawirisen. Aram jak fak aememawiris, wunam Tuhan atakam aotawa ajiawirisen. Aram, “Tuhan, asan akat bom ipic ara,” inim aea ajiawiris. Tuhanam fakas e ow atetama ajiawirien. Inimas e ow junum bweas aema ajiawirisen. Owam e junum bweas apora ajiawiris, aram e ow atakam, atakamnak apora ajiawirisen. 4E kota ow arke nat, bi binip awcawor opoken. Wun ow e Yahudi ow akaten. Wun masirin, e atakam botaw batewosom ow akaten.
5E Yahudi opok samat owam, e Yahudi owam, arownucur owam, e atakam botaw batewosom ow bwemsokom, atakam atawfesen. Aram ek, e atakam botaw batewosom ow dampu bajimirokopom, atakam atawfesen. 6E atakam botaw batewosom ow nat, inim atakam jen ajifesen. Ar masirin, e Likaonia kota jamnuk juwas Derbeam, Listraam, e jamamam, omar jisosfesen. 7Erasan ar e Atakam Akat acacapiomfesen.
Ar e Atakam Akat, Listra owam, Derbe owam, aotawfes
8Barewen. E Listra ara, bwey jini ipic aemapefen. Aramat ipicam bwey jini jak aman ewomisef cowok arawen. Aram bacowojar amsom opok cowok arawen. 9Aramat ipicam e Paulus atawa aeef atakam jen ajia aeefen. Aram, “Tuhan bwey akat do batetam fakas aomomamar araman,” inim atakam asicimefen. Paulusam manmok e ipic aoromsimapomefen. Ar e ipic basicim fak aporefen. 10Ar masirin, atakam awut aotawefen. “Emtow sitemey,” inim aeefen. Aramat ipic masirin, asarimsitef, wunam acowojarefen. 11E ow arkeam e Paulus aemefas aporfesen. Aporfes masirin, e Likaonia atakam, awutut atawfesen. “Allah jamnuk, asmat bi inim ajaworemfes. Aram dabipu aneyfes.” Inim aefesen. 12E ow masirin, Barnabas wun juwas “Seus” aamemfesen. Aram Paulus e atakam botaw ipic aporfes, inimas ar aramat ipic juwas “Hermes” aamemfesen. 13Bare, agama Seus sembahyang cemam e kota sotop aemamesefen. E agama Seus kepala ipic, sapi jipic mamincopam, os ciwewam, e kota pagar jimasappu atowocenefen. Aramat ipicam, e ow arkeam, e sapi e Paulusin Barnabas mami bacatitam aefesen. Aram e os ciwew mami batetam aefesen. Eras e ipic jamnuk basicimas arawen. 14E atakam botaw batewosom ipic jamnuk juwas Barnabasin Paulus, inim atakam jen ajifesen. Inim atakam jen ajifes masirin, ar arop pakaian akakamosomfes, wunam e ajarewsifes ow arke aman, jeten aterejiwfesen. Aram atakam afakayfesen. 15“Awamcokom owa. Ucim inimas emamokom? Dar asmat ow, car cimin awamcom ara. Dar e Atakam Akat car acacapiomamenom. Er car e suw pok bak bapayemas ara. Eram car e jiwne epcom Allah mamkawias ara. Ametnak ara, aramat ipic e onam opam, e capinmiam, e jicupum bwiam, e pokin pokin takasam, akenemapomefen. 16Ametnak ara, aramat ipic e samat takas arop bokotpu bacowojar, atetamawiri. 17Aramat ipic nat, arakatas, car aporomtamawirin. Ar onam op te atewnemtamawirin. Aram pok akan anakatas bwi bwenem atetamawirin. Aram amos pok car atetamawirin. Aram jak akat car aemtamawirin.” Inim aefesen. 18Inim atakamam aotawfes nat, e ow arke, e pok a mami bacatitamken arawen.
19Barewen. Wun Antiokia Yahudi owam, wun Ikonium Yahudi owam, aenawfesen. Ar e ow arke atakam aototomerfesen. E ow masirin, ek e Paulus dampu ajimirokopomfesen. Aram aramat ipic e kota cesen ajijimomisfesen. Aramat ipic damir emcaafef inim arawen. 20E Yesus mamkawi ow nat, e Paulus fumi aamciremfesen. Aramat ipic masirin, asitef, wunam e kota aofiwefen. Ajofay masirin, ar Barnabascin kota Derbe ajisosfesen.
Ar Siria capinmi kota juwas Antiokia aofasifes
21Aram e Atakam Akat e kota ow acacapiomfesen. Aram ow arke Yesus mamkawi amememtamfesen. Bare, ar Listraam, Ikoniumam, Antiokiaam, aofasifesen. 22Ar e Yesus mamkawi ow jak fak aemapomfesen. “Yesus basicim, bakarompim arapok. Dar takas ajurusemcomom. E nat, asep ara, dar Allah Pemerintah Asan afiwemcomom.” Inim aefesen. 23Aram e Yesus basicim barewsi ow asanin asanin, ketua ow atewemfesen. Aram e ow janim Allah akac aanimfes, wunam amos pok amasefesen. Paulusin Barnabas masirin, e ow, e asicimfes Tuhan ban ton, atetamfesen.
24Barewen. Aram Pisidia capinmi akorfisfes, wunam Pamfilia capinmi ajaremfesen. 25Aram e Allah atakam e kota Perga ow aotawfes, wunam kota Atalia aojisosfesen. 26Aram erasan kapal ewnajuwfes, wunam Antiokia ajirfesen. Bap ara, e Antiokia ow, e ipic jamnuk, Allah ban ton atetamfesen. Bapam ara, ar Allah, e ipic jamnuk, asan akat batetam, janim aanimfesen. E ipic jamnuk e Allah kerjaas emeemtamkurumfes, wunam e Antiokia ajirfesen.
27Bare, aram Antiokia ajaremfesen. Antiokia ajaremfes masirin, ar e Yesus basicim barewsi ow aaramsimapomfesen. Ar Allah e arakac aemfesas afasimfesen. Allaham, e Yahudi opok samat, Yesus basicim bi binip atetamefas, inim atakam afasimfesen. 28Bare, ar e Yesus mamkawi ow piw opok ajamemapfesen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 1985