Ndando ya Tindando 6
6
Vaembeleli
1Txi yite hani txirandwa txako,
awe wo tshura ngutu hagari ka vavasikati kani?
Txi yite hani txirandwa txako
hi na kuvhuna kulava kani?
Muhorana
2Txirandwa txangu txa relela thembweni kwakwe,
ka tindima ta sibhumuliso,
kasi kuya ti dyisa tindimani
ni kuhaphela makoñwa.
3Ani ni wa txirandwa txangu,
ni txona txirandwa txangu njangu;
txirandwa txangu txi dyela mu ka makhoñwa.
Ndando ya wutxhanu
Muhorana
4Awe mndoni wangu u tshurile nga didhoropa da Tiriza,
u tshurile kufana ni Jerusalema,
u xamalisa kufana ni dibutho di di ku ni m'jeke.
5U nga ni wonetele, nguko maso ako ma ni heta mtamo.
Misisi yako yi fana ni mtxhambi
wa tiphongo ti ti dyelako Gileyadhi.
6Makwasa ako ma fana ni mtxhambi wa tinvuta
ti txita ngu kusambiswani,
ati ti velekako ngu mahasa,
se kha ku nga ni nyumba ka tona.
7Mathama ako hagari ka timbobo, ma fana ni txikhwemu txa diromani.
8Ku ni mtxhanu wa magumi ni dimwedo a tikosikazi,
ni mtxhanu wa magumi ni mararu a vavasikati vavadotho,
ni timbiri ta kwa mbi balwa.
9Aniko txituvana txangu njimwetxo,
wa kwa mbi na txionho,
ngene ekha ka mame wakwe,
txirandwa txa wule a nga m'veleka;
Ngako mahorana ma txi mu wona,
va m'dhana ku wu wo kateka,
vafumeli va txisikati ni vavasikati vavadotho va na m'dhumisa.
10I mani wuwa a wonekisako ku nga wuronga,
wo tshura nga mtxima,
wa kuwoninga nga ditambo,
wo thisa nga dibutho da yimbi di ku ni m'jeke kani?
11Ni relete thembweni ka mitshulani,
kuya wona siluva sa mkovani,
ni kuwona ti to mwendo mivhinya yi thungile,
ni kumwedo miromani yi velekile wuluva.
12Na ni sanzi ku tipfa,
moya wangu wu ni wuletile mu ka sikotxikani
sa vathu vangu vavanene.
13Wuya, wuya awe Mxulamita,
wuya, wuya kasi ku hi txi kuwona.
Muhorana
Ngu kutxani u wonetelako Mxulamita
a txi nga o sinya hagari ka mabutho mambidi a yimbi kani?
Currently Selected:
Ndando ya Tindando 6: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Ndando ya Tindando 6
6
Vaembeleli
1Txi yite hani txirandwa txako,
awe wo tshura ngutu hagari ka vavasikati kani?
Txi yite hani txirandwa txako
hi na kuvhuna kulava kani?
Muhorana
2Txirandwa txangu txa relela thembweni kwakwe,
ka tindima ta sibhumuliso,
kasi kuya ti dyisa tindimani
ni kuhaphela makoñwa.
3Ani ni wa txirandwa txangu,
ni txona txirandwa txangu njangu;
txirandwa txangu txi dyela mu ka makhoñwa.
Ndando ya wutxhanu
Muhorana
4Awe mndoni wangu u tshurile nga didhoropa da Tiriza,
u tshurile kufana ni Jerusalema,
u xamalisa kufana ni dibutho di di ku ni m'jeke.
5U nga ni wonetele, nguko maso ako ma ni heta mtamo.
Misisi yako yi fana ni mtxhambi
wa tiphongo ti ti dyelako Gileyadhi.
6Makwasa ako ma fana ni mtxhambi wa tinvuta
ti txita ngu kusambiswani,
ati ti velekako ngu mahasa,
se kha ku nga ni nyumba ka tona.
7Mathama ako hagari ka timbobo, ma fana ni txikhwemu txa diromani.
8Ku ni mtxhanu wa magumi ni dimwedo a tikosikazi,
ni mtxhanu wa magumi ni mararu a vavasikati vavadotho,
ni timbiri ta kwa mbi balwa.
9Aniko txituvana txangu njimwetxo,
wa kwa mbi na txionho,
ngene ekha ka mame wakwe,
txirandwa txa wule a nga m'veleka;
Ngako mahorana ma txi mu wona,
va m'dhana ku wu wo kateka,
vafumeli va txisikati ni vavasikati vavadotho va na m'dhumisa.
10I mani wuwa a wonekisako ku nga wuronga,
wo tshura nga mtxima,
wa kuwoninga nga ditambo,
wo thisa nga dibutho da yimbi di ku ni m'jeke kani?
11Ni relete thembweni ka mitshulani,
kuya wona siluva sa mkovani,
ni kuwona ti to mwendo mivhinya yi thungile,
ni kumwedo miromani yi velekile wuluva.
12Na ni sanzi ku tipfa,
moya wangu wu ni wuletile mu ka sikotxikani
sa vathu vangu vavanene.
13Wuya, wuya awe Mxulamita,
wuya, wuya kasi ku hi txi kuwona.
Muhorana
Ngu kutxani u wonetelako Mxulamita
a txi nga o sinya hagari ka mabutho mambidi a yimbi kani?
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.