Varoma 4
4
Abrahamu, tate wa va va kholwako
1Hi na khathu txani ngu Abrahamu, kokwani wathu ngu ka nyama kani? 2Ngako Abrahamu a di wombilwe ku mbwo lulama ngu mithumo yakwe, a naso so ti kulisa ngu sona, kambe i si nga masoni ka Txizimu. 3#Wona ni ka: Gen. 15:6; Vag. 3:6. Kasi Mibhalo yi txani kani? Yi womba tiya: “Abrahamu a khotwe ka Txizimu, se atiya ti mningile ku e mahwa mlulami.” 4Kasi ka wule a thumako, muholo wu a ningwako hi nga kusizwa, ngu dihelwa. 5Aniko awu asi thumiko na a txi kholwa ka wule a sikotako kuninga wululami muonhi, kukholwa kwakwe kuwombwa ku ngululama. 6Ngu toneto, nene Dhavhidha a wombako kukateka ka m'thu wu Txizimu txi mu wombako ku mbwo lulama, na i si nga mhaka ya mithumo, ngako a txi khene:
7 # Wona ni ka: Mas. 32:1-2. “Va katekile avava sihoxo sawe si nga divalelwa;
avava sionho sawe si nga fenengetwa.
8A katekile m'thu wu asi wombwiko ku i muonhi ngu Mkoma.”
9Se kukateka kuwa kulumba va wukwera dwe, mwendo kulumba ni ona makhutu kani? Nguko hi khathu Abrahamu, kukholwa kwakwe ku mningile ku e wombwa wo lulama. 10Se a wombilwe ku mbwo lulama ngu mbimo muni kani? A wombilwe wo lulama, a di yisilwe wukwerani mwendo a sinzi kuyiswa wukwerani kani? A wombilwe a sinzi kuyiswa wukwerani, kha wombwa msana ka kuyiswa. 11Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami. 12I tate wawe ni vona va va wukwera, na i si nga mhaka ya wukwera dwe, kambe ngu kuwa va tsimbilako ngu nzila ya kukholwa, ayi tate wathu Abrahamu a nga tsimbila ngu yona, ni mbimo yi a nga sinzi kuyiswa wukwerani.
Txithembiso txi mahekile ngu kukholwa
13Kunene, i ti si nga mhaka ya Mlayo, txithembiso txi txi nga mahwa ka Abrahamu ni liveleko lakwe ti to a na maha m'dyi wa thomba ya mafu, aniko txi mahilwe ngu mhaka ya kululama ka kukholwa. 14Nguko, ngako vadyi va thomba ya mafu i di va va namarelako mlayoni, kukholwa kuphindukile ku txi maha txilo txa walo, ni txona txithembiso txi txhipile; 15nguko mlayo wu va nga kuhenya, kasi ahawa ku ku si nga ni mlayo kuwalo kundaka mlayo. 16Ngu konaho, thomba yi manwa ngu kukholwa; ti to txi va i di txiningo txa makatekwa, kasiku txithembiso txi tsaniswa ka liveleko lotshelele, i si nga ka liveleko la mlayo dwe, aniko ni ka liveleko la kukholwa ka Abrahamu, i ku tate wa hotshethu; 17madingano ni ti ti nga bhalwa, va txi kha vona: “Ani ni kumahile tate wa tixaka ta tingi.” Ene i tate wathu masoni ka Txizimu txi a nga kholwa ka txona, Txizimu txi txi hanyisako vakufa, txi vangako ni si si ku si nga ho. 18#Wona ni ka: Gen. 15:5. Abrahamu a verete ati ti nga ti si koteki kuverelwa, e kholwa ti to a na va tate wa tixaka to tala, madingano ni dipswi di daku: “Liveleko lako li na talisa ku nga toneto.” 19#Wona ni ka: Gen. 17:17. Ene kha nga telwa ngu dikhodho likholoni kwakwe ngu kuwona mmidi ngako se a nga ti ni 100 da malembe, hambiko a nga wona mkatakwe Sara ti to a pindetwe ngu mbimo. 20Ngu mhaka ya txithembiso txa Txizimu, kha nga kana-kana ngu txilo mu ka likholo, aniko a to tsaniswa kukholwani, na a txi dhumisa Txizimu, 21a txi kholwa ta tinene ti to awu a nga mthembisa a ni mtamo wa ku ti maha; 22ngu konaho a mahilwe wo lulama ngu kona kukholwa kuwa. 23Kha ta bhalelwa ene dwe tito: “A wombilwe mlulami,” 24aniko ti bhaletwe ni kwathu hi kholwako ka wule a nga wusa ka vafi Jesu Mkoma wathu, 25ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.
Currently Selected:
Varoma 4: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Varoma 4
4
Abrahamu, tate wa va va kholwako
1Hi na khathu txani ngu Abrahamu, kokwani wathu ngu ka nyama kani? 2Ngako Abrahamu a di wombilwe ku mbwo lulama ngu mithumo yakwe, a naso so ti kulisa ngu sona, kambe i si nga masoni ka Txizimu. 3#Wona ni ka: Gen. 15:6; Vag. 3:6. Kasi Mibhalo yi txani kani? Yi womba tiya: “Abrahamu a khotwe ka Txizimu, se atiya ti mningile ku e mahwa mlulami.” 4Kasi ka wule a thumako, muholo wu a ningwako hi nga kusizwa, ngu dihelwa. 5Aniko awu asi thumiko na a txi kholwa ka wule a sikotako kuninga wululami muonhi, kukholwa kwakwe kuwombwa ku ngululama. 6Ngu toneto, nene Dhavhidha a wombako kukateka ka m'thu wu Txizimu txi mu wombako ku mbwo lulama, na i si nga mhaka ya mithumo, ngako a txi khene:
7 # Wona ni ka: Mas. 32:1-2. “Va katekile avava sihoxo sawe si nga divalelwa;
avava sionho sawe si nga fenengetwa.
8A katekile m'thu wu asi wombwiko ku i muonhi ngu Mkoma.”
9Se kukateka kuwa kulumba va wukwera dwe, mwendo kulumba ni ona makhutu kani? Nguko hi khathu Abrahamu, kukholwa kwakwe ku mningile ku e wombwa wo lulama. 10Se a wombilwe ku mbwo lulama ngu mbimo muni kani? A wombilwe wo lulama, a di yisilwe wukwerani mwendo a sinzi kuyiswa wukwerani kani? A wombilwe a sinzi kuyiswa wukwerani, kha wombwa msana ka kuyiswa. 11Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami. 12I tate wawe ni vona va va wukwera, na i si nga mhaka ya wukwera dwe, kambe ngu kuwa va tsimbilako ngu nzila ya kukholwa, ayi tate wathu Abrahamu a nga tsimbila ngu yona, ni mbimo yi a nga sinzi kuyiswa wukwerani.
Txithembiso txi mahekile ngu kukholwa
13Kunene, i ti si nga mhaka ya Mlayo, txithembiso txi txi nga mahwa ka Abrahamu ni liveleko lakwe ti to a na maha m'dyi wa thomba ya mafu, aniko txi mahilwe ngu mhaka ya kululama ka kukholwa. 14Nguko, ngako vadyi va thomba ya mafu i di va va namarelako mlayoni, kukholwa kuphindukile ku txi maha txilo txa walo, ni txona txithembiso txi txhipile; 15nguko mlayo wu va nga kuhenya, kasi ahawa ku ku si nga ni mlayo kuwalo kundaka mlayo. 16Ngu konaho, thomba yi manwa ngu kukholwa; ti to txi va i di txiningo txa makatekwa, kasiku txithembiso txi tsaniswa ka liveleko lotshelele, i si nga ka liveleko la mlayo dwe, aniko ni ka liveleko la kukholwa ka Abrahamu, i ku tate wa hotshethu; 17madingano ni ti ti nga bhalwa, va txi kha vona: “Ani ni kumahile tate wa tixaka ta tingi.” Ene i tate wathu masoni ka Txizimu txi a nga kholwa ka txona, Txizimu txi txi hanyisako vakufa, txi vangako ni si si ku si nga ho. 18#Wona ni ka: Gen. 15:5. Abrahamu a verete ati ti nga ti si koteki kuverelwa, e kholwa ti to a na va tate wa tixaka to tala, madingano ni dipswi di daku: “Liveleko lako li na talisa ku nga toneto.” 19#Wona ni ka: Gen. 17:17. Ene kha nga telwa ngu dikhodho likholoni kwakwe ngu kuwona mmidi ngako se a nga ti ni 100 da malembe, hambiko a nga wona mkatakwe Sara ti to a pindetwe ngu mbimo. 20Ngu mhaka ya txithembiso txa Txizimu, kha nga kana-kana ngu txilo mu ka likholo, aniko a to tsaniswa kukholwani, na a txi dhumisa Txizimu, 21a txi kholwa ta tinene ti to awu a nga mthembisa a ni mtamo wa ku ti maha; 22ngu konaho a mahilwe wo lulama ngu kona kukholwa kuwa. 23Kha ta bhalelwa ene dwe tito: “A wombilwe mlulami,” 24aniko ti bhaletwe ni kwathu hi kholwako ka wule a nga wusa ka vafi Jesu Mkoma wathu, 25ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.