Masalmo 86
86
Kukombela kulamulelwa ngu mbimo ya kuxaniseka
Mkombelo wa Dhavhidha
1Ni engise, Mkoma, u txi ni xamula,
nguko na xaniseka, ni txisiwana.
2Ni vhikele, Txizimu, nguko ni thembekile kwako;
hanyisa txithumi txako txi txi kuthembako!
3 Mkoma, telwa ngu wumbilu ngu ngani,
nguko na dila masoni kwako txotshe txikhati.
4 Mkoma, tsakisa moya wa txithumi txako,
nguko mkombelo wangu ni wu tisa kwako.
5Nguko awe, Mkoma, u wamnene, wa divalela;
wa amukela ngu mbilu votshe
vale va ku khozelako.
6 Mkoma, engisa mkombelo wangu,
amukela huwa ya txikombelo txangu!
7Ngako ni txi pfa kupandiseka, ni dila kwako,
na ni txi themba tito, u na xamula mkombelo wangu.
8Kha si nga ho sizimu si si dinganako ni nawe, Mkoma;
kuwalo wu a sikotako
kumaha ati awe u mahako.
9 # Wona ni ka: Mtu. 15:4. Mkoma, awe u mahile mifumo yotshe,
se yona mifumo ya ta masoni kwako
yi ta dhumisa ditina dako.
10Nguko ngawe wekha u ku Txizimu!
Ngawe u ku wa hombe, u mahako sidiwukiso!
11Ni gondise, Mkoma, nzila yako,
kasiku ni yi londisa ngu yotshe mbilu.
Maha ti to mbilu yangu yi dhumisa ditina dako.
12Ni na kudhumisa, Mkoma, Txizimu txangu,
ngu yotshe mbilu yangu;
ni na pfalisa ditina dako kala kupinduka,
13nguko wunene wako mbwa hombe kwangu;
u ni ponisile ka diphala da lifo!
14Txizimu, vathu va kutiguleta va ni wukela;
mtxawa wa vanyamitamo wu lava ku ni daya,
kha va khatali ngu ngawe.
15Aniko awe, Mkoma, u Txizimu txa wunene ni wumbilu,
u wa kutimisela, u di tate ngu wunene ni kuthembeka.
16Ni wone, u txi ni pfela wusiwana;
ni he mtamo wako, u txi ta u ta ni lamulela;
ani ni txithumi txako kufana ni mame
i nga ti txithumi txako.
17Ni mahele txikombiso txa wunene wako,
kasiku valala vangu ve txi wona, ve thelwa tingana,
ngako va txi wona ti to awe, Mkoma,
wa ni vhuna ni ku ni tsanisa!
Currently Selected:
Masalmo 86: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 86
86
Kukombela kulamulelwa ngu mbimo ya kuxaniseka
Mkombelo wa Dhavhidha
1Ni engise, Mkoma, u txi ni xamula,
nguko na xaniseka, ni txisiwana.
2Ni vhikele, Txizimu, nguko ni thembekile kwako;
hanyisa txithumi txako txi txi kuthembako!
3 Mkoma, telwa ngu wumbilu ngu ngani,
nguko na dila masoni kwako txotshe txikhati.
4 Mkoma, tsakisa moya wa txithumi txako,
nguko mkombelo wangu ni wu tisa kwako.
5Nguko awe, Mkoma, u wamnene, wa divalela;
wa amukela ngu mbilu votshe
vale va ku khozelako.
6 Mkoma, engisa mkombelo wangu,
amukela huwa ya txikombelo txangu!
7Ngako ni txi pfa kupandiseka, ni dila kwako,
na ni txi themba tito, u na xamula mkombelo wangu.
8Kha si nga ho sizimu si si dinganako ni nawe, Mkoma;
kuwalo wu a sikotako
kumaha ati awe u mahako.
9 # Wona ni ka: Mtu. 15:4. Mkoma, awe u mahile mifumo yotshe,
se yona mifumo ya ta masoni kwako
yi ta dhumisa ditina dako.
10Nguko ngawe wekha u ku Txizimu!
Ngawe u ku wa hombe, u mahako sidiwukiso!
11Ni gondise, Mkoma, nzila yako,
kasiku ni yi londisa ngu yotshe mbilu.
Maha ti to mbilu yangu yi dhumisa ditina dako.
12Ni na kudhumisa, Mkoma, Txizimu txangu,
ngu yotshe mbilu yangu;
ni na pfalisa ditina dako kala kupinduka,
13nguko wunene wako mbwa hombe kwangu;
u ni ponisile ka diphala da lifo!
14Txizimu, vathu va kutiguleta va ni wukela;
mtxawa wa vanyamitamo wu lava ku ni daya,
kha va khatali ngu ngawe.
15Aniko awe, Mkoma, u Txizimu txa wunene ni wumbilu,
u wa kutimisela, u di tate ngu wunene ni kuthembeka.
16Ni wone, u txi ni pfela wusiwana;
ni he mtamo wako, u txi ta u ta ni lamulela;
ani ni txithumi txako kufana ni mame
i nga ti txithumi txako.
17Ni mahele txikombiso txa wunene wako,
kasiku valala vangu ve txi wona, ve thelwa tingana,
ngako va txi wona ti to awe, Mkoma,
wa ni vhuna ni ku ni tsanisa!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.