Masalmo 74
74
Awe Txizimu, alakanya vathu vako
Wuembeleli wa Asafe
1Txizimu, ngu kutxani u nga hi tshotsha ka yotshe mbimo kani?
Ngu kutxani u hi henyela athu
hi ku mtxhambi wa tinvuta
ati awe u ku m'dyisi wa tona kani?
2Alakanya vathu vako,
ava u nga va sawula kukhukhela ka kale,
vathu va tihunzu ti u nga ti tirula
kasiku ti txi kulumba,
alakanya mmango wa Siyoni,
aha u zumbako kona.
3Ngono u ta wona marumbi o mbi na magwito;
mlala a handile sotshe
nyumbani kwako ko sawuleka!
4Valala vako va embelete tindando to giya
nyumbani kwako ko sawuleka;
va txi gwimba mijeke yawe konamo,
yi maha txikombiso.
5Ha txikeni ka txitimwi va bhandisete mapulango
ve ma gangela ngu nzanga.
6Va fayetete matimba a kona,
ngu kupeketela ngu tihamela ni sigomba.
7Va hisile nyumba yako yo sawuleka ve yi nyenyezisa,
va txi wisa hahatshi nyumba yako.
8Va akile txikungo timbiluni kwawe,
va txi kha vona: “He va fuviseni ngu txikhati tximwetxo”
ve hisetela otshe makhalo
o khozela ka ona Txizimu, ditikoni kwathu.
9Se kha ku nga ho sidiwukiso hagari kwathu,
kambe kha ku nga ho vaprofeti,
ni wammweyo kha ti zivi ti to atiya
ti na simama kala mbimo muni!
10Awe Txizimu, mlala a na simama
e hi ruketela kala mbimo muni kani?
A na poyilela ditina dako kala ditshiku muni kani?
11Ngu kutxani u txi sisa dianza dako da mtamo kani?
Ngu kutxani u txi khutarela mawoko ako kani?
12Txizimu, kukhukhela ka mbimo ya kale u Mkoma wangu;
u xute valala sikhati so tala ka diya ditiko.
13Awe, Txizimu, u abanisile linene ngu mtamo wako;
u ganyatete misungo ya vamwamilambo va linene.
14U bhandisete misungo ya Levhiyatani
u txi mningela e dyiwa ngu sihari sa txiwulani.
15U khulongisile sisima ni milonga
u txi womisa minambo ya mati a mtamo.
16Wusiku ni mitshikari si lumba awe;
u vangile mtxima ni ditambo.
17U vekile mihingano ka mafu otshe
u mahile malanga ni wuxika.
18Alakanya, Mkoma, ti to mlala wa kuruketela
ni vathu va sipumbu va poyilela ditina dako.
19U nga ningele dihika da txituvani txako ka sibanda;
u nga divale vathu vako va sisiwana;
u nga va ningele nga txituvani,
ka mijebe ya nyamatate.
20Alakanya txitumelelano txako,
nguko ditiko kheno ni kheno
di tate ngu makhalo a wugevenga.
21U nga tumele ti to ve xowokiswa ava va xaniswako,
maha ti to txisiwana ni txikulungu va txi kudhumisa.
22Wuka awe Txizimu, vhikela mhaka yako!
Alakanya ti to vathu vo mbi ziva
va kuonhela yotshe mbimo!
23U nga divale miketo ya valala vako:
Likwaha la vale va ku wukelako ditshiku ni ditshiku.
Currently Selected:
Masalmo 74: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 74
74
Awe Txizimu, alakanya vathu vako
Wuembeleli wa Asafe
1Txizimu, ngu kutxani u nga hi tshotsha ka yotshe mbimo kani?
Ngu kutxani u hi henyela athu
hi ku mtxhambi wa tinvuta
ati awe u ku m'dyisi wa tona kani?
2Alakanya vathu vako,
ava u nga va sawula kukhukhela ka kale,
vathu va tihunzu ti u nga ti tirula
kasiku ti txi kulumba,
alakanya mmango wa Siyoni,
aha u zumbako kona.
3Ngono u ta wona marumbi o mbi na magwito;
mlala a handile sotshe
nyumbani kwako ko sawuleka!
4Valala vako va embelete tindando to giya
nyumbani kwako ko sawuleka;
va txi gwimba mijeke yawe konamo,
yi maha txikombiso.
5Ha txikeni ka txitimwi va bhandisete mapulango
ve ma gangela ngu nzanga.
6Va fayetete matimba a kona,
ngu kupeketela ngu tihamela ni sigomba.
7Va hisile nyumba yako yo sawuleka ve yi nyenyezisa,
va txi wisa hahatshi nyumba yako.
8Va akile txikungo timbiluni kwawe,
va txi kha vona: “He va fuviseni ngu txikhati tximwetxo”
ve hisetela otshe makhalo
o khozela ka ona Txizimu, ditikoni kwathu.
9Se kha ku nga ho sidiwukiso hagari kwathu,
kambe kha ku nga ho vaprofeti,
ni wammweyo kha ti zivi ti to atiya
ti na simama kala mbimo muni!
10Awe Txizimu, mlala a na simama
e hi ruketela kala mbimo muni kani?
A na poyilela ditina dako kala ditshiku muni kani?
11Ngu kutxani u txi sisa dianza dako da mtamo kani?
Ngu kutxani u txi khutarela mawoko ako kani?
12Txizimu, kukhukhela ka mbimo ya kale u Mkoma wangu;
u xute valala sikhati so tala ka diya ditiko.
13Awe, Txizimu, u abanisile linene ngu mtamo wako;
u ganyatete misungo ya vamwamilambo va linene.
14U bhandisete misungo ya Levhiyatani
u txi mningela e dyiwa ngu sihari sa txiwulani.
15U khulongisile sisima ni milonga
u txi womisa minambo ya mati a mtamo.
16Wusiku ni mitshikari si lumba awe;
u vangile mtxima ni ditambo.
17U vekile mihingano ka mafu otshe
u mahile malanga ni wuxika.
18Alakanya, Mkoma, ti to mlala wa kuruketela
ni vathu va sipumbu va poyilela ditina dako.
19U nga ningele dihika da txituvani txako ka sibanda;
u nga divale vathu vako va sisiwana;
u nga va ningele nga txituvani,
ka mijebe ya nyamatate.
20Alakanya txitumelelano txako,
nguko ditiko kheno ni kheno
di tate ngu makhalo a wugevenga.
21U nga tumele ti to ve xowokiswa ava va xaniswako,
maha ti to txisiwana ni txikulungu va txi kudhumisa.
22Wuka awe Txizimu, vhikela mhaka yako!
Alakanya ti to vathu vo mbi ziva
va kuonhela yotshe mbimo!
23U nga divale miketo ya valala vako:
Likwaha la vale va ku wukelako ditshiku ni ditshiku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.