Masalmo 72
72
Mkombelo wo kombelela mfumeli
Disalmo da Solomoni
1Txizimu, ninga mfumeli wa ditiko
kululama kwako ni wunene wako
ka mwanana wa mfumeli,
2kasiku e thethisa vathu vako ngu kululama
ni kuxayisa sisiwana ngu kululama.
3Mimango yi na tisa kudikha vathuni,
ni simangwana si na tisa kululama.
4Mfumeli a na vhikele sisiwana sa ditiko;
e vhuna sisiwana ni kuganyatela vaxanisi!
5Ene a na hanye masiku o lapha,
ngako ditambo ni mtxima si di ngadi ho,
ka liveleko ni liveleko!
6Mfumeli a na fane ni mati ma wako tithembweni,
e fana ni mapshwi ma nakanisako mafu!
7Kudikha ni kululama si na tale kufumani kwakwe
si na simame si diho,
mtxima wu txi ngadi wu woninga!
8Ene a na fume kukhukhela ka limbe linene kala ka limwani,
kukhukhela ka mnambo wa Ewufrate
kala magemeta-mitshi ka mafu.
9Vathu va txiwulani va na nama masoni kwakwe;
valala vakwe va na ti wisa ha mafuni masoni kwakwe!
10Vafumeli va Tarxixi ni va sitondolo va na m'luva;
vafumeli va Sabha ni va Sebha va na rumela tinduvo!
11Vafumeli votshe va na ti namisa masoni kwakwe;
yotshe mifumo yi na mthumela!
12Ene a na hulukisa txisiwana txi txi m'dhanako
ni txikulungu txi txi ku si nga ni m'vhuni.
13A nava ni wumbilu ka va vo ti veka hahatshi
a na hanyisa muhefemulo wa sikulungu.
14A nava hulukisa wukhumbini ni kuxaniswani,
nguko wutomi wawe wu ni lisima kwakwe.
15A na hanye mfumeli! Va na mninge nzalama ya Sabha!
Va na mkombelela ngu ha ku si gwitiko,
otshe masiku ku na kombelwa ka Txizimu ti to txi mkatekisa.
16Ditiko di na talelwe ngu kupfuna ka fulaho,
ayi yi zinginikelako txitimwi ka situnga,
yi veleka mihando kufana ni Libhanoni
ava va nga aka madhoropani va na rumbuka
kufana ni mwasi wu nga mila ha mafuni!
17Ditina da mfumeli di na simame yotshe mbimo;
nduma yakwe yi na simame hahatshi ka ditambo kala kupinduka!
Ngu mhaka yakwe yotshe mifumo yi na katekiswe
otshe matiko ma na mu womba ku a katekile.
18Txi na dhumiswe Txizimu, Mkoma
i ku Txizimu txa ka Israyeli,
txona txokha txi mahako sidiwukiso.
19Di na dhumiswe yotshe mbimo
ditina da txona da wudhumo ni dotshe ditiko
di na tale ngu wudhumo wa txona!
Amen! Amen!
20Ahawa i magwito a mikombelo
ya wuembeleli wa Dhavhidha, mwanana wa Jese.
Currently Selected:
Masalmo 72: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 72
72
Mkombelo wo kombelela mfumeli
Disalmo da Solomoni
1Txizimu, ninga mfumeli wa ditiko
kululama kwako ni wunene wako
ka mwanana wa mfumeli,
2kasiku e thethisa vathu vako ngu kululama
ni kuxayisa sisiwana ngu kululama.
3Mimango yi na tisa kudikha vathuni,
ni simangwana si na tisa kululama.
4Mfumeli a na vhikele sisiwana sa ditiko;
e vhuna sisiwana ni kuganyatela vaxanisi!
5Ene a na hanye masiku o lapha,
ngako ditambo ni mtxima si di ngadi ho,
ka liveleko ni liveleko!
6Mfumeli a na fane ni mati ma wako tithembweni,
e fana ni mapshwi ma nakanisako mafu!
7Kudikha ni kululama si na tale kufumani kwakwe
si na simame si diho,
mtxima wu txi ngadi wu woninga!
8Ene a na fume kukhukhela ka limbe linene kala ka limwani,
kukhukhela ka mnambo wa Ewufrate
kala magemeta-mitshi ka mafu.
9Vathu va txiwulani va na nama masoni kwakwe;
valala vakwe va na ti wisa ha mafuni masoni kwakwe!
10Vafumeli va Tarxixi ni va sitondolo va na m'luva;
vafumeli va Sabha ni va Sebha va na rumela tinduvo!
11Vafumeli votshe va na ti namisa masoni kwakwe;
yotshe mifumo yi na mthumela!
12Ene a na hulukisa txisiwana txi txi m'dhanako
ni txikulungu txi txi ku si nga ni m'vhuni.
13A nava ni wumbilu ka va vo ti veka hahatshi
a na hanyisa muhefemulo wa sikulungu.
14A nava hulukisa wukhumbini ni kuxaniswani,
nguko wutomi wawe wu ni lisima kwakwe.
15A na hanye mfumeli! Va na mninge nzalama ya Sabha!
Va na mkombelela ngu ha ku si gwitiko,
otshe masiku ku na kombelwa ka Txizimu ti to txi mkatekisa.
16Ditiko di na talelwe ngu kupfuna ka fulaho,
ayi yi zinginikelako txitimwi ka situnga,
yi veleka mihando kufana ni Libhanoni
ava va nga aka madhoropani va na rumbuka
kufana ni mwasi wu nga mila ha mafuni!
17Ditina da mfumeli di na simame yotshe mbimo;
nduma yakwe yi na simame hahatshi ka ditambo kala kupinduka!
Ngu mhaka yakwe yotshe mifumo yi na katekiswe
otshe matiko ma na mu womba ku a katekile.
18Txi na dhumiswe Txizimu, Mkoma
i ku Txizimu txa ka Israyeli,
txona txokha txi mahako sidiwukiso.
19Di na dhumiswe yotshe mbimo
ditina da txona da wudhumo ni dotshe ditiko
di na tale ngu wudhumo wa txona!
Amen! Amen!
20Ahawa i magwito a mikombelo
ya wuembeleli wa Dhavhidha, mwanana wa Jese.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.