Masalmo 60
60
Kuxula ni kuxula
Ndando ya Dhavhidha, yo gondisa. Ka mthangeli wa vaembeleli - Ni wuembeleli wa “Dikhoñwa da Wufakazi.” Yo bhalwa ngu Dhavhidha, mbimo yile a nga lwa ni Vasiriya va Mesopotamiya ni va Zobha, niku mbimo yile a nga wuya Jowabhi, a date 12.000 wa va ka Edhomi, mkovani ka Mnyu
1Txizimu, u hi tshuralete,
u hi lekile hi hangalaka;
hambiko u nga henya, tshumela u hi wusa.
2U dekadekisile mafu u txi ma bhandisela;
tsivetela tufa ta ona, nguko ma khungumuka!
3U mahile ti to vathu ve wona
sikarato so thisa ngutu;
u hi setile vhinya yo levisa ngutu.
4Se konkuwa ninga txikombiso
ka vathu vako vo thembeka,
kasiku ve sikota kuthava tingove.
5Ni ti to ve poniswa avale u va randako.
Hi xamule, u txi hi hanyisa
ngu diwoko dako da txinene!
6Txizimu txi wombile txiluveloni ka txona txi txi kha txona:
“Ni na tsaka ni txi abanisa Sikemi
ni na pima mkova wa Sukote!
7Gileyadhi ni Manasi va ni lumba;
Efrayime mtamo wa msungo
se Judha i ndonga yangu ya wukoma.
8Mowabhi mkamba wu ni sambelako ka wona;
txitimwi ka Edhomi ni na rinza disandazi dangu,
kurinza disandazi ka wukhalo wokari
njikombiso txaku mbukhalo
wa nyane wa disandazi donedo.
Ni na giya ngu kuxula Vafilista.”
9I mani a no ni heleketa
mkhokholani ka didhoropa kani?
I mani a no ni heleketa kala Edhomi kani?
10Ina hi nga awe, Txizimu, u nga ti hi lekile, kani?
U to hi rethetela kule, u si swi u pangalata
mabutho athu a tiyimbi, kani?
11Hi vhune u txi hi lamulela ka valala vathu,
nguko txivhuno txa vathu kha txi nyawuli.
12Ngu kuvhunwa ngu Txizimu hi na mana kuxula;
nguko ngu txona txi no ganyatela valala vathu.
Currently Selected:
Masalmo 60: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 60
60
Kuxula ni kuxula
Ndando ya Dhavhidha, yo gondisa. Ka mthangeli wa vaembeleli - Ni wuembeleli wa “Dikhoñwa da Wufakazi.” Yo bhalwa ngu Dhavhidha, mbimo yile a nga lwa ni Vasiriya va Mesopotamiya ni va Zobha, niku mbimo yile a nga wuya Jowabhi, a date 12.000 wa va ka Edhomi, mkovani ka Mnyu
1Txizimu, u hi tshuralete,
u hi lekile hi hangalaka;
hambiko u nga henya, tshumela u hi wusa.
2U dekadekisile mafu u txi ma bhandisela;
tsivetela tufa ta ona, nguko ma khungumuka!
3U mahile ti to vathu ve wona
sikarato so thisa ngutu;
u hi setile vhinya yo levisa ngutu.
4Se konkuwa ninga txikombiso
ka vathu vako vo thembeka,
kasiku ve sikota kuthava tingove.
5Ni ti to ve poniswa avale u va randako.
Hi xamule, u txi hi hanyisa
ngu diwoko dako da txinene!
6Txizimu txi wombile txiluveloni ka txona txi txi kha txona:
“Ni na tsaka ni txi abanisa Sikemi
ni na pima mkova wa Sukote!
7Gileyadhi ni Manasi va ni lumba;
Efrayime mtamo wa msungo
se Judha i ndonga yangu ya wukoma.
8Mowabhi mkamba wu ni sambelako ka wona;
txitimwi ka Edhomi ni na rinza disandazi dangu,
kurinza disandazi ka wukhalo wokari
njikombiso txaku mbukhalo
wa nyane wa disandazi donedo.
Ni na giya ngu kuxula Vafilista.”
9I mani a no ni heleketa
mkhokholani ka didhoropa kani?
I mani a no ni heleketa kala Edhomi kani?
10Ina hi nga awe, Txizimu, u nga ti hi lekile, kani?
U to hi rethetela kule, u si swi u pangalata
mabutho athu a tiyimbi, kani?
11Hi vhune u txi hi lamulela ka valala vathu,
nguko txivhuno txa vathu kha txi nyawuli.
12Ngu kuvhunwa ngu Txizimu hi na mana kuxula;
nguko ngu txona txi no ganyatela valala vathu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.