Masalmo 51
51
Kuhunduluka ni kudivalelwa
Disalmo da Dhavhidha. Ka mthangeli wa vaembeleli. Di nga bhalwa msana ka kuva Mprofeti Nathani a di wombawombile Dhavhidha, ngu mhaka ya txionho txi a nga txi maha ni Bhate-Sebha
1Telwa ngu wumbilu ngu ngani, Txizimu,
ngu konaho ka lirando lako;
pfhita sihambunyeto sangu,
madingano ni wumbilu wo tala!
2Ni kuwule ka wotshe wubihi wangu;
u txi ni basisa ka sotshe sionho sangu.
3 # Wona ni ka: Var. 3:4. Nguko ani, na si ziva sihambunyeto sangu
yotshe mbimo ni khumbuka sionho sangu.
4Ni kuonhete, ngawe wekha ni nga kuonhela,
ngu kumaha kubiha ku awe u ku nyenyako.
Ngu mhaka yeto, u na ni fanelo ngako u txi ni lamula
kambe ti lulamile ngako u txi ni abanisa.
5Kha ditshuri, ni m'bihi kukhukhela ni txi velekwa;
ni muonhi kukhukhela mndani ka mame wangu.
6Wona taku u dhunda ditshuri mbiluni;
ni gondise kuziva wutxhari mbiluni.
7Ni basise ngu hisope txionho txangu kasiku ni na basa;
ni kuwule kasiku ni na basa ngutu kupinda hunguva.
8Ni ninge kuengisa mapswi a litsako ni kunengela;
ni na tshumela ni tsaka,
hambiko u nga funyeletela sihango sangu.
9U nga wone sionho sangu
kambe pfhita sotshe sionho sangu.
10Awe Txizimu, ni he mbilu ya yinene;
wuseta m'hefemulo wangu, u txi wu tsanisa.
11U nga ni rethele kule ni nawe,
u nga ni tekele moya wako wo sawuleka!
12Ni wuyisele litsako la kuhanyisa kwako;
u txi ni tsanisa ngu moya wako wa mtamo.
13Sekoko ni gondisa tinzila tako ka vaonhi
se vaonhi va na tshumelelela kwako.
14Awe Txizimu, ngawe u ni hanyisako!
Ni hulukise ka lifo ni na huwelela ngu tindando ti to u lulamile.
15 Mkoma, tula txisofu txangu;
kasiku ni na sikota kuhuwelela wudhumo wako.
16Awe khu lavi timhamba;
ani nga ni txi ku mahela;
awe khu khatali ngu miningelo ya sihari so hiswa.
17Mhamba yi yi tsakisako Txizimu
ngu kupandiseka ka mbilu.
Awe Txizimu khu nyenyi mbilu
yi yi pandisekako ni kutiveka hahatshi.
18Xayisa Siyoni ngu wunene ni wumbilu wako;
aketa maguma a Jerusalema.
19Sekoko u na amukela ngu kutsaka timhamba ti i ku tona,
timhamba to hiswa ni minigelo
sotshe si na hiswa ngu mndilo.
Konako ku na mahwa miningelo ya marole ha txiluveloni kwako.
Currently Selected:
Masalmo 51: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 51
51
Kuhunduluka ni kudivalelwa
Disalmo da Dhavhidha. Ka mthangeli wa vaembeleli. Di nga bhalwa msana ka kuva Mprofeti Nathani a di wombawombile Dhavhidha, ngu mhaka ya txionho txi a nga txi maha ni Bhate-Sebha
1Telwa ngu wumbilu ngu ngani, Txizimu,
ngu konaho ka lirando lako;
pfhita sihambunyeto sangu,
madingano ni wumbilu wo tala!
2Ni kuwule ka wotshe wubihi wangu;
u txi ni basisa ka sotshe sionho sangu.
3 # Wona ni ka: Var. 3:4. Nguko ani, na si ziva sihambunyeto sangu
yotshe mbimo ni khumbuka sionho sangu.
4Ni kuonhete, ngawe wekha ni nga kuonhela,
ngu kumaha kubiha ku awe u ku nyenyako.
Ngu mhaka yeto, u na ni fanelo ngako u txi ni lamula
kambe ti lulamile ngako u txi ni abanisa.
5Kha ditshuri, ni m'bihi kukhukhela ni txi velekwa;
ni muonhi kukhukhela mndani ka mame wangu.
6Wona taku u dhunda ditshuri mbiluni;
ni gondise kuziva wutxhari mbiluni.
7Ni basise ngu hisope txionho txangu kasiku ni na basa;
ni kuwule kasiku ni na basa ngutu kupinda hunguva.
8Ni ninge kuengisa mapswi a litsako ni kunengela;
ni na tshumela ni tsaka,
hambiko u nga funyeletela sihango sangu.
9U nga wone sionho sangu
kambe pfhita sotshe sionho sangu.
10Awe Txizimu, ni he mbilu ya yinene;
wuseta m'hefemulo wangu, u txi wu tsanisa.
11U nga ni rethele kule ni nawe,
u nga ni tekele moya wako wo sawuleka!
12Ni wuyisele litsako la kuhanyisa kwako;
u txi ni tsanisa ngu moya wako wa mtamo.
13Sekoko ni gondisa tinzila tako ka vaonhi
se vaonhi va na tshumelelela kwako.
14Awe Txizimu, ngawe u ni hanyisako!
Ni hulukise ka lifo ni na huwelela ngu tindando ti to u lulamile.
15 Mkoma, tula txisofu txangu;
kasiku ni na sikota kuhuwelela wudhumo wako.
16Awe khu lavi timhamba;
ani nga ni txi ku mahela;
awe khu khatali ngu miningelo ya sihari so hiswa.
17Mhamba yi yi tsakisako Txizimu
ngu kupandiseka ka mbilu.
Awe Txizimu khu nyenyi mbilu
yi yi pandisekako ni kutiveka hahatshi.
18Xayisa Siyoni ngu wunene ni wumbilu wako;
aketa maguma a Jerusalema.
19Sekoko u na amukela ngu kutsaka timhamba ti i ku tona,
timhamba to hiswa ni minigelo
sotshe si na hiswa ngu mndilo.
Konako ku na mahwa miningelo ya marole ha txiluveloni kwako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.