Masalmo 36
36
Wubihi wa m'thu, ni wunene wa Txizimu
Disalmo da Dhavhidha, txithumi txa Mkoma. Ka mtlhangeli wa vaembeleli.
1 # Wona ni ka: Var. 3:18. Txionho txa womba-womba mbiluni ka m'thu wo biha.
Kwakwe kha ku nga ho kuthava Txizimu.
2Ene apune a ti wona i di wamnene ngutu,
kasiku asi woni txionho txakwe, e txi nyenya.
3Kuwombawomba kwakwe nga kubiha ni makuhu;
a lekile ni kuengisa ni kumaha ti i ku ta tinene.
4Ngako a di otete, a pimisa kumaha kubiha;
nzila yi a tsimbilako ngu yona hi nga ya yinene;
kha ti lavi kuhambana ni kubiha.
5Aniko wumbilu wako, Mkoma,
wu gulekile wu hoka ni nzumani;
ditshuri dako da manela marefu.
6Kululama kwako nga hombe
kufana ni mimango;
mithetho yako yi etile kufana ni linene.
Awe, Mkoma, wa xayisa vathu ni sihari.
7La xamalisa ngutu lirando lako, awe Txizimu!
Hahatshi ka mabhapi ako,
athu hi tipfa hi di kusisalani.
8Ha tsaka ngutu ngu kupfa kukhura
ngu sakudya so tala sa nyumbani kwako;
awe wa hi ninga kusela mati a mnamboni ka wunene wako,
9nguko awe u txisima txi txi ningako wutomi.
Awe u Ditambo di di hi woningako.
10Engetela lirando lako ka vale va ku zivako
ni kululama kwako ka vale va timbilu to lulama.
11U nga leke avale va ti kulisako va txi ni kandetela,
mwendo sigevenga si txi ni tutumisa.
12Ndiva vabihi va wite hahatshi,
va wite, kha va na mbiswa ve wuka.
Currently Selected:
Masalmo 36: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 36
36
Wubihi wa m'thu, ni wunene wa Txizimu
Disalmo da Dhavhidha, txithumi txa Mkoma. Ka mtlhangeli wa vaembeleli.
1 # Wona ni ka: Var. 3:18. Txionho txa womba-womba mbiluni ka m'thu wo biha.
Kwakwe kha ku nga ho kuthava Txizimu.
2Ene apune a ti wona i di wamnene ngutu,
kasiku asi woni txionho txakwe, e txi nyenya.
3Kuwombawomba kwakwe nga kubiha ni makuhu;
a lekile ni kuengisa ni kumaha ti i ku ta tinene.
4Ngako a di otete, a pimisa kumaha kubiha;
nzila yi a tsimbilako ngu yona hi nga ya yinene;
kha ti lavi kuhambana ni kubiha.
5Aniko wumbilu wako, Mkoma,
wu gulekile wu hoka ni nzumani;
ditshuri dako da manela marefu.
6Kululama kwako nga hombe
kufana ni mimango;
mithetho yako yi etile kufana ni linene.
Awe, Mkoma, wa xayisa vathu ni sihari.
7La xamalisa ngutu lirando lako, awe Txizimu!
Hahatshi ka mabhapi ako,
athu hi tipfa hi di kusisalani.
8Ha tsaka ngutu ngu kupfa kukhura
ngu sakudya so tala sa nyumbani kwako;
awe wa hi ninga kusela mati a mnamboni ka wunene wako,
9nguko awe u txisima txi txi ningako wutomi.
Awe u Ditambo di di hi woningako.
10Engetela lirando lako ka vale va ku zivako
ni kululama kwako ka vale va timbilu to lulama.
11U nga leke avale va ti kulisako va txi ni kandetela,
mwendo sigevenga si txi ni tutumisa.
12Ndiva vabihi va wite hahatshi,
va wite, kha va na mbiswa ve wuka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.