Masalmo 33
33
Ndando ya kudhumisa
1Giyani ka Mkoma
anu mi ku vo lulama:
Nguko kudhumisa ku fanete vavanene.
2Dhumisani Mkoma ngu kuveta txitende;
embelelani masoni kwakwe ngu kuveta txitende
txa titxhapu ta digumi.
3Embelelani kwakwe ndando ya yiphya;
vetani ngu wuzivi, mi txi mkulungela!
4Mapswi a Mkoma nga ditshuri;
mithumo yakwe yi komba
kuthembeka kwakwe.
5 Mkoma yotshe mbimo
a lava kululama ni ditshuri;
lirando lakwe la tata ditiko dotshe!
6Ngu dipswi da Mkoma;
ku vangilwe nzuma
ni sotshe sasingi sikuho
ngu moya wa txisofu txakwe.
7A tshanganisile mati a linene
ka wukhalo wumwewo;
minambo ni maziva ka makhalo ya kona.
8Ditiko dotshe di na thave Mkoma;
vaaki va dotshe ditiko
va na dhudhumele
masoni kwakwe.
9Nguko a to womba,
se sotshe si maheka;
a to ruma, se sotshe si humelela.
10 Mkoma wa vhinganyisa makungo a matiko;
ene wa va thindekisa
kumaha makungo awe.
11Aniko makungo a Mkoma
ma zumba mbimo yotshe;
mipimiso ya mbilu yakwe
ya simama ka liveleko ni liveleko.
12Di katekile ditiko dile
Txizimu i ku Mkoma wa dona;
ni vathu vale txi nga va sawula
kuva thomba ya txona.
13A di nzumani, Mkoma wa rinza maso akwe
a txi wona votshe vanana va vathu;
14 Mkoma wa va wona votshe
vathu va hanyako ha mafuni.
15Ngene a nga wumba timbilu tawe;
wa ti wona totshe ti va ti mahako.
16Mfumeli kha hulukiswi
ngu mtalo wa mabutho,
hambi wamwamna wa ndena
kha xuli ngu mtamo wakwe wa hombe.
17Mahantxhi a yimbi
kha ma vhuni m'thu kuxula;
ona kha ma hanyisi
ngu mtamo wa ona wa hombe.
18 Mkoma ngene a xayisako
ava va mthavako,
avale va thembako
wunene wakwe,
19ene wa va hulukisa ka lifo
kambe wa va veketa
va txi hanya ka mbimo ya nzala.
20Themba yathu hi yi veka ka Mkoma;
ngene i ku m'vhuni wathu
kambe m'vhikeli wathu.
21 Mkoma ngene kutsaka
ka timbilu tathu;
nguko hi themba ditina dakwe do sawuleka.
22Lirando lako, Mkoma,
li na hi tsanise,
nguko themba yathu hi yi veka kwako.
Currently Selected:
Masalmo 33: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 33
33
Ndando ya kudhumisa
1Giyani ka Mkoma
anu mi ku vo lulama:
Nguko kudhumisa ku fanete vavanene.
2Dhumisani Mkoma ngu kuveta txitende;
embelelani masoni kwakwe ngu kuveta txitende
txa titxhapu ta digumi.
3Embelelani kwakwe ndando ya yiphya;
vetani ngu wuzivi, mi txi mkulungela!
4Mapswi a Mkoma nga ditshuri;
mithumo yakwe yi komba
kuthembeka kwakwe.
5 Mkoma yotshe mbimo
a lava kululama ni ditshuri;
lirando lakwe la tata ditiko dotshe!
6Ngu dipswi da Mkoma;
ku vangilwe nzuma
ni sotshe sasingi sikuho
ngu moya wa txisofu txakwe.
7A tshanganisile mati a linene
ka wukhalo wumwewo;
minambo ni maziva ka makhalo ya kona.
8Ditiko dotshe di na thave Mkoma;
vaaki va dotshe ditiko
va na dhudhumele
masoni kwakwe.
9Nguko a to womba,
se sotshe si maheka;
a to ruma, se sotshe si humelela.
10 Mkoma wa vhinganyisa makungo a matiko;
ene wa va thindekisa
kumaha makungo awe.
11Aniko makungo a Mkoma
ma zumba mbimo yotshe;
mipimiso ya mbilu yakwe
ya simama ka liveleko ni liveleko.
12Di katekile ditiko dile
Txizimu i ku Mkoma wa dona;
ni vathu vale txi nga va sawula
kuva thomba ya txona.
13A di nzumani, Mkoma wa rinza maso akwe
a txi wona votshe vanana va vathu;
14 Mkoma wa va wona votshe
vathu va hanyako ha mafuni.
15Ngene a nga wumba timbilu tawe;
wa ti wona totshe ti va ti mahako.
16Mfumeli kha hulukiswi
ngu mtalo wa mabutho,
hambi wamwamna wa ndena
kha xuli ngu mtamo wakwe wa hombe.
17Mahantxhi a yimbi
kha ma vhuni m'thu kuxula;
ona kha ma hanyisi
ngu mtamo wa ona wa hombe.
18 Mkoma ngene a xayisako
ava va mthavako,
avale va thembako
wunene wakwe,
19ene wa va hulukisa ka lifo
kambe wa va veketa
va txi hanya ka mbimo ya nzala.
20Themba yathu hi yi veka ka Mkoma;
ngene i ku m'vhuni wathu
kambe m'vhikeli wathu.
21 Mkoma ngene kutsaka
ka timbilu tathu;
nguko hi themba ditina dakwe do sawuleka.
22Lirando lako, Mkoma,
li na hi tsanise,
nguko themba yathu hi yi veka kwako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.