Masalmo 22
22
Xomulo ni kudhumisa
Disalmo da Dhavhidha. Ka mthangeli wa vaembeleli - Ngu wutxenje wa “Mhoti ya Mixo.”
1 # Wona ni ka: Mat. 27:46; Mar. 15:34. “Txizimu txangu, Txizimu txangu,
u ni lekete txani kani?”
Ngu kutxani u swelako kuxamula
mapswi a kudila kwangu kani?
2Txizimu txangu, na dila ni mitshikari,
kambe khu ni xamuli;
na dila ni wusiku,
kambe kha ni mani kuzumbiseka.
3Kambe awe u Msawuleki,
awe u zumba ha txiluveloni,
na u txi dhumiswa ngu Israyeli.
4Awe va ku thembile vatate vathu;
va ku thembile, se awe u va hulukisile.
5Va kombete txivhuno kwako,
se ve huluka ka phango;
awe va ku thembile,
kambe kha va wiswa tingana.
6Aniko ani ni mbungu, kha ni nga m'thu,
ni txisekiso masoni ka vathu,
na eyiswa ngu ditiko.
7Votshe vale va ni wonako va ni tseketsela;
va minula ngu txisofu,
ve zinginika misungo va txi kha vona:
8 # Wona ni ka: Mat. 27:43. “A thembile Mkoma,
se ene a na m'hulukise;
a na m'hanyise, ngako a mrandako.”
9Awe u ni xayisile kukhukhela
mndani ka mame wangu
u txi ni veka ni xayiseka manzani kwakwe.
10Ni sanzi kuvelekwa,
awe u ni xayisile;
kukhukhela mndani ka mama,
awe u Txizimu txangu.
11U nga ti hambukise ni nani u txi tsula kule,
nguko dikhombo di hafuhi,
kha ni nga ni wa ku ni vhuna.
12Valala vavangi vo nga tikuzi ta tihomu,
va ni randete;
va ni randete nga tikuzi ta tihomu ta tshofu
ta ditikoni ka Bhasani.
13Va asama sisofu sawe, kufana ni tingonyamo ti bhongako
vona va tula madomu awe kasi ku ni kakatxula.
14Ni fana ni mati ma thekelako;
otshe marambu angu ma nguda-nguda.
Mbilu yangu yi fana ni phula,
ayi yi nyivilikako mndani kwangu.
15Mkolo wangu wu omile
kufana ni mraka wo hiswa
ni lidimi langu li namarete
mkanani kwangu.
Awe u ni lekile hafuhi ka diphala.
16Timbwa koko ti ni randete;
mtxawa a sigevenga wu ni randete;
va ni vharulete manza
ni mikondo yangu.
17Ni nga sikota kubala
otshe marambu angu;
valala vangu va ni wona,
va txi ni ronolela.
18 # Wona ni ka: Mat. 27:35; Mar. 15:24; Luk. 23:34; Joh. 19:24. Va abanile syambalo sangu
ve xaxuva tixolo ngu dibhaji dangu.
19Aniko, awe Mkoma, u nga eme kule ni nani!
Awe u mtamo wangu!
Ngono ngu kukuluveta u ta ni vhuna!
20Hulukisa wutomi wangu ka ditxhari;
u nga leke timbwa
ti txi ni daya.
21Ni hulukise ka sisofu sa tingonyamo toneto;
u txi ni hulukisa ka titxheho
ta tinyari ta vamatune.
22 # Wona ni ka: Vaheb. 22:12. Sekoko ni na xawutela
ka maxaka angu ati u nga maha;
kambe ni na kudhumisa
hagari ka msengeletano, ni txi khani:
23“Anu mi thavako Mkoma, m'dhumiseni!
Li na m'dhumise lotshe liveleko la Jakobe!
Li na mxoniphe lotshe
liveleko la Israyeli!
24Nguko ene kha soli,
kambe kha nyenyi kuxaniseka ka sisiwana
kambe kha si tshuraleli.
Aniko wa si engisa mbimo yi
si kombelako txivhuno.”
25Ni na kudhumisa ni si karali,
hagari ka msengeletano wa hombe.
Masoni ka vale va ku khozelako,
ni na tatisa sithembiso
si ni nga si maha.
26Sisiwana si na dya kala si khura;
avale va lavako Mkoma va na m'dhumisa.
Va na hanye ta tinene kala kupinduka!
27Vathu va yotshe mifumo
va na alakanya Mkoma;
ngu ka otshe madhawa a ditiko
va na wuya kwakwe.
Totshe tihunzu ti na mkhozela.
28Nguko Txizimu i Mfumeli,
ngu txona txi fumako vathu votshe.
29Va na m'dhumise ava va nga relela mathowoni;
votshe avale vafako
va na name masoni kwakwe,
nguko ene ngene a ningako wutomi.
30Vatukulu vawe va na mthumela;
va na xawutela ka liveleko ni liveleko.
31Va nata xawutela wululamo wakwe
ka vathu va va no velekwa
nguko ngene a nga va va nga.
Currently Selected:
Masalmo 22: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 22
22
Xomulo ni kudhumisa
Disalmo da Dhavhidha. Ka mthangeli wa vaembeleli - Ngu wutxenje wa “Mhoti ya Mixo.”
1 # Wona ni ka: Mat. 27:46; Mar. 15:34. “Txizimu txangu, Txizimu txangu,
u ni lekete txani kani?”
Ngu kutxani u swelako kuxamula
mapswi a kudila kwangu kani?
2Txizimu txangu, na dila ni mitshikari,
kambe khu ni xamuli;
na dila ni wusiku,
kambe kha ni mani kuzumbiseka.
3Kambe awe u Msawuleki,
awe u zumba ha txiluveloni,
na u txi dhumiswa ngu Israyeli.
4Awe va ku thembile vatate vathu;
va ku thembile, se awe u va hulukisile.
5Va kombete txivhuno kwako,
se ve huluka ka phango;
awe va ku thembile,
kambe kha va wiswa tingana.
6Aniko ani ni mbungu, kha ni nga m'thu,
ni txisekiso masoni ka vathu,
na eyiswa ngu ditiko.
7Votshe vale va ni wonako va ni tseketsela;
va minula ngu txisofu,
ve zinginika misungo va txi kha vona:
8 # Wona ni ka: Mat. 27:43. “A thembile Mkoma,
se ene a na m'hulukise;
a na m'hanyise, ngako a mrandako.”
9Awe u ni xayisile kukhukhela
mndani ka mame wangu
u txi ni veka ni xayiseka manzani kwakwe.
10Ni sanzi kuvelekwa,
awe u ni xayisile;
kukhukhela mndani ka mama,
awe u Txizimu txangu.
11U nga ti hambukise ni nani u txi tsula kule,
nguko dikhombo di hafuhi,
kha ni nga ni wa ku ni vhuna.
12Valala vavangi vo nga tikuzi ta tihomu,
va ni randete;
va ni randete nga tikuzi ta tihomu ta tshofu
ta ditikoni ka Bhasani.
13Va asama sisofu sawe, kufana ni tingonyamo ti bhongako
vona va tula madomu awe kasi ku ni kakatxula.
14Ni fana ni mati ma thekelako;
otshe marambu angu ma nguda-nguda.
Mbilu yangu yi fana ni phula,
ayi yi nyivilikako mndani kwangu.
15Mkolo wangu wu omile
kufana ni mraka wo hiswa
ni lidimi langu li namarete
mkanani kwangu.
Awe u ni lekile hafuhi ka diphala.
16Timbwa koko ti ni randete;
mtxawa a sigevenga wu ni randete;
va ni vharulete manza
ni mikondo yangu.
17Ni nga sikota kubala
otshe marambu angu;
valala vangu va ni wona,
va txi ni ronolela.
18 # Wona ni ka: Mat. 27:35; Mar. 15:24; Luk. 23:34; Joh. 19:24. Va abanile syambalo sangu
ve xaxuva tixolo ngu dibhaji dangu.
19Aniko, awe Mkoma, u nga eme kule ni nani!
Awe u mtamo wangu!
Ngono ngu kukuluveta u ta ni vhuna!
20Hulukisa wutomi wangu ka ditxhari;
u nga leke timbwa
ti txi ni daya.
21Ni hulukise ka sisofu sa tingonyamo toneto;
u txi ni hulukisa ka titxheho
ta tinyari ta vamatune.
22 # Wona ni ka: Vaheb. 22:12. Sekoko ni na xawutela
ka maxaka angu ati u nga maha;
kambe ni na kudhumisa
hagari ka msengeletano, ni txi khani:
23“Anu mi thavako Mkoma, m'dhumiseni!
Li na m'dhumise lotshe liveleko la Jakobe!
Li na mxoniphe lotshe
liveleko la Israyeli!
24Nguko ene kha soli,
kambe kha nyenyi kuxaniseka ka sisiwana
kambe kha si tshuraleli.
Aniko wa si engisa mbimo yi
si kombelako txivhuno.”
25Ni na kudhumisa ni si karali,
hagari ka msengeletano wa hombe.
Masoni ka vale va ku khozelako,
ni na tatisa sithembiso
si ni nga si maha.
26Sisiwana si na dya kala si khura;
avale va lavako Mkoma va na m'dhumisa.
Va na hanye ta tinene kala kupinduka!
27Vathu va yotshe mifumo
va na alakanya Mkoma;
ngu ka otshe madhawa a ditiko
va na wuya kwakwe.
Totshe tihunzu ti na mkhozela.
28Nguko Txizimu i Mfumeli,
ngu txona txi fumako vathu votshe.
29Va na m'dhumise ava va nga relela mathowoni;
votshe avale vafako
va na name masoni kwakwe,
nguko ene ngene a ningako wutomi.
30Vatukulu vawe va na mthumela;
va na xawutela ka liveleko ni liveleko.
31Va nata xawutela wululamo wakwe
ka vathu va va no velekwa
nguko ngene a nga va va nga.
A Bíblia em Txitxopi © Bible Society in Mozambique, 2016.