Masalmo 18
18
Dhavhidha, mfumeli wa kuxula
(2 Samuwele 22:2-51)
Dhavhidha. Ka mthangeli wa vaembeleli. Mapswi a ndando ya Dhavhidha, txithumi txa Txizimu, a embelete ka Mkoma Txizimu, ka ditshiku di a nga m'hulukisa ka Sawule, ni ka votshe valala vakwe.
1Ni na kuranda ngu mbilu yangu, Mkoma,
Awe u mtamo wangu.
2 Mkoma, dirigwi dangu,
ni mkhokhola wangu wo tsana,
kambe mtxhatxhisi wangu;
Txizimu txangu mkhokhola wangu,
buthavelo wu ni thembako wona;
njitxhavangu txangu,
mtamo wa kuhanyiswa kwangu,
wuthavelo wangu wa hombe.
3Ni na khumbuka ditina da Mkoma,
di dinganako kudhumiswa,
se ni na txhatxhiswa ka valala vangu.
4Ni randetwe ngu titxhini ta lifo,
ni minambo ya wubihi
yi ni fenengetile.
5Mtamo wa lifo wu ni bzwetile
lifo li ni riyete
ngu milawu ya lona.
6Kupandisekani kwangu
ni dhani Mkoma,
ni kombete txivhuno ka Txizimu txangu.
Txi di Nyumbani ka txona
txi engisile dipswi dangu,
huwa yangu yi hokile tinzeveni ka txona.
7Sekoko mafu ma to zinginika,
ma txi dekadeka,
makhato a mimango ma to dhudhumela:
Ma dhudhumete ngu kuhenya ka Txizimu.
8Wu humile wutshi ngu tithonvuni ka txona
ku txi huma mndilo wa luhya ngu txisofuni ka txona;
kuhuma kambe ni makala a mndilo wo tura.
9Txizimu txi to tula nzuma txi txhika
ku di ni txidema hahatshi
ka mikondo ya txona.
10Txi puruma txi di gadhile dikerubhima,
txi tsimbila txi di mabhapini ka diphuho.
11Txizimu txi to sisala mndani ka txidema
txi ti bhiyela ngu marefu
a hombe o tala ngu mati.
12Masoni ka txona ku to huma kuphatima,
ka marefu a mtima
ku to huma maralala ni makala a mndilo.
13 Mkoma a to dhinda a di nzumani,
Nyatxitimwi a huwelete ngu dipswi dakwe.
14A to khwinza tingove takwe ta miseve
a txi hangalasa valala,
a to dhindisa singwalangwanda,
a txi va tutumisa.
15Ku to woneka hahatshi ka linene
makhato a mafu ma txi vhunungulwa,
mbimo yi di nga pfala
dipswi dako do thisa, Mkoma,
ni m'hefemulo wa tithonvu tako.
16 Mkoma a di txitimwi
a nawulutile diwoko dakwe e ni ñola,
a txi ni humisa ka mati o mita.
17A ni hulukisile ka mlala wangu wa mtamo,
ni ka vale va nga ti ti ni vengela,
va ku ni mtamo kupinda ani.
18Va ni kanganyisile ni di kupandisekani,
aniko Mkoma a ni lwete.
19A ni yisile ka wukhalo wo mbi na phango,
a ni hulukisile nguko ene wa ni randa.
20 Mkoma a ni xayisile madingano ni kululama kwangu,
ene wa ni txhatxhazela madingano ni
kululama ka mahanyelo angu,
21nguko ani ni londetile
tinzila ta Mkoma
kha ni zivi kutshuralela Txizimu txangu.
22Mithetho yakwe yotshe
yi masoni kwangu
kambe kha ni zivi kukaneta sirumo sakwe.
23Ni m'thu wa ditshuri masoni kwakwe
kambe na ti vhikela ka tinzila to biha.
24 Mkoma a ni txhatxhazete,
madingano ni wunene wangu
madingano ni mahanyelo angu
o lulama masoni kwakwe.
25Awe Mkoma, u thembekile
ka wule i ku wo thembeka kwako,
u wa ditshuri ka wule
i ku wa ditshuri.
26Awe u lulamile ka wule a nga lulama
u txharihile ka wule a ku ni mapimo o biha.
27Awe wa hulukisa avale va ti vekako hahatshi
kambe wa wisa hahatshi avale va ti guletako.
28 Mkoma, awe u liwoningo langu,
awe, Txizimu txangu ngawe
u woningako mtema wangu.
29Kumweko ni nawe na sikota
kulwa ni valala;
ngu mhaka ya mtamo wako ni na ndaka tibhiyo.
30Nzila ya Txizimu
njo hetiseka;
dipswi da Mkoma ndo tsana;
Njitxhavangu ka votshe vale
va di thembako.
31I mani i ku Txizimu, hahanze kwakwe Mkoma kani?
I mani i ku dirigwi, hahanze ka Txizimu txathu kani?
32Txizimu ngu txona txi ni mahako wa mtamo
ngu txona txi mahako nzila yangu yi va yo hetiseka.
33 # Wona ni ka: Hab. 3:19. Txi maha mikondo yangu yi txi nga ya mhoti
ni ku ni veka txitimwi ka mimango.
34Txa gondisa manza angu kulwa
kambe txa gondisa manza angu
kudomba wulaho wa koporo.
35 Mkoma, awe wa ni ninga
txitxhavangu txako txa ku ni vhikela,
wa ni setela ngu dianza dako da txinene
ni wunene wako wu ni ningile kuzumbiseka.
36U lulamisile nzila yangu
ni mikondo yangu kha ya thidhela.
37Ni hingile valala vangu
ni za ni txi va mana;
kha na humula kala kuza ni va fuvisa.
38Ni va wilete;
aniko kha va wuka.
Va wite hahatshi ka mikondo yangu.
39Awe u ni ningile mtamo wa kulwa;
u khozisile valala vangu masoni kwangu.
40Awe wa ni ninga mtamo wa kuxula valala vangu;
ni na va fuvisa avale va ni vengelako.
41Vona va peka huwa,
aniko ni wammweyo kha va lamuleli;
va dhana Mkoma,
aniko ene kha va xamuli.
42Ni na va kuya ve fana ni lithulu
li huhiswako ngu diphuho,
nava kandetela nga madhaka a hanzila.
43U ni hulukisile ka vhilinganya ya ditiko
u txi ni veka ni maha
mthangeli wa mifumo;
vathu vale ni si va ziviko
va na ni thumela.
44Ngu kupfa dipswi dangu,
va na ni engisa;
Vamatiko va na khoza kwangu.
45Vona va thidhela
kambe va huma va txi dhudhumela ngu mikhokholani kwawe.
46Hanya Mkoma!
A na dhumiswe mlweli wangu!
Txi na kuliswe Txizimu,
Muhanyisi wangu!
47Txizimu ngu txona txi ni ningako mtamo wa kuxula,
ngu txona txi ni khoziselako matiko, txi ma veka mtamoni kwangu
48txa ni hulukisa ka valala vangu.
Awe, Mkoma, wa ni guleta
txitimwi ka valala vangu
u txi ni hulukisa ka vale va ku ni tshofu.
49 # Wona ni ka: Var. 15:9. Ngu kumaha keto, Mkoma, ni na kudhumisa hagari ka mifumo
kambe ni na embelela tindando ta ku kudhumisa.
50Txizimu txa ninga kuxula ka hombe
ka mfumeli wa txona
kambe txa komba lirando la hombe
ka wule txi nga msawula,
i ku Dhavhidha, ni lotshe liveleko lakwe kala kupinduka.
Currently Selected:
Masalmo 18: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 18
18
Dhavhidha, mfumeli wa kuxula
(2 Samuwele 22:2-51)
Dhavhidha. Ka mthangeli wa vaembeleli. Mapswi a ndando ya Dhavhidha, txithumi txa Txizimu, a embelete ka Mkoma Txizimu, ka ditshiku di a nga m'hulukisa ka Sawule, ni ka votshe valala vakwe.
1Ni na kuranda ngu mbilu yangu, Mkoma,
Awe u mtamo wangu.
2 Mkoma, dirigwi dangu,
ni mkhokhola wangu wo tsana,
kambe mtxhatxhisi wangu;
Txizimu txangu mkhokhola wangu,
buthavelo wu ni thembako wona;
njitxhavangu txangu,
mtamo wa kuhanyiswa kwangu,
wuthavelo wangu wa hombe.
3Ni na khumbuka ditina da Mkoma,
di dinganako kudhumiswa,
se ni na txhatxhiswa ka valala vangu.
4Ni randetwe ngu titxhini ta lifo,
ni minambo ya wubihi
yi ni fenengetile.
5Mtamo wa lifo wu ni bzwetile
lifo li ni riyete
ngu milawu ya lona.
6Kupandisekani kwangu
ni dhani Mkoma,
ni kombete txivhuno ka Txizimu txangu.
Txi di Nyumbani ka txona
txi engisile dipswi dangu,
huwa yangu yi hokile tinzeveni ka txona.
7Sekoko mafu ma to zinginika,
ma txi dekadeka,
makhato a mimango ma to dhudhumela:
Ma dhudhumete ngu kuhenya ka Txizimu.
8Wu humile wutshi ngu tithonvuni ka txona
ku txi huma mndilo wa luhya ngu txisofuni ka txona;
kuhuma kambe ni makala a mndilo wo tura.
9Txizimu txi to tula nzuma txi txhika
ku di ni txidema hahatshi
ka mikondo ya txona.
10Txi puruma txi di gadhile dikerubhima,
txi tsimbila txi di mabhapini ka diphuho.
11Txizimu txi to sisala mndani ka txidema
txi ti bhiyela ngu marefu
a hombe o tala ngu mati.
12Masoni ka txona ku to huma kuphatima,
ka marefu a mtima
ku to huma maralala ni makala a mndilo.
13 Mkoma a to dhinda a di nzumani,
Nyatxitimwi a huwelete ngu dipswi dakwe.
14A to khwinza tingove takwe ta miseve
a txi hangalasa valala,
a to dhindisa singwalangwanda,
a txi va tutumisa.
15Ku to woneka hahatshi ka linene
makhato a mafu ma txi vhunungulwa,
mbimo yi di nga pfala
dipswi dako do thisa, Mkoma,
ni m'hefemulo wa tithonvu tako.
16 Mkoma a di txitimwi
a nawulutile diwoko dakwe e ni ñola,
a txi ni humisa ka mati o mita.
17A ni hulukisile ka mlala wangu wa mtamo,
ni ka vale va nga ti ti ni vengela,
va ku ni mtamo kupinda ani.
18Va ni kanganyisile ni di kupandisekani,
aniko Mkoma a ni lwete.
19A ni yisile ka wukhalo wo mbi na phango,
a ni hulukisile nguko ene wa ni randa.
20 Mkoma a ni xayisile madingano ni kululama kwangu,
ene wa ni txhatxhazela madingano ni
kululama ka mahanyelo angu,
21nguko ani ni londetile
tinzila ta Mkoma
kha ni zivi kutshuralela Txizimu txangu.
22Mithetho yakwe yotshe
yi masoni kwangu
kambe kha ni zivi kukaneta sirumo sakwe.
23Ni m'thu wa ditshuri masoni kwakwe
kambe na ti vhikela ka tinzila to biha.
24 Mkoma a ni txhatxhazete,
madingano ni wunene wangu
madingano ni mahanyelo angu
o lulama masoni kwakwe.
25Awe Mkoma, u thembekile
ka wule i ku wo thembeka kwako,
u wa ditshuri ka wule
i ku wa ditshuri.
26Awe u lulamile ka wule a nga lulama
u txharihile ka wule a ku ni mapimo o biha.
27Awe wa hulukisa avale va ti vekako hahatshi
kambe wa wisa hahatshi avale va ti guletako.
28 Mkoma, awe u liwoningo langu,
awe, Txizimu txangu ngawe
u woningako mtema wangu.
29Kumweko ni nawe na sikota
kulwa ni valala;
ngu mhaka ya mtamo wako ni na ndaka tibhiyo.
30Nzila ya Txizimu
njo hetiseka;
dipswi da Mkoma ndo tsana;
Njitxhavangu ka votshe vale
va di thembako.
31I mani i ku Txizimu, hahanze kwakwe Mkoma kani?
I mani i ku dirigwi, hahanze ka Txizimu txathu kani?
32Txizimu ngu txona txi ni mahako wa mtamo
ngu txona txi mahako nzila yangu yi va yo hetiseka.
33 # Wona ni ka: Hab. 3:19. Txi maha mikondo yangu yi txi nga ya mhoti
ni ku ni veka txitimwi ka mimango.
34Txa gondisa manza angu kulwa
kambe txa gondisa manza angu
kudomba wulaho wa koporo.
35 Mkoma, awe wa ni ninga
txitxhavangu txako txa ku ni vhikela,
wa ni setela ngu dianza dako da txinene
ni wunene wako wu ni ningile kuzumbiseka.
36U lulamisile nzila yangu
ni mikondo yangu kha ya thidhela.
37Ni hingile valala vangu
ni za ni txi va mana;
kha na humula kala kuza ni va fuvisa.
38Ni va wilete;
aniko kha va wuka.
Va wite hahatshi ka mikondo yangu.
39Awe u ni ningile mtamo wa kulwa;
u khozisile valala vangu masoni kwangu.
40Awe wa ni ninga mtamo wa kuxula valala vangu;
ni na va fuvisa avale va ni vengelako.
41Vona va peka huwa,
aniko ni wammweyo kha va lamuleli;
va dhana Mkoma,
aniko ene kha va xamuli.
42Ni na va kuya ve fana ni lithulu
li huhiswako ngu diphuho,
nava kandetela nga madhaka a hanzila.
43U ni hulukisile ka vhilinganya ya ditiko
u txi ni veka ni maha
mthangeli wa mifumo;
vathu vale ni si va ziviko
va na ni thumela.
44Ngu kupfa dipswi dangu,
va na ni engisa;
Vamatiko va na khoza kwangu.
45Vona va thidhela
kambe va huma va txi dhudhumela ngu mikhokholani kwawe.
46Hanya Mkoma!
A na dhumiswe mlweli wangu!
Txi na kuliswe Txizimu,
Muhanyisi wangu!
47Txizimu ngu txona txi ni ningako mtamo wa kuxula,
ngu txona txi ni khoziselako matiko, txi ma veka mtamoni kwangu
48txa ni hulukisa ka valala vangu.
Awe, Mkoma, wa ni guleta
txitimwi ka valala vangu
u txi ni hulukisa ka vale va ku ni tshofu.
49 # Wona ni ka: Var. 15:9. Ngu kumaha keto, Mkoma, ni na kudhumisa hagari ka mifumo
kambe ni na embelela tindando ta ku kudhumisa.
50Txizimu txa ninga kuxula ka hombe
ka mfumeli wa txona
kambe txa komba lirando la hombe
ka wule txi nga msawula,
i ku Dhavhidha, ni lotshe liveleko lakwe kala kupinduka.
A Bíblia em Txitxopi © Bible Society in Mozambique, 2016.