Masalmo 145
145
Ndando ya kudhumisa
Mkoma Txizimu. Ndando ya Dhavhidha.
1Ni na kuguleta awe Txizimu, Mkoma wangu,
ni na bonga ditina dako
kupinduka ni kupinduka.
2Otshe masiku ni na ku bonga.
Ni na dhumisa ditina dako kupinduka ni kupinduka.
3 Mkoma mbwa hombe,
kambe ana ni fanelo yo dhumiswa ngutu,
wuhombe wakwe kha wu sikoti kupimwa.
4Liveleko li na xawutela mithumo yako
ka limwani liveleko,
se votshe va na huwelela mithumo yako ya mtamo.
5Ni na xawutela wuhombe
wa wudhumo wa wulamuli wako,
ni wuhombe wa mithumo yako.
6Va na xawutela mithumo yako ya mtamo ni kuthisa,
va txi huwelela wuhombe wako.
7Vathu va na nuwela ngutu
wudhumo wa wunene wako wa hombe
kambe va na embelela wululamo kwako.
8 Mkoma a ni wunene ni wumbilu;
wa timisela kambe a ni kutsetsa.
9 Mkoma mbwamnene ka votshe;
ni wumbilu wakwe wu dingana
yotshe mithumo yakwe.
10Awe Mkoma, yotshe mithumo yako
yi na kudhumisa
ni votshe vasawuleki vako va na ku bonga!
11Va na womba-womba ngu wudhumo wa mfumo wako
kambe va na xawutela mtamo wako,
12kasi kuzivisa vanana va vathu
mithumo yako ya hombe
ni kuphatima ka wudhumo wa mfumo wako!
13Mfumo wako mfumo wa kala kupinduka;
kufuma kwako kuhoka ka totshe tiveleko.
14 Mkoma wa wusa votshe vale va wako,
a txi tsanisa votshe vale va khuvekako.
15Maso a votshe ma wonetela awe,
kambe awe wa va ninga sakudya
ngu mbimo ya kona.
16Awe wa tula manza,
u ninga si si lavekako
ka votshe va va hanyako.
17 Mkoma a lulamile ka totshe tinzila takwe,
ni kusawuleka ka yotshe mithumo yakwe.
18 Mkoma a hafuhi ka votshe vale va m'dhanako;
ka votshe vale va m'dhanako ngu ditshuri.
19Ene a na maha kunavela ka vale va m'thavako;
a na engisa kudila kwawe,
kambe a va hanyisa.
20 Mkoma wa va xayisa votshe vale va mrandako;
aniko va na fuviswa votshe vaonhi.
21Txisofu txangu txi na embelela wudhumo wa Mkoma!
Ni votshe vathu va na dhumisa ditina dakwe do sawuleka
kala kupinduka!
Currently Selected:
Masalmo 145: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 145
145
Ndando ya kudhumisa
Mkoma Txizimu. Ndando ya Dhavhidha.
1Ni na kuguleta awe Txizimu, Mkoma wangu,
ni na bonga ditina dako
kupinduka ni kupinduka.
2Otshe masiku ni na ku bonga.
Ni na dhumisa ditina dako kupinduka ni kupinduka.
3 Mkoma mbwa hombe,
kambe ana ni fanelo yo dhumiswa ngutu,
wuhombe wakwe kha wu sikoti kupimwa.
4Liveleko li na xawutela mithumo yako
ka limwani liveleko,
se votshe va na huwelela mithumo yako ya mtamo.
5Ni na xawutela wuhombe
wa wudhumo wa wulamuli wako,
ni wuhombe wa mithumo yako.
6Va na xawutela mithumo yako ya mtamo ni kuthisa,
va txi huwelela wuhombe wako.
7Vathu va na nuwela ngutu
wudhumo wa wunene wako wa hombe
kambe va na embelela wululamo kwako.
8 Mkoma a ni wunene ni wumbilu;
wa timisela kambe a ni kutsetsa.
9 Mkoma mbwamnene ka votshe;
ni wumbilu wakwe wu dingana
yotshe mithumo yakwe.
10Awe Mkoma, yotshe mithumo yako
yi na kudhumisa
ni votshe vasawuleki vako va na ku bonga!
11Va na womba-womba ngu wudhumo wa mfumo wako
kambe va na xawutela mtamo wako,
12kasi kuzivisa vanana va vathu
mithumo yako ya hombe
ni kuphatima ka wudhumo wa mfumo wako!
13Mfumo wako mfumo wa kala kupinduka;
kufuma kwako kuhoka ka totshe tiveleko.
14 Mkoma wa wusa votshe vale va wako,
a txi tsanisa votshe vale va khuvekako.
15Maso a votshe ma wonetela awe,
kambe awe wa va ninga sakudya
ngu mbimo ya kona.
16Awe wa tula manza,
u ninga si si lavekako
ka votshe va va hanyako.
17 Mkoma a lulamile ka totshe tinzila takwe,
ni kusawuleka ka yotshe mithumo yakwe.
18 Mkoma a hafuhi ka votshe vale va m'dhanako;
ka votshe vale va m'dhanako ngu ditshuri.
19Ene a na maha kunavela ka vale va m'thavako;
a na engisa kudila kwawe,
kambe a va hanyisa.
20 Mkoma wa va xayisa votshe vale va mrandako;
aniko va na fuviswa votshe vaonhi.
21Txisofu txangu txi na embelela wudhumo wa Mkoma!
Ni votshe vathu va na dhumisa ditina dakwe do sawuleka
kala kupinduka!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.