Mavingu 8
8
Kuguletwa ka Wutxhari
1Ina Wutxhari kha wu dhuki wu kwangula kani?
Ni kupfisisa kha kuhumisi dipswi da kona kani?
2Titshokani ko guleka, hafuhi ni nzila,
mahandakanyani ka tinzila, wutxhari wa maneka.
3Madhawani ka matimba a didhoropa,
sidingeni ka didhoropa ni hamatimbani wa dhana:
4Kwanu anu vathu, na kwangula;
kambe dipswi dangu diya ka vanana va vathu.
5Pfisisani anu vo mbi na wutxhari, ni wuzivi;
ni nanu siphukuphuku pfisisani ngu mbiluni.
6Engisani nguko ni na womba mapswi amanene;
txisofu txangu txi na asama, kasi ku dinganisela.
7Nguko txisofu txangu txi na womba ditshuri;
txisofu txangu txa venga wubihi.
8Ngo lulama otshe mapswi a txisofu txangu;
ka ona kuwalo ni tximwetxo txo xanisa ni txo onha.
9Otshe mapswi amanene ka wule a ma pfisisako;
ni kululama ka vale va manako wuzivi.
10Amukelani silayelo sangu, i si nga silivhela,
ni wuzivi kupinda nzalama yo hehuka yo sawulwa.
11Nguko i txhuko wutxhari kupinda marigwi a lisima;
hambi sotshe si si navetisako, kha si na kufana ni wutxhari.
12Ani wutxhari, ni zumba ni wuzivi,
ni mana wutxhari ngu ka sileleto.
13Kuthava Mkoma ngu venga wubihi;
na venga kutikulisa ni mahanyelo o biha,
ni nzila ya walo, ni txisofu txo ruketela.
14Sileleto ni wutxhari wa ditshuri si huma kwangu;
ani ngani mapimo, mtamo wu huma kwangu.
15Vafumeli va fumiswa ngu ngani,
ni vathangeli va ruma wululamo.
16Vathangeli ni va nduma va fumiswa ngu ngani,
ina, ni votshe valamuli va ha mafuni.
17Ani ni randa vale va ni randako,
ni vale va ni lavako ni mabimbi-kutxa, va ni mana.
18Tithomba ni kudhundeka, si ni nani;
ina, tithomba ta kwa mbi guma, ni wululamo.
19Mihando yangu yi txhuko kupinda nzalama, ina nzalama yo sefwa;
ni si si humako ngu kwangu, si txhuko kupinda silivhela yo sawulwa.
20Na tsimbitisa ngu nzila ya kululama,
hagari ka tinzila ta wulamuli.
21Kasi kumaha ti taku avale va ni randako,
ve mana thomba ya kwa mbi guma, ve tata sisangala sawe.
22 Mkoma a ni mani makhatoni ka tinzila takwe,
na asi se maha mithumo yakwe ya kale ngutu.
23Kukhukhela ka kaleko ani ni totilwe;
kukhukhela kukhatani, na ma si se khatwa mafu.
24Ni vangilwe ku si se vaho kuhokoma;
kambe na ku si se vaho sisima so tala ngu mati.
25Ani ni vangilwe ku si se mahwa mimango,
kambe na ku si se mahwa simangwana.
26 Mkoma asi se maha mafu ni sitinga,
na asi se khata kumaha lithulu la ditiko.
27Mbimo yile ene a nga gwimba nzuma ani ni ti ti ho;
mbimo yile a nga ti ti pimeletela mabambe ka kuhokoma;
28mbimo yile a nga ti ti tsanisa marefu txitimwi,
mbimo yile a nga ti ti tsanisa sisima sa kuhokoma;
29mbimo yile a nga ti ti veka magwito a linene,
kasi ku mati ma si pindi kuruma kwakwe;
mbimo yile a nga ti ti folisela sitsaniso sa mafu,
30sekoko ani ni ti ti kumweko nayo, ni ti ti m'gondiswa wakwe;
kambe ditshiku ni ditshiku ni ti ti mtsakisa,
ni zilimuka masoni kwakwe yotshe mbimo,
31ni zilimuka ka ditiko dakwe do zumba ka dona,
se ni mana kutsaka kwangu ni vanana va vathu.
32Kona kuwa koko, vanangu, ni engiseni,
nguko va na kateka vale va no veketa tinzila tangu.
33Engisisani kukawukwa, mi nga ku lambeni,
kambe kulaveka ku mi txhariha.
34A katekile m'thu wule a ni engisako,
a zumbako e wonetela ha txikeni kwangu ditshiku ni ditshiku,
e verela misasimoni ka sike sangu.
35Nguko awule a no ni mana a na mana wutomi,
kambe a na mana kukatekiswa ngu Mkoma.
36Se wule a no ni onhela, a na lwisa muhefemulo wakwe apune,
votshe vale va ni vengako, va randa kufa.
Currently Selected:
Mavingu 8: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 8
8
Kuguletwa ka Wutxhari
1Ina Wutxhari kha wu dhuki wu kwangula kani?
Ni kupfisisa kha kuhumisi dipswi da kona kani?
2Titshokani ko guleka, hafuhi ni nzila,
mahandakanyani ka tinzila, wutxhari wa maneka.
3Madhawani ka matimba a didhoropa,
sidingeni ka didhoropa ni hamatimbani wa dhana:
4Kwanu anu vathu, na kwangula;
kambe dipswi dangu diya ka vanana va vathu.
5Pfisisani anu vo mbi na wutxhari, ni wuzivi;
ni nanu siphukuphuku pfisisani ngu mbiluni.
6Engisani nguko ni na womba mapswi amanene;
txisofu txangu txi na asama, kasi ku dinganisela.
7Nguko txisofu txangu txi na womba ditshuri;
txisofu txangu txa venga wubihi.
8Ngo lulama otshe mapswi a txisofu txangu;
ka ona kuwalo ni tximwetxo txo xanisa ni txo onha.
9Otshe mapswi amanene ka wule a ma pfisisako;
ni kululama ka vale va manako wuzivi.
10Amukelani silayelo sangu, i si nga silivhela,
ni wuzivi kupinda nzalama yo hehuka yo sawulwa.
11Nguko i txhuko wutxhari kupinda marigwi a lisima;
hambi sotshe si si navetisako, kha si na kufana ni wutxhari.
12Ani wutxhari, ni zumba ni wuzivi,
ni mana wutxhari ngu ka sileleto.
13Kuthava Mkoma ngu venga wubihi;
na venga kutikulisa ni mahanyelo o biha,
ni nzila ya walo, ni txisofu txo ruketela.
14Sileleto ni wutxhari wa ditshuri si huma kwangu;
ani ngani mapimo, mtamo wu huma kwangu.
15Vafumeli va fumiswa ngu ngani,
ni vathangeli va ruma wululamo.
16Vathangeli ni va nduma va fumiswa ngu ngani,
ina, ni votshe valamuli va ha mafuni.
17Ani ni randa vale va ni randako,
ni vale va ni lavako ni mabimbi-kutxa, va ni mana.
18Tithomba ni kudhundeka, si ni nani;
ina, tithomba ta kwa mbi guma, ni wululamo.
19Mihando yangu yi txhuko kupinda nzalama, ina nzalama yo sefwa;
ni si si humako ngu kwangu, si txhuko kupinda silivhela yo sawulwa.
20Na tsimbitisa ngu nzila ya kululama,
hagari ka tinzila ta wulamuli.
21Kasi kumaha ti taku avale va ni randako,
ve mana thomba ya kwa mbi guma, ve tata sisangala sawe.
22 Mkoma a ni mani makhatoni ka tinzila takwe,
na asi se maha mithumo yakwe ya kale ngutu.
23Kukhukhela ka kaleko ani ni totilwe;
kukhukhela kukhatani, na ma si se khatwa mafu.
24Ni vangilwe ku si se vaho kuhokoma;
kambe na ku si se vaho sisima so tala ngu mati.
25Ani ni vangilwe ku si se mahwa mimango,
kambe na ku si se mahwa simangwana.
26 Mkoma asi se maha mafu ni sitinga,
na asi se khata kumaha lithulu la ditiko.
27Mbimo yile ene a nga gwimba nzuma ani ni ti ti ho;
mbimo yile a nga ti ti pimeletela mabambe ka kuhokoma;
28mbimo yile a nga ti ti tsanisa marefu txitimwi,
mbimo yile a nga ti ti tsanisa sisima sa kuhokoma;
29mbimo yile a nga ti ti veka magwito a linene,
kasi ku mati ma si pindi kuruma kwakwe;
mbimo yile a nga ti ti folisela sitsaniso sa mafu,
30sekoko ani ni ti ti kumweko nayo, ni ti ti m'gondiswa wakwe;
kambe ditshiku ni ditshiku ni ti ti mtsakisa,
ni zilimuka masoni kwakwe yotshe mbimo,
31ni zilimuka ka ditiko dakwe do zumba ka dona,
se ni mana kutsaka kwangu ni vanana va vathu.
32Kona kuwa koko, vanangu, ni engiseni,
nguko va na kateka vale va no veketa tinzila tangu.
33Engisisani kukawukwa, mi nga ku lambeni,
kambe kulaveka ku mi txhariha.
34A katekile m'thu wule a ni engisako,
a zumbako e wonetela ha txikeni kwangu ditshiku ni ditshiku,
e verela misasimoni ka sike sangu.
35Nguko awule a no ni mana a na mana wutomi,
kambe a na mana kukatekiswa ngu Mkoma.
36Se wule a no ni onhela, a na lwisa muhefemulo wakwe apune,
votshe vale va ni vengako, va randa kufa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.