Mavingu 30
30
Mapswi a Aguri
1Mapswi a Aguri, mwana Jake, xolo.
Wamwamna wuwa, a to khene ka Itiyeli.
Ka Itiyeli ni ka Ukali.
2Ngu ditshuri ani kha ni zivi txilo
kupinda votshe;
kha ni nga ni mapimo a wuthu,
3kambe kha na gonda wutxhari,
hambi ku m'ziva Msawuleki.
4I mani a nga nga kwela nzumani, e gwita e txhika kani?
I mani a nga nga fumbareta moya ngu manza kani?
I mani a nga nga phutela mati amu ka simaha kani?
I mani a nga nga veka mihingano ya mafu kani?
I mani ditina dakwe, ni ditina da mwanana wakwe, mwendo wa di ziva kani?
5Otshe mapswi a Txizimu ngo Sawuleka; nzitxhavangu ka vale va thembako ka txona. 6U nga engetele txilo ka mapswi akwe, kasi u si ti layi, u maneka u di hembile.
Mkombelo wokari
7Ni ku kombete silo simbidi; u nga ni tone, ni sanzi kufa: 8Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela. 9Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.
Mamwani mavingu
10U nga lenge txithumi masoni ka nyamne wa txona, kasiku txi si ku ruki, u mana mnandu.
11Ku ni liveleko li rukako tate wa lona, kambe li si dhundiko mwamwa lona.
12Ku ni liveleko li ti wonako li di sawulekile, na kuve kha li zivi ka nga kuwulwa kubihani ka lona.
13Ku ni liveleko lo ti wona li ti gulekile, ni timboni ta kona ti kombako txitimwi.
14Ku ni liveleko lile makwasa a lona i ku matxhari, na kuve sisofu sa kona ndimesa, kasi ku li lovisa vathu vo xaniseka, ni sisiwana, ha mafuni.
15Mtshundwa wu ni vanana vambidi va ku kha vona: Ni ninge, ni ninge. Simaha si sasiraru kha si dhuki si khura; ni mune si si dhukiko si txi kha sona: Ti dingani:
16Dithitha,
ni mrumbu wa txifule,
mafu ma si khuriko ngu mati,
ni mndilo wu si dhukiko wu txi kha wona: Ti dingani.
17Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.
18Ku ni simaha siraru si ni xamalisako, ni txa wumune ni si txi ziviko:
19Nzila ya digama nzumani,
nzila ya mnyoka ha ka marigwi,
nzila ya txitimela hagari ka linene,
ni nzila ya wamwamna ni mbiri.
20Ngu toneto, ni nzila ya wamsikati wa digelegele: Ene wa dya, e bahulela txisofu txakwe, a txi khene: Kha na maha to biha.
21Ngu silo siraru ma zinginika mafu, ni txa wumune txi sikotiko ku ma tsanisa:
22I ku txithumi mbimo yile txi ku ta fuma;
ni txiphukuphuku ngako txi txi khura ngu sakudya;
23ngu wamsikati wo vengelwa mbimo yi a txhadhako;
hambi txithumi mbimo yi txi dyako thomba ya nyamne wa txona.
24Simaha siya sa mune, nzimweso ka sile sa sidotho ha mafuni, kambe u txi tiziva, si nga ningwa wutxhari kha kwati:
25Titshokoti lixaka la lisima ngutu; mbimo ya kuhisa ti sengeletela sakudya sa tona;
26minvunza lixaka la wukheta; hambi keto, yi aka tinyumba ta yona marigwini;
27tihumbi kha ti nga ni mfumeli; aniko totshe ta huma, ti abanelana ngu mitxawa;
28nyazombe wa ñolwa ngu manza, kambe wa maneka tinyumbani ka vafumeli.
29Ku ni siraru si ku ni matsimbilelo amanene, ni txa wumune txi tsimbilatsimbilako ngutu:
30Ngonyamo, i ku ya mtamo ngutu hagari ka sihari, kha yi tshumetelwi msana ngu m'thu;
31dihantxhi da yimbi, na di ti tsanisilwe msana;
ngu toneto mabhongwe nene;
ni mfumeli wule ti si kotekiko ku mueyisa.
32Ngako u di tsimbite ngu wuphukuphuku, u ti guleta, ni kungako u di pimisete to biha, veka dianza ha ka txisofu.
33Nguko ku txi sengwa masi ka maneka dithoma,
se ku txi kamwa thonvu, kuhuma mnoha,
se ku txi wuswa kuhenya kuhumisa dizunga.
Currently Selected:
Mavingu 30: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 30
30
Mapswi a Aguri
1Mapswi a Aguri, mwana Jake, xolo.
Wamwamna wuwa, a to khene ka Itiyeli.
Ka Itiyeli ni ka Ukali.
2Ngu ditshuri ani kha ni zivi txilo
kupinda votshe;
kha ni nga ni mapimo a wuthu,
3kambe kha na gonda wutxhari,
hambi ku m'ziva Msawuleki.
4I mani a nga nga kwela nzumani, e gwita e txhika kani?
I mani a nga nga fumbareta moya ngu manza kani?
I mani a nga nga phutela mati amu ka simaha kani?
I mani a nga nga veka mihingano ya mafu kani?
I mani ditina dakwe, ni ditina da mwanana wakwe, mwendo wa di ziva kani?
5Otshe mapswi a Txizimu ngo Sawuleka; nzitxhavangu ka vale va thembako ka txona. 6U nga engetele txilo ka mapswi akwe, kasi u si ti layi, u maneka u di hembile.
Mkombelo wokari
7Ni ku kombete silo simbidi; u nga ni tone, ni sanzi kufa: 8Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela. 9Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.
Mamwani mavingu
10U nga lenge txithumi masoni ka nyamne wa txona, kasiku txi si ku ruki, u mana mnandu.
11Ku ni liveleko li rukako tate wa lona, kambe li si dhundiko mwamwa lona.
12Ku ni liveleko li ti wonako li di sawulekile, na kuve kha li zivi ka nga kuwulwa kubihani ka lona.
13Ku ni liveleko lo ti wona li ti gulekile, ni timboni ta kona ti kombako txitimwi.
14Ku ni liveleko lile makwasa a lona i ku matxhari, na kuve sisofu sa kona ndimesa, kasi ku li lovisa vathu vo xaniseka, ni sisiwana, ha mafuni.
15Mtshundwa wu ni vanana vambidi va ku kha vona: Ni ninge, ni ninge. Simaha si sasiraru kha si dhuki si khura; ni mune si si dhukiko si txi kha sona: Ti dingani:
16Dithitha,
ni mrumbu wa txifule,
mafu ma si khuriko ngu mati,
ni mndilo wu si dhukiko wu txi kha wona: Ti dingani.
17Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.
18Ku ni simaha siraru si ni xamalisako, ni txa wumune ni si txi ziviko:
19Nzila ya digama nzumani,
nzila ya mnyoka ha ka marigwi,
nzila ya txitimela hagari ka linene,
ni nzila ya wamwamna ni mbiri.
20Ngu toneto, ni nzila ya wamsikati wa digelegele: Ene wa dya, e bahulela txisofu txakwe, a txi khene: Kha na maha to biha.
21Ngu silo siraru ma zinginika mafu, ni txa wumune txi sikotiko ku ma tsanisa:
22I ku txithumi mbimo yile txi ku ta fuma;
ni txiphukuphuku ngako txi txi khura ngu sakudya;
23ngu wamsikati wo vengelwa mbimo yi a txhadhako;
hambi txithumi mbimo yi txi dyako thomba ya nyamne wa txona.
24Simaha siya sa mune, nzimweso ka sile sa sidotho ha mafuni, kambe u txi tiziva, si nga ningwa wutxhari kha kwati:
25Titshokoti lixaka la lisima ngutu; mbimo ya kuhisa ti sengeletela sakudya sa tona;
26minvunza lixaka la wukheta; hambi keto, yi aka tinyumba ta yona marigwini;
27tihumbi kha ti nga ni mfumeli; aniko totshe ta huma, ti abanelana ngu mitxawa;
28nyazombe wa ñolwa ngu manza, kambe wa maneka tinyumbani ka vafumeli.
29Ku ni siraru si ku ni matsimbilelo amanene, ni txa wumune txi tsimbilatsimbilako ngutu:
30Ngonyamo, i ku ya mtamo ngutu hagari ka sihari, kha yi tshumetelwi msana ngu m'thu;
31dihantxhi da yimbi, na di ti tsanisilwe msana;
ngu toneto mabhongwe nene;
ni mfumeli wule ti si kotekiko ku mueyisa.
32Ngako u di tsimbite ngu wuphukuphuku, u ti guleta, ni kungako u di pimisete to biha, veka dianza ha ka txisofu.
33Nguko ku txi sengwa masi ka maneka dithoma,
se ku txi kamwa thonvu, kuhuma mnoha,
se ku txi wuswa kuhenya kuhumisa dizunga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.