Mavingu 18
18
1Awule a ti vekako kule a xota maalakanyo akwe ekha; ene a lwisa wutxhari wa ditshuri.
2Txiphukuphuku kha txi txakiswi ngu mipimiso ya yinene, hahanze ka kuhumisa ti ti ku mbiluni ka txona.
3A txi ta muonhi, ata ni kutxhipisa; txiruko txita ngu mu ka tingana.
4Mapswi a mkanani ka m'thu, mati o mita, txisima txa wutxhari txi fanana ni txinambwana txo tala ngu mati me thekelela.
5Hi nga tinene kuemela m'bihi, ku txi wiswa wo lulama kulamulwani.
6Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.
7Txiphukuphuku txi fuviswa ngu txisofu txa txona txi pune, se txisofu txa txona, mlawu ka muhefemulo wa txona.
8Mapswi a m'thu wa txibwebwe ma nga sakudya so lombela, si wulelako mndani ka mrumbu.
9Nene wule a thumisako kuonhetela, mmweyo ni mxakeli.
10Ditina da Mkoma dinera do tsana, mlulami a na tutumela ka dona, eya ti khongelela a di txitimwi.
11Didhoropa do tsana da m'thu ngu thomba yakwe, yi fana ni diguma do guleka mu ka mapimo akwe.
12Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.
13Kuxamula u si se pfisisa, mbuphukuphuku ni tingana.
14Kutsaka ka mbilu ya m'thu, ku na kalamukisa malwati akwe, aniko i mani a nga wusako mbilu yo pandiseka kani?
15Mbilu ya txhari ya mana wuzivi, se nzeve ya titxhari ya mana wuzivi.
16Txiningo txa m'thu txa mtulela nzila, ni ku mtshuketisa hafuhi ka vahombe.
17Awule a khatisako kuangula, a nga a maneka ditshurini; aniko a txita mmwani e ta mkaneta.
18Xolo ya malata kukanetisana, yi abanisa vathu va mitamo.
19Ta karata kuboxisa mwananu a di henyisilwe, kupinda kuxula didhoropa do tsana; ni mazunga ma fana ni matimba a tisimbi nyumbani ka wukoma.
20Mrumbu wa m'thu ni m'thu wu na khuriswa ngu mapswi a txisofu txakwe; a na khuriswa ngu si si humako txisofuni kwakwe.
21Kufa ni kuhanya si mtamoni ka lidimi; se awule a li dhundako a na dya mihando ya lona.
22Awule a manako msikati a mana txilo txatxinene, kambe a mani kukatekiswa ngu Mkoma.
23Txisiwana txi womba-womba ngu kukhongotela, aniko nyatithombe a womba-womba ngu kunemetisela. 24M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.
Currently Selected:
Mavingu 18: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 18
18
1Awule a ti vekako kule a xota maalakanyo akwe ekha; ene a lwisa wutxhari wa ditshuri.
2Txiphukuphuku kha txi txakiswi ngu mipimiso ya yinene, hahanze ka kuhumisa ti ti ku mbiluni ka txona.
3A txi ta muonhi, ata ni kutxhipisa; txiruko txita ngu mu ka tingana.
4Mapswi a mkanani ka m'thu, mati o mita, txisima txa wutxhari txi fanana ni txinambwana txo tala ngu mati me thekelela.
5Hi nga tinene kuemela m'bihi, ku txi wiswa wo lulama kulamulwani.
6Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.
7Txiphukuphuku txi fuviswa ngu txisofu txa txona txi pune, se txisofu txa txona, mlawu ka muhefemulo wa txona.
8Mapswi a m'thu wa txibwebwe ma nga sakudya so lombela, si wulelako mndani ka mrumbu.
9Nene wule a thumisako kuonhetela, mmweyo ni mxakeli.
10Ditina da Mkoma dinera do tsana, mlulami a na tutumela ka dona, eya ti khongelela a di txitimwi.
11Didhoropa do tsana da m'thu ngu thomba yakwe, yi fana ni diguma do guleka mu ka mapimo akwe.
12Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.
13Kuxamula u si se pfisisa, mbuphukuphuku ni tingana.
14Kutsaka ka mbilu ya m'thu, ku na kalamukisa malwati akwe, aniko i mani a nga wusako mbilu yo pandiseka kani?
15Mbilu ya txhari ya mana wuzivi, se nzeve ya titxhari ya mana wuzivi.
16Txiningo txa m'thu txa mtulela nzila, ni ku mtshuketisa hafuhi ka vahombe.
17Awule a khatisako kuangula, a nga a maneka ditshurini; aniko a txita mmwani e ta mkaneta.
18Xolo ya malata kukanetisana, yi abanisa vathu va mitamo.
19Ta karata kuboxisa mwananu a di henyisilwe, kupinda kuxula didhoropa do tsana; ni mazunga ma fana ni matimba a tisimbi nyumbani ka wukoma.
20Mrumbu wa m'thu ni m'thu wu na khuriswa ngu mapswi a txisofu txakwe; a na khuriswa ngu si si humako txisofuni kwakwe.
21Kufa ni kuhanya si mtamoni ka lidimi; se awule a li dhundako a na dya mihando ya lona.
22Awule a manako msikati a mana txilo txatxinene, kambe a mani kukatekiswa ngu Mkoma.
23Txisiwana txi womba-womba ngu kukhongotela, aniko nyatithombe a womba-womba ngu kunemetisela. 24M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.