Mavingu 15
15
1Kuxamula ko ti veka hahatshi ka releta kuhenya, kambe mapswi o nemela ma wusa kuhenya.
2Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.
3Maso a Mkoma ma wona ka otshe makhalo, ma wonetela vabihi ni vavanene.
4Mndonga wa wutomi, ngu lidimi li li hanyako, kambe wubihi wa lona, wa funya muhefemulo.
5Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.
6Nyumbani ka m'thu wo lulama, kumaneka thomba ya hombe, aniko ka mihando ya muonhi ku ni ku khulumeteka.
7Sisofu sa titxhari si na theketa wuzivi, kambe mbilu ya siphukuphuku kha yi na mbi maha eto.
8Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.
9Nzila ya muonhi njinyenyeko ka Mkoma, aniko ene a randa wule a tsimbilako ngu kululama.
10Kukawuka kuho txitimwi ka wule a lekako nzila, se wule a nyenyako silayo, a na fa.
11Mndiloni ni kufani ka wonwa ngu Mkoma; kha na kutandeka kuwona timbilu ta vanana va vathu.
12Mtseketseli kha dhundi m'thu wule a mkawukako, hambi kutshuketela hafuhi ka wo txhariha.
13Mbilu yo tsaka ya tshurisa khohe ya m'thu, aniko ngu kupanda ka mbilu, wa funywa muhefemulo.
14Mbilu yo pfisisa ya xota wuzivi, aniko txisofu txa siphukuphuku txi na dyiswa ngu wuphukuphuku wa txona.
15Otshe masiku a m'thu wo xaniseka ma bihile, aniko awule mbilu yakwe yi tsakako, a ni m'buso wo mbi gwita.
16I txhuko kuva ni sa sidotho u txi thava Mkoma, kupinda kuva ni thomba ya hombe, na ku si nga ni kuthutha.
17I txhuko kudya mndiwo wa mazokoro, na ku di ni lirando, kupinda nyama ya homu yo nona, na ku di ni livengo.
18M'thu wa txihenyisani wa wusa mazunga, aniko wule wo timisela wa malata kulwa.
19Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.
20Mwanana wo txhariha a tsakisa tate wakwe, aniko m'thu wo mbi engisa mlayo a eyisa mwamwakwe.
21Wuphukuphuku litsako ka wule wo pwata mapimo, aniko m'thu wa mapimo a tsimbila ngu kululama.
22Aha ku kuwalo mlayo, mithumo ya kona kha yi na dibhindu, aniko yi tsaniswa ngu madhota amangi.
23M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.
24Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.
25 Mkoma a na khundumusa nyumba ya vale vo ti guleta, aniko a na tsanisa thomba ya noni.
26Mipimiso ya wo biha njinyenyeko ka Mkoma, aniko mapswi a vale va nga basa, ma mtsakisa.
27Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.
28Mbilu ya m'thu wo lulama ya pimisa ti a no xamula, aniko txisofu txa vaonhi, txi theketela sasingi so biha.
29 Mkoma a kule ni vaonhi, kambe a na engisela mikombelo ya vo lulama.
30Litsako la maso la tsakisa mbilu, nduma ya yinene yi nonisa ni marambu.
31Awule a engisako milayo yo hanyisa, a na aka m'ti hagari ka titxhari.
32Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.
33Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.
Currently Selected:
Mavingu 15: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 15
15
1Kuxamula ko ti veka hahatshi ka releta kuhenya, kambe mapswi o nemela ma wusa kuhenya.
2Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.
3Maso a Mkoma ma wona ka otshe makhalo, ma wonetela vabihi ni vavanene.
4Mndonga wa wutomi, ngu lidimi li li hanyako, kambe wubihi wa lona, wa funya muhefemulo.
5Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.
6Nyumbani ka m'thu wo lulama, kumaneka thomba ya hombe, aniko ka mihando ya muonhi ku ni ku khulumeteka.
7Sisofu sa titxhari si na theketa wuzivi, kambe mbilu ya siphukuphuku kha yi na mbi maha eto.
8Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.
9Nzila ya muonhi njinyenyeko ka Mkoma, aniko ene a randa wule a tsimbilako ngu kululama.
10Kukawuka kuho txitimwi ka wule a lekako nzila, se wule a nyenyako silayo, a na fa.
11Mndiloni ni kufani ka wonwa ngu Mkoma; kha na kutandeka kuwona timbilu ta vanana va vathu.
12Mtseketseli kha dhundi m'thu wule a mkawukako, hambi kutshuketela hafuhi ka wo txhariha.
13Mbilu yo tsaka ya tshurisa khohe ya m'thu, aniko ngu kupanda ka mbilu, wa funywa muhefemulo.
14Mbilu yo pfisisa ya xota wuzivi, aniko txisofu txa siphukuphuku txi na dyiswa ngu wuphukuphuku wa txona.
15Otshe masiku a m'thu wo xaniseka ma bihile, aniko awule mbilu yakwe yi tsakako, a ni m'buso wo mbi gwita.
16I txhuko kuva ni sa sidotho u txi thava Mkoma, kupinda kuva ni thomba ya hombe, na ku si nga ni kuthutha.
17I txhuko kudya mndiwo wa mazokoro, na ku di ni lirando, kupinda nyama ya homu yo nona, na ku di ni livengo.
18M'thu wa txihenyisani wa wusa mazunga, aniko wule wo timisela wa malata kulwa.
19Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.
20Mwanana wo txhariha a tsakisa tate wakwe, aniko m'thu wo mbi engisa mlayo a eyisa mwamwakwe.
21Wuphukuphuku litsako ka wule wo pwata mapimo, aniko m'thu wa mapimo a tsimbila ngu kululama.
22Aha ku kuwalo mlayo, mithumo ya kona kha yi na dibhindu, aniko yi tsaniswa ngu madhota amangi.
23M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.
24Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.
25 Mkoma a na khundumusa nyumba ya vale vo ti guleta, aniko a na tsanisa thomba ya noni.
26Mipimiso ya wo biha njinyenyeko ka Mkoma, aniko mapswi a vale va nga basa, ma mtsakisa.
27Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.
28Mbilu ya m'thu wo lulama ya pimisa ti a no xamula, aniko txisofu txa vaonhi, txi theketela sasingi so biha.
29 Mkoma a kule ni vaonhi, kambe a na engisela mikombelo ya vo lulama.
30Litsako la maso la tsakisa mbilu, nduma ya yinene yi nonisa ni marambu.
31Awule a engisako milayo yo hanyisa, a na aka m'ti hagari ka titxhari.
32Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.
33Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.