Mavingu 13
13
1Mwanana wo txhariha wa engisa kulaya ka tate wakwe, aniko mtseketseli kha engisi kukawukwa.
2Mmweyo ni mmweyo ngu mihando ya txisofu txakwe, a na dya wunene, aniko moya wa vakanganyisi wu na dya timboyinga.
3Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.
4Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.
5M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.
6Wululamo wa xayisa m'thu wamnene nzilani kwakwe, aniko wubihi wu na wisa muonhi.
7Ku ni wule a ti mahako nyatithombe, na asi nga ni txilo ni txa tximwetxo, ni wule a ti mahako txisiwana, na a di ni thomba yayingi.
8Kuwuyelwa ka m'thu ni m'thu ngu tithomba takwe, aniko txisiwana kha txi pfi kudhukiselwa.
9Liwoningo la vo lulama la tsakisa, aniko dilambu da vaonhi di na timeka.
10Kutikulisa kutisa mazunga, aniko wutxhari wu manwa ka vale va ningako milayo.
11Thomba yo manwa ngu wukanganyisi yi na boxa, aniko awule a yi manako ngu kuthuma, a na engetelwa.
12Kuverela ko swela ka karalisa mbilu, aniko kuhoka ka tile ti navelwako, mndonga wa wutomi.
13Awule a nyenyako silayelo a na lova, aniko awule a thavako mlayo, a na wuyelwa.
14Gondo ya txhari, njisima txa wutomi, txo vayilelisa m'thu ka milawu ya lifo.
15Mapimiselo amanene ma tsakisa, aniko nzila ya vakanganyisi ya lovisa.
16Votshe vale vo txhariha va tsimbila ngu wuzivi, aniko txiphukuphuku txi hangalasa wuphukuphuku wa txona.
17Txirumwa txo biha txi wela kubihani, aniko txirumwa txo thembeka ngu hanya.
18Wusiwana ni tingana si nata ka wule a nyenyako kulaywa, aniko awule a veketako kukawukwa, a na dhundwa.
19Kunavela kule kutatisekako ka tsakisa moya, aniko kuhambana ni wubihi njinyenyeko ka siphukuphuku.
20Hanya ni titxhari u na txhariha, aniko mngana wa siphukuphuku a na xaniswa.
21Wubihi wu na londisela vaonhi, aniko vo lulama va na wuyelwa ngu wunene.
22M'thu wa wunene, a siyela thomba vanana va vanana vakwe, aniko thomba ya muonhi yi ningelwa ka wo lulama.
23Thembweni ka txisiwana ka pfuna sakudya, aniko vaho vokari va xanisekako ngu kupwata mapimo.
24Awule a vekako limhika lakwe a venga mwanana wakwe, aniko awule a mrandako, wa mtsayisa ngu mbimo ya kona.
25M'thu wo lulama wa dya kala kuza moya wakwe wu tsaka, aniko mndani ka wo biha ku na otela ni nzala.
Currently Selected:
Mavingu 13: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 13
13
1Mwanana wo txhariha wa engisa kulaya ka tate wakwe, aniko mtseketseli kha engisi kukawukwa.
2Mmweyo ni mmweyo ngu mihando ya txisofu txakwe, a na dya wunene, aniko moya wa vakanganyisi wu na dya timboyinga.
3Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.
4Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.
5M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.
6Wululamo wa xayisa m'thu wamnene nzilani kwakwe, aniko wubihi wu na wisa muonhi.
7Ku ni wule a ti mahako nyatithombe, na asi nga ni txilo ni txa tximwetxo, ni wule a ti mahako txisiwana, na a di ni thomba yayingi.
8Kuwuyelwa ka m'thu ni m'thu ngu tithomba takwe, aniko txisiwana kha txi pfi kudhukiselwa.
9Liwoningo la vo lulama la tsakisa, aniko dilambu da vaonhi di na timeka.
10Kutikulisa kutisa mazunga, aniko wutxhari wu manwa ka vale va ningako milayo.
11Thomba yo manwa ngu wukanganyisi yi na boxa, aniko awule a yi manako ngu kuthuma, a na engetelwa.
12Kuverela ko swela ka karalisa mbilu, aniko kuhoka ka tile ti navelwako, mndonga wa wutomi.
13Awule a nyenyako silayelo a na lova, aniko awule a thavako mlayo, a na wuyelwa.
14Gondo ya txhari, njisima txa wutomi, txo vayilelisa m'thu ka milawu ya lifo.
15Mapimiselo amanene ma tsakisa, aniko nzila ya vakanganyisi ya lovisa.
16Votshe vale vo txhariha va tsimbila ngu wuzivi, aniko txiphukuphuku txi hangalasa wuphukuphuku wa txona.
17Txirumwa txo biha txi wela kubihani, aniko txirumwa txo thembeka ngu hanya.
18Wusiwana ni tingana si nata ka wule a nyenyako kulaywa, aniko awule a veketako kukawukwa, a na dhundwa.
19Kunavela kule kutatisekako ka tsakisa moya, aniko kuhambana ni wubihi njinyenyeko ka siphukuphuku.
20Hanya ni titxhari u na txhariha, aniko mngana wa siphukuphuku a na xaniswa.
21Wubihi wu na londisela vaonhi, aniko vo lulama va na wuyelwa ngu wunene.
22M'thu wa wunene, a siyela thomba vanana va vanana vakwe, aniko thomba ya muonhi yi ningelwa ka wo lulama.
23Thembweni ka txisiwana ka pfuna sakudya, aniko vaho vokari va xanisekako ngu kupwata mapimo.
24Awule a vekako limhika lakwe a venga mwanana wakwe, aniko awule a mrandako, wa mtsayisa ngu mbimo ya kona.
25M'thu wo lulama wa dya kala kuza moya wakwe wu tsaka, aniko mndani ka wo biha ku na otela ni nzala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.