Mavingu 10
10
Mavingu a Solomoni
1Ndiya Mavingu a Solomoni. Mwanana wo txhariha a tsakisa tate wakwe, aniko mwanana wu i ku txiphukuphuku i xomulo ka mwamwakwe.
2Sisangala sa wubihi kha si vhuni txilo; aniko kululama ka txhatxhisa kufani.
3 Mkoma kha leki dihika da wo lulama difa ngu nzala, aniko kunavela ka wo biha wa kutsivela.
4Awule a thumako ngu manza o kanganyisa wa maha txisiwana, aniko wa nonisa manza a vale va pfisisako.
5Awule a sengeletelako ngu mbimo yo funyela mwanana wo txhariha, aniko wule a otelako kuelulani, mwanana wo wisa tingana.
6Sikatekiso si ha msungo ka wule wo lulama, aniko kulwisa ka tsiva sisofu sa vaonhi.
7Ku alakanywa ka wo lulama ku katekile, aniko ditina da vaonhi di na sina.
8Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.
9Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.
10Awule a valutelako ngu maso wa pfisa kupanda, kambe txisofu txa txiphukuphuku txi na wiswa tingana.
11Txisofu txa wo lulama njisima txa wutomi, aniko kulwisa ka tsiva sisofu sa vo biha.
12 # Wona ni ka: Jak. 5:20; 1 Ped. 4:8. Livengo li kujetela mazunga, aniko lirando la fenengeta sotshe sihambunyeto.
13Txisofuni ka txhari kumaneka wutxhari, aniko limhika li peka msana wa wule wo pwata mapimo.
14Titxhari ta ti xayisela wutxhari, aniko txisofu txa txiphukuphuku txo hasamula.
15Thomba ya nyatithombe, ngu yona i ku didhoropa dakwe do tsana; sisiwana si fuviswa ngu wusiwana wa sona.
16Mithumo ya m'thu wo lulama yi myisa kuhanyani, simaho sa muonhi si myisa kuonhani.
17Nzila yo yisa kuhanyani, yi lumba wule a xayisako kukawukwa, aniko awule a lekako kukawukwa wa hoheta.
18Awule a sisako livengo wa hemba ngu txisofu, ni wule a lumbetako njiphukuphuku.
19Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.
20Lidimi la m'thu wo lulama i silivhela yo sawulwa; mbilu ya vaonhi kha yi na mtengo wa txilo.
21Txisofu txa m'thu wo lulama txa dyisa votala, aniko siphukuphuku ngu kupwata mapimo, sa fa.
22Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.
23Kusakana dwe ka maha txiphukuphuku txi onha; na kuve ka m'thu wa mapimo, mbutxhari.
24Kuthava ka wo biha, ku na wuya txitimwi kwakwe, aniko kunavela ka vo lulama ku na ningwa ngu Txizimu.
25Wo biha a pinda kufana ni txihuhuri, aniko mlulami a ni kutsana ko mbi gwita.
26Ku nga vhinagre amu ka makwasa, kufana ni wutshi amu ka maso, ngu toneto a ku ngu tona mkara ka vale va mrumako.
27Kuthava Mkoma ka engetela masiku, aniko malembe a vo biha ma na komiswa.
28Themba ya vo lulama ngu litsako, aniko kuverela ka vo biha ku na lova.
29Nzila ya Mkoma njitsaniso ka vo lulama, aniko kufuviswa ku nata ka vale va mahako to biha.
30M'thu wo lulama kha na mbi nga dhuka e zinginiswa, aniko vo biha kha va na mbi zumba ha mafuni.
31Txisofu txa m'thu wo lulama txi humisa wutxhari wo tala ngutu, aniko lidimi lo hambanisela li na wilwa.
32Txisofu txa m'thu wo lulama txa ziva to tsakisa, aniko sisofu sa vo biha, sitate ngu wukanganyisi.
Currently Selected:
Mavingu 10: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 10
10
Mavingu a Solomoni
1Ndiya Mavingu a Solomoni. Mwanana wo txhariha a tsakisa tate wakwe, aniko mwanana wu i ku txiphukuphuku i xomulo ka mwamwakwe.
2Sisangala sa wubihi kha si vhuni txilo; aniko kululama ka txhatxhisa kufani.
3 Mkoma kha leki dihika da wo lulama difa ngu nzala, aniko kunavela ka wo biha wa kutsivela.
4Awule a thumako ngu manza o kanganyisa wa maha txisiwana, aniko wa nonisa manza a vale va pfisisako.
5Awule a sengeletelako ngu mbimo yo funyela mwanana wo txhariha, aniko wule a otelako kuelulani, mwanana wo wisa tingana.
6Sikatekiso si ha msungo ka wule wo lulama, aniko kulwisa ka tsiva sisofu sa vaonhi.
7Ku alakanywa ka wo lulama ku katekile, aniko ditina da vaonhi di na sina.
8Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.
9Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.
10Awule a valutelako ngu maso wa pfisa kupanda, kambe txisofu txa txiphukuphuku txi na wiswa tingana.
11Txisofu txa wo lulama njisima txa wutomi, aniko kulwisa ka tsiva sisofu sa vo biha.
12 # Wona ni ka: Jak. 5:20; 1 Ped. 4:8. Livengo li kujetela mazunga, aniko lirando la fenengeta sotshe sihambunyeto.
13Txisofuni ka txhari kumaneka wutxhari, aniko limhika li peka msana wa wule wo pwata mapimo.
14Titxhari ta ti xayisela wutxhari, aniko txisofu txa txiphukuphuku txo hasamula.
15Thomba ya nyatithombe, ngu yona i ku didhoropa dakwe do tsana; sisiwana si fuviswa ngu wusiwana wa sona.
16Mithumo ya m'thu wo lulama yi myisa kuhanyani, simaho sa muonhi si myisa kuonhani.
17Nzila yo yisa kuhanyani, yi lumba wule a xayisako kukawukwa, aniko awule a lekako kukawukwa wa hoheta.
18Awule a sisako livengo wa hemba ngu txisofu, ni wule a lumbetako njiphukuphuku.
19Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.
20Lidimi la m'thu wo lulama i silivhela yo sawulwa; mbilu ya vaonhi kha yi na mtengo wa txilo.
21Txisofu txa m'thu wo lulama txa dyisa votala, aniko siphukuphuku ngu kupwata mapimo, sa fa.
22Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.
23Kusakana dwe ka maha txiphukuphuku txi onha; na kuve ka m'thu wa mapimo, mbutxhari.
24Kuthava ka wo biha, ku na wuya txitimwi kwakwe, aniko kunavela ka vo lulama ku na ningwa ngu Txizimu.
25Wo biha a pinda kufana ni txihuhuri, aniko mlulami a ni kutsana ko mbi gwita.
26Ku nga vhinagre amu ka makwasa, kufana ni wutshi amu ka maso, ngu toneto a ku ngu tona mkara ka vale va mrumako.
27Kuthava Mkoma ka engetela masiku, aniko malembe a vo biha ma na komiswa.
28Themba ya vo lulama ngu litsako, aniko kuverela ka vo biha ku na lova.
29Nzila ya Mkoma njitsaniso ka vo lulama, aniko kufuviswa ku nata ka vale va mahako to biha.
30M'thu wo lulama kha na mbi nga dhuka e zinginiswa, aniko vo biha kha va na mbi zumba ha mafuni.
31Txisofu txa m'thu wo lulama txi humisa wutxhari wo tala ngutu, aniko lidimi lo hambanisela li na wilwa.
32Txisofu txa m'thu wo lulama txa ziva to tsakisa, aniko sisofu sa vo biha, sitate ngu wukanganyisi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.