Sidilo 1
1
Sixaniso sa Jerusalema
1Hi nga wonani txiwunda txa didhoropa dileya,
adiya kale di nga ti ti ni vathu votala!
Se konkuwa di hundukile nga noni
adi i nga ti da hombe hagari ka matiko;
ni mfumeli wa txisikati ka sidhoropana,
di hundukile di txi maha m'dihi wa resa.
2Didhoropa da Jerusalema di simama di txi dila ni wusiku;
mirongo ya dona yi pyololoka khoheni ka dona;
kha di nga ni mmalateli ka sotshe sirandwa sa dona;
votshe vangana va dona va di lekile
ve maha valala va dona.
3Judha a tsute wukhumbini,
ngu mhaka ya kupandiseka,
ni kukula ka wukhumbi wawe;
a zumba hagari ka matiko, kha humuli;
votshe vatovelisi vakwe va mkhakhetile
ha kupandisekani kwakwe.
4Tinzila ta Siyoni ta dila
nguko kha nga ho wu a tako ha msengeletanoni ka habanza;
sike sakwe sotshe si savatisilwe
vaphaxeli vakwe vatilaya;
votuma vakwe va pandisekile,
ni nene apune a ni kupandiseka.
5Valala vakwe va mxute,
valala vakwe va humelela
nguko Mkoma a mu wuyisete
ngu mhaka ya kutala ka sihoxo sakwe;
vanana vakwe, vayiswa wukhumbini
masoni ka valala.
6Se ngu ka mwanana wa txisikati wa Siyoni wu hangalakile wotshe wudhumo wakwe;
vathangeli vakwe va sate va txi fanana ni timbavala
to pwata libala lo dya ka lona;
ti tsimbila-tsimbila ti si nga ni mtamo masoni ka mxoti.
7Khumbula awe Jerusalema,
ka masiku a kuxaniseka ni ku ti lambisa kwako
ni sotshe si u nga ti si dhunda, si u nga ti naso ngu kale;
mbimo yi vathu vako va nga ti ti wa manzani ka mlala,
se ene a ti si nga ni muhefemuti
valala va muwoni va txi poyila kuwa kwakwe.
8Jerusalema a onhile ngutu
se ngu toneto, a tote nzambwa.
Votshe vale va nga ti mxonipha, se vamnyenyile,
nguko va woni wumbwiri wakwe;
se ene apune wa kuma
a txi namisa thamo.
9Nzambwa yakwe yi mu ka syambalo sakwe;
kha za a di alakanyile ngu magwito akwe;
ngu toneto, kuwa kwakwe kuvite ka hombe ngutu.
A pwata ni mmalateli:
“Wawo, Mkoma, kuxaniseka kwangu!
Nguko mlala wa ti guleta!”
10Mlala wakwe a mtekete tithomba takwe;
nguko a woni matiko ma txi wulela ka wukhalo wakwe wo sawuleka,
eyo awe Mkoma, u nga ti ma tsimbile kuwulela ka msengeletano wako.
11Votshe vathu vakwe va dila
va txi lava sakudya;
va xavisile tithomba tawe
ngu kulava sakudya,
kasi kuva txi wusa mitamo yawe;
“wona Mkoma, wonisisa koko,
a ti ni nyenyiswako tona.”
12Kha ti pandisi tiya,
kwanu motshenu mi pindako ngu nzila, kani?
Emani, mi wonisisa, mwendo ku ni mpando wo nga wangu!
Mkoma a nga ni tisela wona,
ngu ditshiku da txiviti txa kupandiseka kwakwe.
13Kukhukhela txitimwi, a rumete mndilo
wu txi ta wulela marambuni kwangu;
a ni riyete ngu mlawu
e ni wisa ngu nyamsane
dotshe ditshiku ni sate ni di dirumbini
ni si nga ni kutsaka.
14Ngu dianza dakwe a sungelete
nyanda ya sionho sangu
e si sungelela hamakata kwangu, nga dikange;
Mkoma a emisile mitamo yangu
se a txi ni ningela ka valala vangu;
se na tandeka kukhukha ni txi ema.
15 Mkoma a txhipisile totshe tindena tangu hagari kwangu;
a sengeletile vathu vo talwa ni majaha angu
a ni kandetete a txi nga o suka mauvha ha libangani,
ani ni ku dihorana da Judha.
16Se kona kuwa, ni dila ngu totshe ti ti nga ni humelela;
maso angu kha ma emi kuhuma mirongo;
awule a nga ti fanete ku ni malatela ni ku ni tsanisa
a maneka kule ngutu ni nani;
vanana vangu va hangalasilwe,
nguko mlala a ni xute.
17A guletile mawoko akwe Siyoni a txi khongela:
Aniko kha ku nga ni wo mthavelela;
Mkoma a rumile tito, ava va nga gwatama ni Israyeli ve va valala vakwe;
Jerusalema a fana ni nzambwa yo nyenyeza.
18“Mkoma a lulamile, nguko
ani koko ni eyisile milayo yakwe;
engisani koko anu motshenu, vathu,
mi txi wona kupandiseka kwangu;
votuma vangu ni majaha angu va tsute wukhumbini.
19Ni dhani vale va nga ti ni dhunda, aniko va ni kanganyisile;
vaphaxeli vangu ni madhota angu
va gumile amu didhoropani,
mbimo yi va nga ti lava sakudya,
so va txi wuseta mitamo yawe.
20Wona Mkoma, ati ni xanisekisako tona;
moya wangu wu ha kukaratekani ngutu.
Ni ha kupandisekani ka hombe ngutu,
nguko ni ti lambisile ngutu.
Hahanze kheya, ni dawetwe vanana ngu ditxhari;
mndani kwangu ku ni lifo.
21Va tipfa to na kuma,
aniko kha ni nga nayo wa ku ni xanguta.
Votshe valala vangu ava va nga ziva kuxaniseka kwangu,
va tsaka ngu ti u nga ni mahela;
aniko u txi na wuyisa ditshiku dile u ngadi womba,
ni vona va na fana ni nani.
22Wu nata wotshe wubihi wawe masoni kwako,
se va mahe ti u nga ni maha, ngu mhaka ya sionho sangu.
Nguko sidikwi sangu nza singi,
ni mbilu yangu ya panda ngutu.”
Currently Selected:
Sidilo 1: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Sidilo 1
1
Sixaniso sa Jerusalema
1Hi nga wonani txiwunda txa didhoropa dileya,
adiya kale di nga ti ti ni vathu votala!
Se konkuwa di hundukile nga noni
adi i nga ti da hombe hagari ka matiko;
ni mfumeli wa txisikati ka sidhoropana,
di hundukile di txi maha m'dihi wa resa.
2Didhoropa da Jerusalema di simama di txi dila ni wusiku;
mirongo ya dona yi pyololoka khoheni ka dona;
kha di nga ni mmalateli ka sotshe sirandwa sa dona;
votshe vangana va dona va di lekile
ve maha valala va dona.
3Judha a tsute wukhumbini,
ngu mhaka ya kupandiseka,
ni kukula ka wukhumbi wawe;
a zumba hagari ka matiko, kha humuli;
votshe vatovelisi vakwe va mkhakhetile
ha kupandisekani kwakwe.
4Tinzila ta Siyoni ta dila
nguko kha nga ho wu a tako ha msengeletanoni ka habanza;
sike sakwe sotshe si savatisilwe
vaphaxeli vakwe vatilaya;
votuma vakwe va pandisekile,
ni nene apune a ni kupandiseka.
5Valala vakwe va mxute,
valala vakwe va humelela
nguko Mkoma a mu wuyisete
ngu mhaka ya kutala ka sihoxo sakwe;
vanana vakwe, vayiswa wukhumbini
masoni ka valala.
6Se ngu ka mwanana wa txisikati wa Siyoni wu hangalakile wotshe wudhumo wakwe;
vathangeli vakwe va sate va txi fanana ni timbavala
to pwata libala lo dya ka lona;
ti tsimbila-tsimbila ti si nga ni mtamo masoni ka mxoti.
7Khumbula awe Jerusalema,
ka masiku a kuxaniseka ni ku ti lambisa kwako
ni sotshe si u nga ti si dhunda, si u nga ti naso ngu kale;
mbimo yi vathu vako va nga ti ti wa manzani ka mlala,
se ene a ti si nga ni muhefemuti
valala va muwoni va txi poyila kuwa kwakwe.
8Jerusalema a onhile ngutu
se ngu toneto, a tote nzambwa.
Votshe vale va nga ti mxonipha, se vamnyenyile,
nguko va woni wumbwiri wakwe;
se ene apune wa kuma
a txi namisa thamo.
9Nzambwa yakwe yi mu ka syambalo sakwe;
kha za a di alakanyile ngu magwito akwe;
ngu toneto, kuwa kwakwe kuvite ka hombe ngutu.
A pwata ni mmalateli:
“Wawo, Mkoma, kuxaniseka kwangu!
Nguko mlala wa ti guleta!”
10Mlala wakwe a mtekete tithomba takwe;
nguko a woni matiko ma txi wulela ka wukhalo wakwe wo sawuleka,
eyo awe Mkoma, u nga ti ma tsimbile kuwulela ka msengeletano wako.
11Votshe vathu vakwe va dila
va txi lava sakudya;
va xavisile tithomba tawe
ngu kulava sakudya,
kasi kuva txi wusa mitamo yawe;
“wona Mkoma, wonisisa koko,
a ti ni nyenyiswako tona.”
12Kha ti pandisi tiya,
kwanu motshenu mi pindako ngu nzila, kani?
Emani, mi wonisisa, mwendo ku ni mpando wo nga wangu!
Mkoma a nga ni tisela wona,
ngu ditshiku da txiviti txa kupandiseka kwakwe.
13Kukhukhela txitimwi, a rumete mndilo
wu txi ta wulela marambuni kwangu;
a ni riyete ngu mlawu
e ni wisa ngu nyamsane
dotshe ditshiku ni sate ni di dirumbini
ni si nga ni kutsaka.
14Ngu dianza dakwe a sungelete
nyanda ya sionho sangu
e si sungelela hamakata kwangu, nga dikange;
Mkoma a emisile mitamo yangu
se a txi ni ningela ka valala vangu;
se na tandeka kukhukha ni txi ema.
15 Mkoma a txhipisile totshe tindena tangu hagari kwangu;
a sengeletile vathu vo talwa ni majaha angu
a ni kandetete a txi nga o suka mauvha ha libangani,
ani ni ku dihorana da Judha.
16Se kona kuwa, ni dila ngu totshe ti ti nga ni humelela;
maso angu kha ma emi kuhuma mirongo;
awule a nga ti fanete ku ni malatela ni ku ni tsanisa
a maneka kule ngutu ni nani;
vanana vangu va hangalasilwe,
nguko mlala a ni xute.
17A guletile mawoko akwe Siyoni a txi khongela:
Aniko kha ku nga ni wo mthavelela;
Mkoma a rumile tito, ava va nga gwatama ni Israyeli ve va valala vakwe;
Jerusalema a fana ni nzambwa yo nyenyeza.
18“Mkoma a lulamile, nguko
ani koko ni eyisile milayo yakwe;
engisani koko anu motshenu, vathu,
mi txi wona kupandiseka kwangu;
votuma vangu ni majaha angu va tsute wukhumbini.
19Ni dhani vale va nga ti ni dhunda, aniko va ni kanganyisile;
vaphaxeli vangu ni madhota angu
va gumile amu didhoropani,
mbimo yi va nga ti lava sakudya,
so va txi wuseta mitamo yawe.
20Wona Mkoma, ati ni xanisekisako tona;
moya wangu wu ha kukaratekani ngutu.
Ni ha kupandisekani ka hombe ngutu,
nguko ni ti lambisile ngutu.
Hahanze kheya, ni dawetwe vanana ngu ditxhari;
mndani kwangu ku ni lifo.
21Va tipfa to na kuma,
aniko kha ni nga nayo wa ku ni xanguta.
Votshe valala vangu ava va nga ziva kuxaniseka kwangu,
va tsaka ngu ti u nga ni mahela;
aniko u txi na wuyisa ditshiku dile u ngadi womba,
ni vona va na fana ni nani.
22Wu nata wotshe wubihi wawe masoni kwako,
se va mahe ti u nga ni maha, ngu mhaka ya sionho sangu.
Nguko sidikwi sangu nza singi,
ni mbilu yangu ya panda ngutu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.