Eksodha 39
39
Syambalo sa vaphaxeli
(Eksodha 28:1-5)
1Ngu nguwo ya mxowo wa mkuxe, mxowo wa txiwunguwungu, wo bhilivila, kumahilwe syambalo so sawuleka, asi si fanelako kuambalwa ka mbimo ya mthumo wo sawuleka ni syambalo so katekiswa sa mphaxeli Aroni nga ti Mkoma a nga leletelisa tona ka Mosi.
Txyambalo txa wuphaxeli
(Eksodha 28:6-14)
2Kumahilwe efodhe ngu nzalama, ni nguwo ya mkungu, ya txiwunguwungu ni yo bhilivila, ni linyu ya lisima yo lukelwa. 3Nzalama yi to tshulwa yi txi maha tibhande to hehuka, ti bhandiselwa ti txi songa, kasi kukoteka kulukwa ka nguwo yo hehuka ya mkungu, ya txiwunguwungu ni yo bhilivila, ni ka linyu ya lisima, ku txi rungelwa ngu kutshuriselwa ka wutxhari. 4Ku to mahwa singuwana simbidi sa efodhe asi si nga mananiswa si txi vekwa hamakata, asi yi tshanganiswako ngu sona magwito ka yona. 5Se ni libhande#39:5 Mwendo: so mahwa ngu mtshuli. li yi nga ti sungwa ngu lona efodhe, ngu txitimwi i ti la lixaka limwelo nayo, i ti lo lukelwa nayo ngu nzalama, la mxowo wa mkungu, mxowo wa txiwunguwungu, wo bhilivila, ni mxowo wa linyu ya lisima yo lukelwa, nga tonti Mkoma a nga leletelisa tona ka Mosi.
6Ku lulamisilwe marigwi a onekisi, me nameketwa sitsaniso sa nzalama, ma txi bhalwa ngu kukenyelwa nga txixambanyo, me bhalwa matina a vanana va ka Israyeli. 7Ma to vekwa txitimwi ka makata a efodhe, kasiku me maha marigwi a txialakanyiso ka vanana va ka Israyeli, nga tonti Mkoma a nga leletelisa tona ka Mosi.
Nguwo ya hakhana
(Eksodha 28:15-30)
8Kumahilwe txinguwana txa hakhana, mthumo wo tshuriselwa nga efodhe, ngu nzalama, mxowo wa mkungu, mxowo wa txiwunguwungu, mxowo wo bhilivila, ni linyu yo lukelwa ngu kutshuriselwa. 9I ti txa mune wa madhawa o dingana, kambe txi ti mahilwe txi txi petwa; i ti txa mpimo wa dianza dimwedo kulapha ka txona, ni dimwani kuanama, ngako txi di petilwe. 10Ku nameketilwe mune wa titxhatxha ta marigwi. Ka litxhatxha lo khata, ku vekilwe dirigwi da rubhi, dimwedo da topazi, dimwedo da karibhukuli; 11ka litxhatxha la wumbidi, ku vekilwe dirigwi da esmeralidha, da safira, da dhayimana; 12ka litxhatxha la wuraru i ti marigwi a jasinto, a agata, a ametista; 13ka litxhatxha la wumune, i ti marigwi a krisolite, a onekisi, ni a jaspe. Ma ti hariketilwe ngu sihariketo sa nzalama. 14Marigwi ma mahilwe ngu kulondetelana ka matina a vanana va ka Israyeli, dimwani ni dimwani di ti bhatwe ditina da lixaka limwelo, na ma di bhatwe ngu kukenyelwa, nga ti ku bhaliswako tona ngu txixambanyo, ma txi dingana digumi da tihunzu ni timbidi.
15Kumahilwe kambe, ka txinguwana txa hakhana, tiketani to lukelwa nga tingoti, ta nzalama ya yinene. 16Kumahilwe kambe sihariketo simbidi sa nzalama ni masinda mambidi a nzalama, otshe masinda a mambidi ma vekilwe ka titshoka ta timbidi ta txinguwana txa hakhana. 17Ku to wuletiswa tiketani ta timbidi ta nzalama amu ka masinda mambidi ngu titshokani ka kumbidi ka txinguwana txa hakhana. 18Ku to khweketwa titshoka ta timbidi ta tiketani aha ka sihariketo, ti txi sungwa aha ka makata a mambidi a efodhe ngu didhawa da kona da masoni. 19Kumahilwe kambe masinda mambidi a nzalama, ve ma veka aha ka titshoka timbidi ta txinguwana txa hakhana, ngu magwito ka kona, ka hafuhi ni efodhe ngu didhawa da mndani. 20Kumahilwe kambe masinda mambidi a nzalama, aawa ma nga vekwa madhawani ka kumbidi ka makata a efodhe, aha ka didhawa da hahatshi ngu masoni ka kona, hafuhi ni hale ko mananiswa ngu kona, ngu txitimwi ka libhande la efodhe. 21Ku to sungwa txinguwana txa hakhana ngu masinda a txona ka masinda a efodhe ngu lingoti lo hehuka la mxowo wa mkuxe, kasi kutsanisa txinguwana txa hakhana ngu libhande la efodhe, ti to txi si pshwitimuki, madingano ni ti Mkoma a nga leletelisa tona ka Mosi.
Simwani syambalo sa vaphaxeli
(Eksodha 28:31-43)
22Ngu msana kumahilwe nguwo ya hombe ya efodhe. Yona yotshe yi ti lukilwe ngu titxhinda ta mkungu. 23Se#39:23 Mwendo: kutuleka. nguwo yiya ya hombe yi ti vekilwe ditshoko hagari ka yona, do nga ditshoko da txikatawu txa txikete. Ditshoko di ti rendeleketwe ngu mrungo wa fita, kasi yi si vharuki. 24Ngu hahatshi ka nguwo yiya ya hombe ku to rungelwa maromani ngu titxhinda ta mxowo wa mkuxe, ni ta mxowo wa txiwunguwungu ni ta mxowo wo bhilivila ni titxhinda ta linyu yo tshura yo lukelwa, 25ku rungetwe kambe sisimbzana sa nzalama ya yinene ngu hagari ka maromani, hahatshi ka nguwo ngu kurendelekela kotshe, 26txisimbzana ni diromani ngu kurendelekela ka didhawa da hahatshi da nguwo ya hombe, ayi yi nga ti ambalwa ka mbimo ya mthumo wa wukhongeli, nga ti Mkoma a nga leletelisa tona ka Mosi.
27Kumahilwe kambe, syambalo ngu linyu ya yinene, sa Aroni ni vanana vakwe, 28txigoko txa linyu ya lisima, sigoko so ambalwa ka mbimo ya wukhongeli ni sibhulukwana sa linyu, 29libhande lo mahwa ngu linyu ya lisima, lo lukwa ngu kutshuriselwa, nga tonti Mkoma a nga leletelisa tona ka Mosi.
30Ngu msana kumahilwe txiluva txa nzalama, ka yona kubhatwe ngu kukenyelwa, nga ti va bhalisako tona aha ka phera, va txi kha vona:#39:30 Mwendo: “Kusawuleka ku na lumbe Mkoma.” Kusawule ka masoni Mkoma. 31Se va to hariketa ngoti ya mkuxe, ve sunga txitmwi ka mitra, nga ti Mkoma a nga leletisa tona ka Mosi.
Magwito ka mthumo
(Eksodha 35:10-19)
32Ngu toneto, mthumo wotshe wa kuaka ditenda do sawuleka ni ditenda da msengeletano wu to hoka magwito. Vanana va ka Israyeli va mahile totshe nga tonti Mkoma a nga leletelisa tona ka Mosi. 33Va to tisa ka Mosi ditenda do sawuleka; ditenda da mengeletano ni sotshe simaha sa kona i ku siya: Sihariketo, mapulango, timbalelo, tiphande ni siparako; 34sitshulelo sa madhowo a tihamba, so pendwa ngu penda yo bhilivila, sitshulelo sa madhowo o txhukwa ni m'jiyo wa nguwo ya txivhikelo; 35dibhokiso da txitumelelano ni mipakato ya kona, ni txikhalo txa kona txa wuxinji; 36meza ni sotshe simaha sa kona ni mapawu a mphaxo; 37phande ya nzalama ya yinene ya malambu, ni totshe tiphande ta malambu ti nga lulamiselwa, sotshe simaha sa kona, ni mtona wa malambu; 38txiluvelo txa nzalama, mafura o tola ni dibaselo do bhumula; nguwo ya m'jiyo wa ha txikeni ka ditenda; 39ni txiluvelo txa koporo, ni txibawulelo txa koporo, mipakato, ni sotshe simaha sa kona, mkamba ni txipande; 40m'jiyo wa diguma, tiphande ni siparako sa kona, ni sotshe simaha sa mthumo wa nyumba yo sawuleka, sa ditenda da msengeletano; 41syambalo sa wukhongeli asi si ambalwako ka mbimo ya mthumo wo sawuleka, syambalo so sawuleka sa Aroni mphaxeli, ni syambalo sa vanana vakwe sa mthumo wa wuphaxeli.
42Vanana va ka Israyeli va mahile yotshe mithumo, ngu kulondeta totshe ti Mkoma a nga ti leleta ka Mosi 43Mosi a to xolisisa wotshe mthumo, e wona ti to wu mahilwe ngu kulondeta totshe ti Mkoma a nga leleta tona; sekoko Mosi a to va katekisa.
Currently Selected:
Eksodha 39: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Eksodha 39
39
Syambalo sa vaphaxeli
(Eksodha 28:1-5)
1Ngu nguwo ya mxowo wa mkuxe, mxowo wa txiwunguwungu, wo bhilivila, kumahilwe syambalo so sawuleka, asi si fanelako kuambalwa ka mbimo ya mthumo wo sawuleka ni syambalo so katekiswa sa mphaxeli Aroni nga ti Mkoma a nga leletelisa tona ka Mosi.
Txyambalo txa wuphaxeli
(Eksodha 28:6-14)
2Kumahilwe efodhe ngu nzalama, ni nguwo ya mkungu, ya txiwunguwungu ni yo bhilivila, ni linyu ya lisima yo lukelwa. 3Nzalama yi to tshulwa yi txi maha tibhande to hehuka, ti bhandiselwa ti txi songa, kasi kukoteka kulukwa ka nguwo yo hehuka ya mkungu, ya txiwunguwungu ni yo bhilivila, ni ka linyu ya lisima, ku txi rungelwa ngu kutshuriselwa ka wutxhari. 4Ku to mahwa singuwana simbidi sa efodhe asi si nga mananiswa si txi vekwa hamakata, asi yi tshanganiswako ngu sona magwito ka yona. 5Se ni libhande#39:5 Mwendo: so mahwa ngu mtshuli. li yi nga ti sungwa ngu lona efodhe, ngu txitimwi i ti la lixaka limwelo nayo, i ti lo lukelwa nayo ngu nzalama, la mxowo wa mkungu, mxowo wa txiwunguwungu, wo bhilivila, ni mxowo wa linyu ya lisima yo lukelwa, nga tonti Mkoma a nga leletelisa tona ka Mosi.
6Ku lulamisilwe marigwi a onekisi, me nameketwa sitsaniso sa nzalama, ma txi bhalwa ngu kukenyelwa nga txixambanyo, me bhalwa matina a vanana va ka Israyeli. 7Ma to vekwa txitimwi ka makata a efodhe, kasiku me maha marigwi a txialakanyiso ka vanana va ka Israyeli, nga tonti Mkoma a nga leletelisa tona ka Mosi.
Nguwo ya hakhana
(Eksodha 28:15-30)
8Kumahilwe txinguwana txa hakhana, mthumo wo tshuriselwa nga efodhe, ngu nzalama, mxowo wa mkungu, mxowo wa txiwunguwungu, mxowo wo bhilivila, ni linyu yo lukelwa ngu kutshuriselwa. 9I ti txa mune wa madhawa o dingana, kambe txi ti mahilwe txi txi petwa; i ti txa mpimo wa dianza dimwedo kulapha ka txona, ni dimwani kuanama, ngako txi di petilwe. 10Ku nameketilwe mune wa titxhatxha ta marigwi. Ka litxhatxha lo khata, ku vekilwe dirigwi da rubhi, dimwedo da topazi, dimwedo da karibhukuli; 11ka litxhatxha la wumbidi, ku vekilwe dirigwi da esmeralidha, da safira, da dhayimana; 12ka litxhatxha la wuraru i ti marigwi a jasinto, a agata, a ametista; 13ka litxhatxha la wumune, i ti marigwi a krisolite, a onekisi, ni a jaspe. Ma ti hariketilwe ngu sihariketo sa nzalama. 14Marigwi ma mahilwe ngu kulondetelana ka matina a vanana va ka Israyeli, dimwani ni dimwani di ti bhatwe ditina da lixaka limwelo, na ma di bhatwe ngu kukenyelwa, nga ti ku bhaliswako tona ngu txixambanyo, ma txi dingana digumi da tihunzu ni timbidi.
15Kumahilwe kambe, ka txinguwana txa hakhana, tiketani to lukelwa nga tingoti, ta nzalama ya yinene. 16Kumahilwe kambe sihariketo simbidi sa nzalama ni masinda mambidi a nzalama, otshe masinda a mambidi ma vekilwe ka titshoka ta timbidi ta txinguwana txa hakhana. 17Ku to wuletiswa tiketani ta timbidi ta nzalama amu ka masinda mambidi ngu titshokani ka kumbidi ka txinguwana txa hakhana. 18Ku to khweketwa titshoka ta timbidi ta tiketani aha ka sihariketo, ti txi sungwa aha ka makata a mambidi a efodhe ngu didhawa da kona da masoni. 19Kumahilwe kambe masinda mambidi a nzalama, ve ma veka aha ka titshoka timbidi ta txinguwana txa hakhana, ngu magwito ka kona, ka hafuhi ni efodhe ngu didhawa da mndani. 20Kumahilwe kambe masinda mambidi a nzalama, aawa ma nga vekwa madhawani ka kumbidi ka makata a efodhe, aha ka didhawa da hahatshi ngu masoni ka kona, hafuhi ni hale ko mananiswa ngu kona, ngu txitimwi ka libhande la efodhe. 21Ku to sungwa txinguwana txa hakhana ngu masinda a txona ka masinda a efodhe ngu lingoti lo hehuka la mxowo wa mkuxe, kasi kutsanisa txinguwana txa hakhana ngu libhande la efodhe, ti to txi si pshwitimuki, madingano ni ti Mkoma a nga leletelisa tona ka Mosi.
Simwani syambalo sa vaphaxeli
(Eksodha 28:31-43)
22Ngu msana kumahilwe nguwo ya hombe ya efodhe. Yona yotshe yi ti lukilwe ngu titxhinda ta mkungu. 23Se#39:23 Mwendo: kutuleka. nguwo yiya ya hombe yi ti vekilwe ditshoko hagari ka yona, do nga ditshoko da txikatawu txa txikete. Ditshoko di ti rendeleketwe ngu mrungo wa fita, kasi yi si vharuki. 24Ngu hahatshi ka nguwo yiya ya hombe ku to rungelwa maromani ngu titxhinda ta mxowo wa mkuxe, ni ta mxowo wa txiwunguwungu ni ta mxowo wo bhilivila ni titxhinda ta linyu yo tshura yo lukelwa, 25ku rungetwe kambe sisimbzana sa nzalama ya yinene ngu hagari ka maromani, hahatshi ka nguwo ngu kurendelekela kotshe, 26txisimbzana ni diromani ngu kurendelekela ka didhawa da hahatshi da nguwo ya hombe, ayi yi nga ti ambalwa ka mbimo ya mthumo wa wukhongeli, nga ti Mkoma a nga leletelisa tona ka Mosi.
27Kumahilwe kambe, syambalo ngu linyu ya yinene, sa Aroni ni vanana vakwe, 28txigoko txa linyu ya lisima, sigoko so ambalwa ka mbimo ya wukhongeli ni sibhulukwana sa linyu, 29libhande lo mahwa ngu linyu ya lisima, lo lukwa ngu kutshuriselwa, nga tonti Mkoma a nga leletelisa tona ka Mosi.
30Ngu msana kumahilwe txiluva txa nzalama, ka yona kubhatwe ngu kukenyelwa, nga ti va bhalisako tona aha ka phera, va txi kha vona:#39:30 Mwendo: “Kusawuleka ku na lumbe Mkoma.” Kusawule ka masoni Mkoma. 31Se va to hariketa ngoti ya mkuxe, ve sunga txitmwi ka mitra, nga ti Mkoma a nga leletisa tona ka Mosi.
Magwito ka mthumo
(Eksodha 35:10-19)
32Ngu toneto, mthumo wotshe wa kuaka ditenda do sawuleka ni ditenda da msengeletano wu to hoka magwito. Vanana va ka Israyeli va mahile totshe nga tonti Mkoma a nga leletelisa tona ka Mosi. 33Va to tisa ka Mosi ditenda do sawuleka; ditenda da mengeletano ni sotshe simaha sa kona i ku siya: Sihariketo, mapulango, timbalelo, tiphande ni siparako; 34sitshulelo sa madhowo a tihamba, so pendwa ngu penda yo bhilivila, sitshulelo sa madhowo o txhukwa ni m'jiyo wa nguwo ya txivhikelo; 35dibhokiso da txitumelelano ni mipakato ya kona, ni txikhalo txa kona txa wuxinji; 36meza ni sotshe simaha sa kona ni mapawu a mphaxo; 37phande ya nzalama ya yinene ya malambu, ni totshe tiphande ta malambu ti nga lulamiselwa, sotshe simaha sa kona, ni mtona wa malambu; 38txiluvelo txa nzalama, mafura o tola ni dibaselo do bhumula; nguwo ya m'jiyo wa ha txikeni ka ditenda; 39ni txiluvelo txa koporo, ni txibawulelo txa koporo, mipakato, ni sotshe simaha sa kona, mkamba ni txipande; 40m'jiyo wa diguma, tiphande ni siparako sa kona, ni sotshe simaha sa mthumo wa nyumba yo sawuleka, sa ditenda da msengeletano; 41syambalo sa wukhongeli asi si ambalwako ka mbimo ya mthumo wo sawuleka, syambalo so sawuleka sa Aroni mphaxeli, ni syambalo sa vanana vakwe sa mthumo wa wuphaxeli.
42Vanana va ka Israyeli va mahile yotshe mithumo, ngu kulondeta totshe ti Mkoma a nga ti leleta ka Mosi 43Mosi a to xolisisa wotshe mthumo, e wona ti to wu mahilwe ngu kulondeta totshe ti Mkoma a nga leleta tona; sekoko Mosi a to va katekisa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.