Eksodha 25
25
Miningelo yoya Ditendani ko Sawuleka
(Eksodha 35:4-9)
1Sekoko Mkoma a to womba ka Mosi, a txi khene:
2“Gela vanana va ka Israyeli va txi tisa msengo. Ni na amukela msengo wa m'thu ni m'thu awu mbilu yakwe yi rumako ku ti maha. 3Ngu wuwa msengo ni no amukela kwawe: Nzalama, silivhela ni koporo, 4nguwo ya mkuxe ni yo bhilivila, nguwo yo bhilivila ngutu, ni yo hehuka ya disilika ni ya matoya a phongo, 5madhowo a tinvuta o pendwa ngu penda yo bhilivila, didhowo do hehuka, ni mapulango a#25:5 Mwendo: akasiya. setime, 6mtona wa malambu, singema sa mafura o tola ni a dibaselo do bhumula, 7marigwi a onekisi ni mamwani marigwi kasi ku ta tsanisa efodhe ni nguwo ya hakhana. 8Va na ni mahele nyumba yo sawuleka, kasiku ani ni sikota kuzumba hagari kwawe.
9Mi na maha nyumba ni sotshe simaha sa kona nga ti ni no kukombisa ngu mfananiso wa kona.”
Dibhokiso da txitumelelano
(Eksodha 37:1-9)
10Se mi na maha dibhokiso ngu mapulango a setime,#25:10 Setime: Kuwombwa mndonga wu dhanwako ku mmunga. aale ma ku ni kulapha ka mikono yimbidi ni hafu, ni kuanama ka mkono wumwewo ni hafu, ni kudemba ka mkono wumwewo ni hafu. 11Se u wu bhama ngu nzalama ya yinene mndani ni hahanze, txitimwi ka yona ka madhawa otshe u na maha ngu nzalama ya yinene, ngu kurendelekisa; 12se u na khanda mune wa masinda a nzalama, aale u no ma veka ka mune wa makhona; mambidi ka didhawa dimwedo ni mambidi ka dimwani didhawa. 13U na maha kambe mipakato ya mndonga wa setime, u yi penda ngu nzalama. 14U na wuletisa mipakato aha ka masinda a dibhokiso, kasiku wu txi gulwa ngu yona. 15Mipakato yi na zumba amu ka masinda a dibhokiso, kha yi na mbi thaviswa ka wona. 16Msana keto, u na veka Txifakaziso txi ni no kuninga aha ka dibhokiso.
17U na maha kambe txikhalo txa wumbilu txa nzalama ya yinene, txa kulapha ka mikono yimbidi ni hafu, ni mkono wumwewo ni hafu kuanama ka txona, 18u na maha makerubhima mambidi a nzalama yo surutetwa, magwito ka txikhalo txa wumbilu. 19U na maha dikerubhima magwito ka didhawa dimwedo, ni dimwani dikerubhima magwito ka dimwani didhawa; ngu txiya tximwetxo dwe ni txikhalo txa wumbilu, u na maha makerubhima ka tikasa timbidi ta txikhalo. 20Makerubhima ma nava ni mabhapi o nawulukela txitimwi, aale ma no vhikela txikhalo txa wumbilu, ngu mabhapi a ona, ma di rendekelanile dimwani ni dimwani. 21U na sanzeka txikhalo txa wumbilu txitimwi ka dibhokiso, ngu mndani ka dona u na veka Txixambanyo txi ni no kuninga. 22Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”
Meza ya mapawu Masoni ka Txizimu
(Eksodha 37:10-16)
23Ngu msana ka kona u na aka meza ya mapulango a setime; ayile yi no va ni kulapha ka mikono yimbidi, kuanama ka mkono wumwewo, ni kudemba ka mkono wumwewo ni hafu. 24U na yi bhama ngu nzalama ya yinene, u txi yi bhama ngu kurendelekisa ngu nzalama ya yinene. 25U na vekela dipulango da kuanama ka dianza, di rendeleka ni meza u tshumela u yi ranganyeta ngu nzalama madhawani ka kona. 26U na yi mahela mune wa masinda a nzalama, aale u no ma veka amu ka mune wa makhona, aale ma mahwako ngu mune wa minenge ya meza. 27Hafuhi ka magwito ku nava ni masinda, aale ma no vekwa dimwani masoni ka dimwani, ahale ku no pinda ngu kona mipakato yo gula meza ngu yona. 28U na maha yona mipakatoyo ya mndonga wa setime, yi txi pendwa ngu nzalama ayi yi no thuma kurwala meza ngu yona. 29#Wona ni ka: Luk. 24:5-8. Kambe u na maha timbiya ta kona, ni mikho ya kona, ni magombe a kona, ni siyana sa kona#25:29 Mwendo: so theketa ngu sona sa kusela. so fenengeta ngu sona; u na si maha ngu nzalama ya yinene. 30Se txitimwi ka meza u na veka mapawu a mhamba, ma txi va i di txikombiso masoni kwangu, ka yotshe mbimo.
Meza ya malambu
(Eksodha 37:17-24)
31Kambe u na maha meza ya malambu ngu nzalama yo surutetwa. Hahatshi ka meza ni txitimwi ka yona, ku nava ku di mahilwe kumweko; magombe a kona, siluva sa kona ni mazokoro a kona, si na va i di tximaha tximwetxo. 32Mtxhanu wa madhavi ni dimwedo ma na humela madhawani ka kona: Madhavi mararu ka didhawa dimwedo ni mambe madhavi a mararu ka dimwani didhawa. 33Ka didhavi dimwedo ku nava ku di ni magombe mararu o fana ni txiluva txa almonde txo khata kuhuma ni divhuvhu; ka dimwani didhavi ku nava ni magombe mararu o fana ni txiluva txa almonde txo khata kuhuma ni divhuvhu; ku nava toneto ka mtxhanu wa madhavi ni dimwedo o humela aha ka dilambu.
34Aniko meza ya malambu yi na va ni mune wa magombe, o fana ni txiluva txa almonde, siluva sa kona, ni mavhuvhu a kona; 35ni txiluva txo khata kuhuma ngu hahatshi ka madhavi ale amambidi; ni txiluva tximwetxo txo kuhuma ngu ka mamwani madhavi a mambidi; ni tximwani txiluva kambe txo kuhuma ngu hahatshi ka madhavi a mambidi; ku nga va ku txi mahisa toneto ngu ona madhavi awa a mtxhanu ni dimwedo, ha mezani ka malambu. 36Siluva so khata kuhuma, ni madhavi, si na va i di tximaha tximwetxo; sotshe si na va txiya tximwetxo, so mahwa ngu nzalama yo surutetwa. 37U na yi mahela mtxhanu wa malambu ni mambidi, ale ma no turiselwa, me woninga masoni ka wona. 38Sipfhupetiso sa kona ni tikhadi ta kona si na va i di sa nzalama ya yinene ngutu. 39Ngu talenta ya nzalama ya yinene ngutu ku na mahwa meza ya malambu ni sotshe simaheso.
40 # Wona ni ka: Mith. 7:44; Vaheb. 8:5. Wonisisa koko, u maha madingano ni zumbelo ya kona nga tona ti u nga kombwa tona mmangoni.
Currently Selected:
Eksodha 25: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Eksodha 25
25
Miningelo yoya Ditendani ko Sawuleka
(Eksodha 35:4-9)
1Sekoko Mkoma a to womba ka Mosi, a txi khene:
2“Gela vanana va ka Israyeli va txi tisa msengo. Ni na amukela msengo wa m'thu ni m'thu awu mbilu yakwe yi rumako ku ti maha. 3Ngu wuwa msengo ni no amukela kwawe: Nzalama, silivhela ni koporo, 4nguwo ya mkuxe ni yo bhilivila, nguwo yo bhilivila ngutu, ni yo hehuka ya disilika ni ya matoya a phongo, 5madhowo a tinvuta o pendwa ngu penda yo bhilivila, didhowo do hehuka, ni mapulango a#25:5 Mwendo: akasiya. setime, 6mtona wa malambu, singema sa mafura o tola ni a dibaselo do bhumula, 7marigwi a onekisi ni mamwani marigwi kasi ku ta tsanisa efodhe ni nguwo ya hakhana. 8Va na ni mahele nyumba yo sawuleka, kasiku ani ni sikota kuzumba hagari kwawe.
9Mi na maha nyumba ni sotshe simaha sa kona nga ti ni no kukombisa ngu mfananiso wa kona.”
Dibhokiso da txitumelelano
(Eksodha 37:1-9)
10Se mi na maha dibhokiso ngu mapulango a setime,#25:10 Setime: Kuwombwa mndonga wu dhanwako ku mmunga. aale ma ku ni kulapha ka mikono yimbidi ni hafu, ni kuanama ka mkono wumwewo ni hafu, ni kudemba ka mkono wumwewo ni hafu. 11Se u wu bhama ngu nzalama ya yinene mndani ni hahanze, txitimwi ka yona ka madhawa otshe u na maha ngu nzalama ya yinene, ngu kurendelekisa; 12se u na khanda mune wa masinda a nzalama, aale u no ma veka ka mune wa makhona; mambidi ka didhawa dimwedo ni mambidi ka dimwani didhawa. 13U na maha kambe mipakato ya mndonga wa setime, u yi penda ngu nzalama. 14U na wuletisa mipakato aha ka masinda a dibhokiso, kasiku wu txi gulwa ngu yona. 15Mipakato yi na zumba amu ka masinda a dibhokiso, kha yi na mbi thaviswa ka wona. 16Msana keto, u na veka Txifakaziso txi ni no kuninga aha ka dibhokiso.
17U na maha kambe txikhalo txa wumbilu txa nzalama ya yinene, txa kulapha ka mikono yimbidi ni hafu, ni mkono wumwewo ni hafu kuanama ka txona, 18u na maha makerubhima mambidi a nzalama yo surutetwa, magwito ka txikhalo txa wumbilu. 19U na maha dikerubhima magwito ka didhawa dimwedo, ni dimwani dikerubhima magwito ka dimwani didhawa; ngu txiya tximwetxo dwe ni txikhalo txa wumbilu, u na maha makerubhima ka tikasa timbidi ta txikhalo. 20Makerubhima ma nava ni mabhapi o nawulukela txitimwi, aale ma no vhikela txikhalo txa wumbilu, ngu mabhapi a ona, ma di rendekelanile dimwani ni dimwani. 21U na sanzeka txikhalo txa wumbilu txitimwi ka dibhokiso, ngu mndani ka dona u na veka Txixambanyo txi ni no kuninga. 22Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”
Meza ya mapawu Masoni ka Txizimu
(Eksodha 37:10-16)
23Ngu msana ka kona u na aka meza ya mapulango a setime; ayile yi no va ni kulapha ka mikono yimbidi, kuanama ka mkono wumwewo, ni kudemba ka mkono wumwewo ni hafu. 24U na yi bhama ngu nzalama ya yinene, u txi yi bhama ngu kurendelekisa ngu nzalama ya yinene. 25U na vekela dipulango da kuanama ka dianza, di rendeleka ni meza u tshumela u yi ranganyeta ngu nzalama madhawani ka kona. 26U na yi mahela mune wa masinda a nzalama, aale u no ma veka amu ka mune wa makhona, aale ma mahwako ngu mune wa minenge ya meza. 27Hafuhi ka magwito ku nava ni masinda, aale ma no vekwa dimwani masoni ka dimwani, ahale ku no pinda ngu kona mipakato yo gula meza ngu yona. 28U na maha yona mipakatoyo ya mndonga wa setime, yi txi pendwa ngu nzalama ayi yi no thuma kurwala meza ngu yona. 29#Wona ni ka: Luk. 24:5-8. Kambe u na maha timbiya ta kona, ni mikho ya kona, ni magombe a kona, ni siyana sa kona#25:29 Mwendo: so theketa ngu sona sa kusela. so fenengeta ngu sona; u na si maha ngu nzalama ya yinene. 30Se txitimwi ka meza u na veka mapawu a mhamba, ma txi va i di txikombiso masoni kwangu, ka yotshe mbimo.
Meza ya malambu
(Eksodha 37:17-24)
31Kambe u na maha meza ya malambu ngu nzalama yo surutetwa. Hahatshi ka meza ni txitimwi ka yona, ku nava ku di mahilwe kumweko; magombe a kona, siluva sa kona ni mazokoro a kona, si na va i di tximaha tximwetxo. 32Mtxhanu wa madhavi ni dimwedo ma na humela madhawani ka kona: Madhavi mararu ka didhawa dimwedo ni mambe madhavi a mararu ka dimwani didhawa. 33Ka didhavi dimwedo ku nava ku di ni magombe mararu o fana ni txiluva txa almonde txo khata kuhuma ni divhuvhu; ka dimwani didhavi ku nava ni magombe mararu o fana ni txiluva txa almonde txo khata kuhuma ni divhuvhu; ku nava toneto ka mtxhanu wa madhavi ni dimwedo o humela aha ka dilambu.
34Aniko meza ya malambu yi na va ni mune wa magombe, o fana ni txiluva txa almonde, siluva sa kona, ni mavhuvhu a kona; 35ni txiluva txo khata kuhuma ngu hahatshi ka madhavi ale amambidi; ni txiluva tximwetxo txo kuhuma ngu ka mamwani madhavi a mambidi; ni tximwani txiluva kambe txo kuhuma ngu hahatshi ka madhavi a mambidi; ku nga va ku txi mahisa toneto ngu ona madhavi awa a mtxhanu ni dimwedo, ha mezani ka malambu. 36Siluva so khata kuhuma, ni madhavi, si na va i di tximaha tximwetxo; sotshe si na va txiya tximwetxo, so mahwa ngu nzalama yo surutetwa. 37U na yi mahela mtxhanu wa malambu ni mambidi, ale ma no turiselwa, me woninga masoni ka wona. 38Sipfhupetiso sa kona ni tikhadi ta kona si na va i di sa nzalama ya yinene ngutu. 39Ngu talenta ya nzalama ya yinene ngutu ku na mahwa meza ya malambu ni sotshe simaheso.
40 # Wona ni ka: Mith. 7:44; Vaheb. 8:5. Wonisisa koko, u maha madingano ni zumbelo ya kona nga tona ti u nga kombwa tona mmangoni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.