Eksodha 17
17
Mati o huma txiwindini ka Refidhime
(Mitengo 20:1-13)
1Msana keto, wotshe msengeletano wa vanana va ka Israyeli wu to khukha txiwulani ka Simi, wu txi tsimbila ngu mipfhuka yi yi londetelanako, nga ti Mkoma a nga leletisa tona, va txi ya gova Refidhime, ahawa ku nga ti si nga ni mati o sela. 2Sekoko vathu va to phikizana ni Mosi, va txi kha vona:
“Hi ninge mati o sela.”
Mosi a va xamute a txi khene:
“Ngu kutxani mi txi phikizana ni nani kani? Ngu kutxani mi txi duka Mkoma kani?”
3Konaho vathu va manekile va txi pfa ditora, ve khata kungungurukela va txi wukela Mosi, va txi kha vona:
“Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”
4Se Mosi a to khongela ka Mkoma, a txi khene:
“Ni na maha txani ngu vathu vava kani? Ko sala kudotho, va lava ku ni balisela ngu marigwi.”
5Sekoko Mkoma a to khene ka Mosi:
“Pinda u txi ya masoni ka vathu, u txi teka madhota okari a ka Israyeli; ñola manzani kwako ndonga yi u nga peka ngu yona mnambo, u txi thangela. 6Ziva ti to ani ni na va masoni kwako, txitimwi ka mmango wa Horebi; u na ya peka txiwindi ngu ndonga, mati ma na huma ngu ka txona, aawa vathu va no sela.” Mosi a to maha toneto masoni ka madhota a ka Israyeli.
7 # Wona ni ka: Mit. 20:2-13. Se wukhalo wule a wu rayile ditina daku#17:7 Txihebheru txiduko. Masa ni#17:7 Txihebheru kulwa. Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”
Yimbi yo wukela Vaamaleki
8Sekoko Vaamaleki va to khukha va txi ya Refidhime, kasi va txi yalwa ni va ka Israyeli. 9Konako Mosi a wombile ka Joxuwa, a txi khene:
“Sawula vavamna kasiku, mangwana u nata huma u txi yalwa ni Vaamaleki; ani ni na zumba txitimwi ka mmango ni ndonga ya Mkoma manzani.”
10Joxuwa a to maha nga ti Mosi a nga womba, a to huma kasiku yalwa ni Vaamaleki. Ti di ngeto, Mosi ni Aroni ni Huri, va to kwela txitimwi ka mmango. 11Se mbimo yi Mosi a nga txi guleta manza akwe, va ka Israyeli va ti ti xula; mbimo yi a nga txi ma releta, Vaamaleki ngu vona va nga ti humelela kulwani kwawe. 12Kambe manza a Mosi ma manekile ma txi karala, ngu kumaha keto, va to teka dirigwi, ve di veka hahatshi kwakwe e khalahatsha txitimwi ka dona. Aroni ni Huri va to guleta manza akwe, mmweyo e maneka ka dimwani didhawa, mmwani a txi maneka ka dimwani. Se manza akwe ma to zumba ma di guletilwe kala kuswani ka ditambo. 13Ngu toneto, Joxuwa a xute Vaamaleki, e va hihirita ngu matxhari.
14 # Wona ni ka: Dhewut. 25:17-19; 1 Sam. 15:2-9. Sekoko Mkoma a to womba ka Mosi a txi khene:
“Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”
15Se Mosi a to aka txiluvelo e txi raya ditina daku “Mkoma m'jeke wangu.” 16Se a txi khene:
“Nguku dianza dakwe di nga wukela Mkoma. Mkoma a na maha yimbi yo wukela Amaleki ka liveleko ni liveleko.”
Currently Selected:
Eksodha 17: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Eksodha 17
17
Mati o huma txiwindini ka Refidhime
(Mitengo 20:1-13)
1Msana keto, wotshe msengeletano wa vanana va ka Israyeli wu to khukha txiwulani ka Simi, wu txi tsimbila ngu mipfhuka yi yi londetelanako, nga ti Mkoma a nga leletisa tona, va txi ya gova Refidhime, ahawa ku nga ti si nga ni mati o sela. 2Sekoko vathu va to phikizana ni Mosi, va txi kha vona:
“Hi ninge mati o sela.”
Mosi a va xamute a txi khene:
“Ngu kutxani mi txi phikizana ni nani kani? Ngu kutxani mi txi duka Mkoma kani?”
3Konaho vathu va manekile va txi pfa ditora, ve khata kungungurukela va txi wukela Mosi, va txi kha vona:
“Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”
4Se Mosi a to khongela ka Mkoma, a txi khene:
“Ni na maha txani ngu vathu vava kani? Ko sala kudotho, va lava ku ni balisela ngu marigwi.”
5Sekoko Mkoma a to khene ka Mosi:
“Pinda u txi ya masoni ka vathu, u txi teka madhota okari a ka Israyeli; ñola manzani kwako ndonga yi u nga peka ngu yona mnambo, u txi thangela. 6Ziva ti to ani ni na va masoni kwako, txitimwi ka mmango wa Horebi; u na ya peka txiwindi ngu ndonga, mati ma na huma ngu ka txona, aawa vathu va no sela.” Mosi a to maha toneto masoni ka madhota a ka Israyeli.
7 # Wona ni ka: Mit. 20:2-13. Se wukhalo wule a wu rayile ditina daku#17:7 Txihebheru txiduko. Masa ni#17:7 Txihebheru kulwa. Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”
Yimbi yo wukela Vaamaleki
8Sekoko Vaamaleki va to khukha va txi ya Refidhime, kasi va txi yalwa ni va ka Israyeli. 9Konako Mosi a wombile ka Joxuwa, a txi khene:
“Sawula vavamna kasiku, mangwana u nata huma u txi yalwa ni Vaamaleki; ani ni na zumba txitimwi ka mmango ni ndonga ya Mkoma manzani.”
10Joxuwa a to maha nga ti Mosi a nga womba, a to huma kasiku yalwa ni Vaamaleki. Ti di ngeto, Mosi ni Aroni ni Huri, va to kwela txitimwi ka mmango. 11Se mbimo yi Mosi a nga txi guleta manza akwe, va ka Israyeli va ti ti xula; mbimo yi a nga txi ma releta, Vaamaleki ngu vona va nga ti humelela kulwani kwawe. 12Kambe manza a Mosi ma manekile ma txi karala, ngu kumaha keto, va to teka dirigwi, ve di veka hahatshi kwakwe e khalahatsha txitimwi ka dona. Aroni ni Huri va to guleta manza akwe, mmweyo e maneka ka dimwani didhawa, mmwani a txi maneka ka dimwani. Se manza akwe ma to zumba ma di guletilwe kala kuswani ka ditambo. 13Ngu toneto, Joxuwa a xute Vaamaleki, e va hihirita ngu matxhari.
14 # Wona ni ka: Dhewut. 25:17-19; 1 Sam. 15:2-9. Sekoko Mkoma a to womba ka Mosi a txi khene:
“Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”
15Se Mosi a to aka txiluvelo e txi raya ditina daku “Mkoma m'jeke wangu.” 16Se a txi khene:
“Nguku dianza dakwe di nga wukela Mkoma. Mkoma a na maha yimbi yo wukela Amaleki ka liveleko ni liveleko.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.