Esteri 7
7
Kudawa ka Hamani
1A di tile koko mfumeli ni Hamani kasi ku ta sela kumweko ni msikati wa mfumeli Esteri, 2ngu ditshiku da wumbidi da m'buso wa vhinya, mfumeli a to khene ka Esteri:
Ngu txihi txikombelo txako awe Esteri kani? Se u na ningwa. Ni ku ngu kuhi kuvilela kwako kani? Hambi hafu ya mfumo u na ningwa.
3Sekoko msikati wa mfumeli Esteri a to xamula, a txi khene:
Ngako awe mfumeli ni di mani dithomo masoni kwako, ni kungako ti txi woneka i di ta tinene ka mfumeli, ni na ningwe wutomi wangu nga ha ni kombelako, ni wutomi wa va ka kwathu, madinano ni kuvilela kwangu. 4Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.
5Sekoko mfumeli Asuwero a to womba, a txi khene ka msikati wakwe Esteri:
I mani eneyo kani? Niku ahani eneyo wa mbilu yo mkujetela kumaha eto, kani?
6Se Esteri a to khene: M'thu, mxanisi ni mlala ngene m'bihi wuwa Hamani!
Sekoko Hamani a to dhuka masoni ka mfumeli ni ka msikati wa mfumeli. 7Se mfumeli, a to khukha m'busoni ka hombe ka vhinya a di henyile eya thembweni ka nyumba ya wukoma; se Hamani a to khukha a txi ema, e khongotela msikati wa mfumeli Esteri ti to e hulukisa wutomi wakwe; nguko a ti woni ti to mfumeli a lava ku mmahela to biha. 8A di khukhile koko mfumeli ngu thembweni ka nyumba ya wukoma e wuya nyumbani ka m'buso wa hombe wa vhinya, Hamani a ti ti khizamile ewa ngu khohe hahatshi ka txikhalo txile Esteri a nga ti ka txona. Sekoko mfumeli a to khene:
Ina a lavile kukurumeta msikati wa mfumeli masoni kwangu, nyumbani muwa kani?
Ngako di ti humile dipswido ngu txitsofuni ka mfumeli, va to fenengeta khohe ya Hamani. 9Sekoko Haribhona, mmweyo wa mithenwa yile yi nga ti thumela mfumeli, a to khene:
Wonani, phande ya mtxhanu wa magumi a mikono ya kulapha, yile Hamani a nga ti ti yi kelelete Moridhekayi, yile a nga zivisa mfumeli, yi hafuhi ka m'ti wa Hamani. Sekoko mfumeli a to khene:
Mtxikiteni ka yona ene Hamani.
10Hamani koko va to mtxikita ka phande yile ene a nga ti yi longisete Mordhekayi.
Sekoko kuhenya ka mfumeli ku to boxa.
Currently Selected:
Esteri 7: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Esteri 7
7
Kudawa ka Hamani
1A di tile koko mfumeli ni Hamani kasi ku ta sela kumweko ni msikati wa mfumeli Esteri, 2ngu ditshiku da wumbidi da m'buso wa vhinya, mfumeli a to khene ka Esteri:
Ngu txihi txikombelo txako awe Esteri kani? Se u na ningwa. Ni ku ngu kuhi kuvilela kwako kani? Hambi hafu ya mfumo u na ningwa.
3Sekoko msikati wa mfumeli Esteri a to xamula, a txi khene:
Ngako awe mfumeli ni di mani dithomo masoni kwako, ni kungako ti txi woneka i di ta tinene ka mfumeli, ni na ningwe wutomi wangu nga ha ni kombelako, ni wutomi wa va ka kwathu, madinano ni kuvilela kwangu. 4Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.
5Sekoko mfumeli Asuwero a to womba, a txi khene ka msikati wakwe Esteri:
I mani eneyo kani? Niku ahani eneyo wa mbilu yo mkujetela kumaha eto, kani?
6Se Esteri a to khene: M'thu, mxanisi ni mlala ngene m'bihi wuwa Hamani!
Sekoko Hamani a to dhuka masoni ka mfumeli ni ka msikati wa mfumeli. 7Se mfumeli, a to khukha m'busoni ka hombe ka vhinya a di henyile eya thembweni ka nyumba ya wukoma; se Hamani a to khukha a txi ema, e khongotela msikati wa mfumeli Esteri ti to e hulukisa wutomi wakwe; nguko a ti woni ti to mfumeli a lava ku mmahela to biha. 8A di khukhile koko mfumeli ngu thembweni ka nyumba ya wukoma e wuya nyumbani ka m'buso wa hombe wa vhinya, Hamani a ti ti khizamile ewa ngu khohe hahatshi ka txikhalo txile Esteri a nga ti ka txona. Sekoko mfumeli a to khene:
Ina a lavile kukurumeta msikati wa mfumeli masoni kwangu, nyumbani muwa kani?
Ngako di ti humile dipswido ngu txitsofuni ka mfumeli, va to fenengeta khohe ya Hamani. 9Sekoko Haribhona, mmweyo wa mithenwa yile yi nga ti thumela mfumeli, a to khene:
Wonani, phande ya mtxhanu wa magumi a mikono ya kulapha, yile Hamani a nga ti ti yi kelelete Moridhekayi, yile a nga zivisa mfumeli, yi hafuhi ka m'ti wa Hamani. Sekoko mfumeli a to khene:
Mtxikiteni ka yona ene Hamani.
10Hamani koko va to mtxikita ka phande yile ene a nga ti yi longisete Mordhekayi.
Sekoko kuhenya ka mfumeli ku to boxa.
A Bíblia em Txitxopi © Bible Society in Mozambique, 2016.