2 Samuwele 3
3
1Se ku to maneka kulwa ka hombe hagari ka nyumba ya ka Sawule ni ya ka Dhavhidha; kambe Dhavhidha a to simama e va ni mtamo, aniko nyumba ya ka Sawule yi to guma mtamo.
Vanana va Dhavhidha
2Dhavhidha a to velekelwa vanana kona Hebroni: Matiwula akwe i Amoni, wo velekwa ngu Ayinowame, Mujezireyeli; 3se wa wumbidi i Kileyabhe, wo velekwa ngu Abhigayeli, msikati wa Nabhali, mukarmeli; wa wuraru i Abhisalome mwana Mahaka, mwana Talimayi, mfumeli wa Gesuri; 4wa wumune i Adhoniya, mwana Hagite, wa wutxhanu i Sefatiya, mwana Abhitali; 5wa wutxhanu ni mmweyo i Itreyamu, wa Egila msikati wa Dhavhidha; avava ngu vona va nga m'velekela vanana Dhavhidha kona Hebroni.
Abhineri e maha txitumelelano ni Dhavhidha
6Se mbimo yile ku nga ti ni kulwa hagari ka nyumba ya Sawule ni nyumba ya Dhavhidha, ku to maheka taku Abhineri e emela nyumba ya Sawule. 7Se Sawule a ti ti ni txikaba, txi ditina da txona i nga ti ti Rispa mwana Aya; kambe Isibhosete a to khene ka Abhineri: Ngu kutxani u nga wulela ka txikaba txa tate wangu kani? 8Sekoko Abhineri a to henyiswa ngutu ngu mapswi a Isibhosete, a txi khene: Ina ani ni msungo wa yimbwa, ni lumbako va ka Judha kani? Ni nyamsi ni ngadi ni txi mahela wunene nyumba ya Sawule, tate wako, ka vananu, ni ka vangana vako, kambe kha na kuningela manzani ka Dhavhidha; se awe nyamsi u lava ku ni ninga mnandu ngu mhaka ya wubihi wa wamsikati wuwa. 9Ngu kumaha keto Txizimu txi na mahe ka Abhineri ni ka vamwani, nga tile Mkoma a nga xambanya ka Dhavhidha, ni na mmahisa toneto,
10 # Wona ni ka: 1 Sam. 15:28. ngu kuthavisa mfumo ka nyumba ya Sawule ni guleta txikhalo txa wukoma txa Dhavhidha txitimwi ka Israyeli ni txitimwi ka Judha, kukhukhela Dhani kala Bherisebha.
11Se Isibhosete kha ya xamula txilo ka Abhineri, nguko a ti ti mthava.
12Sekoko Abhineri a to rumela mitumi yo ya ka Dhavhidha, yi txi ya kha yona: Nda mani ditiko kani? Se a to khene: Maha txitumelelano ni nani, se ani ni na kuvhuna kumaha ti to dotshe ditiko da va ka Israyeli di tshumelela kwako.
13Se Dhavhidha a to khene: Ngu tona, ni na maha txitumelelano ni nawe. Aniko ni kukombela txa tximwetxo dwe, i ku txiya: Khu na mbi wona khohe yangu, ngako u si ni tiseli Mikali, mwanana wa dihorana wa Sawule, ditshiku di utako ku ta ni wona.
14 # Wona ni ka: 1 Sam. 18:27. Dhavhidha nene a to rumela mitumi ka Isibhosete, mwana Sawule, a txi khene: Ni ninge msikati wangu Mikali, awule ni nga mlowola ngu 100 wa makhutu a Vafilista.
15Se Isibhosete a to rumela vo ya mthavisa ka mwamna wakwe Palitiyeli, mwana Layisi. 16Se mwamna wakwe a to londeta ngu msana a txi dila, kala Bhawurime. Sekoko Abhineri a to khene kwakwe: Tshumela u tsula konkuwa. Se ene a to tshumela.
17Se Abhineri a to womba-womba ni madhota a Israyeli, a txi khene: I kale mi txi lava ti to Dhavhidha e fuma txitimwi kwanu. 18Mmaheni koko mfumeli konkuwa, nguko Mkoma a wombile ka Dhavhidha, a txi khene: Ngu dianza da txithumi txangu Dhavhidha, ni na txhatxhisa vathu vangu manzani ka Vafilista, ni manzani ka votshe valala vawe.
19Se Abhineri a to womba kambe toneto tinzeveni ka Bhenjamini; a to ya womba kambe Abhineri tinzeveni ka Dhavhidha, kona Hebroni, totshe timhaka tile i nga ti tinene masoni ka Israyeli ni ka yotshe nyumba ya ka Bhenjamini.
20Se Abhineri a tota ka Dhavhidha, kona Hebroni, a di ni magumi mambidi a vavamna, kambe Dhavhidha a to mahela m'buso Abhineri ni vavamna vale a nga ti ti navo. 21Sekoko Abhineri a to khene ka Dhavhidha: Na khukha ni ya tshanganisa votshe va ka Israyeli ka mfumeli, nyamne wangu, kasiku ve maha txitumelelano ni nawe; se awe u na fuma ka ti u ti lavisako tona. Koneho Dhavhidha a to satisana ni Abhineri, se e tsula ngu kuthutha.
Kudawa ka Abhineri
22Wona ta ku sithumi sa Dhavhidha ni Jowabhi si to wuya ngu yimbini, si di rwete siya sasingi so handwa; kambe Abhineri asi nga ngadi ni Dhavhidha, kona Hebroni, nguko ene a ti ti satisani nayo, e ti tsulela ngu kudikha. 23Ngako koko, Jowabhi ni dotshe dibutho da yimbi dile a nga ti nado va di hokile Hebroni, a to gelwa ku kha vona: Abhineri, mwana Neri, a tile ka mfumeli; e ta satisana nayo kha kwati e tsula ngu kudikha. 24Sekoko Jowabhi a to wulela ka mfumeli, a txi khene: U mahile txani kani? Wona taku, Abhineri a tile kwako; ngu kutxani koko, u nga mleka e tsula ngu kudikha kani? 25Wa m'ziva kha kwati Abhineri, mwana Neri, ti to a tete ku ta kukanganyisa ni kuziva kuhuma kwako ni wulela kwako, e pfisisa totshe ti wu mahako.
26Se Jowabhi a di humile ka Dhavhidha, a to ruma mitumi yo londeta Abhineri, se veya mtshumeta kukhukhela txisimani ka Sira, na Dhavhidha asi tizivi. 27A di hokile koko, Abhineri kona Hebroni, Jowabhi a to m'dhana ngu txihunja ha txikeni, nga o lava kuya mlengela to kari, se eya m'daya koneho ngu ha ka limbavhu la wutxhanu, a txi fa ngu mhaka ya mnoha wa Asayeli, mwanawe. 28Ngako a di ti pfite Dhavhidha a to khene: Ani ni mfumo wangu kha hi na mnandu ka Mkoma kala kupinduka, ka mnoha wa Abhineri, mwana Neri. 29U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.
30Jowabhi koko ni mwanawe Abhixayi, va to daya Abhineri, ngu mhaka ya kule a nga daya Asayeli mwanawe, yimbini ka Gibheyoni.
31A to khene koko, Dhavhidha ka Jowabhi ni ka vathu vale a nga ti ti navo: Vharulelani syambalo sanu; mi sunga tinguwo ta masaka mi mdila Abhineri. Se mfumeli Dhavhidha a to londisela txithathe txi txi nga ti rwate txirumbi. 32Se va di Hebroni ku tshotshani ka Abhineri, mfumeli a to guleta dipswi dakwe e dila hafuhi ni dithitha da Abhineri, se votshe vathu va to dila.
33Se mfumeli a to thula ndando ya kudila Abhineri a txi khene:
Ina Abhineri kha ya fisa ku nga txiphukuphuku kani?
34Manza ako ma si ya sungwa,
hambi mikondo yako yi si ya sungwa ngu titxhini ta msuku;
kambe uto fisa ku nga wule a wako masoni ka vanana va vabihi!
Sekoko vathu votshe va to mdila ngutu.
35Sekoko vathu votshe va to ya khongotela Dhavhidha ku a txi dya sakudya, i di ngadi mitshikari, kambe Dhavhidha a to xambanya, a txi khene: Txizimu txi na mahe ni kuengeta kwangu, ngako ni txo thuka ni dya sakudya kumbe tximwani txokari, na ditambo di sanzi kuswa.
36Mbimo yi votshe vathu va nga tipfa, va to tsakiswa ngu mhaka ya kona, ni ngu totshe tile mfumeli a nga maha, ti to woneka i di ta tinene masoni ka votshe vathu. 37Se votshe vathu ni votshe va ka Israyeli va to pfisisa, ka dona ditshiku dile tito, kha ta ta ngu ka mfumeli ku e dawa Abhineri, mwana Neri. 38Sekoko mfumeli a to khene ka sithumi sakwe: Ina kha mi tizivi taku nyamsi kuwite mthangeli wa hombe wa Israyeli kani? 39Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.
Currently Selected:
2 Samuwele 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
2 Samuwele 3
3
1Se ku to maneka kulwa ka hombe hagari ka nyumba ya ka Sawule ni ya ka Dhavhidha; kambe Dhavhidha a to simama e va ni mtamo, aniko nyumba ya ka Sawule yi to guma mtamo.
Vanana va Dhavhidha
2Dhavhidha a to velekelwa vanana kona Hebroni: Matiwula akwe i Amoni, wo velekwa ngu Ayinowame, Mujezireyeli; 3se wa wumbidi i Kileyabhe, wo velekwa ngu Abhigayeli, msikati wa Nabhali, mukarmeli; wa wuraru i Abhisalome mwana Mahaka, mwana Talimayi, mfumeli wa Gesuri; 4wa wumune i Adhoniya, mwana Hagite, wa wutxhanu i Sefatiya, mwana Abhitali; 5wa wutxhanu ni mmweyo i Itreyamu, wa Egila msikati wa Dhavhidha; avava ngu vona va nga m'velekela vanana Dhavhidha kona Hebroni.
Abhineri e maha txitumelelano ni Dhavhidha
6Se mbimo yile ku nga ti ni kulwa hagari ka nyumba ya Sawule ni nyumba ya Dhavhidha, ku to maheka taku Abhineri e emela nyumba ya Sawule. 7Se Sawule a ti ti ni txikaba, txi ditina da txona i nga ti ti Rispa mwana Aya; kambe Isibhosete a to khene ka Abhineri: Ngu kutxani u nga wulela ka txikaba txa tate wangu kani? 8Sekoko Abhineri a to henyiswa ngutu ngu mapswi a Isibhosete, a txi khene: Ina ani ni msungo wa yimbwa, ni lumbako va ka Judha kani? Ni nyamsi ni ngadi ni txi mahela wunene nyumba ya Sawule, tate wako, ka vananu, ni ka vangana vako, kambe kha na kuningela manzani ka Dhavhidha; se awe nyamsi u lava ku ni ninga mnandu ngu mhaka ya wubihi wa wamsikati wuwa. 9Ngu kumaha keto Txizimu txi na mahe ka Abhineri ni ka vamwani, nga tile Mkoma a nga xambanya ka Dhavhidha, ni na mmahisa toneto,
10 # Wona ni ka: 1 Sam. 15:28. ngu kuthavisa mfumo ka nyumba ya Sawule ni guleta txikhalo txa wukoma txa Dhavhidha txitimwi ka Israyeli ni txitimwi ka Judha, kukhukhela Dhani kala Bherisebha.
11Se Isibhosete kha ya xamula txilo ka Abhineri, nguko a ti ti mthava.
12Sekoko Abhineri a to rumela mitumi yo ya ka Dhavhidha, yi txi ya kha yona: Nda mani ditiko kani? Se a to khene: Maha txitumelelano ni nani, se ani ni na kuvhuna kumaha ti to dotshe ditiko da va ka Israyeli di tshumelela kwako.
13Se Dhavhidha a to khene: Ngu tona, ni na maha txitumelelano ni nawe. Aniko ni kukombela txa tximwetxo dwe, i ku txiya: Khu na mbi wona khohe yangu, ngako u si ni tiseli Mikali, mwanana wa dihorana wa Sawule, ditshiku di utako ku ta ni wona.
14 # Wona ni ka: 1 Sam. 18:27. Dhavhidha nene a to rumela mitumi ka Isibhosete, mwana Sawule, a txi khene: Ni ninge msikati wangu Mikali, awule ni nga mlowola ngu 100 wa makhutu a Vafilista.
15Se Isibhosete a to rumela vo ya mthavisa ka mwamna wakwe Palitiyeli, mwana Layisi. 16Se mwamna wakwe a to londeta ngu msana a txi dila, kala Bhawurime. Sekoko Abhineri a to khene kwakwe: Tshumela u tsula konkuwa. Se ene a to tshumela.
17Se Abhineri a to womba-womba ni madhota a Israyeli, a txi khene: I kale mi txi lava ti to Dhavhidha e fuma txitimwi kwanu. 18Mmaheni koko mfumeli konkuwa, nguko Mkoma a wombile ka Dhavhidha, a txi khene: Ngu dianza da txithumi txangu Dhavhidha, ni na txhatxhisa vathu vangu manzani ka Vafilista, ni manzani ka votshe valala vawe.
19Se Abhineri a to womba kambe toneto tinzeveni ka Bhenjamini; a to ya womba kambe Abhineri tinzeveni ka Dhavhidha, kona Hebroni, totshe timhaka tile i nga ti tinene masoni ka Israyeli ni ka yotshe nyumba ya ka Bhenjamini.
20Se Abhineri a tota ka Dhavhidha, kona Hebroni, a di ni magumi mambidi a vavamna, kambe Dhavhidha a to mahela m'buso Abhineri ni vavamna vale a nga ti ti navo. 21Sekoko Abhineri a to khene ka Dhavhidha: Na khukha ni ya tshanganisa votshe va ka Israyeli ka mfumeli, nyamne wangu, kasiku ve maha txitumelelano ni nawe; se awe u na fuma ka ti u ti lavisako tona. Koneho Dhavhidha a to satisana ni Abhineri, se e tsula ngu kuthutha.
Kudawa ka Abhineri
22Wona ta ku sithumi sa Dhavhidha ni Jowabhi si to wuya ngu yimbini, si di rwete siya sasingi so handwa; kambe Abhineri asi nga ngadi ni Dhavhidha, kona Hebroni, nguko ene a ti ti satisani nayo, e ti tsulela ngu kudikha. 23Ngako koko, Jowabhi ni dotshe dibutho da yimbi dile a nga ti nado va di hokile Hebroni, a to gelwa ku kha vona: Abhineri, mwana Neri, a tile ka mfumeli; e ta satisana nayo kha kwati e tsula ngu kudikha. 24Sekoko Jowabhi a to wulela ka mfumeli, a txi khene: U mahile txani kani? Wona taku, Abhineri a tile kwako; ngu kutxani koko, u nga mleka e tsula ngu kudikha kani? 25Wa m'ziva kha kwati Abhineri, mwana Neri, ti to a tete ku ta kukanganyisa ni kuziva kuhuma kwako ni wulela kwako, e pfisisa totshe ti wu mahako.
26Se Jowabhi a di humile ka Dhavhidha, a to ruma mitumi yo londeta Abhineri, se veya mtshumeta kukhukhela txisimani ka Sira, na Dhavhidha asi tizivi. 27A di hokile koko, Abhineri kona Hebroni, Jowabhi a to m'dhana ngu txihunja ha txikeni, nga o lava kuya mlengela to kari, se eya m'daya koneho ngu ha ka limbavhu la wutxhanu, a txi fa ngu mhaka ya mnoha wa Asayeli, mwanawe. 28Ngako a di ti pfite Dhavhidha a to khene: Ani ni mfumo wangu kha hi na mnandu ka Mkoma kala kupinduka, ka mnoha wa Abhineri, mwana Neri. 29U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.
30Jowabhi koko ni mwanawe Abhixayi, va to daya Abhineri, ngu mhaka ya kule a nga daya Asayeli mwanawe, yimbini ka Gibheyoni.
31A to khene koko, Dhavhidha ka Jowabhi ni ka vathu vale a nga ti ti navo: Vharulelani syambalo sanu; mi sunga tinguwo ta masaka mi mdila Abhineri. Se mfumeli Dhavhidha a to londisela txithathe txi txi nga ti rwate txirumbi. 32Se va di Hebroni ku tshotshani ka Abhineri, mfumeli a to guleta dipswi dakwe e dila hafuhi ni dithitha da Abhineri, se votshe vathu va to dila.
33Se mfumeli a to thula ndando ya kudila Abhineri a txi khene:
Ina Abhineri kha ya fisa ku nga txiphukuphuku kani?
34Manza ako ma si ya sungwa,
hambi mikondo yako yi si ya sungwa ngu titxhini ta msuku;
kambe uto fisa ku nga wule a wako masoni ka vanana va vabihi!
Sekoko vathu votshe va to mdila ngutu.
35Sekoko vathu votshe va to ya khongotela Dhavhidha ku a txi dya sakudya, i di ngadi mitshikari, kambe Dhavhidha a to xambanya, a txi khene: Txizimu txi na mahe ni kuengeta kwangu, ngako ni txo thuka ni dya sakudya kumbe tximwani txokari, na ditambo di sanzi kuswa.
36Mbimo yi votshe vathu va nga tipfa, va to tsakiswa ngu mhaka ya kona, ni ngu totshe tile mfumeli a nga maha, ti to woneka i di ta tinene masoni ka votshe vathu. 37Se votshe vathu ni votshe va ka Israyeli va to pfisisa, ka dona ditshiku dile tito, kha ta ta ngu ka mfumeli ku e dawa Abhineri, mwana Neri. 38Sekoko mfumeli a to khene ka sithumi sakwe: Ina kha mi tizivi taku nyamsi kuwite mthangeli wa hombe wa Israyeli kani? 39Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.