2 Samuwele 22
22
Ndando ya kuxula ka Dhavhidha
(Masalmo 18)
1Se Dhavhidha a to womba ka Mkoma mapswi a ndando yiya, ka ditshiku dile Mkoma a nga mtxhatxhisa manzani ka votshe valala vakwe ni manzani ka Sawule.
2A to khene koko:
Mkoma dirigwi dangu,
ni wukhalo wangu wo tsana,
ni mtxhatxhisi wangu.
3Txizimu dirigwi dangu, ni na themba ka txona.
Txitxhangu txangu,
ni mtamo wa kuhanyiswa kwangu,
dikhokhola dangu ni wuthavelo wangu.
Awe Mhanyisi wangu,
u ni hanyisile ka vale va ni xanisako.
4 Mkoma ana ni fanelo ya kudhumiswa,
ni mdhani,
se ni mana kutxhatxhiswa ka valala vangu.
5Nguko mavimbi a kufa ma ni randete,
ni mtalo wa wubiha wu ni fenengetile.
6Majoke a kuhokomani ma ni sungile,
tingoti ta lifo ti ni mani.
7Na ni di kupandisekani kwangu ni dhani Mkoma,
kambe ni dite ka Txizimu txangu;
ene a engisile dipswi dangu a di dithepeleni kwakwe,
ni kudila kwangu kuhokile tinzeveni kwakwe.
8Sekoko mafu ma to zinginika me bandeka,
makhato a nzuma ma to zinginika me bandeka,
nguko ene a henyile.
9Wu to kwelela wutshi wa tithonvuni kwakwe,
ni mndilo wo lovisa ngu txisofuni kwakwe;
ni makala o turiswa ngu ngene.
10Se a to kweva nzuma e txhika,
aniko txidema txa hombe txi ti ti hahatshi ka mikondo yakwe.
11Se a to gadha ka dikerubhima, e puruma ngu dona;
e wonwa txitimwi ka tibhapi ta moya.
12A to veka txidema amu ka matenda a ma nga mranganyeta,
kupatana ka mati,
ni marefu a nzumani.
13Kuphatima kwakwe,
ku to turisa makala a mndilo.
14 Mkoma a to dhinda a di nzumani,
Nyatxitimwi a to pfalisa dipswi dakwe.
15A to khwinza tingove takwe e va fula;
se kukeluka ku to vathavisa.
16Kambe ku to humelela kutshima ka linene,
makhato a mafu ma to vhunungulwa,
ngu kudhusa ka Mkoma,
ni kufuteta ka moya wa tithonvuni kwakwe.
17A nawulutile diwoko dakwe a di txitimwi, e ni ñola;
e ni humisa amu ka mati amangi.
18A ni hulukisile ka valala vangu va mtamo,
ni ka vale va ni vengelako,
nguko va ni mtamo ngutu kupinda ani.
19Va to ni mana ngu ditshiku da dikhombo dangu;
kambe Mkoma a ti mahile txiseketelo txangu.
20Se a to ni humisa ha kubasani,
e ni hanyisa, nguko wa ni tsakela.
21 Mkoma a ni hakete madingano ni kululama kwangu,
madingano ni kusawuleka ka manza angu a ni tshumetete.
22Nguko ni xayisile tinzila ta Mkoma,
kambe kha na hambuka ka Txizimu txangu.
23Nguko sotshe sileleto sakwe si ti masoni kwangu,
ni sirumo sakwe kha na si tshuralela.
24Kambe ni vi m'thu wa ditshuri masoni kwakwe,
aniko ni tivhikela ka tinzila to biha.
25Se Mkoma a ni tshumetete madingano ni kululama kwangu,
ni madingano ni kusawuleka kwangu masoni kwakwe.
26Ka wule wamnene u tikomba ngu wunene, ka wamwamna wo thembeka u tikomba ngu kuthembeka.
27Se ka wule wo sawuleka u woneka u di sawulekile,
aniko ka wule wo biha, u ti wonekisa ngu wubihi.
28Se awe wa txhatxhisa vathu va va xanisekako,
aniko maso ako ma wukela vale va ti guletako,
kambe awe wa va wisa hahatshi.
29Nguko awe Mkoma u liwoningo langu;
kambe Mkoma wa woninga txidema txangu.
30Nguko ni nawe na sikota kupinda hagari ka valala,
ngu Txizimu txangu ni na ndaka diguma.
31Nzila ya Txizimu yi hetisekile,
ni dipswi da Mkoma di basile,
ene txitxhangu txa votshe vale va mthembako.
32Nguko i mani i ku Txizimu, hahanze kwako Mkoma kani?
Ni ku i mani i ku dirigwi, hahanze ka Txizimu txathu kani?
33Txizimu dikhokhola dangu,
ni mtamo wangu,
ngu txona txi mahako nzila yangu yi va yo hetiseka.
34 # Wona ni ka: Hab. 3:19. Txi maha ti to mikondo yangu yi fana ni ya timhoti;
txi ni veka txitimwi ka mmango wangu.
35Ene a gondisa manza angu kulwa,
aha koza diwoko dangu di sikota funya wulaho wa koporo.
36U ni ningile txitxhangu txa kuhanyisa kwako,
kambe ngu wunene wako, u ni kulisile.
37U ananisile nzila hahatshi ka mikondo yangu,
se mikondo yangu kha ya rithimuka.
38Ni tutumisile valala vangu, ni vaxula,
kha na tshumela kambe, kala kuza ni va lovisa.
39Ni va lovisile ni va ganyatela,
aha koza ve tandeka ni kukhukha,
aniko va to wa hahatshi ka mikondo yangu.
40Nguko u ni sungile ngu mtamo wo ya yimbini,
u wisile hahatshi avale va ni wukelako.
41Se u ni ningile magondo a valala vangu,
avale va nga ti ni nyenya,
se ni va hoxotile.
42Va to wona, kambe kha va mana mtxhatxhisi,
ina, ka Mkoma, kambe kha va xamula.
43Sekoko ni to va tshinda va txi nga lithule la mafu,
ni va kandetela ni ku vafuvisa kufana ni lidhaka la hanzila.
44Awe u ni txhatxhisile ku lwisanani ka vathu vangu;
kambe u ni veka ku va mthangeli wa matiko;
vathu vale ni nga si va zivi va na ni thumela.
45Vanana va vamatiko va ti vekile hahatshi,
va di pfite dipswi dangu, va ni engisile.
46Vanana va vamatiko va gumile mtamo;
se va huma mikhokholani kwawe ngu kudhudhumela.
47 Mkoma wa hanya,
ku na dhumiswe dirigwi dangu,
kambe txi na guletwe Txizimu, dirigwi da kuhanyiswa kwangu!
48Txizimu txi txi ni ningako kuphota ko enela,
txi vekako vathu hahatshi kwangu,
49kambe txi ni thavisako hagari ka valala vangu,
se awe wa ni guleta txitimwi ka vale va ni wukelako;
u ni txhatxhisa ka m'thu wa mtamo.
50 # Wona ni ka: Var. 15:9. Ngu toneto, awe Mkoma,
ni na kudhumisa hagari ka matiko,
kambe ni na embelela tindando to dhumisa ditina dako.
51Ene ngene i ku txitezi txa kuhanyisa ka mfumeli wakwe,
kambe a komba lirando ka wule wo totwa wakwe,
ka Dhavhidha ni ka liveleko lakwe,
kala kupinduka.
Currently Selected:
2 Samuwele 22: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
2 Samuwele 22
22
Ndando ya kuxula ka Dhavhidha
(Masalmo 18)
1Se Dhavhidha a to womba ka Mkoma mapswi a ndando yiya, ka ditshiku dile Mkoma a nga mtxhatxhisa manzani ka votshe valala vakwe ni manzani ka Sawule.
2A to khene koko:
Mkoma dirigwi dangu,
ni wukhalo wangu wo tsana,
ni mtxhatxhisi wangu.
3Txizimu dirigwi dangu, ni na themba ka txona.
Txitxhangu txangu,
ni mtamo wa kuhanyiswa kwangu,
dikhokhola dangu ni wuthavelo wangu.
Awe Mhanyisi wangu,
u ni hanyisile ka vale va ni xanisako.
4 Mkoma ana ni fanelo ya kudhumiswa,
ni mdhani,
se ni mana kutxhatxhiswa ka valala vangu.
5Nguko mavimbi a kufa ma ni randete,
ni mtalo wa wubiha wu ni fenengetile.
6Majoke a kuhokomani ma ni sungile,
tingoti ta lifo ti ni mani.
7Na ni di kupandisekani kwangu ni dhani Mkoma,
kambe ni dite ka Txizimu txangu;
ene a engisile dipswi dangu a di dithepeleni kwakwe,
ni kudila kwangu kuhokile tinzeveni kwakwe.
8Sekoko mafu ma to zinginika me bandeka,
makhato a nzuma ma to zinginika me bandeka,
nguko ene a henyile.
9Wu to kwelela wutshi wa tithonvuni kwakwe,
ni mndilo wo lovisa ngu txisofuni kwakwe;
ni makala o turiswa ngu ngene.
10Se a to kweva nzuma e txhika,
aniko txidema txa hombe txi ti ti hahatshi ka mikondo yakwe.
11Se a to gadha ka dikerubhima, e puruma ngu dona;
e wonwa txitimwi ka tibhapi ta moya.
12A to veka txidema amu ka matenda a ma nga mranganyeta,
kupatana ka mati,
ni marefu a nzumani.
13Kuphatima kwakwe,
ku to turisa makala a mndilo.
14 Mkoma a to dhinda a di nzumani,
Nyatxitimwi a to pfalisa dipswi dakwe.
15A to khwinza tingove takwe e va fula;
se kukeluka ku to vathavisa.
16Kambe ku to humelela kutshima ka linene,
makhato a mafu ma to vhunungulwa,
ngu kudhusa ka Mkoma,
ni kufuteta ka moya wa tithonvuni kwakwe.
17A nawulutile diwoko dakwe a di txitimwi, e ni ñola;
e ni humisa amu ka mati amangi.
18A ni hulukisile ka valala vangu va mtamo,
ni ka vale va ni vengelako,
nguko va ni mtamo ngutu kupinda ani.
19Va to ni mana ngu ditshiku da dikhombo dangu;
kambe Mkoma a ti mahile txiseketelo txangu.
20Se a to ni humisa ha kubasani,
e ni hanyisa, nguko wa ni tsakela.
21 Mkoma a ni hakete madingano ni kululama kwangu,
madingano ni kusawuleka ka manza angu a ni tshumetete.
22Nguko ni xayisile tinzila ta Mkoma,
kambe kha na hambuka ka Txizimu txangu.
23Nguko sotshe sileleto sakwe si ti masoni kwangu,
ni sirumo sakwe kha na si tshuralela.
24Kambe ni vi m'thu wa ditshuri masoni kwakwe,
aniko ni tivhikela ka tinzila to biha.
25Se Mkoma a ni tshumetete madingano ni kululama kwangu,
ni madingano ni kusawuleka kwangu masoni kwakwe.
26Ka wule wamnene u tikomba ngu wunene, ka wamwamna wo thembeka u tikomba ngu kuthembeka.
27Se ka wule wo sawuleka u woneka u di sawulekile,
aniko ka wule wo biha, u ti wonekisa ngu wubihi.
28Se awe wa txhatxhisa vathu va va xanisekako,
aniko maso ako ma wukela vale va ti guletako,
kambe awe wa va wisa hahatshi.
29Nguko awe Mkoma u liwoningo langu;
kambe Mkoma wa woninga txidema txangu.
30Nguko ni nawe na sikota kupinda hagari ka valala,
ngu Txizimu txangu ni na ndaka diguma.
31Nzila ya Txizimu yi hetisekile,
ni dipswi da Mkoma di basile,
ene txitxhangu txa votshe vale va mthembako.
32Nguko i mani i ku Txizimu, hahanze kwako Mkoma kani?
Ni ku i mani i ku dirigwi, hahanze ka Txizimu txathu kani?
33Txizimu dikhokhola dangu,
ni mtamo wangu,
ngu txona txi mahako nzila yangu yi va yo hetiseka.
34 # Wona ni ka: Hab. 3:19. Txi maha ti to mikondo yangu yi fana ni ya timhoti;
txi ni veka txitimwi ka mmango wangu.
35Ene a gondisa manza angu kulwa,
aha koza diwoko dangu di sikota funya wulaho wa koporo.
36U ni ningile txitxhangu txa kuhanyisa kwako,
kambe ngu wunene wako, u ni kulisile.
37U ananisile nzila hahatshi ka mikondo yangu,
se mikondo yangu kha ya rithimuka.
38Ni tutumisile valala vangu, ni vaxula,
kha na tshumela kambe, kala kuza ni va lovisa.
39Ni va lovisile ni va ganyatela,
aha koza ve tandeka ni kukhukha,
aniko va to wa hahatshi ka mikondo yangu.
40Nguko u ni sungile ngu mtamo wo ya yimbini,
u wisile hahatshi avale va ni wukelako.
41Se u ni ningile magondo a valala vangu,
avale va nga ti ni nyenya,
se ni va hoxotile.
42Va to wona, kambe kha va mana mtxhatxhisi,
ina, ka Mkoma, kambe kha va xamula.
43Sekoko ni to va tshinda va txi nga lithule la mafu,
ni va kandetela ni ku vafuvisa kufana ni lidhaka la hanzila.
44Awe u ni txhatxhisile ku lwisanani ka vathu vangu;
kambe u ni veka ku va mthangeli wa matiko;
vathu vale ni nga si va zivi va na ni thumela.
45Vanana va vamatiko va ti vekile hahatshi,
va di pfite dipswi dangu, va ni engisile.
46Vanana va vamatiko va gumile mtamo;
se va huma mikhokholani kwawe ngu kudhudhumela.
47 Mkoma wa hanya,
ku na dhumiswe dirigwi dangu,
kambe txi na guletwe Txizimu, dirigwi da kuhanyiswa kwangu!
48Txizimu txi txi ni ningako kuphota ko enela,
txi vekako vathu hahatshi kwangu,
49kambe txi ni thavisako hagari ka valala vangu,
se awe wa ni guleta txitimwi ka vale va ni wukelako;
u ni txhatxhisa ka m'thu wa mtamo.
50 # Wona ni ka: Var. 15:9. Ngu toneto, awe Mkoma,
ni na kudhumisa hagari ka matiko,
kambe ni na embelela tindando to dhumisa ditina dako.
51Ene ngene i ku txitezi txa kuhanyisa ka mfumeli wakwe,
kambe a komba lirando ka wule wo totwa wakwe,
ka Dhavhidha ni ka liveleko lakwe,
kala kupinduka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.