4 Musa 28
28
Si pèlènken menerrus
(2 Ms. 29:38-46)
1Ipasulak Jahowa mo si Musa 2pesakatken bai bangsa Israel magahken kennah ngo iperdatèken kalak i gennep asa i tikki sienggo itentuken, ipèlèken pèlèen merumang panganen sipesennangken ukur Jahowa.
3Enda mo pèlèen sikennah ipèlèken bai Jahowa: Mahan pèlèen sigennep ari, dua anak biri-biri tonggal merumur sitahun siso mertikas, 4sada mo i mahan pèlèen siceggen, janah sada nai mahan pèlèen cibon. 5Rebbak dekket anak biri-biri i kennah ipèlèken sada kilo nditak isakkor dekket sada sellup minak Zaitun simerandalna kalohon. 6Idi mo pèlèen situtungen menettap perlebbè kalohon ipèlèken i Delleng Sinai. Bauna i mo pesennangken ukur Jahowa. 7Rebbak dekket anak biri-biri i kennah ipèlèken ma mo sisellup laè anggur sinipispisken mi babo langgaten. 8Anak biri-biri sipèlènken cibon kennah ipèlèken tosè bagè pèlèen siceggen, merdengan laè anggur. Bau pèlèen situtungen idi mo pesennangken ukur Jahowa.
Pèlèen tupung ari Sabat
9 #
Mat. 12:5
Tupung ari Sabat kennah ipèlèken mo dua anak biri-biri tonggal merumur sitahun siso lot tikasna, dua kilo nditak isakkor dekket minak Zaitun mahan pèlèen hantaren bak pèlèen laè anggur. 10Kennah ipèlèken ngo pèlèen situtungen i gennep ari Sabat mahan tambah pèlèen sigennep ari rebbak dekket pèlèen laè anggur.
Pèlèen tupung ari sada gennep bulan
11Tikan i benna gennep bulan kennah ipèlèken mo bai Jahowa pèlèen situtungen imo dua lembu tonggal bajar dèng, sada biri-biri tonggal, pitu anak biri-biri tonggal merumur sitahun karina ngo i siso lot tikasna. 12Mahan pèlèen hantaren kennah ipèlèken nditak sienggo isakkor dekket minak Zaitun; tellu kilo nditak adum gennep sada lembu tonggal; dua kilo nditak adum biri-biri tonggal 13dekket sada kilo nditak adum gennep sada biri-biri tonggal. Merumang pèlèen sipanganen ngo pèlèen situtungen idi, janah bauna i mo pesennangken ukur Jahowa. 14Rasken dekket pèlèen situtungen idi kennah ipèlèken dèng ma ngo pèlèen laè anggur, dua sellup buèna mi gennep sada lembu tonggal, tengah dua sellup mi gennep biri-biri tonggal, janah sada sellup mi gennep sada anak biri-biri. Idi mo hatoren tersèngèt pèlèen situtungen sikennah ipèlèken tupung ari sada gennep bulan gennep tahun. 15Sikira tambahna mi pèlèen situtungen sigennep ari bak pèlèen laè anggurna, kennah pèlènken ndènè dèng ma ngo sada kambing tonggal mahan pèlèen kesasaen dosa.
Pèlèen tikan Pèsta Roti siso Meragi
(3 Ms. 23:5-14)
16 #
2 Ms. 12:1-13; 5 Ms. 16:1-2 I ari sipuluh empat bulan sada, imo ari Paskah bai Jahowa. 17#2 Ms. 12:14-20, 23:15, 34:18; 5 Ms. 16:3-8 Sibarembenkenna, ari sipuluh lima, itebenai mo Pèsta Roti siso Meragi, janah sidekkah pitu ari mak ndorok kènè mangan roti sinibahan merdengan ragi. 18I ari perlebbè pèsta i kennah bakinen ndènè ngo perpulungen lako memoji Jahowa, janah mak ndorok mahan bahaen mberrat. 19Pèlèken mo bai Jahowa pèlèen situtungen merumang dua lembu tonggal anakna dèng, sada biri-biri tonggal, dekket pitu anak biri-biri tonggal merumur sitahun, karina i oda lot tikasna. 20Pèlèken mo pèlèen hantaren sikennah pesakaten, imo nditak merdengan minak zaitun: Tellu kilo nditak mi gennep sada lembu tonggal, dua kilo mi biri-biri tonggal, 21janah sada kilo mi gennep anak biri-biri tonggal. 22Pèlèken ma mo sada kambing tonggal mahan pèlèen kesasaen dosa. Merkitè dalan bagi mo kènè memaing kerja kesasaen dosa bangsa i. 23Karinana pèlèen idi sikira tambahna mi pèlèen situtungen siceggen bagè ncemmalna. 24Dekket cara bagi ma ngo kènè kennah memèlèken pèlèen situtungen bai Jahowa sidekkah pitu ari. Pèlèen idi sikira tambahna ngo mi pèlèen situtungen sigennep ari rasken pèlèen laè anggurna. Bau pèlèen idi mo pesennangken ukur Jahowa. 25I ari pepituken kennah memaing perpulungen ngo kènè lako memoji Jahowa janah mak ndorok mengulaken bahaen mberrat.
Pèlèen tikan Pèsta Peranien
(3 Ms. 23:15-22)
26 #
2 Ms. 23:16, 34:22; 5 Ms. 16:9-12 I ari perlebbè Pèsta Peranien, imo ari Raya enggo kessa pul pitu minggu, tikanna memèlèken pagè rimbaru kènè bai Jahowa, kennah ngo kènè memaing perpulungen lako memoji Jahowa, janah mak ndorok mengulaken bahaen mberrat. 27Pèlèken mo bai Jahowa pèlèen situtungen imo dua lembu tonggal, sada biri-biri tonggal poso dèng, dekket pitu anak biri-biri tonggal merumur sitahun, karina i siso lot tikasna. Bau pèlèen situtungen i mo pesennangken ukur Jahowa. 28Pèlèken mo pèlèen hantaren sienggo ipatokken, imo nditak icampur minak zaitun: Tellu kilo mi gennep sada lembu tonggal, dua kilo mi biri-biri tonggal. 29Janah sada kilo mi gennep sada anak biri-biri. 30Pèlèken ma mo sada kambing tonggal mahan pèlèen kesasaen dosa. Dekket dalan bagi mo kènè memahanken kerja kesasaen dosa bangsa i. 31Karina pèlèen idi rasken pèlèen anggur sikira tambahna ngo i mi pèlèen situtungen gennep ari bak pèlèen hantaren.
Currently Selected:
4 Musa 28: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
4 Musa 28
28
Si pèlènken menerrus
(2 Ms. 29:38-46)
1Ipasulak Jahowa mo si Musa 2pesakatken bai bangsa Israel magahken kennah ngo iperdatèken kalak i gennep asa i tikki sienggo itentuken, ipèlèken pèlèen merumang panganen sipesennangken ukur Jahowa.
3Enda mo pèlèen sikennah ipèlèken bai Jahowa: Mahan pèlèen sigennep ari, dua anak biri-biri tonggal merumur sitahun siso mertikas, 4sada mo i mahan pèlèen siceggen, janah sada nai mahan pèlèen cibon. 5Rebbak dekket anak biri-biri i kennah ipèlèken sada kilo nditak isakkor dekket sada sellup minak Zaitun simerandalna kalohon. 6Idi mo pèlèen situtungen menettap perlebbè kalohon ipèlèken i Delleng Sinai. Bauna i mo pesennangken ukur Jahowa. 7Rebbak dekket anak biri-biri i kennah ipèlèken ma mo sisellup laè anggur sinipispisken mi babo langgaten. 8Anak biri-biri sipèlènken cibon kennah ipèlèken tosè bagè pèlèen siceggen, merdengan laè anggur. Bau pèlèen situtungen idi mo pesennangken ukur Jahowa.
Pèlèen tupung ari Sabat
9 #
Mat. 12:5
Tupung ari Sabat kennah ipèlèken mo dua anak biri-biri tonggal merumur sitahun siso lot tikasna, dua kilo nditak isakkor dekket minak Zaitun mahan pèlèen hantaren bak pèlèen laè anggur. 10Kennah ipèlèken ngo pèlèen situtungen i gennep ari Sabat mahan tambah pèlèen sigennep ari rebbak dekket pèlèen laè anggur.
Pèlèen tupung ari sada gennep bulan
11Tikan i benna gennep bulan kennah ipèlèken mo bai Jahowa pèlèen situtungen imo dua lembu tonggal bajar dèng, sada biri-biri tonggal, pitu anak biri-biri tonggal merumur sitahun karina ngo i siso lot tikasna. 12Mahan pèlèen hantaren kennah ipèlèken nditak sienggo isakkor dekket minak Zaitun; tellu kilo nditak adum gennep sada lembu tonggal; dua kilo nditak adum biri-biri tonggal 13dekket sada kilo nditak adum gennep sada biri-biri tonggal. Merumang pèlèen sipanganen ngo pèlèen situtungen idi, janah bauna i mo pesennangken ukur Jahowa. 14Rasken dekket pèlèen situtungen idi kennah ipèlèken dèng ma ngo pèlèen laè anggur, dua sellup buèna mi gennep sada lembu tonggal, tengah dua sellup mi gennep biri-biri tonggal, janah sada sellup mi gennep sada anak biri-biri. Idi mo hatoren tersèngèt pèlèen situtungen sikennah ipèlèken tupung ari sada gennep bulan gennep tahun. 15Sikira tambahna mi pèlèen situtungen sigennep ari bak pèlèen laè anggurna, kennah pèlènken ndènè dèng ma ngo sada kambing tonggal mahan pèlèen kesasaen dosa.
Pèlèen tikan Pèsta Roti siso Meragi
(3 Ms. 23:5-14)
16 #
2 Ms. 12:1-13; 5 Ms. 16:1-2 I ari sipuluh empat bulan sada, imo ari Paskah bai Jahowa. 17#2 Ms. 12:14-20, 23:15, 34:18; 5 Ms. 16:3-8 Sibarembenkenna, ari sipuluh lima, itebenai mo Pèsta Roti siso Meragi, janah sidekkah pitu ari mak ndorok kènè mangan roti sinibahan merdengan ragi. 18I ari perlebbè pèsta i kennah bakinen ndènè ngo perpulungen lako memoji Jahowa, janah mak ndorok mahan bahaen mberrat. 19Pèlèken mo bai Jahowa pèlèen situtungen merumang dua lembu tonggal anakna dèng, sada biri-biri tonggal, dekket pitu anak biri-biri tonggal merumur sitahun, karina i oda lot tikasna. 20Pèlèken mo pèlèen hantaren sikennah pesakaten, imo nditak merdengan minak zaitun: Tellu kilo nditak mi gennep sada lembu tonggal, dua kilo mi biri-biri tonggal, 21janah sada kilo mi gennep anak biri-biri tonggal. 22Pèlèken ma mo sada kambing tonggal mahan pèlèen kesasaen dosa. Merkitè dalan bagi mo kènè memaing kerja kesasaen dosa bangsa i. 23Karinana pèlèen idi sikira tambahna mi pèlèen situtungen siceggen bagè ncemmalna. 24Dekket cara bagi ma ngo kènè kennah memèlèken pèlèen situtungen bai Jahowa sidekkah pitu ari. Pèlèen idi sikira tambahna ngo mi pèlèen situtungen sigennep ari rasken pèlèen laè anggurna. Bau pèlèen idi mo pesennangken ukur Jahowa. 25I ari pepituken kennah memaing perpulungen ngo kènè lako memoji Jahowa janah mak ndorok mengulaken bahaen mberrat.
Pèlèen tikan Pèsta Peranien
(3 Ms. 23:15-22)
26 #
2 Ms. 23:16, 34:22; 5 Ms. 16:9-12 I ari perlebbè Pèsta Peranien, imo ari Raya enggo kessa pul pitu minggu, tikanna memèlèken pagè rimbaru kènè bai Jahowa, kennah ngo kènè memaing perpulungen lako memoji Jahowa, janah mak ndorok mengulaken bahaen mberrat. 27Pèlèken mo bai Jahowa pèlèen situtungen imo dua lembu tonggal, sada biri-biri tonggal poso dèng, dekket pitu anak biri-biri tonggal merumur sitahun, karina i siso lot tikasna. Bau pèlèen situtungen i mo pesennangken ukur Jahowa. 28Pèlèken mo pèlèen hantaren sienggo ipatokken, imo nditak icampur minak zaitun: Tellu kilo mi gennep sada lembu tonggal, dua kilo mi biri-biri tonggal. 29Janah sada kilo mi gennep sada anak biri-biri. 30Pèlèken ma mo sada kambing tonggal mahan pèlèen kesasaen dosa. Dekket dalan bagi mo kènè memahanken kerja kesasaen dosa bangsa i. 31Karina pèlèen idi rasken pèlèen anggur sikira tambahna ngo i mi pèlèen situtungen gennep ari bak pèlèen hantaren.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)