3 Musa 7
7
Pèlèen gancih kerogien
1Enda mo hatoren-hatoren tersèngèt pèlèen gancih kerogien. Mbadia kalohon ngo pèlèen idi. 2Pinakan mahan pèlèenken kennah isèat i bekkas penèaten pinakan mahan pèlèen situtungen, nai ipispisken mo darohna mi empat lumpakna langgaten i. 3-4Kennah ipèlèken imam ngo karina pessoh pinakan i i babo langgaten imo: Uitna simerpessoh, pessoh simemaluti bitukana, piah-piah dekket pessohna, dekket simerandalna kalohon ibas atèna nai. 5Karina idi kennah itutung i babo langgaten sikira pèlèen pangaen bai Jahowa. Pèlèen idi mo mahan pèlèen gancih kerogien. 6Karina dukak daholi ipas horong imam-imam nai ndorok ngo kipangan jukut pèlèen idi, tapi kennah i bekkas merkedekoen ngo ipangan kalak idi i, kerna mbadia kaloen ngo pèlèen idi.
7Mi pèlèen pengampunen dosa dekket pèlèen gancih kerogien, dos ngo hatorenna, imo: Jukut pinakan sinipèlèken, imo sulang imam simemèlèken. 8Bebak pinakan i pè imam ngo sidasa. 9Karina pèlèen hantaren sinitutung ibas penutungen barang iroroh ibas saruam barang ipanggang, imo gabè sulang imam simemèlèken. 10Tapi ukum pèlèen hantaren siso itasak sinicampur dekket minak barang pè tah ngkerrah, karinana idi bai imam imam pinempar si Aron, janah kennah merbagi dos kalak i.
Pèlèen perdamèen
11Bagèen ngo hatoren tersèngèt pèlèen perdamèen sipèlèenken bai Jahowa. 12Mula pèlèen lako mendokken lias atè ngo pèlèen idi kennah ipèlèken ma mo roti siso meragi. Ndorok ngo ngkapal-ngkapal roti idi sienggo icampur nditak dekket minak zaitun, ndorok ma ngo roti i menipis janah ngkerrah sinidalis dekket minak, barang kuè nditak sinibahan merminak zaitun. 13Laènkenna i kennah ma ngo ipèlèken roti sinibahan merdengan ragi. 14Ibas gennep bagè roti idi nai kennah ipèlèken ngo dèba bai Jahowa, janah idi mo bagian imam simemuat daroh pinakan i dekket simemispisken mi langgaten idi mahan pèlèen perdamèen. 15Jukutna kennah ipangan ngo ibas arinkenna pinakan i ipèlèken, situk poda ndorok itadingken mi sibarembenkenna.
16Mula lot sada kalak merembah pèlèen perdamèen lako pesautken niatna, barang pèlèen sitergerrek iukurna nai, oda pella perlu ipangan karina ibas sidarinkenna i. Silebbihna ndorok ngo ipangan sibarembenkenna. 17Mula soh mi ari petelluken tong dèng lot iba, kennah ilekkup ngo gulè i kerri. 18Tapi mula i ari petelluken ipangan dèng jukut idi, oda ngo ijalo pèlèen idi janah oda lot merembahken pasu-pasu bai kalak i, balikna gabè haram mo. Mersalah ngo sikipangan idi janah kennah mo igongken akibatna.
19Jukut sienggo dais mi barang kadè sienggo samur kennah ilekkup kerri janah oda ndorok ipangan.
Jukut pèlèen perdamèen pellin kalak siso samur ngo kessa ndorok kipangan. 20Mula lot kalak ipangan jukut idi keppèken tupung samur ia, oda nè ètongen ia bangsa Dèbata. 21Mula lot sada kalak kipangan jukut pèlèen idi kessa enggo lebbèen menjamah barang kadè si samur, ia tah pè idi bai jelma nai barang pè bai pinakan nai, ia pè oda nè ètongen bangsa Dèbata.
22Iberrèken Jahowa mo bai si Musa hatoren-hatoren ènda 23lako bai bangsa Israel. Pessoh lembu, biri-biri barang pè kambing oda ndorok ipangan. 24Pessoh pinakan matè bagi barang kumerna ijerngem binatang sinirambah, oda ndorok ipangan tapi ndorok ipakkè mi keperluen sidèban. 25Kalak sikipangan pessoh pinakan sindorok ipèlèken mahan pèlèen pangaen bai Dèbata, oda nè ètongen bangsa Dèbata. 26#1 Ms. 9:4; 3 Ms. 17:10-14, 19:26; 5 Ms. 12:16, 23, 15:23 Ukum kalak Israel, barang idikè sambing pè ia merian, oda ndorok ipangan daroh manuk-manuk barang pè daroh binatang sidèbanna. 27Barang isè mengelausi hatoren idi oda nè ètongen ia bangsa Dèbata.
28Iberrèken Jahowa mo bai si Musa hatoren-hatoren ènda, 29lako bai bangsa Israel. Barang isè merembah pèlèen perdamèen, kennah ipejaè mo dèba mahan pèlèen merkedekoen bai Jahowa. 30Kennah ia sendiri ngo merembah pèlèen sipanganen idi. Pessoh dekket dada pinakan i kennah ipèlèken sikira pèlèen hadeppen bai Jahowa. 31Kennah itutung imam ngo pessoh pinakan i i babo langgaten, tapi ukum dadana i jambar imam ngo i. 32Paha kamuhunna kennah iberrèken mahan pemèrèken merkedekoen 33bai imam simemèlèken daroh dekket pessoh pèlèen perdamèen idi. 34Dada dekket paha kamuhun imo pemerèken merkedekoen ibuat Jahowa ipas pèlèen hadeppen bangsa Israel janah iberrèken bai imam soh mi amman sumendah. 35Ibas pangan sinipèlèken bai Jahowa nai, i sidi nai ma mo iberrèken bai si Aron dekket bai dukak-dukakna i arinkenna kalak i ipebangkit gabè imam. 36Tikan i arinkenna i idokken Jahowa mo bai bangsa Israel asa ibas pèlèen kalak idi nai, idi ma mo jambar bai imam. Hatoren idi kennah iuèi bangsa Israel soh mi sidekkah- dekkahna.
37Bagidi mo hatoren-hatoren tersèngèt pèlèen situtungen, pèlèen hantaren, pèlèen pengampunen dosa, pèlèen gancih kerogien, pèlèen pebangkitken dekket pèlèen perdamèen. 38Iberèken Jahowa ngo pati-patiin idi bai si Musa i delleng Sinai tikan ipasulak bangsa Israel memèlèken pèlèen i gurun Sinai.
Currently Selected:
3 Musa 7: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 7
7
Pèlèen gancih kerogien
1Enda mo hatoren-hatoren tersèngèt pèlèen gancih kerogien. Mbadia kalohon ngo pèlèen idi. 2Pinakan mahan pèlèenken kennah isèat i bekkas penèaten pinakan mahan pèlèen situtungen, nai ipispisken mo darohna mi empat lumpakna langgaten i. 3-4Kennah ipèlèken imam ngo karina pessoh pinakan i i babo langgaten imo: Uitna simerpessoh, pessoh simemaluti bitukana, piah-piah dekket pessohna, dekket simerandalna kalohon ibas atèna nai. 5Karina idi kennah itutung i babo langgaten sikira pèlèen pangaen bai Jahowa. Pèlèen idi mo mahan pèlèen gancih kerogien. 6Karina dukak daholi ipas horong imam-imam nai ndorok ngo kipangan jukut pèlèen idi, tapi kennah i bekkas merkedekoen ngo ipangan kalak idi i, kerna mbadia kaloen ngo pèlèen idi.
7Mi pèlèen pengampunen dosa dekket pèlèen gancih kerogien, dos ngo hatorenna, imo: Jukut pinakan sinipèlèken, imo sulang imam simemèlèken. 8Bebak pinakan i pè imam ngo sidasa. 9Karina pèlèen hantaren sinitutung ibas penutungen barang iroroh ibas saruam barang ipanggang, imo gabè sulang imam simemèlèken. 10Tapi ukum pèlèen hantaren siso itasak sinicampur dekket minak barang pè tah ngkerrah, karinana idi bai imam imam pinempar si Aron, janah kennah merbagi dos kalak i.
Pèlèen perdamèen
11Bagèen ngo hatoren tersèngèt pèlèen perdamèen sipèlèenken bai Jahowa. 12Mula pèlèen lako mendokken lias atè ngo pèlèen idi kennah ipèlèken ma mo roti siso meragi. Ndorok ngo ngkapal-ngkapal roti idi sienggo icampur nditak dekket minak zaitun, ndorok ma ngo roti i menipis janah ngkerrah sinidalis dekket minak, barang kuè nditak sinibahan merminak zaitun. 13Laènkenna i kennah ma ngo ipèlèken roti sinibahan merdengan ragi. 14Ibas gennep bagè roti idi nai kennah ipèlèken ngo dèba bai Jahowa, janah idi mo bagian imam simemuat daroh pinakan i dekket simemispisken mi langgaten idi mahan pèlèen perdamèen. 15Jukutna kennah ipangan ngo ibas arinkenna pinakan i ipèlèken, situk poda ndorok itadingken mi sibarembenkenna.
16Mula lot sada kalak merembah pèlèen perdamèen lako pesautken niatna, barang pèlèen sitergerrek iukurna nai, oda pella perlu ipangan karina ibas sidarinkenna i. Silebbihna ndorok ngo ipangan sibarembenkenna. 17Mula soh mi ari petelluken tong dèng lot iba, kennah ilekkup ngo gulè i kerri. 18Tapi mula i ari petelluken ipangan dèng jukut idi, oda ngo ijalo pèlèen idi janah oda lot merembahken pasu-pasu bai kalak i, balikna gabè haram mo. Mersalah ngo sikipangan idi janah kennah mo igongken akibatna.
19Jukut sienggo dais mi barang kadè sienggo samur kennah ilekkup kerri janah oda ndorok ipangan.
Jukut pèlèen perdamèen pellin kalak siso samur ngo kessa ndorok kipangan. 20Mula lot kalak ipangan jukut idi keppèken tupung samur ia, oda nè ètongen ia bangsa Dèbata. 21Mula lot sada kalak kipangan jukut pèlèen idi kessa enggo lebbèen menjamah barang kadè si samur, ia tah pè idi bai jelma nai barang pè bai pinakan nai, ia pè oda nè ètongen bangsa Dèbata.
22Iberrèken Jahowa mo bai si Musa hatoren-hatoren ènda 23lako bai bangsa Israel. Pessoh lembu, biri-biri barang pè kambing oda ndorok ipangan. 24Pessoh pinakan matè bagi barang kumerna ijerngem binatang sinirambah, oda ndorok ipangan tapi ndorok ipakkè mi keperluen sidèban. 25Kalak sikipangan pessoh pinakan sindorok ipèlèken mahan pèlèen pangaen bai Dèbata, oda nè ètongen bangsa Dèbata. 26#1 Ms. 9:4; 3 Ms. 17:10-14, 19:26; 5 Ms. 12:16, 23, 15:23 Ukum kalak Israel, barang idikè sambing pè ia merian, oda ndorok ipangan daroh manuk-manuk barang pè daroh binatang sidèbanna. 27Barang isè mengelausi hatoren idi oda nè ètongen ia bangsa Dèbata.
28Iberrèken Jahowa mo bai si Musa hatoren-hatoren ènda, 29lako bai bangsa Israel. Barang isè merembah pèlèen perdamèen, kennah ipejaè mo dèba mahan pèlèen merkedekoen bai Jahowa. 30Kennah ia sendiri ngo merembah pèlèen sipanganen idi. Pessoh dekket dada pinakan i kennah ipèlèken sikira pèlèen hadeppen bai Jahowa. 31Kennah itutung imam ngo pessoh pinakan i i babo langgaten, tapi ukum dadana i jambar imam ngo i. 32Paha kamuhunna kennah iberrèken mahan pemèrèken merkedekoen 33bai imam simemèlèken daroh dekket pessoh pèlèen perdamèen idi. 34Dada dekket paha kamuhun imo pemerèken merkedekoen ibuat Jahowa ipas pèlèen hadeppen bangsa Israel janah iberrèken bai imam soh mi amman sumendah. 35Ibas pangan sinipèlèken bai Jahowa nai, i sidi nai ma mo iberrèken bai si Aron dekket bai dukak-dukakna i arinkenna kalak i ipebangkit gabè imam. 36Tikan i arinkenna i idokken Jahowa mo bai bangsa Israel asa ibas pèlèen kalak idi nai, idi ma mo jambar bai imam. Hatoren idi kennah iuèi bangsa Israel soh mi sidekkah- dekkahna.
37Bagidi mo hatoren-hatoren tersèngèt pèlèen situtungen, pèlèen hantaren, pèlèen pengampunen dosa, pèlèen gancih kerogien, pèlèen pebangkitken dekket pèlèen perdamèen. 38Iberèken Jahowa ngo pati-patiin idi bai si Musa i delleng Sinai tikan ipasulak bangsa Israel memèlèken pèlèen i gurun Sinai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)