3 Musa 18
18
Percampuren siso ndorok
1Idokken Jahowa mo si Musa 2pesakatken bai bangsa Israel hatoren ènda, “Aku ngo Jahowa Dèbatamu. 3Ulang osih kènè ulah-ulah kalak Mesir, bekkas sinung i iani kè, barang pè ulah-ulah kalak i nagerri Kanaan bekkas ndènè Kuarak bagèndari. 4Uèi kènè mo pati-patiinKu janah ulaken mo barang kadè siKuperèntahken. Aku ngo Jahowa Dèbatamu. 5#Neh. 9:29; Hes. 18:9, 20:11-13; Luk. 10:28; Rm. 10:5; Gal. 3:12 Uèi mo hatoren-hatoren dekket pati-patiin siKuberèken bai ndènè. Mula iulaken kènè ngo bagidi, njuah-njuah mo kènè. Aku ngo Jahowa.”
6Iberèken Jahowa mo hatoren-hatoren ènda. Ulang kènè mercampur dekket sada kalak pè ibas sincelketmu nai. 7Ulang mercampur dekket inangmu, sinibages bapamu, kumerna hak bapamu ngo ia. 8#3 Ms. 20:11; 5 Ms. 22:30, 27:20 Ulang lèai bapamu merkitè mercampur dekket sada kalak sinibagesna sidèban. 9#3 Ms. 20:17; 5 Ms. 27:22 Ulang mercampur dekket turangmu, barang pè dekket turangmu sinama tah pè kè rebbak ipebelgah-belgah i sada bages barang pè ipebelgah-belgah pejaè-jaè bages. 10Ulang ko mercampur dekket kempumu, mengkerohken kememèla ngo idi taba dirimu sendiri. 11Ulang ko mercampur dekket turangmu jaè inang tapi sada bapa barang pè jaè bapa tapi sada inang, kumerna turangmu ngo tong idi. 12-13#3 Ms. 20:19-20 Ulang mercampur ko dekket namberrumu barang pè nangudamu. 14Ulang mercampur dekket sinibages kaka-anggi bapamu, kumerna partuamu ngo tong idi. 15#3 Ms. 20:12 Ulang mercampur dekket purmaènmu barang sinibages kaka olimu. 16-17#3 Ms. 20:21 Ulang ko mercampur dekket dukak barang pè kempu sada kalak daberru sienggo pernah ko mercampur dekketsa. Tah bakunè sincelketmu ngo kalak i, janah siso puna-puna ngo bagi.#3 Ms. 20:14; 5 Ms. 27:23 18Ulang mo ko kabin dekket kaka-anggi sinibagesmu sidekkah nggelluh dèng sinibagesmu idi.
19 #
3 Ms. 20:18
Ulang mercampur dekket sada kalak daberru sidekkah roh pantangen olesna, kumerna tupung melamun ngono ia. 20#3 Ms. 20:10 Ulang mercampur dekket sinibages ni dèba kumerna gabè melamun ngo kono ibakin ulah-ulah sibagidi. 21#3 Ms. 20:1-5 Ulang berèken sada kalak pè ibas dukakmu nai lako pèlènken ipas pemèlèen Molokh, kumarna mengelèai gerar Jahowa, Dèbatamu ngo perulaen sibagidi. 22#3 Ms. 20:13 Oda ndorok anak laki mercampur dekket anak laki; nggogo ngo atè Jahowa midah ulah-ulah sibagidi. 23#2 Ms. 22:19; 3 Ms. 20:15-16; 5 Ms. 27:21 Anak laki barang pè daberru, sandok oda ndorok mercampur dekket pinakan; gabè samur ngo kènè kumernaken ulah-ulah jahat sibagidi.
24Ulang lamuni dirimu merkitè ulah-ulah sibagidi, kumerna merkitè ulah-ulah sibagidi ngo bangsa-bangsa simerian i Kanaan sinderrang oda dèng kènè, mengelamuni diri kalak i. Kumerna i ngo ipelaus Jahowa kalak i asa ndorok kènè mengiani nagerri idi. 25-27Enggo iulaken kalak idi karinana ulah-ulah simeronah idi, gabè melamun dekket tanoh kalak i. Gabè ihukum Jahowa mo kalak i janah oda nèngè iduè kalak i merian i sidi. Tapi ukum kènè oda ndorok mengulaken ulah-ulah sibagidi. Kènè karina, kalak Israel dekket kalak sidèban simerian rebbak dekket kènè, kennah menguèi hatoren dekket perèntah Jahowa, 28asa ulang ihukum kènè janah ipelaus i tanoh i nai bagè kalak siso menandai Jahowa, simerian i sidi, sinderrang oda dèng kènè. 29Ibettoh kènè ngo barang isè mengulaken ulah-ulah simeronah i oda nè iètong masuk bilangen bangsa Dèbata.
30Nai idokken Jahowa mo, “Uèi mo hatoren-hatoren sienggo Kuberèken janah ulang mo mengosih perulaen kalak simengiani tanoh Kanaan, ilebbènken ndènè. Ulang mo ilamuni ko dirimu sendiri merkitè mengulaken ulah-ulah sibagidi. Aku ngo Jahowa Dèbatamu.”
Currently Selected:
3 Musa 18: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 18
18
Percampuren siso ndorok
1Idokken Jahowa mo si Musa 2pesakatken bai bangsa Israel hatoren ènda, “Aku ngo Jahowa Dèbatamu. 3Ulang osih kènè ulah-ulah kalak Mesir, bekkas sinung i iani kè, barang pè ulah-ulah kalak i nagerri Kanaan bekkas ndènè Kuarak bagèndari. 4Uèi kènè mo pati-patiinKu janah ulaken mo barang kadè siKuperèntahken. Aku ngo Jahowa Dèbatamu. 5#Neh. 9:29; Hes. 18:9, 20:11-13; Luk. 10:28; Rm. 10:5; Gal. 3:12 Uèi mo hatoren-hatoren dekket pati-patiin siKuberèken bai ndènè. Mula iulaken kènè ngo bagidi, njuah-njuah mo kènè. Aku ngo Jahowa.”
6Iberèken Jahowa mo hatoren-hatoren ènda. Ulang kènè mercampur dekket sada kalak pè ibas sincelketmu nai. 7Ulang mercampur dekket inangmu, sinibages bapamu, kumerna hak bapamu ngo ia. 8#3 Ms. 20:11; 5 Ms. 22:30, 27:20 Ulang lèai bapamu merkitè mercampur dekket sada kalak sinibagesna sidèban. 9#3 Ms. 20:17; 5 Ms. 27:22 Ulang mercampur dekket turangmu, barang pè dekket turangmu sinama tah pè kè rebbak ipebelgah-belgah i sada bages barang pè ipebelgah-belgah pejaè-jaè bages. 10Ulang ko mercampur dekket kempumu, mengkerohken kememèla ngo idi taba dirimu sendiri. 11Ulang ko mercampur dekket turangmu jaè inang tapi sada bapa barang pè jaè bapa tapi sada inang, kumerna turangmu ngo tong idi. 12-13#3 Ms. 20:19-20 Ulang mercampur ko dekket namberrumu barang pè nangudamu. 14Ulang mercampur dekket sinibages kaka-anggi bapamu, kumerna partuamu ngo tong idi. 15#3 Ms. 20:12 Ulang mercampur dekket purmaènmu barang sinibages kaka olimu. 16-17#3 Ms. 20:21 Ulang ko mercampur dekket dukak barang pè kempu sada kalak daberru sienggo pernah ko mercampur dekketsa. Tah bakunè sincelketmu ngo kalak i, janah siso puna-puna ngo bagi.#3 Ms. 20:14; 5 Ms. 27:23 18Ulang mo ko kabin dekket kaka-anggi sinibagesmu sidekkah nggelluh dèng sinibagesmu idi.
19 #
3 Ms. 20:18
Ulang mercampur dekket sada kalak daberru sidekkah roh pantangen olesna, kumerna tupung melamun ngono ia. 20#3 Ms. 20:10 Ulang mercampur dekket sinibages ni dèba kumerna gabè melamun ngo kono ibakin ulah-ulah sibagidi. 21#3 Ms. 20:1-5 Ulang berèken sada kalak pè ibas dukakmu nai lako pèlènken ipas pemèlèen Molokh, kumarna mengelèai gerar Jahowa, Dèbatamu ngo perulaen sibagidi. 22#3 Ms. 20:13 Oda ndorok anak laki mercampur dekket anak laki; nggogo ngo atè Jahowa midah ulah-ulah sibagidi. 23#2 Ms. 22:19; 3 Ms. 20:15-16; 5 Ms. 27:21 Anak laki barang pè daberru, sandok oda ndorok mercampur dekket pinakan; gabè samur ngo kènè kumernaken ulah-ulah jahat sibagidi.
24Ulang lamuni dirimu merkitè ulah-ulah sibagidi, kumerna merkitè ulah-ulah sibagidi ngo bangsa-bangsa simerian i Kanaan sinderrang oda dèng kènè, mengelamuni diri kalak i. Kumerna i ngo ipelaus Jahowa kalak i asa ndorok kènè mengiani nagerri idi. 25-27Enggo iulaken kalak idi karinana ulah-ulah simeronah idi, gabè melamun dekket tanoh kalak i. Gabè ihukum Jahowa mo kalak i janah oda nèngè iduè kalak i merian i sidi. Tapi ukum kènè oda ndorok mengulaken ulah-ulah sibagidi. Kènè karina, kalak Israel dekket kalak sidèban simerian rebbak dekket kènè, kennah menguèi hatoren dekket perèntah Jahowa, 28asa ulang ihukum kènè janah ipelaus i tanoh i nai bagè kalak siso menandai Jahowa, simerian i sidi, sinderrang oda dèng kènè. 29Ibettoh kènè ngo barang isè mengulaken ulah-ulah simeronah i oda nè iètong masuk bilangen bangsa Dèbata.
30Nai idokken Jahowa mo, “Uèi mo hatoren-hatoren sienggo Kuberèken janah ulang mo mengosih perulaen kalak simengiani tanoh Kanaan, ilebbènken ndènè. Ulang mo ilamuni ko dirimu sendiri merkitè mengulaken ulah-ulah sibagidi. Aku ngo Jahowa Dèbatamu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)