3 Musa 11
11
Pinakan halal dekket haram
(5 Ms. 14:3-21)
1Iberèken Jahowa mo hatoren-hatoren ènda bai si Musa dekket si Aron 2-3lako bai bangsa Israel. Karina binatang singgelluh i darat sigagat dukut bak merbituka ulak-ulak janah bellah dua cikilina, halal ngo i janah ndorok ipangan. 4-6Ulang pangan unta, pelanduk barang kelinci. Haram ngo pinakan idi kumerna tukasi pè merbituka ulak-ulak, tapi oda bellah dua cikilina. 7Ulang pangan babi. Haram ngo pinakan idi, kerna tukasi pè bellah dua cikilina, oda ngo ia merbituka ulak-ulak. 8Oda ndorok pangaen jukutna janah bangkèna pè oda ndorok idegges kumerna haram ngo pinakan i.
9Ndorok ngo ipangan kènè karina matcam bagè ikan simerkapi-kapi bak simersisik. 10-12Binatang singgelluh ibagasen laè tapi oda merkapi-kapi janah oda ma mersisik haram ngo i, jadi oda ndorok ipangan, janah bangkèna pè oda ndorok idegges.
13-19En mo manuk-manuk siso ndorok panganen kumerna samur, imo manuk-manuk rajawali, lengkupa, karina matcam bagè keliki, sibongkel, kak, manuk-manuk unta, kincir laè, soridi dekket karina matcam bagè sibarung, baung, manuk-manuk kalompinis dekket rengkaber.
20Karina simenjoror simerkabeng haram ngo i, 21laèn mo mula ndorok mangkat. 22Jadi ukum balang, kirik dekket balang meratah ndorok ngo panganen. 23Tapi karina simenjoror janah simerkabeng sidèbanna i haram ngo i.
24-28Gabè samur ngo sada kalak soh sundut mataniari mula terjamahsa bangkè binatang ènda, imo: pinakan simersisèlu, laènken mula bellah dua sisèluna janah merbituka ulak-ulak, dekket pinakan simernèhè empat janah lot pengeraokna. Barang isè merembah bangkè pinakan sibagidi kennah itaptapi olesna, tapi tong dèng ngo samur ia soh mi sundut mataniari.
29-30Menci tanoh, cikah, mutmut, kèlang, karina matcam bagè tekkuk, wiskir, robar, bengkarung, cih dekket uruk haram ngo i. 31Barang isè menjamah binatang i barang pè bangkèna, gabè samur mo ia soh sundut mataniari. 32Mula ndabuh bangkè binatang i mi babo barang kadè, gabè samur mo barang idi. Bagidi ngo merlakku mi karinana matcam bagè barang kayu, gedda, bebak barang pè kaèn goni, janah oda lot kalihna barang mahan kadè pè idi ipergunaken. Kennah iremmè ngo barang i mi bagasen laè, tapi tong dèng ngo samur soh mi sundut mataniari. 33Mula ndabuh binatang idi mi saruam tanoh, gabè samur mo karina silot ibagasen saruam idi, janah kennah ipustakken mo saruam idi. 34Pa- ngaen si kenna laè saruam i pè gabè samur ngo, bagi ma samur ngo dekket ènumen silot ibas saruam i. 35Barang kadè sambing itinggang bangkè idi gabè samur ngo. Koden barang ketaring sikenna bangkè idi kennah ipustakken kerna enggo ngo samur idi. 36Laèn mo ukum mata mul barang pè telaga, tapi karina sidèbanna i gabè samur ngo mula dais bangkè i. 37Mula ndabuh bangkè i serrang bennih sinaing suanenken, tong ngo mbersih bennih i. 38Tapi mula tupung sidang iremmè ngo bennih i ibagasen laè nai gabè itinggang bangkè, gabè samur ngo bennih i.
39Barang isè menjamah bangkè binatang halal, gabè samur ngo ia soh sundut mataniari. 40Kalak simerembah barang kipangan bangkè idi kennah itaptapi ngo pakèenna, tapi ukum ia tong ngo samur soh sundut mataniari.
41-42Karina binatang simenggormit i babo tanoh, tah pè i simenjoror, simernènèh empat barang pè simernènèh mbuè, haram ngo i janah oda ndorok panganen. 43Ulang mo ramuni dirimu merkitè kipangan binatang sibagidi. 44#3 Ms. 19:2; 1 Ptr. 1:16 Aku ngo Jahowa Dèbatamu, kumerna i jagaken mo asa tong kènè badia, kerna simbadia ngo Aku. 45Aku ngo Jahowa simerembah kènè mbungkas i Mesir nai, asa ndorok Aku gabè Dèbata ndènè. Naing mo nemmu mbadia kènè kerna mbadia ngo Aku.
46Imo hatoren tersèngèt binatang, termasuk manuk-manuk, binatang singgelluh ibagasen laè, dekket simenggormit i babo tanoh. 47Kennah ndorok ngo kènè membijaken simbersih dekket simelamun, binatang sindorok ipangan dekket binatang siso ndorok ipangan.
Currently Selected:
3 Musa 11: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 11
11
Pinakan halal dekket haram
(5 Ms. 14:3-21)
1Iberèken Jahowa mo hatoren-hatoren ènda bai si Musa dekket si Aron 2-3lako bai bangsa Israel. Karina binatang singgelluh i darat sigagat dukut bak merbituka ulak-ulak janah bellah dua cikilina, halal ngo i janah ndorok ipangan. 4-6Ulang pangan unta, pelanduk barang kelinci. Haram ngo pinakan idi kumerna tukasi pè merbituka ulak-ulak, tapi oda bellah dua cikilina. 7Ulang pangan babi. Haram ngo pinakan idi, kerna tukasi pè bellah dua cikilina, oda ngo ia merbituka ulak-ulak. 8Oda ndorok pangaen jukutna janah bangkèna pè oda ndorok idegges kumerna haram ngo pinakan i.
9Ndorok ngo ipangan kènè karina matcam bagè ikan simerkapi-kapi bak simersisik. 10-12Binatang singgelluh ibagasen laè tapi oda merkapi-kapi janah oda ma mersisik haram ngo i, jadi oda ndorok ipangan, janah bangkèna pè oda ndorok idegges.
13-19En mo manuk-manuk siso ndorok panganen kumerna samur, imo manuk-manuk rajawali, lengkupa, karina matcam bagè keliki, sibongkel, kak, manuk-manuk unta, kincir laè, soridi dekket karina matcam bagè sibarung, baung, manuk-manuk kalompinis dekket rengkaber.
20Karina simenjoror simerkabeng haram ngo i, 21laèn mo mula ndorok mangkat. 22Jadi ukum balang, kirik dekket balang meratah ndorok ngo panganen. 23Tapi karina simenjoror janah simerkabeng sidèbanna i haram ngo i.
24-28Gabè samur ngo sada kalak soh sundut mataniari mula terjamahsa bangkè binatang ènda, imo: pinakan simersisèlu, laènken mula bellah dua sisèluna janah merbituka ulak-ulak, dekket pinakan simernèhè empat janah lot pengeraokna. Barang isè merembah bangkè pinakan sibagidi kennah itaptapi olesna, tapi tong dèng ngo samur ia soh mi sundut mataniari.
29-30Menci tanoh, cikah, mutmut, kèlang, karina matcam bagè tekkuk, wiskir, robar, bengkarung, cih dekket uruk haram ngo i. 31Barang isè menjamah binatang i barang pè bangkèna, gabè samur mo ia soh sundut mataniari. 32Mula ndabuh bangkè binatang i mi babo barang kadè, gabè samur mo barang idi. Bagidi ngo merlakku mi karinana matcam bagè barang kayu, gedda, bebak barang pè kaèn goni, janah oda lot kalihna barang mahan kadè pè idi ipergunaken. Kennah iremmè ngo barang i mi bagasen laè, tapi tong dèng ngo samur soh mi sundut mataniari. 33Mula ndabuh binatang idi mi saruam tanoh, gabè samur mo karina silot ibagasen saruam idi, janah kennah ipustakken mo saruam idi. 34Pa- ngaen si kenna laè saruam i pè gabè samur ngo, bagi ma samur ngo dekket ènumen silot ibas saruam i. 35Barang kadè sambing itinggang bangkè idi gabè samur ngo. Koden barang ketaring sikenna bangkè idi kennah ipustakken kerna enggo ngo samur idi. 36Laèn mo ukum mata mul barang pè telaga, tapi karina sidèbanna i gabè samur ngo mula dais bangkè i. 37Mula ndabuh bangkè i serrang bennih sinaing suanenken, tong ngo mbersih bennih i. 38Tapi mula tupung sidang iremmè ngo bennih i ibagasen laè nai gabè itinggang bangkè, gabè samur ngo bennih i.
39Barang isè menjamah bangkè binatang halal, gabè samur ngo ia soh sundut mataniari. 40Kalak simerembah barang kipangan bangkè idi kennah itaptapi ngo pakèenna, tapi ukum ia tong ngo samur soh sundut mataniari.
41-42Karina binatang simenggormit i babo tanoh, tah pè i simenjoror, simernènèh empat barang pè simernènèh mbuè, haram ngo i janah oda ndorok panganen. 43Ulang mo ramuni dirimu merkitè kipangan binatang sibagidi. 44#3 Ms. 19:2; 1 Ptr. 1:16 Aku ngo Jahowa Dèbatamu, kumerna i jagaken mo asa tong kènè badia, kerna simbadia ngo Aku. 45Aku ngo Jahowa simerembah kènè mbungkas i Mesir nai, asa ndorok Aku gabè Dèbata ndènè. Naing mo nemmu mbadia kènè kerna mbadia ngo Aku.
46Imo hatoren tersèngèt binatang, termasuk manuk-manuk, binatang singgelluh ibagasen laè, dekket simenggormit i babo tanoh. 47Kennah ndorok ngo kènè membijaken simbersih dekket simelamun, binatang sindorok ipangan dekket binatang siso ndorok ipangan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)